تجارة انجليزي

[doda112a]

بدون مقدمات و باختصار
انا جبت 87 علمي رياضة و 49 في الانجليزي كدا ممكن اخش تجارة انجليزي ولا ايه و شكراااااااااااااااا

[matrix_it]

بص هو كا مجموع انا مقدرش احدد لان لسة التنسيق مطلعش بس انا برده كنت جايب 49 فالانجليزى و كنت مقلق و لما قدمت ورقى فى تجارة e الست قالتلى انه لو انا متقبلتش مين هيتقبل فا ان شاء الله انت هتدخلها و مستريح كمان و لو عندك اى سؤال انا تحت امرك

[doda112a]

thnxxxxxxxxxxxxxxx ya matrix

[aly_hosny]

بيبقى تنسيق على حسب درجتك في الانجليزي بس
ملوش علاقة بالمجموع الكلي
واعرف واحد كان جايب 46 و كان معاه واسطة و دخل

[AboELsoud]

بص يا جميل
اولا الف مبروك انك خلصت الثانويه العايمه
ثانيا انا في كليه تجاره بس عربي
اعتقد انك ممكن تدخل بس على الحركرك بص مش عايز احبطك بس انا كنت جايب 85% و ملحقتش الانجليزي \ اختي كانت جايبه 91% و دخلت انجليزي
ثالثا انت ممكن تخطف رجللك للكليه و تسأل شئون الطلبه هيقولولك على حركه معينه كده مش عارف تحط مجموعك الكلي و تحط مجموع الانجليزي عليه لو عديت نسبه معينه يبقى هتقبل ان شاء الله
رابعا التقديم لتجاره انجلش بيبقى تنسيق داخلي يعني مفيش حاجه في التنسيق اسمها تجاره انجلش انما فيه تجاره فقط اللي هيه العربي و لما تقبل فيها بتقدم على تنسيق داخلي و بتدفع 150 و يا تقبل يا لأ (طبعا مجموعك يجيب تجاره عربي بسهوله ان شاء الله )
لو عايز تسأل في حاجه تاني قول متتكسفش :)

[Amr Axel]

ع ايامي كانت من 90 في المية و لازم 48 من 50 في اللغة الانجليزية مش عارف بقي عندكم
بس عامة ع حسب التنسيق بالاضافة ان لازم يكون درجاتك مرتفعة في اللغة الانجليزية

و لو تسمحلي اقولك رأيي
ادخل حقوق سواء عربي او انجليزي
هتفيدك اكتر من التجارة في المستقبل
التجارة هتبقي متخصص في حسابات لو بقيت محاسبة
ع عكس الحقوق تتخرج تشتغل في اي حاجة و مش تخصص معين و بتعرفك الدنيا ماشية ازاي
و ازاي حتي تعمل شركات بانواعها و عقودها بص من الاخر بتعلمك كل حاجة اكتر من باقي الكليات المتخصصة في قسم واحدعشان لو قعدت اشرح مش هخلص هههههههه
ع فكرة انا كنت علمي رياضة برده و فضلت حقوق عن باقي الكليات منهم هندسة و تجارة و اداب
و انت حر برده انا بس بعرض فكرة :)

لولا اختلاف الاذواق لبارت الكليات ههههههه

[Mohamed-GH]

انا كنت فى تجارة انجلش وقعدت سنة وحولت انتا اهم حاجة تكون جايب اعلى من 40 فى الانجلش وبعد كدة المجموع زى تجارة عربى عادى

[M!SHO]

مبتتحسبش كده

بتجمع مجموع الأنجليزى على المجموع الكلى ( بالدرجات ) يعنى بتضيفه مره كمان....( أسمه المجموع الأعتبارى )

والكليه بتحدد حد أدنى من الدرجات بيختلف من العلمى لللأدبى ( الأدبى أقل طبعاً )

لو فرضاً مجموعك أقل شويه بتقدم برده بس بتبقى Waiting List وبتابع معاهم

ألف مبروك وربنا يوفقك :)

[AboELsoud]

ع ايامي كانت من 90 في المية و لازم 48 من 50 في اللغة الانجليزية مش عارف بقي عندكم
بس عامة ع حسب التنسيق بالاضافة ان لازم يكون درجاتك مرتفعة في اللغة الانجليزية

و لو تسمحلي اقولك رأيي
ادخل حقوق سواء عربي او انجليزي
هتفيدك اكتر من التجارة في المستقبل
التجارة هتبقي متخصص في حسابات لو بقيت محاسبة
ع عكس الحقوق تتخرج تشتغل في اي حاجة و مش تخصص معين و بتعرفك الدنيا ماشية ازاي
و ازاي حتي تعمل شركات بانواعها و عقودها بص من الاخر بتعلمك كل حاجة اكتر من باقي الكليات المتخصصة في قسم واحدعشان لو قعدت اشرح مش هخلص هههههههه
ع فكرة انا كنت علمي رياضة برده و فضلت حقوق عن باقي الكليات منهم هندسة و تجارة و اداب
و انت حر برده انا بس بعرض فكرة :)

