نموذج ثوار البالون -تورة ثواة ياعنى

[misoalex]

طيب تمام الفيديو اللى انت حطيته يا استاز وائل وضح ان و الواد بيجرى كان فى ايده حاجه ورماها

يعنى هو رمى الحاجه اللى اخدها
واخد كذا ضربه من الظابط بالبتاعه اللى فى ايده دى

الظابط بقى كمل ودخل وسط الناس ومصمم يضربه عشان يموته

تخيل انت موقف الناس حيبقى ايه ؟؟؟؟؟؟؟؟؟؟؟؟؟

اكيد اكيد حتشوف المنظر ده حتنزل ضرب فى الظابط بدون تفاهم

وبعدين تكسير فى عضم الجمجمه رغم الخوزه اللى هو لابسها دى مش غريبه شويه
ولا هو اللى بيضربو قلعوه الخوزه والهدوم عشان يضربوه

وبعدين انا لا اثق فى كلمه بيقولها التلفزيون المصرى بتاتا

ياراجل عاوز تعرف التلفزيون المصرى اتفرج على ايام المليونيات وشوف هو بيجيب ايه
ده لحد انهارده بيقولو على اللى فى التحرير عملاء ومعاهم اجندات وكلهم بلطجيه

[wesam_salom]

هو العنوان كده مظبوط ولا منقول كده من صفحه الداخليه واللى كاتبه عسكرى امن مركزى

[wael17]

اكيد اكيد حتشوف المنظر ده حتنزل ضرب فى الظابط بدون تفاهم

هاشوف بلطجي خاطف طبنجة ميري و ظابط بيجري وراه يضربه...أقوم أنزل ضرب في الظابط؟؟؟؟؟؟؟؟؟؟؟؟؟؟؟؟؟؟
و حضرتك بتقول أكيد أكيد كمان؟؟؟؟؟؟؟؟؟؟؟؟؟؟؟؟

يا جماعة انا ساعات لما بادخل اتكلم في المنتدي الاجتماعي بتحسسوني اني بني ادم مش طبيعي
اقف مع بلطجي خاطف طبنجة ظابط و اضرب الظابط؟؟؟؟!!!!!!!!!
هو لازم اعمل كده عشان اتحسب من " الثوار"

[A.Saad]

هو خطف الطبنجة مش جريمة ولا الثوار معفيين من المحاسبة على الجرائم والشرطة بس اللى بتتحاسب

[khaled_sabry]

هاشوف بلطجي خاطف طبنجة ميري و ظابط بيجري وراه يضربه...أقوم أنزل ضرب في الظابط؟؟؟؟؟؟؟؟؟؟؟؟؟؟؟؟؟؟
و حضرتك بتقول أكيد أكيد كمان؟؟؟؟؟؟؟؟؟؟؟؟؟؟؟؟

المشكله فى الشحن السلبى اللى الداخليه شحنتهولنا على مر السنين اللى فاتت
لكن المفروض تعليمنا و ثاقافتنا يخلونا نتجاوز عن الشحن السلبى ده و نقتنع ان دول بيحمونا ... و نعتبر ان اللى بيتعد منهم علينا ان دول الاقليه

[husseinsalah]

هو العنوان كده مظبوط ولا منقول كده من صفحه الداخليه واللى كاتبه عسكرى امن مركزى

ههههههههههههههه

اسف جدا على عنوان الموضوع الكى بورد بتاعى بيهيس جدا وكمان الكمبيوتر عموما لدرجة انى رفعت الموضوع مرتين باسم مختلف وكل مرة بتظهر رسالة من الموقع انه غير قادر على اعتماد الموضوع..... الرجاء من الادارة حزف الموضوع المتكرر

[khaled_sabry]

طيب تمام الفيديو اللى انت حطيته يا استاز وائل وضح ان و الواد بيجرى كان فى ايده حاجه ورماها

