عايز حللللللل انا اتخنقت من الكمبيوتر بتاعى وقربت اتجنن خلاص

[ali.mahmoud]

دلوقتى انا بقالى فترة بعاااانى المشكله وما فيها ان كل شوية الجهاز يعمل ريستارت لواحده كده مش عارف ولما اكون مشغل الاوبرا مثلا الاوبرا تفصل ويجبلى dont send والكلام الفاضى ده وستبت نسخه جديدة خالص نفس المشكله دلوقتى انا عايز حل اعمل ايه ومن فترة نضفت الجهاز وحطيت كوولر للبروسيسور واسبراى وحاجات دلع كده اعد شهر ميعملش الحوار ده وبعدين رجع تانى ولسه نضيف من جوه يعنى وكويس اعملل ايييييييييييييييه ؟؟ المشكله ان ابقى فى عز الحاجات اللى انا فاتحها ويقوم عامل ريستارت !!!!!!!!!!!!

[al_manara]

اول حاجة اطمن ان المروحة بتاعت البروسيسور راكبة كويس
ثانيا اية اخبار حرارة الجهاز . البروسيسور وكارت الشاشة
ثالثا حاول تجيب باور سبلاي من اي حد من اصحابك وركبة مكان بتاعك وشوف اية الاخبار

في اي شاشة زرقا بتطلع ؟

[MohammedTaha]

الباور صبلاى عاوز يتغير
لان فى الصيف بيزيد استخدام الكهرباء بسب المراوح والتكييف و و و و و وبالتالى الكهرباء بتضعف شويا وبالتالى الباور مش بيقدر يحافظ على الفولتات اللى داخله للكمبيوتر فالكمبيوتر بيرستر نفسه

[MohammedTaha]

صحيح قبل اما تشترى حاجة لو عندك حد من صحابك خد منه باور صبلاى وجرب
وياسلام لو عندك استبليزر هيحلكلك المشكلة خالص بالنسبة للباور

[mahmoud5777]

ممكن حضرتك تستعمل استيكة علشان تعمل بها صنفرة لاماكن التوصيل البرامات اللى هي لونها اصفر نحاسى وبعدين تستخدم فرشة سنان ترش عليها اكاى وتنضف بيها البنكات بتاعة الرامات وتمسح الرامات كويس باكاى علشان لو فى بواقى من الاستيكة وجرب انشاء الله يتظبط وبالنسبة لسخونة البروسيسور متعملش ريستارت ولكن تعمل داون يعنى يطفى وميشتغلش تانى غير لما يبرد يعنى ممكن تحصر شكوكك فى الرامات والباور سبلاى والنسخة

[ali.mahmoud]

اول حاجة اطمن ان المروحة بتاعت البروسيسور راكبة كويس
ثانيا اية اخبار حرارة الجهاز . البروسيسور وكارت الشاشة
ثالثا حاول تجيب باور سبلاي من اي حد من اصحابك وركبة مكان بتاعك وشوف اية الاخبار

في اي شاشة زرقا بتطلع ؟

المشكله ان كل حاجة راكبه تمام وحرارة الجهاز مظبوطه على طوول ومفيش اى شاشه زرقا بتظهر

الباور صبلاى عاوز يتغير
لان فى الصيف بيزيد استخدام الكهرباء بسب المراوح والتكييف و و و و و وبالتالى الكهرباء بتضعف شويا وبالتالى الباور مش بيقدر يحافظ على الفولتات اللى داخله للكمبيوتر فالكمبيوتر بيرستر نفسه

يعنى هو كده الباور صبلاى عندى مثلا بايظ لان لو حوار الكهربا ده يبقى هيفصل عند الناس كلها مش انا بس وبعدين انا مش عارف ليه الاوبرا بتفصل كل شوية وبعدين الجهاز يرستر ولما كانت الاوبرا بتفضل شغاله عادى الجهاز شغال عادى انا هشوف حوار الباور صبلاى ده شكله منه فعلا

ممكن حضرتك تستعمل استيكة علشان تعمل بها صنفرة لاماكن التوصيل البرامات اللى هي لونها اصفر نحاسى وبعدين تستخدم فرشة سنان ترش عليها اكاى وتنضف بيها البنكات بتاعة الرامات وتمسح الرامات كويس باكاى علشان لو فى بواقى من الاستيكة وجرب ان شاء الله يتظبط وبالنسبة لسخونة البروسيسور متعملش ريستارت ولكن تعمل داون يعنى يطفى وميشتغلش تانى غير لما يبرد يعنى ممكن تحصر شكوكك فى الرامات والباور سبلاى والنسخة

