الحوادث ..الموقف القانونى

[tmz9111]

يتم التفريق بين عده حالات
شركات التأمين الإجبارى تدفع للغير المضرور فى حال الإصابه أو الوفاه فقط ولا تدفع تعويضات للتلفيات التى تحدث للمركبات
ويشترط أن تكون الرخصه ساريه وقت الحادث حتى يكون التأمين سارى من باب أولى
ويشترط أن يكون إستخدام السياره فى الغرض المخصص لها
وترجع شركه التأمين على مالك السياره أذا ثبت أن السياره كانت تستخدم فى السباقات أو أن السياره كانت تسير بسرعه تزيد عن الحد الأقصى المقرر أو فى عكس الإتجاه أو أن الحادث وقع عمدا أو أن قائد السياره كان يقودها وهو فى حاله سكر

التلفيات التى تحدث للغير يتحملها المتسبب فيها كأصل عام
طبقا للقاعده القانونيه المدنيه التى تنص على أن كل خطأ سبب ضررا للغير ألزم من إرتكبه بالتعويض
وتتحملها شركه التأمين الشامل فى حاله وجود تأمين شامل

وبناء على ما سبق فإن قائد السياره إذا كان لديه رخصه قياده ساريه فإنه يتحمل التعويض عن ما وقع منه من تلفيات للغير
كما أنه يتحمل المسئوليه الجنائيه فى حاله حدوث إصابه أو وفاه
ويتحمل المسئوليه المدنيه أيضا إذا كانت الرخصه غير ساريه


وبرضه أى إستفسار أنا فى الخدمه

شكرا على الرد
أنا أقصد أنا مسلف عربيتى لواحد صاحبى مثلا و عمل هو حادثة بعربيتى و نزلو القسم من الذى سيتحمل النتائج و السيارة غير مؤمن عليها
شكرا

[محمد ابراهيم 1]

شكرا على الرد
أنا أقصد أنا مسلف عربيتى لواحد صاحبى مثلا و عمل هو حادثة بعربيتى و نزلو القسم من الذى سيتحمل النتائج و السيارة غير مؤمن عليها
شكرا

مين اللى غلط مش صاحبك يبقى صاحبك هو اللى حيتحمل النتائج
لكن يشترط أن يكون صاحبك معاه رخصه
لأن سماحك لشخص لا يحمل رخصه بقيادة سيارتك يرتب عليك مسئوليه نتيجه للخطأ الذى إرتكبته
إيه هو الخطأ الخطأ إنك سمحت له بقياده السياره رغم أنه لا يحمل رخصه
وما دام لا يحمل رخصه يبقى فى نظر القانون مبيعرفش يسوق
وما دام مبيعرفش يسوق وإنت إديتله السياره رغم ذلك يبقى إنت مسئول عن هذا الخطأ وما تبعه من ضرر

[فادى]

معلش يا أستاذ محمد ابراهيم تاعبينك معانا.
لو تتكرم حضرتك و تشرحلنا, كيف يتم تحميل المسئولية لاحدى طرفى الحادث, يعنى عربيتين خبطوا فى بعض, أنا كل اللى أعرفه انو اللى بيكون ورا هو الغلطان, طب بالنسبة للحالات الأخرى زى التقاطعات, و الطرق المزدوجة, و فى حالة قامت سيارة بقطع الطريق على أخرى. مين الى بيبقى غلطان.
و شكرا لسعة صدرك.

[tmz9111]

مين اللى غلط مش صاحبك يبقى صاحبك هو اللى حيتحمل النتائج
لكن يشترط أن يكون صاحبك معاه رخصه
لأن سماحك لشخص لا يحمل رخصه بقيادة سيارتك يرتب عليك مسئوليه نتيجه للخطأ الذى إرتكبته
إيه هو الخطأ الخطأ إنك سمحت له بقياده السياره رغم أنه لا يحمل رخصه
وما دام لا يحمل رخصه يبقى فى نظر القانون مبيعرفش يسوق
وما دام مبيعرفش يسوق وإنت إديتله السياره رغم ذلك يبقى إنت مسئول عن هذا الخطأ وما تبعه من ضرر

جزاك الله كل خير

[محمد ابراهيم 1]