يعنى هو رمى الحاجه اللى اخدها
واخد كذا ضربه من الظابط بالبتاعه اللى فى ايده دى

كان باين فى الفيديو انه خطف حاجه من الظابط ليها نفس شكل المسدس .. يبقى المسدس بالتأكيد و لا انتا عاوز الفيديو يبقى مصورلك رقم مسلسل الطبنجه علشان تصدق
و بعد كده مين قال انه رماها ... انا عيدت الفيديو كذا مره هما الاتنين دخلو فى الزحمه و البلطجى لسه فى ايديه الطبنجه و الظابط اصلا ماحصلهوش علشان يضربه كذا ضربه زى ما بتقول ... هو كان رافع العصايه علشان يضربه اول لما يطوله بس هو ماطلهوش اصلا

الظابط بقى كمل ودخل وسط الناس ومصمم يضربه عشان يموته

تخيل انت موقف الناس حيبقى ايه ؟؟؟؟؟؟؟؟؟؟؟؟؟

اكيد اكيد حتشوف المنظر ده حتنزل ضرب فى الظابط بدون تفاهم

وبعدين تكسير فى عضم الجمجمه رغم الخوزه اللى هو لابسها دى مش غريبه شويه
ولا هو اللى بيضربو قلعوه الخوزه والهدوم عشان يضربوه

طبيعي لما الاتنين يدخلو وسط الزحمه مش حيبقى باين الطبنجه المخطوفه و هى فى ايد البلطجى
اذا كنا احنا ياللى شوفنا الفيديو مااخدناش بالنا منها الا لما اتعرضت بالتصوير البطئ
و مع الشحن و الاحداث اللى كانت بتحصل طبيعي ان الثوار يضربو الظابط ده ... لأنهم استحاله يميزو البلطجى ده وسطهم اصلا ... و طبيعي كمان لما يبقى واحده ضد 10 بس انهم يقلعوه اي حاجه بتحميه علشان يعرفو ياخدو راحتهم فى الضرب و بالتالى قلعوه الخوذه ولو كانو كمان عاوزين يقلعوه خالص حيقدرو

وبعدين انا لا اثق فى كلمه بيقولها التلفزيون المصرى بتاتا

المره دى التلفزيون ماقلشى ده بيعرض تسجيل
و مافيش داعى نكابر فى الغلط و بالفعل كان فيه بلطجيه هما اللى اشعلو الاحداث و انساق وراهم بعض الثوار

[wael17]

كان باين فى الفيديو انه خطف حاجه من الظابط ليها نفس شكل المسدس .. يبقى المسدس بالتأكيد و لا انتا عاوز الفيديو يبقى مصورلك رقم مسلسل الطبنجه علشان تصدق
و بعد كده مين قال انه رماها ... انا عيدت الفيديو كذا مره هما الاتنين دخلو فى الزحمه و البلطجى لسه فى ايديه الطبنجه و الظابط اصلا ماحصلهوش علشان يضربه كذا ضربه زى ما بتقول ... هو كان رافع العصايه علشان يضربه اول لما يطوله بس هو ماطلهوش اصلا

يا استاذ خالد اللي مش عايز يشوف حاجة مش هايشوفها حتي لو حطينا مليون فيديو
في الاول ماشفناش البلطجي بيخطف حاجة و بعدين...اه صحيح هو خطفها بس رماها (مع انه ما رمهاش و لو كان رماها كان الظابط وقف عشان يجيبها من الارض) و خلاص بقي خطف الطبنجة مسألة فرعية و الاهم ازاي الظابط ابن التيييييت مصر يضرب الواد الغلبان عشان يموته...مضربهوش لما كان واقف وسط الامن المركزي و قرر يضربه عشان يموته وسط المتظاهرين...و كأن الظابط مختل عقليا

طبيعي لما الاتنين يدخلو وسط الزحمه مش حيبقى باين الطبنجه المخطوفه و هى فى ايد البلطجى

لأ باين و صدقني معظم اللي واقفين عارفين انه خطف الطبنجة من الظابط و برده هايضربوا الظابط لان غالبيتهم من عينة الواد اللي خطف الطبنجة و الدليل ان ماحدش وقفه أو سمعنا صوت حد بيستنكر اللي حصل في الفيديو

و مع الشحن و الاحداث اللى كانت بتحصل طبيعي ان الثوار يضربو الظابط ده ... لأنهم استحاله يميزو البلطجى ده وسطهم اصلا ...

