الحوادث ..الموقف القانونى

[محمد ابراهيم 1]

[quote=engamrnour80;249199]

انا عايز اضيف حاجه بسيطه هى
حاله استغراق خطأ المحنى عليه خطأ الجانى

برضو انا اثبت قائد السياره استغراق خطا المحنى عليه لخطأ الجانى يعفى كليا او جزئيا من المسؤليه
يعنى انى ماشى بسرعه تزيد عن السرعه القانونيه والاشاره فاتحه واحد المشاه عبر الطريق بعدم احتراز والاشاره لم تسمح له بعبور نهر الطريق فهنا يستغرق خطأ المحنى عليه خطأ الجانى
فى نقطه المسؤليه مش متأكد بيعفى كليا او جزئيا من المسؤليه.

يعد قاثد السياره مسؤل طبعا لقواعد المسؤليه التقصريه المنصوص عليها فى القانون المدنى
ويفترض الخطأ قائد السياره الا اذا اثبت انه لم يرتكب خطأ او خطأ المحنى عليه استغرق خطاء الجانى .[/quote
مش فاهم ممكن حضرتك توضح النقطة دى

اولا احب اشكر جميع الاعضاء المهتمين بالموضوع
و عاوز اوصح جاجه انا محطتش الموضوع ده ترف و لا منظرة انا راجل مهندس و ماليش فى القانون و الموضوع ده بيسبب مشاكل كتير مع الناس و منهم انا
ثانيا احب اشكر الاستاذ محمد ابراهيم على الرد بالتفصيل على السؤال الاول و فى انتظار المزيد من سيادته
و عاوز استأل شويه فى الفقرة اللى ماتت
انا كنت باسمع عن حاجة اسمها تراضى المصاب لو كان عايش او اهل المتوفى لاقدر الله عشان الموضوع يخلص ....مامدى صحت هذا القول و فى اى الحالات يتم
فى كتير اوى الشهود بيكونوا من اهل المصاب او من قريتة او من الغرباء و تلاقى الواحد ينط على العربية و انت ماشى على 60 ولا 70 على طريق سرعته لا تقل عن 90 يتلموا عليك و انت ماشى ازاى بسرعة دى انت طاير بالعربية و اللى يقولك ده كان ماشى على 150 و ارقام فلكيه
ف الناس تقولك لو حصل معاك و خبطت واحد اجرى بالعربية و سلم نفسك فى اول قسم شرطة منعا لضرب سياتك

فى بقة سؤال نسيت اضيفوا فى بداية الموضوع
سمعت من واحد جارى انك فرضا طلعلك واحد من تحت الارض و ربنا ستر و تفاديته و خبطت فى عمود و حصلك اصابة لا يتم نقلك للمستشفى حتى لو الاسعاف موجودة الا بعد عمل المعاينة على السيد العمود و تقدير التلافيات اضرار بالمال العام
و انت و زوءك مع السيد الامين
و الف شكر لسعت صدر حضرتك

تنص الماده 18 مكرر أ من قانون الإجراءات الجنائيه على أنه تنقضى الدعوى الجنائيه بالتصالح فى عده جرائم منها القتل الخطأ والإصابه الخطأ والضرب البسيط والضرب بأداه وإيصالات الأمانه وغيرها من الجرائم التى فضل المشرع مصلحه الطرفين على مصلحه المجتمع وعليه
فإن الصلح فى جريمتى القتل الخطأ والإصابه الخطأ جائز وينهى القضيه جنائيا

وبالنسبه للشق الثانى فإنه غير صحيح لكن يتم التحفظ على السياره وليس قائدها لحين إحضار مصالحه من الحى التابع له السيد العمود ( وعلى فكره هذا الكلام غير قانونى لكنه واقع يتم تنفيذه بقرار من المحافظ )
والصواب قانونا أن يتم التنفيذ بالطرق المقرره قانونا شأنه شأن أى غرامه بالمطالبه والحجز

[محمد ابراهيم 1]

