الغاء رفع اسم مبارك من الميادين و المنشأت الحكومية

[mmffor]

رصد | مصر -منذ قليل|المصري اليوم: محكمة الأمور المستعجلة تلغى حكم رفع اسم مبارك من الميادين و المنشآت العامة #Egypt #Tahrir


في الماضي كان يطلق اسم الامراء و الاميرات في العائلة ( الملكية ) الحاكمة في مصر على المستشفيات و المدارس و المساجد التي كانوا يقوموا ببناءها من مالهم الخاص و ثرواتهم الخاصة!!!!!

و الغريبة كل الغرابة انك ما كنت حتلاقي 50 مدرسة باسم الملك فاروق و 30 مستشفى باسم الملك فاروق و 20 شارع باسم الملك فاروق و اكاديمية الدفاع و الشرطة باسم الملك فاروق

و في الاخر تلاقي ان الملك فاروق مدفعش ولا مليم في الليله دي كلها لأ و كمان سارق و ناهب و ناصب و عامل عمولات من اليمين و الشمال و من الهواء!!! و مبهدل شعبه و معذبهم!!


عموما الموضوع : لماذ يتم النظر في موضوع تافه زي ده في محكمة الامور المستعجلة لكن محاكمة مبارك - في ابطأ محكمة في مصر - متهم و عارفين مكانه و قاعدين 5 شهور علشان يا دوب يستدعوه!!! امال حيحاكموه في اد ايه؟ 3 سنين؟ و الطعن في الحكم؟ 5 سنين؟ و الاستئناف!!!!


اللعبة واضحة يا شباب


و كمان اشاعة ان عضو من المجلس الاعلى في امريكا اليوم اجتماع سري لقلب الرأي العام و الادارة الامريكية ضد الثورة!!

انتبه من فضلك الثورة رجعت للخلف و راحت و يا ريت كله يجهز نفسه لعصر و حقبة جديدة اسوأ مما قبل

لان النظام القديم لو عاد بالتأكيد سوف يفعل ما في وسعه لتلافي الاخطاء التي ادت الى هذه ( المظاهرات الشعبية ) كما اطلق عليها شفيق

[Khaled Online]

في أماكن غيرت اسمها فعلا
زي مكتبة مصر العامة
اللي كانت مكتبة مبارك العامة

اللي زي دول هيعملوا إيه بقى؟ يرجعوا اسم المخلوع من تاني؟!!!

وبعدين مين البني آدم اللي رفع قضية عشان اسم المخلوع يرجع تاني؟ إنسان مستفز

[wesam_salom]

الثوره دى اتصورت
لو تحب نذيع قول ذيع

[تامر.محمد]

فيه ناس بيتجاهلوا كل الشواهد و الاشارات اللي بتقول ان فيه حاجة غلط
و مش بيصدقوا الا لما المصيبة تقع

و ساعتها مش بيكلفوا نفسهم يلوموا نفسهم حتى

[aymansaad]

مفرداته كثيرة في عصر مبارك, العصر الذي وجدنا فيه قامة الفساد تتعالى, والمفسدون يتلاشى أمامهم المصلحون.
لمسنا كما كبيرا من فئات الشعب المقهور تتراجع فرص التنمية لديها فعاشوا عيشاً افتراضياً لا واقعياً، في عشوائيات تتمدد كلما تكاثر عددهم ليلتهموا الأرض هبة النيل ونبحث عن بقعة نزرعها فلا نجد.
تعددت الأزمات حتي صارت بمساحات الرقعة التي يعيش فيها المصريون.. ويكشف ملف الفساد.. المستور ونأمل في الغد المنظور


اقرأ المقال الأصلي علي بوابة الوفد الاليكترونية ملف الفساد في عصر مبارك

[Moh.Abdelbaset]