أنا مش مقتنع اننا نبرر الافعال الاجرامية بحجة الشحن ضد الشرطة...يعني لو كان خطف المسدس اثناء الاشتباك كان ممكن الواحد يقول خناقة و كل واحد بيعمل اللي يقدر عليه...لكن الفيديو موضح ان الظابط كان بيتكلم معاهم و بيحاول يتفاهم معاهم...بصراحة حركة واطية و مش عارف ازاي اي حد من الثوار الشرفاء يوافق علي مثل هذه الافعال الاجرامية...يا تري البلطجي اللي خطف الطبنجة هايعمل بها ايه؟ هاتتنقل من واحد لواحد و تتباع و ممكن تقع في ايد مجرم او قاطع طريق يثبت اي واحد فينا و ممكن لا قدر الله تستخدم في قتل ارواح بريئة...المشكلة ساعتها الناس اللي بتبرر موقف البلطجي هايقولوا...فييييييييييين الشرطة!!!!

المره دى التلفزيون ماقلشى ده بيعرض تسجيل

كنت متأكد لما حطيت الفيديو ان في ناس هاتعترض عشان من التلفيزيو ن المصري...ده فيديو مش خبر ...و كأن الفيديو جرافيك و خدع سينمائية.

و مافيش داعى نكابر فى الغلط و بالفعل كان فيه بلطجيه هما اللى اشعلو الاحداث و انساق وراهم بعض الثوار

المشكلة في المكابرة حتي في الغلط....ممكن نختلف في رأينا في الاعتصامات و في المرشحين للانتخابات و في حاجات كتير لكن في حاجات المفروض الناس ما تختلفش عليها...الواحد والله بيزعل لما يلاقي ناس هو متأكد قد ايه هما محترمين و بيحبوا البلد بس المشكلة في المكابرة حتي في الغلط

[تامر.محمد]

+1111111
فعلا المشكلة دلوقتي بقت في الناس اللي عارفة انها غلط بس بتكابر
بس الحمد لله مع الوقت عددهم بيقل و الحقيقة هاتظهر بس واحدة واحدة
من 4 او 5 شهور
حد كان يقدر يقول اي كلمة في صالح الشرطة ؟
حد كان يقدر او يخطر علي باله مجرد ان يتسائل هل كل من قتلوا في الثورة شهداء؟

الحمد لله مع مرور الوقت الحقيقة بتبان و الناس اللي بتكابر بعد شوية هايختفوا....المسألة مسألة وقت مش أكتر

تحياتي

على فكرة انا ما قلتش ان الفيديو مزيف خالص , انا قلت ان بعض الناس بتركز على حاجة معينة و بتكبر دماغها من الباقي , و على فكرة , انا من 4 او 5 شهور كنت باقول كلام في صالح الشرطة و كنت باهاجمها برده الحمد لله

بالمناسبة كمان , فيديو زي ده مش بيقول حاجة تمس مبدأ الواحد في حاجة , بلطجي خطف سلاح من ظابط , و اتقال انه اتمسك و غالبا لبس محاكمة عسكرية و كام سنة سجن حربي

قشطة انا مش متضايق من ده خالص

انا منتظر لما نشوف الاتنين اللي ضربوا ابو يافطة الخطر بكسر الخاء و الطاء لمحاكمة عسكرية هما كمان , و كذلك العسكري ابو سنجة اياه , و الاتنين ظباط ذوات الاصبع اياهم لمحاكمات عسكرية هما كمان .... مش دي العدالة ولا ايه ؟

عادي الشيوعيين اللي زيي يعرفوا يعني ايه عدالة برده


انا بجد حزين اني باتكلم بالطريقة دي

[misoalex]

khaled_sabry

لو انت مقتنع برأيك ده انا برضه مقتنع برأى وكل واحد حر