اعمل ايه موبايلي اتسرق الحقونى؟؟؟

[iwantes350]

السلامعليكم ورحمة الله وبركاته
ازيكم يا شباب عاملين ايه
النهاردة تلفونى اترسرق ونوعه 5800 ولسه جايبه من شهر 4 اللى فات
دلوقتى اعمل ايه عشان اجيبه
هل لو رحت نوكيا كير هيعملو حاجة ولو رحت فودافون مع العلم انه فيه جي بي اس
ارجوكم يا جماعة
يارب ميجبلكمش حاجة وحشة

[tananybasha]

ربنا يعوض عليك
انسى محدشى هيعمل حاجة الا باذن نيابه

[iwantes350]

يعنى مفيش اى امل
حرام بجد اكتر من مرة يتسرق محمول

[GMC]

ربنا يعوض عليك
بس اعمل الي عليك بردوا واعمل محضر الاول وروح بيه على فودافون ونوكيا

[magyver]

انشاء الله تلاقية

[iwantes350]

متشكر ليكو يا جماعة
ان شاء الله ؤايح اعمل محضر الساعة 11 وبعدها هروح على نوكيا
بس هل عشان المحضر اقول ايه
يعنى هو اتسرق منى امبارح الساعة 11 بالليل يعنى مكملش 24 ساعة هل اقولهم اتسرق الساعة 1 باليل عشان ميغلسوش معاى
وهل هيبقي فى تريقة والكلام ده ولا خلاص لانى عمرى مدخلت مركز للشرطة الحمد لله

[medododo]

ياسيدي هو عيل تايه
مش لازم يكون عدى 24 ساعة
24 ساعة دي للأفراد المتغيبين لأنه ممكن يروح البيت إنما الموبيل هيروح ازاي
الله يصبرك ويردلك موبيلك يارب

[kar!m]

بص حاول متبينش انه اتسرق نتسجة اهمال منك .. يعنى حاول تبين ان فى حد حط ايده فى جيبك أو ما شابه .. عشان فى الحاله الاولانية لا حياة لمن تنادى.

[iwantes350]

السلام عليكم مرة تانى
الحمد لله انا نزلت رحت نوكيا قالولى اعمل محضر
فعلا رحت بس اقبلها وبفضل الله اختى كانت خايفة تروح معايا جوة وخافت على عشان احنا عمرنا مدخلنا اماكن زى دى الحمد لله
اتصلت بخطيبها وقلها اوعى تروحى لوحدك كلم واحد من اصحابه وهو نقيب شرطة واتعرف على ورحت هناك وعملت المحضر
واضطريت انى اقول الحقيقة وبلاش السرقة بالاكراه دى هو قالى اقول اللى حصل بالظبط وهو هيظبط الحوار
دخلت وحكيت على اللى حصل بالتفصيل وادانى ورقة فيها رقم المحضر والتاريخ
وربنا يستر ويحنن قلوب عباده علينا كلنا
وبيني وبينككم انا حاسس اللى حصل ده من عند ربنا عشان انا بعيد عنه شويتين وربنا يهدي
ونشوف موضوع التتبع انا كان نفسي اعمل الحوار ده من غير ما اعتمد على حد بس كلهم حذرونى وقالولى عايز تلفونك لازم واسطة واضطريت انى اكلم قرايبي اللى فى الشرطة
((ال5800 عزيز قوى على عشان اول موبايل ليا وكمان مكملش 3 اشهر ))
ادعولى بجد
واسف على الاطالة

[JapRuleZ]

انا زيك بالظبط موبايلى اتسرق و كان 5800
انا هقصر عليك الطريق عشان متتعبش زيى
المحضر ثم النيابة لاحضار اذن تتبع الى فودافون
مش حيحصل الا هتتعب جامد منغير واسطة مش ساهلة خالص
لأن فى ظل الانفلات الامنى و الضياع اللى احنا فيه سرقة الموبيلات مش على بالهم اصلا
عل عموم استعوض ربنا فيه و لعله خير ده قضاء ربنا
صدقنى ال nokia عذاب خش عل android عدل و ادعيلى
ده اختصار رحلة معاناة شهر فى الموضوع ده

[islamabady1980]

متابع

[mk3]

متابع

يا اخى ارحمونا بقى متابع ايه واخر رد من 2011