ده نص الخبر من على بوابة الأهرام

قضت محكمة مستأنف القاهرة للأمور المستعجلة، بقبول الاستئناف علي رفع اسم مبارك شكلاً، وفي الموضوع بإلغاء حكم محكمة أول درجة، [u]وعدم اختصاص المحكمة بنظر دعوى رفع اسم مبارك ولائيًا[/u]، وإحالتها إلى محكمة القضاء الإداري المختصة. صدر الحكم برئاسة المستشار خالد فاروق.
كانت محكمة أول درجة برئاسة المستشار محمد السيد، قضت برفع اسم مبارك من الميادين والمنشآت العامة، بعد الدعوى التي أقامها سمير صبري المحامي، لكن يسري رزق الله وآخرين قدموا استئنافا على الحكم.

الحكم اتلغى لأنه مش من اختصاص القضاء العادي بل من اختصاص القضاء الإداري

[mmffor]

رصد | عاجل | مشادات كلامية بين ركاب المترو وبالاخص فى محطة العتبة بسبب محاولة البعض وضع أسم الرئيس المخلوع مرة أخرى مكان الاسم الجديد " محطة الشهداء " وذلك بعد حكم المحكمة برفض رفع اسم الرئيس المخلوع من المنشئات العامة #rnn

[mr_vampire]

كدة عايزينها تولع بقي. هما مش واخدين بالهم ان بمجرد ذكر اسمه في اي مكان الدنيا بتولع.

[تامر.محمد]

يا ترى مين اللي كانوا عايزين يحطوا اسم الكلب تاني و مين اللي عايزين يمنعوهم ؟

[mmffor]

اكيد المطبلاتية بتوع احنا اسفين
و اللي عايزين يمنعوهم اتحداك انهم ناس عادية جدا من حزب الكنبة

[Amr Axel]

يا جماعة اهدواا بس و بلاش هجوم بدون داعي
تعالوا نفكر بالعقل و لو فيه محامي هنا هيرد نفس ردي و بما اني حقوق ارد
و اقولكم ده حصل نظرا لأنه عيب عدم اختصاص
يعني اقولها بالبلدي القضية اتنظرت في قضاء غير مختص بالقضية ديه
و بالتالي هيتم احالتها للقضاء الاداري بدل القضاء العادي

نيجي للجزئية التانية من الموضوع و هو ازالة الاسم
بس مش عايز اسمع حد جاي يقولي انصار و انفار و ابقار انا ببص للموضوع بالعقل بدون اندفاع
انا مش مع ازالة الاسم من كل مكان يعني يكون موجود برده زي السابقين
يعني سؤال هل لو شيلناه الاسم هيختفي ده تاريخ يا جماعة يعني محدش هيمحيه فنقلل منه ديه وجهة نظري

[mmffor]

ازالة الاسم مش معناه اننا ننساه - لان استحالة ننسى اسود ايام حياتنا

دايما الانسان بينسى الحلوة و يفتكر السيئة فمتقلقش حنفضل نفتكره و ندعي عليه ليل و نهار

لكن ازالة اسمه لانه لا يستحق ان يتصدر اسمه منشات ملك للشعب و لم يدفع هو فيها مليم واحد ناهيك عن سرقته و نهبه!!

[م.احمد زكريا]

عادي
ما هو شارع فؤاد بقى شارع 26 يوليو

وجامعة فؤاد الاول بقت جامعة القاهرة

وكوبري عباس بقى كوبري الجيزة

وهكذا

ديه وراثة من اجدادنا الفراعنة

[Khaled Online]

ازالة الاسم مش معناه اننا ننساه - لان استحالة ننسى اسود ايام حياتنا

دايما الانسان بينسى الحلوة و يفتكر السيئة فمتقلقش حنفضل نفتكره و ندعي عليه ليل و نهار

لكن ازالة اسمه لانه لا يستحق ان يتصدر اسمه منشات ملك للشعب و لم يدفع هو فيها مليم واحد ناهيك عن سرقته و نهبه!!

[yahyanaabil]

فعلا وياريت مبارك يرجع لأن تنحيه كمان غير دستورى