حد سمع عمر عفيفى ؟؟؟؟؟؟؟؟؟؟؟؟؟

[matrix_it]

حد سمع عمر عفيفى النهاردة على قناة التحرير و مداخلته؟؟؟؟؟؟؟

[mido51eg]

لو تقصد مداخلته في برنامج عمرو الليثي فأنا شفتها امبارح. هل يعقل ان 4 لواءات من المجلس العسكري هيسافروا امريكا علشان ياخدوا الأذن بضرب المتظاهرين بالسلاح الأمريكي ؟! لو كانوا عاوزين يضربونا كانوا ضربونا يوم 28 يناير وساعتها كان ضربهم هيوجع اوي لأن معندهمش عصيان وهراوات وفرق مكافحة شغب. اقل حاجة عندهم الرصاص الـ 9 ملم وكان زمان حسني مبارك وعصابته لسه موجودين لولا رحمة ربنا وتدخل الجيش اللي عمر عفيفي بيتهمه بالخيانة والعمالة. الراجل ده افاق ونصاب ومدعي شهرة وبطولات وهمية ، لو كان راجل صحيح كان يرجع مصر وياخد مكانه في نصر الثورة انما الكفاح من ورا الكيبورد ده شغل الجبناء والنصابين والمنافقين.

[matrix_it]

هو انا اصلا مش برتاحله من اول الثورة لما كان بيطلع فى اليوتيوب و يعمل تصريحات بس لما سمعته النهاردة فكرت ان ممكن فعلا يحصل فينا كدة و بذات ان بيان المجلس العسكرى الاخير كان فيه نبرة تهديد بس والله انا مقلق لحسن نبقى زى ليبيا و سوريا
ربنا يستر