السؤال الخامس
لو شفت حادثة قدامى و الفاعل هرب اعمل ايه؟

السؤال ده إجابته بسيطه
وتتمثل فى إلتقاط رقم السياره الفاعله ومواصفتها كلما أمكن ذلك يعنى مثلا نقول ( عربيه مرسيدس 200 سوداء ونقول الطراز والوصف لها إن أمكن ورقمها كذا وأهم شىء الرقم طبعا )
ومن ثم إبلاغ شرطه النجده للحضور لأتخاذ اللازم ونقل المصاب ونحو ذلك
ثم الشهاده فى المحضر بكيفيه وقوع الحادث وإثبات رقم السياره فى المحضر
الموضوع ده حيضيع منك شويه وقت لكن لا شك إن ثوابه كبير

[lancerevolution]

واضح ان محدش مهتم بالموضوع

بس عايز اقولوكو علي اللي حصلي امبارح وكان نفسي اكون عارف اعمل ايه يكون قانوني بس اتصرفت شبراوي من الاخر ونجحت


المهم خرجت من المرور علي الساعة ٤ وقلت هحط بنزين من موبيل بتاعت المنصه ولاقيت امين شرطة بيخبط علي الازاز وبيقولي ماشي من غير نمر واللواء شافك وبلغني اجري وراك واسحب العربية علي الدراسة والاشارة فتحت قالي طب اركن علي جنب حكايتلو الموضوع والمحضر والفيلم
قالي طب شوف انت بقا وانا ممكن ابلغ اللواء اني ملقتش العربية ...قلت امري لله حطيت ايدي في جيبي مالقتش فكه لاقيت قلتله ثواني روحت افك من البنزينة ودا "اداني وقت افكر" قلت خسرانه خسرانه المهم بديلو ٢٠ جنيه لاقيته بيوقولي انت كده بتيجي عليا يا باشا لو وديتك المرور هتدفع ١٢٠٠ جنيه ...الدم ضرب في نفوخي قلت لأ كده كفايه بقا وديني للواء بتاعك دا وقفشت

قالي خلاص يا باشا انا راضي باللي تجيبوه قلتله من الاخر مش هتاخد ولا مليم مني وانا اخدت رقم الموتوسيكل ولو ما قصرتش وودتني للواء هوديك في داهية وعيشت بصراحة في دور هشام أحمد عز...لاقيته
بيقولي خلاص يا باشا حقك عليا واتفضل الورق بتاعك اهو..واختفي من ادامي



يا رب افرجها عليا بالنمر يا رب

تصرفك صح من رأى مش عايز العشرين جنيه أنا عايز أدفع 1200 جنية مش راضى لا كدا ولا كدا إطلع بينا على الظابط بتاعك

[mazen86]

طب لو لا قدر الله عملت حادثة وكان معاايا ناس اصحابي في العربية

وحدث وفيات او اصابات اية الوضع القانوي هنا

العربية ملاكي طبعا

[engamrnour80]

السلام عليكم
الاخوه الاعضاء انا شايف ان الموضوع لاقى اهتمام بس فى كسل فى مشاركة الاعضاء
فلو ممكن نطور الموضوع و كل واحد حصل معاه موقف يحكية عشان الباقى ممكن يستفيد من
على فكرة انا كان هدفى من الاول فى الموضوع ده ان احنا نبطل حالة اللامبلاه اللى علية الناس عند وقوع لا قدر الله اى حادث و لو بسيط و نبطل كلام (معلش و الله يعوض عليك مش تحاسب و هو انا الل غلطان و الشتايم )
و يبقى سلوكنا فى المواقف ده حضارى يعنى كل واحد غلط يبقى عارف غلطة و يكون عارف حقة
يا ريت نكمل انا حاسس ان فى ناس و انا منهم استفاد من الموضوع
و السلام عليكم و رحمة الله و بركاتة
و كل سنة و انتم طيبين

[MMamdouh]

طب لو لا قدر الله عملت حادثة وكان معاايا ناس اصحابي في العربية

وحدث وفيات او اصابات اية الوضع القانوي هنا

العربية ملاكي طبعا

اللى اعرفة ان الناس اللى فى العربية معاك مسؤليتك... فا لو حصل حادث و حد من الناس دى اتصاب او توفى لا قدر الله و كنت انت الغلطان (قيادة برعونة - تحت تاثير الخمر - الخ...) فا انت المسؤل عنهم شرعا و قانونا... اما اذا كان طرف تانى هو المخطىء فهو بيتحمل تبعة الحادث فيما يخصك و يخصهم

