اللي يشرب من ميه النيل حيجيله امراض كتير

[Karim_Monir]

اخي مزداوي اسف جدا جدا لتأخري في الرد و لكن لظروف تقنية قهرية
في البداية يسرني التشرف بيك و لكن بما ان سيادتك شبه عضو جديد فيبدو ان سيادتك حسيت انه منتدي زيه زي بقية المنتديات ماحدش فيه يعرف حد بشكل شخصي ..احب ان اوضح لحضرتك ان معظم قدامي الاعضاء هنا علي اختلاف اماكن اقامتهم يعرفون بعض جيدا ..هذا اولا
ثانيا : انا متخصص في مجال تحلية و معالجة مياه الشرب هذه خبرة مكتسبة بجانب خبرتي الاصلية في مجال البترول و نقطة حضرتك وصلتني تماما و اتفهمها جيدا لذلك اقسم لك و لكل من لا يعرف انني غير مستفيد بأي شكل من الاشكال استفادة مادية او اي مجاملة من صاحب شركة الفلاتر و هذا القسم الله شاهد عليه و يحاسبني عليه يوم الدين كل ما سأستفيد به هو دعاء من سيستخدم هذه التقنية لاننا بالفعل نشرب سموم من الحنفية فكل ما كنت ارجوه من الله عز وجل هو هذا الدعاء بظهر الغيب و يعلم الله انني قمت بتركيب هذه النوعية من الفلاتر عند والدتي و حماتي علي نفقتي الخاصة لانني لا ارضي لمن احبهم هذا الضرر العظيم من المياه التي نشربها من الحنفية
و لمن يقول ان حجز الطحالب فيه مضرة بالصحة اقول لهم ان الفلاتر المتأثرة بالشوائب و البكتريا يتم تغييرها كل شهرين و الجهاز بمزود بتصافي drain يتم تركيبه مع صرف الحوض للتخلص من الطحالب و الشوائب اول بأول و يا ريت صاحب هذا الرأي يخبرني ما هو البديل ..هل البديل ان اشرب المياه بتلوثها و طحالبها و معادنها الزائدة ام ماذا افعل
اما عن تحيزي لشركة الفلاتر فبسبب ان كل من هب ودب حاليا دخل هذه الصناعة بغرض التربح فقط علي حساب صحة الناس و هذا الشركة تستخدم منتج امريكي اصلي و معتمد و مضمون لان هذه المنتجات ما ينفعش اني استرخص و اجيب الصيني او اي حاجة و السلام فالموضوع من اوله و آخره لوجه الله تعالي
هذا للتوضيح فقط

محمد فهمي

الله يفتح عليك ويديلك الصحة والستر دنيا واخرة
ويعوضك عن كل مليم انفتة على اهلك بما ينفعك اخي الحبيب

[Abouelela]

شكرا ياباشا ..
وعلي فكرة الآية إللي في توقيعك جميلة ورقيقة جدا ...

[elpasha009]

إحنا كمان بنعاني من المشكلة بس لقينا ليها حل الحمد لله ممتاز جدا.
الحل وهو إن والدي بيمتلك أراضي زراعية في الصحراء وطبعا الري هناك بيكون بالمياه الجوفية وعلى أعماق كبيرة جداا بتوصل ل150 متر تحت الأرض وبالتالي الميه بتبقى طالعه متعقمه جاهزة:) وعلشان كده والدي كل لما بيروح بيرجعلنا بكام جركن كبيير مليان من هناك وكل شربنا وأكلنا بالطريقة ده.طبعا عملنا التحليلات المطلوبة وبجد المية كانت ممتازة.

[Moh.Fahmy]

الله يفتح عليك ويديلك الصحة والستر دنيا واخرة
ويعوضك عن كل مليم انفتة على اهلك بما ينفعك اخي الحبيب

الله يكرمك يا كيمو و يحرسك انت وولادك و يحرسنا من كل سوء يا رب

[Moh.Fahmy]

شكرا ياباشا ..
وعلي فكرة الآية إللي في توقيعك جميلة ورقيقة جدا ...

شكرا اخي العزيز علي ردك الكريم جدا و مش عشان انت قولتلي ان الاية في توقيعي بليغة جدا اقوم اقولك المقولة اللي في توقيعك اكثر من رائعة ....لأ و الله هي دي الحقيقة و يا ريت توضحلي هي مقولة و لا حديث


محمد فهمي

[Moh.Fahmy]

إحنا كمان بنعاني من المشكلة بس لقينا ليها حل الحمد لله ممتاز جدا.
الحل وهو إن والدي بيمتلك أراضي زراعية في الصحراء وطبعا الري هناك بيكون بالمياه الجوفية وعلى أعماق كبيرة جداا بتوصل ل150 متر تحت الأرض وبالتالي الميه بتبقى طالعه متعقمه جاهزة:) وعلشان كده والدي كل لما بيروح بيرجعلنا بكام جركن كبيير مليان من هناك وكل شربنا وأكلنا بالطريقة ده.طبعا عملنا التحليلات المطلوبة وبجد المية كانت ممتازة.

