افتحوا الجزيرة مباشر العامة

[تامر.محمد]

بتعرض تسجيل فيه مجموعة ظباط من الجيش السوري بيعلنوا انشقاقهم عن جيش بشار الأسد لانتهاكه الاعراف و اعتداؤه و قتله على الاهالي العزل
كل واحد فيهم بيعرض بطاقته و اسمه و تفاصيله وبيعلن انضمامه للثورة
دلوقت واحد بيقول ان المخابرات العسكرية اعتقلته و عذبته لأنه رفض قتل المدنيين

سوريا داخلة في سكة ليبيا , منك لله يا فشار , ان شاء الله في مزبلة التاريخ انت و القذافي و كل امثالكم







ملحوظة
اللي يقول لي جيش مصر ما عملش زي جيش سوريا و ليبيا هاقول له يشكر جدا بس هو عمل كده عشان ما يحصلش فيه زي جيوش سوريا و ليبيا, بعد نظر يعني

[م. حاتم السباعي]

فعلا يا هندسة انا اول حاجة لفتت نظري في الخبر اني اتوجه بالشكر للجيش المصري و لقيادته الحكيمة
اللي هيا ( المجلس العسكري ) طبعا
التي امنت الشعب و مع انها تم سبها من الغوغاء و الدخلاء و العملاء
الا انها صامدة و بأذن الله عازمة علي التصدي لمحاولة الزج بنا لحالات ليبيا و سوريا و اليمن
و علشان بس اذكرك لتكون ناسي
اننا كنا علي وشك الانزلاق في الانشقاق واحداث الفتنة بين صفوف الجيش المصري
لما ابتداها الضابط الهمام اللي ساب سلاحة و ظل ينادي بالانقلاب علي المشير لاحداث الانشقاق في الجيش كله
و لما فشل بفضل الله
طلع علينا الضباط بتوع الفيس بوك ( اللي طلعو سيئ السمعة و مطرودين من الخدمة لسوء السلوك و الانضباط )
و لما فضحهم الله ايضا وافسد مخططهم الدنيئ
طلع لنا الكام ضابط المندفعين بتوع الاعتصام اللي في التحرير و ايضا بفضل الله لم يجدو اي تأييد لهم من زملائهم
و اخيرا و بعد كل هذه الحالات يقول الناس عنهم انهم لم يحمو البلد
لك التحية علي تذكيرنا عن غير قصد منك بما قدموه لنا من خير
تقبل تحياتي

م.حاتم السباعي

[تامر.محمد]

:)
و الله انا مبسوط اني فكرتك يا باشمهندس و قلت يشكروا فعلا , على الاقل خلصونا من حسني و ابنه , لكن من قدم للبلد هو ربنا سبحانه و تعالى , اما هما فكانوا اذكياء و عندهم بعد نظر مش اكتر , و بالمناسبة ممكن تعتبرني من الغوغاء او الدخلاء او العملاء ايهم تختار لأني مقتنع انهم خانوا الأمانة و خانوا الشعب و اختاروا انهم يصفوا ثورة الشعب بالقوة الناعمة و بالنفس الطويل مش بالغشم بتاع قادة جيوش سوريا و ليبيا و اليمن , و ده اللي بيعملوه دلوقت

, بالمناسبة , بحمد الله الضغط و المتابعة طلعوا واحد من الثوار كان واخد حكم 5 سنين , كان اتقبض عليه يوم 28 يناير , و اتحاكم عسكريا زيه زي كل اللي اتعمل فيهم كده من ساعتها
المهم يعني الذلة بح

يعني باختصار , هما لهم الشكر فعلا على موقفهم خلال الثورة و احنا المصريين ولاد اصل و لازم نعترف بالموقف و يبقى لهم الشكر عليه , لكن لا معنى لأننا نتذل او نتركب بالفضل ده , لأن النتيجة واضحة اهي , تعادل يا باشا :)

الحمد لله وحده


اضافة : ما كانش غرضي الاصلي هو الملحوظة اللي في الآخر اللي تعتبر ديل الموضوع , اما عن راس الموضوع , فمنهم لله الحكام العرب اللي طلعوا عبارة عن احتلال مقنع و احنا كنا مستغربين ليه بلادنا متأخرة , مافيش بلاد محتلة بتتقدم