انا كنت قريت ان لو حصل حادث لسبب فنى فى العربية فا انت المسؤل برضة... يعنى لو كاوتش ضرب و العربية اتقلبت انت المسؤل عن الاصابات

MMamdouh

[engamrnour80]

شكرا ليك على هذا الرد للاخ محمد ممدوح
انا كنت سمعت عن الموضوع ده
كان اتنين اصحابى عملوا حادثة بس الحمد لله طلعوا منها سلام
فى القسم الظابط سأل الزميل اللى مكنش سايق
تتهم الراجل ده بمحاولة قتلك و بيشاور على الزميل الاخر
ف استغرب و قالو ده كان هيموت معايا
بس كلام حضرتك وضحى ليه الظابط سال زميلى السؤال ده
و شكرا ليك

[MMamdouh]

يتم التفريق بين عده حالات
شركات التأمين الإجبارى تدفع للغير المضرور فى حال الإصابه أو الوفاه فقط ولا تدفع تعويضات للتلفيات التى تحدث للمركبات
ويشترط أن تكون الرخصه ساريه وقت الحادث حتى يكون التأمين سارى من باب أولى
ويشترط أن يكون إستخدام السياره فى الغرض المخصص لها
وترجع شركه التأمين على مالك السياره أذا ثبت أن السياره كانت تستخدم فى السباقات أو أن السياره كانت تسير بسرعه تزيد عن الحد الأقصى المقرر أو فى عكس الإتجاه أو أن الحادث وقع عمدا أو أن قائد السياره كان يقودها وهو فى حاله سكر

التلفيات التى تحدث للغير يتحملها المتسبب فيها كأصل عام
طبقا للقاعده القانونيه المدنيه التى تنص على أن كل خطأ سبب ضررا للغير ألزم من إرتكبه بالتعويض
وتتحملها شركه التأمين الشامل فى حاله وجود تأمين شامل

وبناء على ما سبق فإن قائد السياره إذا كان لديه رخصه قياده ساريه فإنه يتحمل التعويض عن ما وقع منه من تلفيات للغير
كما أنه يتحمل المسئوليه الجنائيه فى حاله حدوث إصابه أو وفاه
ويتحمل المسئوليه المدنيه أيضا إذا كانت الرخصه غير ساريه


وبرضه أى إستفسار أنا فى الخدمه

طيب دلوقتى انا ليا استفسارات

1- انا خبطت واحد و توفى... و معايا رخصة سارية و مكنتش بسابق ولا مخمور ولا متخطى السرعة القانونية و المتوفى كان بيعدى من مكان لا فيه اشارات ولا مكان عبور مشاه... و قرار النيابة نص صراحة ان خطاء المجنى عليه استغرق خطا الجانى... ما هو الموقف فى المحكمة؟

2- بالنسبة للشق المدنى... كدة تتحمل شركة التامين دفع تعويض لاهل المتوفى... صح؟ هل دة مرتبط بالحكم فى الشق الجنائى؟؟؟ يعنى لو اخدت براءة فى المحكمة فى الشق الجنائى هل ممكن شركة التامين تول لاهل المتوفى ان هو اللى كان غلطان و بالتالى ميدفعوش ليهم حاجة على اساس انهم بيدفعوا تعويض لو سائق السيارة هو اللى اخطاء و كونى طلعت براءة يبقى انا مش غلطان؟؟

3- حضرتك قولت ان "التلفيات التى تحدث للغير يتحملها المتسبب فيها كأصل عام" و بالتالى لو فى حالتى دى طلعت براءة و كان الخطاء بالكامل على المجنى عليه... هل من حقى اطلب تعويض عن التلفيات اللى حصلت فى عربيتى؟؟ (انا مش حطالب حد بحاجة... اهل المتوفى اغلبب من الغلب اساسا... انا بسال لمعرفة الموقف القانونى فى الحالات دى)

MMamdouh

[mazen86]