انا كنت لسه حسألك يا باشا هل اجريتوا التحاليل المطلوبة من نسبة املاح و معادن و بكتيريا و طحالب عند معمل معتمد زي البرج او المختبر لان يا اخي دي ميه فلازم اتأكد منها كويس قوي و ربنا يحرس الجميع يارب


محمد فهمي

[tmz9111]

ربنا يستر عليما

[Ahmed Hassan]

بالفعل استاذ احمد موضوع تلوث المياه ده بقي بشع جدا جدا
انا كنت زي كتير اقرأ الجملة دي و ما تشلغش بالي لغاية لما شوفت بعيني منظر الميه جوه الكباية اللي بنشرب فيها فاخدت قراري في دقيقة اني لازم اركب الجهاز ده
جهاز R.o عبارة عن ست مراحل تنقية و مزود بموتور صغير 24 فولت وله تنك سعته 12 لتر و مزود بحنفية شيك جدا
هو اسعار الجهاز بتتراوح من 1000 جنيه الي 2000 جنيه بنفس الفكرة و المواصفات كمان انما بتفرق في الخامات يعني جهاز اكوا بيور اللي عندي موتوره جاك امريكي و الشركة نفسها عالمية و حاصلة علي شهادات جودة بالاضافة للعامل المساعد داخل مجموعة الفلاتر من اجود المنتجات و بيخضع لمعايير جودة عالية جدا و توجد شهادة ضمان لمدة سنة شاملة سوء الاستخدام و الصيانة مجانية لمدة سنة ايضا و التوكيل الخاص بالجهاز في اسكندرية عامل تخفيض و خدمات اضافية زي الصيانة المجانية مثلا مش حتلاقيها في القاهرة وسعر الجهاز في اسكندرية مع امكانية تركيبه في اي مكان 2000 و سعره في القاهرة 2250
و علي فكرة صاحب التوكيل عامل الموضوع انساني من الدرجة الاولي لظروف خاصة به لانه فقد احدي ابنائه بسبب فشل كلوي بالاضافة طبعا لهامش ربح الا انه يتمني تواجد هذا الجهاز في كل بيت
باقل الاسعار و الجهاز معتمد و عليه ضمان 10 سنوات من الشركة الام مطبوعة علي الكرتونة

محمد فهمي

انا مركب الجهاز ده من سنه و نص .. و فعلا ممتاز جدا.. الول كان الأولاد كل شويه عند الدكتور و يقولنا فيروس... دلوقت الحمد لله.

[dr.ayman]

طب يا جماعه الشركات اللى بتوصل الميه للمنازل دى كويسه ولا ايه
و هل هيا قانونيه و لا لأ ؟
انا معلوماتى ان البلاستيك مافيش منه مشكله فى التعبئه فى درجه الحراره العاديه انما لو فى درجه حراره قليله او التجميد بينزل ماده تسبب السرطان بدرجه عاليه جدا و كذلك عند درجات حراره عاليه ولكن الاخطر عند درجات حراره قليله

[Moh.Fahmy]

انا مركب الجهاز ده من سنه و نص .. و فعلا ممتاز جدا.. الول كان الأولاد كل شويه عند الدكتور و يقولنا فيروس... دلوقت الحمد لله.

ربنا يحفظلك اولادك و كل اسرتك احمد باشا
ما هو ده اللي انا بقوله و الله يعني انا مركبه عشان ولادي و زوجتي و حمدت ربنا كثيرا انه الحمد لله ما حصليش حاجة لغاية ما ركبت هذا الجهاز و طبعا لازم ناخد بالاسباب و نعمل احتياطنا و اللي مقدره ربنا حيكون


محمد فهمي

[noble911]

اظن العكس في الحرارة العالية بينزل المواد المسرطنة
علشان كده ماتسيبش ازازة بلاستيك في العربية و تقفل عليها

بالنسبة للجهاز راكب عندنا من حوالي 9 شهور
ممتاز جدا و الميه بالفعل طعمها حلو (مالهاش طعم اقصد ) و تحب تشربها
الاول كان في زي تراب في الميه و بحس بيه لما بشرب
و بالفعل اول مرحلة اتغيرت من الفلتر طلعت صفراء بشكل بشع و في كمية كبيرة من الرمل و التراب

انا بحثت كتير في موضوع الفلاتر ده لحد ما توصلت للمعلومات دي
1- فلتر بدون مرحلة RO بيشيل تراب ورمل و كلور و بس مهما كان عدد المراحل بتاعته
و في دراسة استغرقت فترة كبيرة وجدوا ان الناس اللي بتشرب مياه فيها نسب عالية من الكلور ممكن تصاب بسرطان المثانة الدراسة وصلت لناس بقالها 35 سنة بتشرب مياه معقمة بالكلور

2- فلتر مزود بمرحلة RO بيشيل المعادن الثقيلة زي الرصاص اللي بيقلل الذكاء عند الاطفال و الزئبق اللي بيسب السرطان و غيره الي جانب الرمل و الكلور طبعا