[eng.m7md.ali]

والله الناس دي بجد رجولة علشان مستحملين الذل والدمار ده

[aboamr]

الجيش وقف على الحياد ولم يقف الى جانب الثوره
ولم يحمى الثوار من بلطجية الحزب الواطى طيلة 11 يوما والشاهد موقعة الجمل
واقسم بالله العظيم انى كنت اتوجه للميدان صباحا ايام الثوره واحمل 4 شنط بلاستيك وكل شنطه بها
6 علب كشرى لافطار الثوار داخل الميدان وللاسف كانت القوات المسلحه تمنعنى من ادخال الطعام للثوار
وتأخذهم وترميهم ويقولوا الجعان يخرج بره الميدان والجيش جيش الشعب وليس ملك للدكتاتور وبالتالى ليس من المنطقى
ان يقفوا فى وجه الشعب . ولو قرر الجيش الوقوف فى وجه الشعب لانهزم كماانهزمت الشرطه فى 5 ساعات
اسلحة الجيش ثقيله ولم تكن تستطيع ان تنتشر فى ربوع البلاد بأى حال وقوام الجيش كاملا 450 الف جندى وهو اقل
من وحدات الامن المركزى فهل كان الجيش يستطيع ترك حدود البلاد خاويه ليسيطر على الشعب
وماحدث يوم 28 يناير من هبة الشعب المصرى للوقوف فى وجه الظلم والاستبداد كان مرعبا لاقوى جيوش العالم
وبالتالى اتخذالجيش هذا الموقف بدلا من الدخول فى معركه خاسره
والموقف الليبى والسورى واليمنى سينتهى بتقديم قادة هذه الجيوش لمحكمة الجنايات الدوليه وحتى الان لم ينتصروا على
شعوبهم هناك العديد من الفيديوهات مسجله لظباط المجلس العسكرى داخل الميدان يدافعوا باستماته عن النظام
ويدعون الشباب لاخلاء الميدان والعوده لمنازلهم
وبماأننا نجحنا فى ازالة رأس الفساد وانهارت وزارة الداخليه وانطلق بلطجية النظام السابق
فى النهب والسرقه وترويع الامنين فليس هناك ملاذ سوى جيشنا المصرى لحماية امن البلاد وهذاهو السبب الحقيقى الذى يوجد
تعاطفا مع الجيش والمجلس العسكرى ويغض الطرف عن محاسبة الفاسدين داخل القوات المسلحه التى كانت جزء من اجزاء نظام مبارك
الذى ملاء الدنيا فسادا

[رزق]

عادي يعني بشار الاسد ابن حافظ الاسد..هو حيجيبوا منين يعني
ولا حيطلع لمين

بالنسبة لجيشنا
احنا بس متعودين إن احنا نشكر الجيش عشان مداسش على دماغنا بالبيادة
نفسي الفكر ده يتغير ولله الامر من قبل ومن بعد

[yassin_samir]

هانفترض السوء فى الجيش و انة و انة برضة هو الملاذ الاخير لنا من الفوضى و لقدر الله تدخل الدول الطامعه فى مصر
نحن معه للنهاية فهو الضمان الاخير لنا بعد ربنا و االى مش عايز الجيش و بيقول يرحل يجى هو يحمى البلد جو وبرا
و يسيطر على البلد بس بعد ما تخرب اكتر ما هى خربانة

[aly_hosny]

كلهم نفس الغباء
نفس التصرفات الغبية و نفس الكلام ال بيتقال

بالنسبة للجيش المصري ف نصه ظباط و عساكر احتياط و دول محدش كان هيرضى يضرب منهم
و نصه التاني نصهم رجالة و محترمين و مش هيضربو
الربع ال باقي دا بقى القيادات ال هي اصلا مبتضربش :)
من الاخر المجلس العسكري عمل كدا لاسباب محدش يعرفها و الاشاعات كتير
ابرزها انه يوم التنحي جمال مبارك كلم المنياوي و قالو اعلن ان وزير الدفاع اتغير ووزير الدفاع الجديد سامي عنان
و ناس بتقول ان اصلا سامي عنان كان الامر الناهي و لولا انه كان في امريكا عشان بيجهز يبقى وزير كان امر بالضرب بس لما رجع القرار كان اتاخد بعدم الضرب
الكلام كتير و اخفاء المجلس العسكري للحقيقة الكاملة بيحطه محل شبهه