السؤال الثانى لو خبطت عربية اعمل ايه؟
لو حصل تصادم بدون إصابات فهذه عباره عن مخالفتين فى القانون
الأولى هى إتلاف منقول من منقولات الغير بإهمال
والثانيه هى مخالفه قياده مركبه آليه بحاله ينجم عنها الخطر
الأولى عقوبتها الغرامه التى لا تزيد عن 50 جنيه طبقا لنص الماده 378 فقره 6
الثانيه عقوبتها الغرامه التى لا تزيد عن 50 جنيه طبقا لنص المواد 1و 3 و 4 و 77 من القانون 66 لسنه 73 المعدل
المهم إذا لم ينجح الحل الودى يتم إبلاغ النجده التى تحضر لعمل معاينه للحادث وكيفيه حدوثه مع إثبات التلفيات التى حدثت فى كل سياره ثم يتم إصطحاب الطرفين إلى قسم الشرطه لتحرير محضر وسؤال الطرفين والشهود إن وجدوا
ثم يتم إخلاء سبيل الطرفين من القسم بدون عرض على النيابه (وذلك لأنه لا يجوز حجز أحد لإرتكابه جريمه غير معاقب عليها بالحبس )
وبعد ذلك يرسل المحضر من القسم إلى النيابه التى تتصرف فيه بتغريم المخطئ فى حدود الغرامه بعاليه
وبعد ذلك يستطيع المضرور الحصول على صوره رسميه من المحضر ثم يرفع بموجبها دعوى تعويض على المخطئ لإلزامه بتعويضه عن الأضرار التى حدثت له من الحادث والأضرار تشمل ما تم إنفاقه لإصلاح السياره وكذا قيمه ما إنخفض من ثمن السياره وكذا قيمه إفتراضيه لفتره تعطل السياره فتره إصلاحها إلخ
وبمعنى قانونى (يشمل التعويض كل ما لحق المضرور من خساره أو فاته من كسب )

[engamrnour80]

الف الف شكر لحضرتك يا استاذ محمد على سعت صدرك لينا و لاسالتنا الرخمة و الدقيقة اووىو لكن ده حال كل شخص محترم فى متندى محترم يتيح لنا الفرصة لتبادل المعلومات من اهل الخبرة
كفايا ان الواحد يقول انا عرفت المعلومة دى من نايل موتورز و من اعضاءه الكرام
و الف شكر لحضرتك مرة تانية و فى انتظار حضرتك فى باقى الاسئلة

[MMamdouh]

[quote=محمد ابراهيم 1;249622]

القاعده العامه القانونيه تقول( أن كل خطأ سبب ضررا ألزم من إرتكبه بالتعويض )
وبالنسبه لمسأله إستغراق خطأ المجنى عليه لخطأ المتهم فإنه أذا كان المجنى عليه خطأه فادحا كأن كان المجنى عليه متعاطيا لمسكرا أو مخدرا أو مر من نهر الطريق فى حين أنه يوجد نفق للمشاه أو كوبرى للمشاه فإن ذلك يعفى قائد السياره من العقاب

الله ينور عليك... اثلجتم صدرنا

MMamdouh

[محمد ابراهيم 1]

السؤال التالت
لو خبطنى واحد اعمل ايه؟
فى حاله لا قدر الله ما إذا صدمك أحد ففى هذه الحاله يجب إبلاغ الشرطه لعمل محضر بالواقعه لإثبات ما حدث ويتم أخذ أقوالك فى ذلك المحضر ويجب الحرص على الأمانه فى الأقوال بأن نتقى الله فى ما نقول ولا نقول إلا الحق حتى لا نظلم أحدا ثم يتم سماع شهاده الشهود ثم باقى الإجراءات التى تم ذكرها فى إجابه السؤال الأول مع إختلاف المراكز القانونيه للطرفين
لكن لابد من المحضر لحفظ حقك
وكذا أرحب بالرد على أى إستفسار

[محمد ابراهيم 1]

السؤال الرابع
لو عربيتى إتخبطت أعمل إيه ؟ طريقه السؤال توحى وتدل على أن السائل مش غلطان نهائيا
توجد حالتين لهذه المسأله
الحاله الأولى الطرف الثانى معلوم
الحاله الثانيه أن الطرف الثانى مجهول مثال (عربيتك مركونه وتيجى تركبها تلاقيها مخبوطه )
بالنسبه للحاله الأولى
لو عربيتك متأمن عليها تأمين شامل ومفيش حل ودى بينك وبين الطرف التانى يبقى لازم بلاغ لشرطه النجده( لإثبات حقك )التى تأتى لعمل معاينه لظروف الحادث وإصطحاب الطرفين للقسم التابع له مكان الحادث لتحرير محضر بالواقعه وسؤال الطرفين ثم الإفراج عن الطرفين من ديوان القسم بدون عرض على النيابه (فى حاله عدم وجود إصابات من جراء الحادث )
وبعد عده أيام قليله يذهب المحضر من القسم إلى النيابه التى تتصرف فيه بقيده مخالفه وتأمر بتغريم المخطىء مبلغ لا يزيد عن 70 جنيه
وعقب ذلك يذهب المضرور إلى النيابه للحصول على صوره رسميه لتقديمها إلى شركه التأمين حتى تتكفل بالإصلاحات
لو السياره غير مؤمن عليها يتم إتباع نفس الخطوات السابقه بالكامل حتى يتم الحصول على الصوره الرسميه من المحضر ثم يتم رفع دعوى تعويض على المخطىء لإلزامه بكل تسبب به من خسائر لصاحب السياره ( يشمل ذلك مصاريف الإصلاح + نسبه إنخفاض قيمه السياره + أى تكلفه أخرى ) بتعبير قانونى كل ما لحق المضرور من خساره أو فاته من كسب