اللى اعرفة ان الناس اللى فى العربية معاك مسؤليتك... فا لو حصل حادث و حد من الناس دى اتصاب او توفى لا قدر الله و كنت انت الغلطان (قيادة برعونة - تحت تاثير الخمر - الخ...) فا انت المسؤل عنهم شرعا و قانونا... اما اذا كان طرف تانى هو المخطىء فهو بيتحمل تبعة الحادث فيما يخصك و يخصهم

انا كنت قريت ان لو حصل حادث لسبب فنى فى العربية فا انت المسؤل برضة... يعنى لو كاوتش ضرب و العربية اتقلبت انت المسؤل عن الاصابات

MMamdouh

لو نفرض ان عربية زنقت عليا وحصل حادثة وانا كنت ماشي في السليم وصاحب العربية دا جرا ومعرفتش اجيب منه اي حاجة يبقا اية الوضع

هنا هتتعتبر برضة انا غلطان

[D . a .\ AYMAN]

ما شاء الله عليك يا محمد باشا ابراهيم
بصراحة انا عمري ماكنت هاعرف اسرد الشرح الرائع ده بالأسلوب الجميل ده
ربنا يباركلك

[D . a .\ AYMAN]

طيب دلوقتى انا ليا استفسارات

1- انا خبطت واحد و توفى... و معايا رخصة سارية و مكنتش بسابق ولا مخمور ولا متخطى السرعة القانونية و المتوفى كان بيعدى من مكان لا فيه اشارات ولا مكان عبور مشاه... و قرار النيابة نص صراحة ان خطاء المجنى عليه استغرق خطا الجانى... ما هو الموقف فى المحكمة؟

ياباشا الحمدلله ان الموقف في المحكمة عدى على خير خلاص وأكيد انت دلوقتي عرفت ;)

2- بالنسبة للشق المدنى... كدة تتحمل شركة التامين دفع تعويض لاهل المتوفى... صح؟ هل دة مرتبط بالحكم فى الشق الجنائى؟؟؟ يعنى لو اخدت براءة فى المحكمة فى الشق الجنائى هل ممكن شركة التامين تول لاهل المتوفى ان هو اللى كان غلطان و بالتالى ميدفعوش ليهم حاجة على اساس انهم بيدفعوا تعويض لو سائق السيارة هو اللى اخطاء و كونى طلعت براءة يبقى انا مش غلطان؟؟

بالظبط الكلام ده صح لأن التأمين بيكون ضد خطأ السائق (مافيش خطأ مافيش تعويض) الإ إذا نصت وثيقة التأمين على غير كده لأن في النهاية ده تعاقد يخضع للشروط الوارده فيه

3- حضرتك قولت ان "التلفيات التى تحدث للغير يتحملها المتسبب فيها كأصل عام" و بالتالى لو فى حالتى دى طلعت براءة و كان الخطاء بالكامل على المجنى عليه... هل من حقى اطلب تعويض عن التلفيات اللى حصلت فى عربيتى؟؟ (انا مش حطالب حد بحاجة... اهل المتوفى اغلبب من الغلب اساسا... انا بسال لمعرفة الموقف القانونى فى الحالات دى)

طبعا لو الحكم انتهى الى ان المصاب هوة اللى كان مخطئ يبقى ممكن ترجع عليه أو الورثة (حسب الأحوال) وتطالب بالتعويض عن الضرر اللى أصابك

[R A N A]

ايه ياجماعة الموضوع الهايل ده؟
انا اول مرة اخد بالي منه بجد موضوع جامد ومفيد جدا جدا.
بس هو ليه نام كده والناس بطلت تسأل ؟

بجد تحية كبيرة جدا لأستاذ محمد ابراهيم :k32: على سعة صدره واجاباته الهايلة ، لا وكمان بيقولها بطريقة مبسطة تخلي اي حد يفهمها سواء دارس قانون او لأ بجد احييك على اسلوب حضرتك في الرد والإستجابة لكل التساؤلات ربنا يكرمك يارب.
انا رديت مخصوص عشان الموضوع يرجع يظهر تاني في ال New Posts لباقي الأعضاء موضوع زي ده مينفعش يستخبى أكتر من كده في المواضيع القديمة خالص :k32:.