العيب الوحيد في فلتر Ro
ان لو حصل قطع لهذه الفلتر ممكن يسرب بكتريا لتانك المياه النظيفة و القطع سببه زيادة نسب الكلور في المياه لان الفلتر ده حساس اوي للكلور
و حل المشكلة ده بسيط و له اكتر من طريقة

اغلي المياه قبل الشرب
او استخدم فلتر من ماركة محترمة و حافظ علي مواعيد تغير الفلاتر
او استخدم لمبة UV كمرحلة اضافية في الفلتر و دي غالية و بتبوظ بسرعة
و الطريقة اللي قالوا عليها في النت و بينصح بيها متخصصي الفلتر دي
ان تجيب تنك تخزين المياه بشكل مناسب لاحتياجاتك بدون ما يكون اكبر من احتياجاتك و كل شهر فضي التانك علي الاخر و سيبه يملا تاني و امشي زي الكاتلوج ما بيقول في مواعيد تغير الفلاتر
و عموما شوية بكتريا مش حيعملوا حاجة مقابل العناصر الثقيلة اللي راحت ده ان وجدت اصلا بكتريا بعد اتباع كل الملاحظات دي
و اكتر من شخص قاموا بتحليل المياه في معامل متخصصة و المياه ممتازة و احسن من المياه المعبئة و نسبة الاملاح الذائبة فيها مناسبة للشرب ما بين 50-250

بالفعل الفلتر ده مهم جدا جدا جدا و مش غالي فيه المبلغ ده مقابل صحتك
و انصح بشراء اي جهاز امريكي لضمان جودة الصناعة

[Moh.Fahmy]

طب يا جماعه الشركات اللى بتوصل الميه للمنازل دى كويسه ولا ايه
و هل هيا قانونيه و لا لأ ؟
انا معلوماتى ان البلاستيك مافيش منه مشكله فى التعبئه فى درجه الحراره العاديه انما لو فى درجه حراره قليله او التجميد بينزل ماده تسبب السرطان بدرجه عاليه جدا و كذلك عند درجات حراره عاليه ولكن الاخطر عند درجات حراره قليله

للاسف فيه شركات صينية او بمعني اوضح من اللي تحت بير السلم تدخل هذه الصناعة لانهم لقوها سبوبة كويسة بيستغلوا ان الناس خايفة علي صحتها و صحة عيالها و يستغلوا ان فيه قطاع عريض من الناس ما عندوش فكرة عن التقنيات الجديدة دي و يشتغلوه احسن اشتغالة
انا لي صديق اشتري بكل اسف من بعض الشركات دي و بالرغم من اني مركب جهازي من فترة و سعره 2000 و دلوقتي وصل 2250 الا انه اخبرني انه طلع انصح مني و كنت اتمني ذلك و الله و ركب جهاز مشابه ب 1300 جنيه و كمان سبع مراحل مش ستة زي بتاعي و مزود بفلتر بيو سيراميك كمان
طبعا هما بيقولوا زي ما هما عايزين لان اساسا لو فيه جزء في هذا الجهاز بيو سيراميك قد كف اليد الجهاز ده سعره مش حيقل عن 20000 عشرين الف جنيه لان المادة دي غالية جدا
و فيه كمان نقطة تانية مهمة جدا اللي بيقوم بعملية التخلص من البكتيريا و تخفيض الاملاح الي النسبة المسموح بها عالميا هي وحدة في هذا الجهاز اسمها مينبرين و الوحدة دي اجزائها بتستخلص من لحاء الاشجار الطبيعية في مجاهل افريقيا و جنوب شرق اسيا فالاخوة اللي بيصنعوا الاجهزة دي تحت بير السلم للاسف بيعيدوا تدوير الوحدات دي بمعني انها ما بتكونش جديدة و الزبون طبعا مش شايف حاجة و تركبها في وحداتها
انما بالطبع فيه شركات محترمة كتير في المجال ده و بتدي ضمان يعدي 10 سنين و تديلك جهاز يقيسلك نسبة الاملاح و يحللك مكونات الميه في البيت و تقدر تعمل التحليل ده في اي وقت و ممكن برضه عينة عشوائية و توديها اي معمل محترم و يحللهالك
البلاستيك يا دكتور ايمن مالهوش علاقة بالوحدات دي لانها مصتعة من مواد خاصة من PVC و الفيبر و اعتقد حضرتك تقصد زجاجات البلاستيك الخاصة بالمياه الطبيعية و دي بالفعل مع تعدد الاستخدام وتكراره تحدث مشاكل كتيرة عافانا الله و اياك من كل سوء

محمد فهمي

[dr.ayman]

شكرا على الرد و الافاده يا استاذ محمد فهمى
بالنسبه للشركات اللى بتوصل المياه للنمازل يعنى الشركه عندها فلتر مياه و بتفلتر المياه و توصلها المنازل
دى قانونيه و لا ايه علشان فى واحد اعرفه بيفكر يفتح شركه زى دى ؟
بس هوا مش عاوز مكسب وخلاص هوا عاوز يساعد الناس و يوفر ليهم مياه نظيفه فعلا ؟
يعنى سهل انه يطلع لشركه بتاعته ترخيص و كده ولا ايه ؟
و شكرا مره تانيه