انا لسه فاكك الجهاز حته حته من شهر تقريبا ومخلص عليه علبه سبراى كامله ومنضف كل حاجة احسن من الاول وساعتها الجهاز اعد ميفصلش وكان زى الفل ودلوقتى رجع تانى

[ali.mahmoud]

انا شاكك فى حاجة ممكن يكون كابل الباور هو اللى بيعمل كده لان هو كان بيعلق وكان كل شوية الجهاز يطفى منه وبعدين قلبته مع الشاشه غيرت الاتجاه يعنى وركب وبقى تمام ممكن يكون هو اللى مش بيوصل الكهربا كويس وعايز يتغير انا دلوقتى هغيره الاول ولو فضل الحوار كده هجيب باور صبلاى

[M_Marwan]

الجهاز بيعمل كده معاك بسبب الحراره العاليه أيلى بتأثر على كارت الشاشه والبروسيسور

أعتقد أن كرت الشاشه عندك فيه مشكله جرب تركب واحد تانى وشوف أيه الأخبار

أنا كان عندى نفس المشكله وغيرته وأشتغل تمام

وياريت يكون فيه تكييف فى الغرفه أيلى أنت فيها لان الحراره والجو الجميل أيلى أحنا عايشين فيه ده

بيأثر على العمر الأفتراضى لاجزاء الكمبيوتر

[M7amD_7amDy]

انا عندى نفس المشكلة برده

بس لما بفتح كذا صفحة جنب بعض يقوم مرستر !!

[hemalotfy]

ده اكيد ضعف كهرباء

الحركة دي بتحصل لما جهاز تكييف بيكون فاصل وبيرجع يشتغل ؟!
طيب بتحصل اكتر بالليل ولا النهار ؟!

جرب اللي قالو عليه الاعضاء وربنا يوفقك وتوصل للمشكلة

[homme49]

هناك إحتمال يجب تغطيته و قد حصل معى منذ عدة سنوات و هو عدم إحكام وصلة الكهرباء فى كابل الهارد ديسك الذى يتكون من فيشة بها أربع ثقوب لتوصيل الكهرباء و هذه الثقوب على شكل حرف c أى أنها غير كاملة الإستدارة و كان أحد تلك الثقوب ملمس (غير محكم التوصيل) و مع كل إهتزاز للجهاز بسبب مرور المترو فى الشارع كان الجهاز يعمل رستارت و عندما قمت بتضييق فتحات تلك الفيشة بإستخدام مفك و محاولة غلق حرف ال c ليقترب من شكل حرف ال o تلاشت المشكلة

[ali.mahmoud]

الجهاز بيعمل كده معاك بسبب الحراره العاليه أيلى بتأثر على كارت الشاشه والبروسيسور

أعتقد أن كرت الشاشه عندك فيه مشكله جرب تركب واحد تانى وشوف أيه الأخبار

أنا كان عندى نفس المشكله وغيرته وأشتغل تمام

وياريت يكون فيه تكييف فى الغرفه أيلى أنت فيها لان الحراره والجو الجميل أيلى أحنا عايشين فيه ده

بيأثر على العمر الأفتراضى لاجزاء الكمبيوتر

المشكله ان اول لما الحوار ده بيحصل بشوف حرارة البروسيسور والجهاز بتبقى طبيعيه مش عارف بقى ايه ده

انا عندى نفس المشكلة برده

بس لما بفتح كذا صفحة جنب بعض يقوم مرستر !!

منا نفس الكلام فى عز الحاجة وهى شغاله يقوم مرستر اكون مثلا بتفرج على فيلم يعد يفصل يخلينى اقوم

ده اكيد ضعف كهرباء

الحركة دي بتحصل لما جهاز تكييف بيكون فاصل وبيرجع يشتغل ؟!
طيب بتحصل اكتر بالليل ولا النهار ؟!

بتحصل فى اى وقت وبتحصل والتكييف مش شغال كمان

جرب اللي قالو عليه الاعضاء وربنا يوفقك وتوصل للمشكلة

انا هغير كابل الباور انا شاكك انو هو اللى بيعمل كده ولو متظبطش هشوف الباور صبلاى ولو متظبطش اشوف كارت الشاشه ولو متظبطش هرمى الجهاز فى الزبالة