هوه احنا مش طايقين بعض كده ليه ؟ !!!!

[MaZaGAngeE]

من بعد الثورة و كل الناس بقى عندها الحرية انها تتكلم , تتظاهر , تعتصم ... و تقفل المجمع كمان .... كل واحد و دماغه و كل شلة تنقيلها رئيس جمهورية لحد ما قربوا المرشحين ( حتى قبل ما يعرفوا قوانين الترشيح ) يبقى عددهم بعدد الناخبين و بقى شعار المرحلة رئيس لكل مصري ............

كل ده زي الفل و معنديش مشاكل معاه ... كله و مزاجه ... كمان عشان احنا في مرحلة الفوران اللي بعد الثورة و الناس كانت مكبوتة 60 سنة و مصدقوا يتكلموا و يتحركوا براحتهم ....

و لكن ::::::::::::::::
المشكلة فين بقى !!!!!!
بقى أسلوبنا في التعامل مع بعض " من ليس معي فهو ضدي " زي المعلم بوش بالظبط ( لو فاكرينه و فاكرين المناسبة بتاعة الجملة دي )
اديني عقلك كده ثواني :::: لو انا و انت رأينا واحد يبقى الانتخابات لازمتها ايه ؟ طيب الاحزاب دي كلها مين هيشترك فيها لو انا و انت نفس الرأي و الاتجاه السياسي ؟ طيب مين هيصلي في الجامع و مين هيروح الكنيسة لو أنا و انت لينا نفس الدين ؟ طيب مين اللي مش هيصلي ؟
لو أنا و انت إخوان مين هيبقى مسيحي ؟ سلفي ؟ علماني ؟ ليبرالي ؟ اشتراكي ؟ ناصري ؟
لو أنا و انت وافقنا على الاستفتاء مين هيقول لأ ؟

سؤال و ياريت كل واحد فيكم يرد بصراحة ( بينه و بين نفسه مش عايزين فضايح ) خسرت كام واحد صاحبك بسبب حالة الفوران السياسي في مصر بعد الثورة ؟

يا ناس الثورة هدفها انها تخلي مصر تتحول من مجتمع الرأي الواحد الديكتاتوري الى مجتمع مفتوح لكل الآراء .
ايه المشكلة لما انت تكون شيوعي و صاحبك سلفي و لا اخوان ( و على فكرة ده موجود و حاصل فعلا و دور على كتاب حوار مع الشيوعيين ) ....
ليه مش قادرين نستحمل بعض !!!!!!!!!!!!

عارفين بالطريقة دي هتخلوا الكلام اللي قاله أبوالغيط و نظيف عن مصر شعبها غير ناضج و لا يتحمل الحياة الديموقراطية .........ماتخلوش الحرامية تشمت فينا يا ناااااااااااااااااااس

[misoalex]

سؤال و ياريت كل واحد فيكم يرد بصراحة ( بينه و بين نفسه مش عايزين فضايح ) خسرت كام واحد صاحبك بسبب حالة الفوران السياسي في مصر بعد الثورة ؟

بص مدام قولت صاحب فالمرأ على دين خليله
مفيش صاحب انت بتعتبره صاحب وحيبقى دماغه غير دماغك


والا يبقى هو مش صاحب بمعنى كلمه صاحب او انت مش بتعرف تنقى اصحابك (لا اقصد بكلمه انت صاحب الموضوع )

اصلى مش حقعد مع واحد صاحبى اوى اوى اوى بمعنى صاحب وحقوله مبارك وحش يقوللى لا مبارك ده ابويا !!!!!!!




اما باقى الكلام ف أنا معاك فيه بصراحه فيه ناس مزودينها اوى اوى اوى وميعرفوش يعنى ايه الرأى والرأى الاخر
ولذلك انا سعات بفتح قنوات التلفزيون المصرى عشان اشوف رأيهم ى اللى بيحصل يمكن احنا غلط

بس هى المشكله ان اغلب اللى بيقولك انت مبتحترمش الرأى الاخر هو نفسه مش محترم رأيك والا مكانش قالك كده وتقبل كلامك بصدر رحب مش على اساس انه هجوم

[MaZaGAngeE]

انا مش قصدي على الصاحب اللي هوه الأمنتيم .... أقصد الصاحب اللي هوه زميل عمل ,,, جار ,,, قريب .... و زي كده .
لكن الصديق ده لازم هتكون دماغك زي دماغه و هواكم على هوا بعض .

