البرادعي يخون مؤيديه و يتحالف مع الاخوان

[abou_ruqi]

مثل قديم رائع سمعتو مره

لا تجادل الاحمق قد يخطئ الاخرين بينكما
ههههههههههههههههههههههههه

مش شايف ان ده اسقاط قليل الادب على العضو اللي انت مقتبس مشاركته يا عضو يا جديد؟
وبعدين لما هو احمق داخل في موضوعه ليه مش شأيف ان الناس حتخطئ بينكم وحتفتكرك احمق؟

يرجى عدم الهجوم على الاعضاء والقيام بتقرير مشاركة الى الادارة
تم الاكتفاء بالتنبيه الشفوي

مشرف الاجتماعي ب2

[تامر.محمد]

الموضوع ده شكله مصطفى محمود خالص

[wawoo]

الموضوع ده شكله مصطفى محمود خالص

قصدك روكسى ..ما هما نقلوة دلوقتى ...:)

انا مع البرادعى لو تحالف مع الجن الازرق

[otefa]

ياترى رئي ثوارة نجم(جبهة التهييس)
أيه في الموضوع ده؟!

[ahmed2y]

البرادعي و الاخوان كانوا ايد واحده في الجمعية للتغيير من سنة قبل الثورة واستمروا بعد الثورة
مش فاهم ازاي تقول خيانة لمؤيديه انه يذهب للاخوان ؟!
وهل من العدل اصلا انكار التواصل السياسي مع فصيل مهم واساسي من الشعب المصري كالاخوان
البرادعي مرشح لرئاسة كل المصريين ولن يفرق بين احد منهم
واعتقد ان الاخوان في النهاية سيؤيدون الدكتور البرادعي ويدعمونه
ولعلمك هو كمان دعا للانفتاح على السلفيين احسن تتفاجئ بعد كده

كلام مظبوط فعلا وعمر ما موءيدى البرادعى ما كانو ضدد الاخوان المسلمين لانهم محترفى سياسة بمرجع دينى ودة لا يتعارض ولا مع البرادعى ولا مويدية فى شىء

[تامر.محمد]

قصدك روكسى ..ما هما نقلوة دلوقتى ...:)
انا مع البرادعى لو تحالف مع الجن الازرق

همممممممم , مش معاك في السطر التاني بصراحة

ياترى رئي ثوارة نجم(جبهة التهييس)
أيه في الموضوع ده؟! :oc_sun1[1]::e_braces[1]:

ما شفتهاش اتكلمت عليه , و على فكرة نوارة نجم يسارية مش ليبرالية , و بالمناسبة كمان , انا مش باشوفها بتتكلم غير في اللي هي شايفة فيه مصلحة البلد , ما شفتهاش ولا مرة واحدة حتى جريت ورا مصلحة تيار معين

[otefa]

ما شفتهاش اتكلمت عليه , و على فكرة نوارة نجم يسارية مش ليبرالية , و بالمناسبة كمان , انا مش باشوفها بتتكلم غير في اللي هي شايفة فيه مصلحة البلد , ما شفتهاش ولا مرة واحدة حتى جريت ورا مصلحة تيار معين

هي مشكلتها في وجهة نظري مندفعة في تحليلها ورؤيتها
وخطورتها في تأثيرها على محبيها
يعني لو تفتكر كانت مع لا في الأستفتاء
وفجأة قبل الأستفتاء بفترة قليلة قلبت 180 درجة
وشفتلها كام برنامج بتدافع جدا عن نتائج الأستفتاء............طيب ما أحنا من أول يوم أنا وفريق غيري كبير حللنا الموضوع وكنا مع نعم وكان الهجوم علينا رهيب وكان بعض الناس بتستشهد بأراءها(أيام ماكانت لا) ضد أراءنا في نعم.........نروح نعمل جبهة توعية بقه وبلاش تهييس
فكنت عايز أعرف رئيها من منطلق قيادتها لفكر عدد ما من الشعب(الرئي العام)


أنا حقيقي مش بشكك في وطنيتها
بس مش عاجبني ثوريتها المندفعة ألي بتغطي على رؤيتها في أحيان كثيرة

[ahmed2y]

يعني انتوا مش شايفين ان ممكن الواحد دماغه تروح لبعيد ويقول انه اتحالف مع الاخوان اول مرة علشان الدعم الشعبي ولما اخد شعبية انقلب عليهم وبعد نتيجة الاستفتاء شاف ان من الحكمة الا يقف على صف في موجهة الاخوان حتى لا يحظى بهزيمة شعبية مرة اخرى على الارض بعد ان اتضح ان ساويرس واعلامه وحفلاته ما يأكلوش عيش في الانتخابات ؟

شايفين ان لو دماغه راحت للتحليل ده يبقى غلطان؟

سبحان الله انا عمرى فى حياتى مشوفت ترصد ولا مراوغة بهذة الطريقة ابدا

مش قولتلكو بكرة ينتقدو البدلة ولا الجزمة الى بيلبسها

[تامر.محمد]

هي مشكلتها في وجهة نظري مندفعة في تحليلها ورؤيتها (معاك في النقطة دي)
وخطورتها في تأثيرها على محبيها (ما عادتش موجودة , بعد الثورة كل شيء اتغير, و دفاعها عن المجلس في الأول فض عنها ناس كتير)
يعني لو تفتكر كانت مع لا في الأستفتاء (لأ , دي من الأول بتقول نعم, اظنك ملخبطها مع حد تاني)
وفجأة قبل الأستفتاء بفترة قليلة قلبت 180 درجة
وشفتلها كام برنامج بتدافع جدا عن نتائج الأستفتاء (و لحد دلوقت)............طيب ما أحنا من أول يوم أنا وفريق غيري كبير حللنا الموضوع وكنا مع نعم وكان الهجوم علينا رهيب وكان بعض الناس بتستشهد بأراءها(أيام ماكانت لا) ضد أراءنا في نعم.........