الحاله الثانيه الطرف الثانى مجهول
لو السياره مؤمن عليها يتم إتباع نفس الإجراءات السابق ذكرها بالكامل
(لو من الممكن تحريك السياره قم بقيادتها إلى القسم وقم بعمل المحضر وسوف يقوم محرر المحضر بعمل معاينه لها مثبتا ما بها من تلفيات )
لو أثر الحادث على السياره وأصبح لا يمكن تحريكها يبقى بلاغ لشرطه النجده


الحاله الأخيره لو الفاعل مجهول والسياره غير مؤمن عليها
يبقى عوضك على الله


أى إستفسارات أنا فى الخدمه

[sab3aawy]

السؤال الرابع
لو عربيتى إتخبطت أعمل إيه ؟ طريقه السؤال توحى وتدل على أن السائل مش غلطان نهائيا

مجموعة من الرسائل ولا اروع افادنا بها رجل قانون محنك

شكرا جزيلا يا استاذ محمد على المجهود الفائق ، فعلا وجود ناس مثلك هو مكسب للمنتدى

[محمد ابراهيم 1]

مجموعة من الرسائل ولا اروع افادنا بها رجل قانون محنك

شكرا جزيلا يا استاذ محمد على المجهود الفائق ، فعلا وجود ناس مثلك هو مكسب للمنتدى

شهاده أعتز بيها وإن كنت لا أستحقها
آجى فين جنب خدماتك للمنتدى يا سبعاوى باشا

[AhmedGen2]

ابلغ شرطة النجدة ازاى مش فاهم ؟ اطلب 122 ؟ واقولهم ايه فى التليفون بالظبط اصلى عمرى ماكلمت الندة قبل كدة صراحة .

[polo61]

شكرا لكل معلومة مفيدة
بجد منتدى رائع واعضاء فى قمة الرقى والتعاون وحب الخير للناس

[onsi]

كل الكلام اللى فات دة جميل جدا, بس اى الحل لو ان الناس نفسها هاجمتك او كسرتلك العربية فى 90% من حالات الحوادث وخصوصا فى اللاماكن الشعبية زى شبرا او العتبة, السيدة, مصر القديمة, القللى وكتير تكون ماشى بالصدفة وفجأة تلاقى تجمع شعبى حواليك وطبعا هتخاف تنزل من العربية لان الناس دى طبعها حامى غير الغل والحقد اللى جواهم ضد كل واحد راكب عربية ودى برضة بسبب الفقر ولو اتصلت بالنجدة فالعربية هتكون حتة خردة لغاية النجدة ماتجيلك دة لو ردوا على التليفون اصلا
وكل واحد واقف حواليك يسبك ويشتمك بجميع الالفاظ اللى سمعتها والجديد كمان وحتى زبال الشارع ممكن يقوللك ادينى رخصك وحجات كتير اوى حصلت وبتحصل...... بس يا ريت تيجى على الشتيمة وبس!!!!!!!!

[محمد ابراهيم 1]

كل الكلام اللى فات دة جميل جدا, بس اى الحل لو ان الناس نفسها هاجمتك او كسرتلك العربية فى 90% من حالات الحوادث وخصوصا فى اللاماكن الشعبية زى شبرا او العتبة, السيدة, مصر القديمة, القللى وكتير تكون ماشى بالصدفة وفجأة تلاقى تجمع شعبى حواليك وطبعا هتخاف تنزل من العربية لان الناس دى طبعها حامى غير الغل والحقد اللى جواهم ضد كل واحد راكب عربية ودى برضة بسبب الفقر ولو اتصلت بالنجدة فالعربية هتكون حتة خردة لغاية النجدة ماتجيلك دة لو ردوا على التليفون اصلا
وكل واحد واقف حواليك يسبك ويشتمك بجميع الالفاظ اللى سمعتها والجديد كمان وحتى زبال الشارع ممكن يقوللك ادينى رخصك وحجات كتير اوى حصلت وبتحصل...... بس يا ريت تيجى على الشتيمة وبس!!!!!!!!