[MOUSTAFA_SAAD]

معاك حق فى كلامك
وضيف على كده الاتهام بالانحراف والتخوين
لمجرد انك اتعاملت مع حد فى مجال معين ومكنشى شريف يبقى خلاص الكل سواسيه كلهم خونه وحراميه

[م.احمد زكريا]

معاك حق في كل كلمة

بس للأسف اكتشفت ان احنا عندنا عصبية وقبلية ولكن بدون قبائل

[زهير فكري]

معاك حق في كل كلمة

بس للأسف اكتشفت ان احنا عندنا عصبية وقبلية ولكن بدون قبائل

احييك

[dr.amr]

بقينا واحد من اسوء شعوب الارض

[aly_hosny]

ولا واحد
واحد من اعز صحابي راييه ان الثورة دي عاملها شباب سيس كانو فاضيين و مش لاقيين حاجة يعملوها
كل يوم نتجادل و نشتم في بعض بس في الاخر احنا اصحاب يعني بعد دا كله بنمسك في واحد صحبي تاني عشان زملكاوي
انما اخسره عشان رايه مش زي رايي !!! مكنش هيبقى عندي اصحاب اصلا

[horas3000]

بص يا زعيم
من الاخر كده
انا كل ما بشوف، اسمع، اقرا حاجه عن الثوره و البلد و اللي بيحصل فيها بفتكر البيت ده

إنما الأمم الأخلاق ما بقيت... فإن هم ذهبت أخلاقهم ذهبوا

و مصر (و العالم كله بصراحه) في الفتره اللي فاتت من سيئ الي اسوء في موضوع الاخلاق ده
و اللي بيحصل ده نتيجه طبيعيه للانحطاط ده للاسف

فاحنا بجد محتاجين ثوره علي نفسنا
محتاجين نسموا باخلاقنا و تصرفاتنا و الاهم من ده اننا نخلي مصلحه البلد اولي من مصالحنا الشخصيه
و لو وصلنا لده صدقني اكتر من نص مشاكل البلد هتتحل لوحدها و بالامكانيات الموجوده

[nouranwar]

صحبي و صديقي الانتيم جدا مختلف معايا تماما و في الاستفتاء وقفنا علي ترابيزة واحدة هو قال نعم و انا قلت لأ
هو بيحب مبارك و غير مؤيد لبعض افعال شباب الثورة و انا مؤيد تماما لكثير من افعال شباب الثورة
اختلافنا في المواضيع الحديثة ديه كتير قوي و بنعد نتريق علي بعض بس طبعا في سبيل الضحك و التغيير و نشوف رأي بعض و لو قدرنا نقنع بعض زي الفل غير كده احنا صحاب و مش مبارك هو اللي هيفرقنا :)

[otefa]

بص يا زعيم
من الاخر كده
انا كل ما بشوف، اسمع، اقرا حاجه عن الثوره و البلد و اللي بيحصل فيها بفتكر البيت ده

إنما الأمم الأخلاق ما بقيت... فإن هم ذهبت أخلاقهم ذهبوا

و مصر (و العالم كله بصراحه) في الفتره اللي فاتت من سيئ الي اسوء في موضوع الاخلاق ده
و اللي بيحصل ده نتيجه طبيعيه للانحطاط ده للاسف

فاحنا بجد محتاجين ثوره علي نفسنا
محتاجين نسموا باخلاقنا و تصرفاتنا و الاهم من ده اننا نخلي مصلحه البلد اولي من مصالحنا الشخصيه
و لو وصلنا لده صدقني اكتر من نص مشاكل البلد هتتحل لوحدها و بالامكانيات الموجوده