لــــمــــاذا اخــــتـــرت كـــلـــيـــة .......... ؟؟

[devilishtigers]

تجارة عين شمس
والحمد لله انا كنت عايزها علشان كنت فاكر انها علشان تجارة تبقى كلها حسابات وورقة وقلم علشان انا بحب الرياضة جدااااااااااااااااااااا
واكتشفت ان كل ترم مادتين بس عملي والباقي نظري إلا سنة رابعة بس الحمد لله الدنيا ماشية والنتيجة كمان يومين ولو تمام يبقى خدنا البكالوريا
والحمد لله استفدت حاجات وعرفت حاجات انا حاببها جدا

[Amr Axel]

شكرا لمشاركتكم يا اعضاء نايل موتورز و اعتقد ان التنسيق انتهي
بالتوفيق للجميع ان شاء الله

[remomemo]

فنون جميلة
انا كنت باتمنى ادخلها ممن صغر والحمد لله ربنا كتبهالى ماكنتش انفع غير فيها
وربنا مايكتبها على كمابيحبهاش لان اللى بيدخلها عشان التنسيق بيتعذب فيها بجد مع انها كلية جميلة جدا

[mostafa mahmod]

هندسه مدنى و لسه فاضلى سنتين ( تقعدهم بالعافيه يا حبيبى ) ده ضميرى يا استاذ اكسل تاعبنى و مش عارف اعمل معاه ايه عايز نصيحتك بقى

المهم انا اخترت مدنى لانها القسم الوحيد اللى بيتكلم فى كلام واقعى ( كان نفسى فى عماره بس الحمد لله )
و بجد قسم جميل و لا غنا عنه فى اى حته و كل حاجه فى الدنيا معتمده عليه

[ainshouka]

اتخرجت من صيدلة
دلوقتي ملهاش 30 أي لازمة
الصيدليات علي قفا من يشيل
المصانع مبتحتاجش كتير ودايما عاوزة ناس خبرة ولو جديد يبقي عاوز كوسة
تشتغل في الدعاية يبقي عاوزة فهلوة وطبعا بتتعامل مع دكاترة اشكال والوان منهم المحترم ومنهم مادون ذلك

كلينيكال وملهاش اي تطبيق في مصر او غير مصر

نظام الدراسة دون المستوي ودا عشان لا تطبق في بلدنا

زمان كانوا بيقولوا انها حلوة
بس دلوقتي ملهاش لازمة غير اسم دكتور صيدلي والسلام
ودا رأي الشخصي

[shaddadfalcon1]

مهندس برمجيات خريج حاسبات ومعلومات القاهره

كان نفسي ادخل بترول وتعدين وفرقت عل 1% وكنت حاطط كليتي في الرغبات كده يعني سد خانه
كل الناس كان نفسها اطلع دكتور الا انا
كنت كاره كليتي اول سنتين ومحبتهاش وبدات اتميز غير في سنه تالته وفي سنه اولي حولت هندسة الأسكندريه لمدة يومين ورجعت تاني الحمد لله

دلوقتي بحمد ربنا اني دخلت كليني وبجد عسي ان تكرهو شيئا وهو خير لكم

مكنتش هلاقي كليه اشتغل بعد مااتخرج ب اسبوعين بمرتب قد مرتب 10 دكاتره

[MohssenRashed]

تجاره انجليزي 2006 ( جامعه بيروت العربيه-فرع الاسكندريه) ايوه جامعه خاصه عشان كنت جايب 79% في ثانويه و مجاليش غير تجاره عربي بورسعيد.

استغلت سنه محاسب و اتخنقت جدااااااااا و دلوقتي شغال مسئول مشتريات خارجيه ( مستورد) في شركه الحمد لله كبيره.

[fineart607]

انا كنت بحب الرسم وجدا وبرسم وبعمل معارض انا ومجموعة من الشباب تبع النادى الى موجود فى منطقتى وكنت نفسى اخش كليه فنون تطبيقية او فنون جميلة بس للأسف اكمنى ازهر كان على ايامى مينفعش ومينفعشى حتى اخش فنون تطبيقيه خاصة الى فى اكتوبر وكنت زعلان جدا وبعدين قدمت فى الحربيه والحمد لله انى مش اتقبلت روحت تجاره وقعدت فيها ساعة وزهقت جدا وبعدين حولت علوم ههههههههههه
احترت اخش ايه بس مجموعى كان ممكن يدخلنى بيولوجى او جيولوجيا او فيزياء وانا فضلت جيولوجيا
وطبعا بعد كده بسنتين الجامعات الخاصة بدات تقبل الأزهر وكان نفسى اخش فنون تطبيقية بس كنت الحمد لله ماشى فى علوم وسبحان الله والحمد لله

[fineart607]

على فكره انا خريج 2005 الحمد لله ومش انطبق على مثل كليه العلوم خدعوك فقالوا ان كلية العلوم اربع سنوات هههههههههههههههههه


الحمد لله كانت اربع سنوات بس

[fineart607]

مهندس برمجيات خريج حاسبات ومعلومات القاهره

كان نفسي ادخل بترول وتعدين وفرقت عل 1% وكنت حاطط كليتي في الرغبات كده يعني سد خانه
كل الناس كان نفسها اطلع دكتور الا انا
كنت كاره كليتي اول سنتين ومحبتهاش وبدات اتميز غير في سنه تالته وفي سنه اولي حولت هندسة الأسكندريه لمدة يومين ورجعت تاني الحمد لله

دلوقتي بحمد ربنا اني دخلت كليني وبجد عسي ان تكرهو شيئا وهو خير لكم

مكنتش هلاقي كليه اشتغل بعد مااتخرج ب اسبوعين بمرتب قد مرتب 10 دكاتره

انا اعرف ناس كانوا جيبين مجموع هندسة وفضولوا حاسبات ومعلومات حتى اياميها كانت بتاخذ اكثر من هندسة فى المجموع

[shaddadfalcon1]

انا اعرف ناس كانوا جيبين مجموع هندسة وفضولوا حاسبات ومعلومات حتى اياميها كانت بتاخذ اكثر من هندسة فى المجموع

سنتني كانت هندسه واخده من 91 مرحله اول ونزلت 89 مرحله تانيه وحاسبات كانت بتاخد من 94.5%

[fineart607]

الحمد لله والله

[Amr Axel]

الحمد الله ع كل شئ
بس اهم حاجة محدش بس يقول كلية احسن من كلية لأن كل كلية و ليها مجالها
و كل الكليات بتكمل بعض
يعني مثلا مفيش شركة تقدر تخلو من محامي او المحاسب او فني اي ان كان القسم و ع حسب مجال الشركة
كله بيكمل بعض
و الا مكنتش الكلية اتعملت :)