الكلام ده واقعى فعلا للأسف الشديد
وعليه فإن الخبره الحياتيه ترشدنا إلى الحل للتغلب على هذه المشاكل
وعليه فإن النصيحه فى هذه الحاله هى إن قائد السياره يقوم بأخذ المصاب فى سيارته والإنطلاق به إلى أقرب مستشفى قبل تجمع الأهالى وتنظيم صفوفهم والبدء بالتكسير

وهذا الحل فيه الكثير من المميزات
منها عدم الإحساس بالنداله مع المصاب
وكذا الإسراع بعلاجه
وإتقاء شر قطاع الطرق واللصوص

ويعيب ذلك الحل عدم إثبات ظروف الحادث فى الأوراق ولكن يعادلها إثبات نقلك للمصاب للعلاج
ويمكن التغلب على هذه الملاحظه بشهاده الشهود

[tmz9111]

السؤال الثانى لو خبطت عربية اعمل ايه؟
لو حصل تصادم بدون إصابات فهذه عباره عن مخالفتين فى القانون
الأولى هى إتلاف منقول من منقولات الغير بإهمال
والثانيه هى مخالفه قياده مركبه آليه بحاله ينجم عنها الخطر
الأولى عقوبتها الغرامه التى لا تزيد عن 50 جنيه طبقا لنص الماده 378 فقره 6
الثانيه عقوبتها الغرامه التى لا تزيد عن 50 جنيه طبقا لنص المواد 1و 3 و 4 و 77 من القانون 66 لسنه 73 المعدل
المهم إذا لم ينجح الحل الودى يتم إبلاغ النجده التى تحضر لعمل معاينه للحادث وكيفيه حدوثه مع إثبات التلفيات التى حدثت فى كل سياره ثم يتم إصطحاب الطرفين إلى قسم الشرطه لتحرير محضر وسؤال الطرفين والشهود إن وجدوا
ثم يتم إخلاء سبيل الطرفين من القسم بدون عرض على النيابه (وذلك لأنه لا يجوز حجز أحد لإرتكابه جريمه غير معاقب عليها بالحبس )
وبعد ذلك يرسل المحضر من القسم إلى النيابه التى تتصرف فيه بتغريم المخطئ فى حدود الغرامه بعاليه
وبعد ذلك يستطيع المضرور الحصول على صوره رسميه من المحضر ثم يرفع بموجبها دعوى تعويض على المخطئ لإلزامه بتعويضه عن الأضرار التى حدثت له من الحادث والأضرار تشمل ما تم إنفاقه لإصلاح السياره وكذا قيمه ما إنخفض من ثمن السياره وكذا قيمه إفتراضيه لفتره تعطل السياره فتره إصلاحها إلخ
وبمعنى قانونى (يشمل التعويض كل ما لحق المضرور من خساره أو فاته من كسب )

شكرا ‘لى المعلومات
و لكن لى سؤال لو حدثت حادثة من الذى سيدفع التعويض صاحب السيارة أم الذى يقوم بقيادتها مثل صديق مثلا

[MMamdouh]

شكرا ‘لى المعلومات
و لكن لى سؤال لو حدثت حادثة من الذى سيدفع التعويض صاحب السيارة أم الذى يقوم بقيادتها مثل صديق مثلا

لا دة ولا دة

التعويض بتدفعة شركة التامين اللى صاحب العربية اشترى منها وثيقة التامين و هو بيرخص العربية

MMamdouh

[محمد ابراهيم 1]

شكرا ‘لى المعلومات
و لكن لى سؤال لو حدثت حادثة من الذى سيدفع التعويض صاحب السيارة أم الذى يقوم بقيادتها مثل صديق مثلا

يتم التفريق بين عده حالات
شركات التأمين الإجبارى تدفع للغير المضرور فى حال الإصابه أو الوفاه فقط ولا تدفع تعويضات للتلفيات التى تحدث للمركبات
ويشترط أن تكون الرخصه ساريه وقت الحادث حتى يكون التأمين سارى من باب أولى
ويشترط أن يكون إستخدام السياره فى الغرض المخصص لها
وترجع شركه التأمين على مالك السياره أذا ثبت أن السياره كانت تستخدم فى السباقات أو أن السياره كانت تسير بسرعه تزيد عن الحد الأقصى المقرر أو فى عكس الإتجاه أو أن الحادث وقع عمدا أو أن قائد السياره كان يقودها وهو فى حاله سكر

التلفيات التى تحدث للغير يتحملها المتسبب فيها كأصل عام
طبقا للقاعده القانونيه المدنيه التى تنص على أن كل خطأ سبب ضررا للغير ألزم من إرتكبه بالتعويض
وتتحملها شركه التأمين الشامل فى حاله وجود تأمين شامل

وبناء على ما سبق فإن قائد السياره إذا كان لديه رخصه قياده ساريه فإنه يتحمل التعويض عن ما وقع منه من تلفيات للغير
كما أنه يتحمل المسئوليه الجنائيه فى حاله حدوث إصابه أو وفاه
ويتحمل المسئوليه المدنيه أيضا إذا كانت الرخصه غير ساريه


وبرضه أى إستفسار أنا فى الخدمه