[رزق]

هانفترض السوء فى الجيش و انة و انة برضة هو الملاذ الاخير لنا من الفوضى و لقدر الله تدخل الدول الطامعه فى مصر
نحن معه للنهاية فهو الضمان الاخير لنا بعد ربنا و االى مش عايز الجيش و بيقول يرحل يجى هو يحمى البلد جو وبرا
و يسيطر على البلد بس بعد ما تخرب اكتر ما هى خربانة

أكيد

احنا بس ضد تأليه الجيش عشان ادي واجبه

[misoalex]

واقسم بالله العظيم انى كنت اتوجه للميدان صباحا ايام الثوره واحمل 4 شنط بلاستيك وكل شنطه بها
6 علب كشرى لافطار الثوار داخل الميدان وللاسف كانت القوات المسلحه تمنعنى من ادخال الطعام للثوار
وتأخذهم وترميهم ويقولوا الجعان يخرج بره الميدان

قولت ايه يا باشا ياريت تحكى اللى حصل معاك هناك بالتفصيل عشان الناس بتاعه الجيش خط احمر تفهم وتتعظ
ان الجيش عمل كده عشان مصلحته عشان ميدخلش فى حرب خسرانه ومع مين مع اهل بلده زى ما الشرطه بجلاله قدرها عملت وفشلت فشل زريع بعددها اللى غلب عدد الجيش

يعنى الجيش معملش كده بمزاجه

وانا بعينى كنت بشوف ظباط الجيش على بعد امتار من البلطجيه اللى كانو بيضربو الثوار فى الميدان ليله موقعه الجمل
كانو بيضربوهم بالملتوف والسراميك وفيه منهم كان معاه سلاح
والجيش كان واقف يتفرج عليهم وقافل مطلع الكوبرى كأنه بيحميهم

ولما طلع النهار بخخخخخخخخخخ كل البلطجيه مشيو وموتو اللى موتوه واصابو اللى اصابوه فى الليله المشؤومه

[م.احمد زكريا]

الجيش فعلا غلطان من الأول

[otefa]

فعلا يا هندسة انا اول حاجة لفتت نظري في الخبر اني اتوجه بالشكر للجيش المصري و لقيادته الحكيمة
اللي هيا ( المجلس العسكري ) طبعا
التي امنت الشعب و مع انها تم سبها من الغوغاء و الدخلاء و العملاء
الا انها صامدة و بأذن الله عازمة علي التصدي لمحاولة الزج بنا لحالات ليبيا و سوريا و اليمن
و علشان بس اذكرك لتكون ناسي
اننا كنا علي وشك الانزلاق في الانشقاق واحداث الفتنة بين صفوف الجيش المصري
لما ابتداها الضابط الهمام اللي ساب سلاحة و ظل ينادي بالانقلاب علي المشير لاحداث الانشقاق في الجيش كله
و لما فشل بفضل الله
طلع علينا الضباط بتوع الفيس بوك ( اللي طلعو سيئ السمعة و مطرودين من الخدمة لسوء السلوك و الانضباط )
و لما فضحهم الله ايضا وافسد مخططهم الدنيئ
طلع لنا الكام ضابط المندفعين بتوع الاعتصام اللي في التحرير و ايضا بفضل الله لم يجدو اي تأييد لهم من زملائهم
و اخيرا و بعد كل هذه الحالات يقول الناس عنهم انهم لم يحمو البلد
لك التحية علي تذكيرنا عن غير قصد منك بما قدموه لنا من خير
تقبل تحياتي

م.حاتم السباعي

هانفترض السوء فى الجيش و انة و انة برضة هو الملاذ الاخير لنا من الفوضى و لقدر الله تدخل الدول الطامعه فى مصر
نحن معه للنهاية فهو الضمان الاخير لنا بعد ربنا و االى مش عايز الجيش و بيقول يرحل يجى هو يحمى البلد جو وبرا
و يسيطر على البلد بس بعد ما تخرب اكتر ما هى خربانة

الجيش فعلا غلطان من الأول

[رزق]

الجيش فعلا غلطان من الأول

صح كان المفروض ينزل يضرب نار