لولا اختلاف الاذواق لبارت الكليات ههههههه

اكسل باشا
تصدق ان احنا في تجاره بنقول نفس الكلام يعني بنقول لاي حد ادخل تجاره عشان منها ممكن تشتغل اي حاجه و المجالات كلها بتبقى مفتوحه امامك
و بصراحه انا شايف ان الكليتين زي بعض لو مشتغلتش في التخصص بتاعك (اللي هو المحاسبه او القانون)
يعني دايما تلاقي اللي شغالين في التسويق / المبيعات / و حتى الترجمه بيبقوا تجاره و حقوق
و معلش هاختلف معاك احنا مش بنبقى متخصصين في الحسابات فقط احنا بندرس كميه مواد لا حصر لها
احنا عندنا كل ترم 6 مواد يعني 48 ماده و تقولي ابقى متخصص في الحسابات فقط
انا شايف ان الكليتين اخوات اصلا سواء من ناحيه الدكاتره او الاعداد في الدفعه
انا اصلا كان نفسي ادخل حقوق

[doda112a]

شكرا ليكو علي الردود

[m000dy]

دراسة القانون فعلا ممتعه
وهاتبقى امتع لو اللى فى الكتب اتنفذ
لو الحال اتعدل وبقينا دولة قانون فعليا مش كلام وبس هايبقى المحامى ذو شأن فى البلد دى
بره المحامى من اغنى طبقات المجتمع واقوى الشخصيات وبيتعمل له الف حساب لانه ادرى واحد بالقانون فى بلد يحكمها القانون
وبيخاف منه الظابط قبل المواطن

[Amr Axel]

اكسل باشا
تصدق ان احنا في تجاره بنقول نفس الكلام يعني بنقول لاي حد ادخل تجاره عشان منها ممكن تشتغل اي حاجه و المجالات كلها بتبقى مفتوحه امامك
و بصراحه انا شايف ان الكليتين زي بعض لو مشتغلتش في التخصص بتاعك (اللي هو المحاسبه او القانون)
يعني دايما تلاقي اللي شغالين في التسويق / المبيعات / و حتى الترجمه بيبقوا تجاره و حقوق
و معلش هاختلف معاك احنا مش بنبقى متخصصين في الحسابات فقط احنا بندرس كميه مواد لا حصر لها
احنا عندنا كل ترم 6 مواد يعني 48 ماده و تقولي ابقى متخصص في الحسابات فقط
انا شايف ان الكليتين اخوات اصلا سواء من ناحيه الدكاتره او الاعداد في الدفعه
انا اصلا كان نفسي ادخل حقوق

ههههههه اهلا بجاري العزيز في الجامعة لو كنت عين شمس
بس بالعكس انا ليا اصدقاء كتيير حولوا لحقوق و منهم اللي اتخرج قال هروح ادخل حقوق تعليم مفتوح :)
و فعلا بتدرسوا مواد كتيير مع ان المواد مش اكتر مننا سواء شكلا و لا مضمونا يا ريس ده كفاية القانون الدولي هههههه بس لذيذ
يعني عامة كل المواد بتدور حول الحسابات عندكم او ما يتعلق بها
لكن احنا كل حاجة في القانون و نظام الدولة
و نظم لبعض الدول الاخري و الفرق بينا و بينهم
و بتدرس القانون العام و الخاص و الاتنين بيتكونوا من 11 فرع
من اول القانون مدني لحد الدولي العام
ده غير تاريخ القانون من ايام الفراعنة لحد وقتنا هذا ههههههه
بتدرس الشركات و البنوك حتي الشرايع التلاتة واحكامها و ارتباطها بالقوانين بتدرسها
و من كتر حبهم فينا في امتحان السيكشن
خلونا نكتبلهم عقد شركة كامل بكل بنوده و خطاب ضمان بنك غير التحابيش من ايصال امانة و شيكات و رفضها و غيره
كفاية كده بقي بدل ما اعمل كيك داون في الرد و مش هنخلص ههههههههههه حقوق بقي

و بالنسبة اكتر من مجال
يعني عندك المحاماة و النيابة و القضاء طبعا بعدها ههههه و شئوون قانونية في ااااااااي مكان و اي شغل اداري
و يا ريس انت نسيت كارنيه المحاماة ده حصانة لوحده ههههههه

اللي ضيع بس حقوق و خلي بعض الناس فاكرة انها ملهاش لازمة هو كتر الاعداد المنضمين و المتخرجيين و اللي بيدخلوها قلة مجموع و عايز ينجح و السلام فمش عارفين قيمة حقوق و تكلمه يقولك ديه كلية تيت و مش تيت و شغل فرقة حسب الله السادس عشر

مع ان يا ريس دراسة القانون برة من اكبر و اغلي الدراسات
يعني بتوصل لــ100 الف تقريبا هندسة بقي في حدود 80 الف
مش اي حد يعني بيدرسها :)