نروح نعمل جبهة توعية بقه وبلاش تهييس
فكنت عايز أعرف رئيها من منطلق قيادتها لفكر عدد ما من الشعب(الرئي العام)

لحد دلوقت زي ما باقول , مش باشوفها بتتكلم في اي حاجة فيها مصلحة اي حد الا مصر و شعب مصر , دي لسه دلوقت كانت بتنتقد طرد اي حد من التحرير

[wesam_salom]

بعيدا عن الموضوع
نواره نجم لا تحابى اى تيار
اخر حلقه شوفتها ليها كانت بتشتم فى الاعلام اللى شوه صوره السلفيين
عيبها لسانها الطويل (انا شايفه ميزه الصراحه) بتقول اللى كل واحد بيقوله جواه من غير اى تجميل
كانت بتتكلم فى وقت كان كل الرجاله بترتعش من الخوف
خلافات بقى على شخصيتها او اهلها دى مشكله بره الموضوع ونبقى بندور على سبب للتجريح فيها

[otefa]

بعيدا عن الموضوع
نواره نجم لا تحابى اى تيار
اخر حلقه شوفتها ليها كانت بتشتم فى الاعلام اللى شوه صوره السلفيين
عيبها لسانها الطويل (انا شايفه ميزه الصراحه) بتقول اللى كل واحد بيقوله جواه من غير اى تجميل
قلة الأدب ميزة؟
جديدة دي الصراحة!
كانت بتتكلم فى وقت كان كل الرجاله بترتعش من الخوف
كل الرجالة جديدة برضه الصراحة.......من حقك تتكلم على نفسك أنت حر
خلافات بقى على شخصيتها او اهلها دى مشكله بره الموضوع ونبقى بندور على سبب للتجريح فيها
التربية عليها عامل برضه ولا أيه

[ahmed2y]

بس اللي كنت ملاحظه اي حد كان بيزور الاخوان يقولك اهو زار الاخوان اهو و راح ليهم بيطلب ودهم ودا حصل مع عمر موسي لما زارهم و حصل مع حازم ابو اسماعيل لما قال الاخوان حيدوني صوتهم و حصل مع العوا لما قالو محسوب علي التيار الديني و الاخوان

دلوقتي بقي لما البرادعي زار الاخوان بقي تحاور و نقاش و بناء بلد !!!!!!!!!!!!!!!
---------
+11111111111111111111111111
+99999999999999999999999999
هههههه
بانو بانو بانو

الله والشيخ ابو اسماعيل لما قال انا لا اتخيل العيش بدون المسحيين فى مصر كان يقصد اية هو كمان حبة فيهم ولا مراوغة سياسية

[otefa]

الله والشيخ ابو اسماعيل لما قال انا لا اتخيل العيش بدون المسحيين فى مصر كان يقصد اية هو كمان حبة فيهم ولا مراوغة سياسية

وهايراوغ ليه
أيه ألي ممكن يضايقه من أخواته في الوطن
ده أتهام والله خطير لي كمسلم قبل حازم أبو أسماعيل
معقولة أنت مقتنع بتعميم كره المسلمين للمسيحيين
أنا ما أعرفش أنت مسيحي ولا مسلم؟
بس حقيقي والله فاجأتني بتحليلك ده

[ahmed2y]

وهايراوغ ليه
أيه ألي ممكن يضايقه من أخواته في الوطن
ده أتهام والله خطير لي كمسلم قبل حازم أبو أسماعيل
معقولة أنت مقتنع بتعميم كره المسلمين للمسيحيين
أنا ما أعلرفش أنت مسيحي ولا مسلم؟
بس حقيقي والله فاجأتني بتحليلك ده

يا باشا ومين جاب سيرة الكرايهة ولا غيرة بس ورقة برضو تتحط فى صندوقى احسن ما تروح فى صندوق تانى

[otefa]

يا باشا ومين جاب سيرة الكرايهة ولا غيرة بس ورقة برضو تتحط فى الصندوق احسن ما تروح فى صندوق تانى

لو أنا مؤيد له وها أنتخبه رئيس يبقى علشان صدقه وتطبيقه للأسلام دين السلام والمحبة
ولو شكيت أنه بيلعب بالورقة بالطريقة ألي أنت بتقلها كده في الأغلب لن أنتخبه
والله أعلم بالنوايا.........ماقاله يحسب له لا عليه
التعليق موجه للمعادين للتيار الأسلامي على طول الخط ولما البرادعي قعد معاهم فانسبو الفضل للبرادعي ونسيو دور الأخوان في التقارب.................... لم يستنكرو على البرادعي مع أنهم دائما مهاجمين للأخوان
الموضوع تناقض في ردة فعلهم ده كلام بصفة عامة مش لشخص بعينه