ايهما تفضل تغامر فى طريق جديد ام الانتظار ساكنا

[MohammedTaha]

السلام عليكم
بعد 6 سنوات من التعلم فى شى ما لا يجنى ثمارة على
6 سنوات ضاعوا منى وانا بعتبرهم اتنصب عليا فيهم لانهم وقت كبير
هل ادخل مجال جديد ولا اكمل فى مجالى
انا قاعد فى البيت من ست شهور وزهقت ومليت وخايف ادخل مجال جديد وابدا من تانى انزل الصبح واتمرمط فى الزحمة واوامر المدراء الغبية اللى مش تنتهى والمواعيد اياها الذى لازم احضر فيها ولا اكنى الة وكل ده على ملاييم ومتنسوش كمان لسه هتعلم من جديد
انا خايف من التغيير
المجال اللى شغال فيه دلوقتى يعتبر تجارة يوم اكسب يوم اخسر حسب السوق10 ايام اقعد من غير شغل وحاجة ملل
اعمل ايه ياجدعان انا والمصحف بقالى مده كبيرة جدا عمال افكر وكل اما ارسى على بر اغير رأى بسرعة
دماغى بتاكلنى وحاسس الوقت بيلعب ضدى بجد
انا مش كسلان بالعكس انا عاوز اجيب فلوس عشان بحضر نفسى للجواز وشقة وخلافه

حد فاهم حاجة من الموضوع لو ماحدش فاهم معلش بقالى مدة منمتش

[Ghosts]

مفيش حد يقدر ينتظر ساكنآ دون عمل ....
أنا ممكن أنتظر بنت الحلال لكن أنتظر شغل دى صعبة شوية ....
أية يعنى وقعت مرة ؟ مش مشكلة خالص يامعلم دة كثرة الوقوع تعلم الوقوف ....
أنا عامل موضوع أسمة ما الدنيا إلا سلسلة مقالب كتير ياريت تكتب فية تجربتك أو المقلب أللى شربتة بالتفصيل ....

[MohammedTaha]

المشكلة فعلا نهاية الطريق الطويل اللى سلكته يكون حائط خرسانى ويجب البدئ من جديد
انا مش متقبل الفكرة ديه وخايف بردك لو بدات فى طريق جديد يكون نهايته نفس الحائط الخرسانى

[Ghosts]

المشكلة فعلا نهاية الطريق الطويل اللى سلكته يكون حائط خرسانى ويجب البدئ من جديد
انا مش متقبل الفكرة ديه وخايف بردك لو بدات فى طريق جديد يكون نهايته نفس الحائط الخرسانى

أبدأ من جديد وخليها على اللة ....
ساعات كتير الواحد بيلاقى نفسة متوفقش فى عمل معين ....
بس بعد كدة بيفهم أن ربنا عايزة يمشى فى طريق تانى أحسن بكتير من الطريق اللى كان ماشى فية ....