و طالما يا ريس نفسك في الحقوق يلا شد حيلك ههههه

[AboELsoud]

جارك طبعا يا باشا انا عين شمسي اصيل
بصراحه كان نفسي ادخل حقوق جدااا للاسباب اللي انت ذكرتها و انا عارف ان حقوق بره في اي دوله هي كليه القمه و المحامي بره ليه وزنه ده حتى اوباما كان محامي
بس مدخلتهش للاسباب اللي انت ذكرتها برضه :) بصراحه مش واخده حقا خااااااااااااااااالص في بلدنا دي و للاسف بتاخد من مجموع 75 % كمان فهو ده اللي مخليها مش كويسه انا لو مسكت التعليم العالي هاخليها من 90 %
ده غير ان الوالد بعد ما طلع على المعاش من الجيش دخل حقوق يتسلى بدراستها
و بعد ما خلصها قالي بلاش تدخلها دي كليه صعبه و لما تطلع تشتغل محامي هتتعب جامد
اما عن موادنا فاحنا بنفحت مواد غريبه الاسم و اللون
يعني ترم ندرس محاسبه ماليه و اداره
و الترم التاني ندرس محاسبه اداريه و اداره ماليه
كليه غريبه بجد
ده غير العلوم السلوكيه و كل انواع الاقتصاد بدايه من اقتصاد ربه البيت لحد الاقتصاد الدولي
يلا الحمد لله
المهم انت اخر سنه ولا لسه / انا لو نجحت السنه دي يبقى فاضلي سنه واخللللللللع

[Amr Axel]

جارك طبعا يا باشا انا عين شمسي اصيل
بصراحه كان نفسي ادخل حقوق جدااا للاسباب اللي انت ذكرتها و انا عارف ان حقوق بره في اي دوله هي كليه القمه و المحامي بره ليه وزنه ده حتى اوباما كان محامي
بس مدخلتهش للاسباب اللي انت ذكرتها برضه :) بصراحه مش واخده حقا خااااااااااااااااالص في بلدنا دي و للاسف بتاخد من مجموع 75 % كمان فهو ده اللي مخليها مش كويسه انا لو مسكت التعليم العالي هاخليها من 90 %
ده غير ان الوالد بعد ما طلع على المعاش من الجيش دخل حقوق يتسلى بدراستها
و بعد ما خلصها قالي بلاش تدخلها دي كليه صعبه و لما تطلع تشتغل محامي هتتعب جامد
اما عن موادنا فاحنا بنفحت مواد غريبه الاسم و اللون
يعني ترم ندرس محاسبه ماليه و اداره
و الترم التاني ندرس محاسبه اداريه و اداره ماليه
كليه غريبه بجد
ده غير العلوم السلوكيه و كل انواع الاقتصاد بدايه من اقتصاد ربه البيت لحد الاقتصاد الدولي
يلا الحمد لله
المهم انت اخر سنه ولا لسه / انا لو نجحت السنه دي يبقى فاضلي سنه واخللللللللع

جاري العزيز
تعددت الكليات والجامعة واحدة
و ع فكرة المحامي هنا برده ليه مكانته و زي مقولت الكارنيه لوحده حصانة
و يا باشا بالعكس ده انت تلحق تدخل حقوق عشان المجموع قليل عشان صدقني لو شدت حيلها محدش هيعرف يوصلها تاني و ده اللي كان هيحصل من الدكتور احمد زكي بدر رئيس الجامعة سابقا
ده هو اللي خلي حقوق فرنساوي تبقي من مجموع 96 في المية السنة اللي فاتت كانت اعلي كلية اعلي من طب حتي و مفيش حاجة اسمها انتساب هم انتظام اللي دخلوا بس
و كان فيه امل ان المجاميع تتغير بقي للصح بس للأسف مكملش

و الكلية مش زي زمان كلمتين تدشهم و تدخل
لأ بقت زي الكليات العملية لازم تفهم لأنهم بيعتمدوا ع اللي فاهم مش حافظ اللي حافظ ممكن يعدي بس اللي فاهم يجيب تقدير

بس زي مقولتلك كلها بتدور حوالين الاقتصاد و الحساباتو اللي يتعلق بيها
و صدقني لو قولتلك المواد عندنا هتستغرب حتي الاقتصاد برده بندرسه و النظم المطبقة و السوق و ازاي نحدد اسعاره اذا كان بقولك بندرس الشرايع التلاتة و احكامها و تاريخ القانون من ايام الفراعنة و غيره
بص يا ريس من كل حاجة عن الدولة و نظامها و ما يزيد عنها كمان
و الوالد طبعا يقدر يقولك ع الطبيعة بقي
ومفيش شغل مش عايز تعب يا ريس بس يمكن المحاماة عايزة جري شوية في البداية

انا اخر سنة ان شاء الله مع بعض يعني بس ادعي اننا نعدي
و لو عايز تتابع اخبارنا اكتب في جوجل منتديات شباب حقوق :)
الملغي المهم المحاضرات النتيجة كل حاجة بتنزل هناك