لو اعلانات الديتنج فضلت مش هندخل المنتدى فى رمضان

[MohammedTaha]

انا مضايقنى جدا الاعلان بتاع البنات ده
لو الاعلان ده فضل مش هدخل المنتدى فى رمضان
انتوا ناويين تفطرونا ولا ايه
المفروض المنتدى مايحطش اعلان بالهبل ده Dating ايه وزفت ايه
انا مش رادى احط صورة للاعلان عشان مشلش انا زنب كل اللى يشوفه

[AmAhmed]

انا مش عارف اي اعلانات تتحدث عنها لان عندي اضافات في المتصفح بتشيل كل الاعلانات من الصفحة و لا اري الا اعلانات السيارات في Header بتاع المنتدي

اذا كانت الاعلانات التي تتحدث عنها تابعة لجوجل .. بلغ الادارة برابط الاعلان و من خلال اللوحة التحكم يمكن الادارة وقف ظهور اعلانات هذا الرابط

[masterzmind]

انا مش عارف اة الاعلان الى بتكلم علية دة .... طول عمر المنتدى مفهوش حاجات خارجة خالص والله اعلم

[abou_ruqi]

الاعلانات بطلع لكل واحد مختلفة عن غيره حسب الموقع والاهتمامات
انا مثلا كل الاعلانات اللي بتطلعلي ماليزية اللغة وفي نفس تخصص شغلي

[ghazy12]

حضرتك اتهمت المنتدى بالباطل انه بيضع اعلانات ديتينج, و في الواقع ان دي اعلانات جوجل و هم فقط
المسؤولين عنها و لا علاقة للمنتدى بهذه الاعلانات مهما كانت من قريب او من بعيد و لا يتحكم احد فيما يعرض !!

لو حضرتك لقيت اعلان محتواه غير محترم من جوجل, يا ريت تعمل بيه ريبورت علشان يتم وقف
الاعلان ده من العرض على صفحات المنتدى عن طريق اضافة رابط الاعلان للفيلتر, و تبقى خدت ثواب...

اتمنى تكون الامور وضحت لحضرتك يا فندم...

[MohammedTaha]

عملت موضوع فى قسم الشكاوى للينك الاعلان عشان يتم فلترته
شكرا

[kar!m]

الاعلان بيطلع حسب الحاجات اللى انت بتعمل بحث عنها فى جوجل .. و المواقع اللى بتتصفحها.

أنا عمر ما طلع لى الاعلان ده بصراحه.

[Ralliart]

الاعلان بيطلع حسب الحاجات اللى انت بتعمل بحث عنها فى جوجل .. و المواقع اللى بتتصفحها.

+1
شوف مين بيدور على الحاجات دي على جهازك

[amado318]

هوة فين الاعلان عاوز اشوف

[ahmedsamir79]

الأعلانات بتظهر علي حسب البحث اللي انت الأعلانات تقريبا خاصه بالموضوع ده
المشكله من عندك انت مش من المنتدي. لو مش عاوز الحاجات دي تظهر بطل بحث عليها في الأنترنيت.
سؤال أخير هو في حد شغال معاك علي نفس الخط (جار أو زميل) ممكن يكون هو السبب

[mramzy]

انا مختر نمط nile- mobile ومريح بالى مفيش اعلانات خالص واسرع فى التصفح

[atefadel]

ايوة انا لما كنت في النمسا كان في اعلانات و صور بنات كانت بتطلع
بس دي علشان المكان الي انت فية

[AshTurbo]

انا مضايقنى جدا الاعلان بتاع البنات ده
لو الاعلان ده فضل مش هدخل المنتدى فى رمضان
انتوا ناويين تفطرونا ولا ايه
المفروض المنتدى مايحطش اعلان بالهبل ده dating ايه وزفت ايه
انا مش رادى احط صورة للاعلان عشان مشلش انا زنب كل اللى يشوفه

عملت موضوع فى قسم الشكاوى للينك الاعلان عشان يتم فلترته
شكرا

أعتقد كده حضرتك مدين بالأعتذار للمنتدى .

[Qmax]

إدخل علىcontrol panel وبعدها

regional and language options شوف عندك اللوكيشن مصر ولا دوله تانيه أعتقد إن المشكله منها لو لقيتها دوله تانيه إختار مصر ولا زم تكون مركب سي دي الويندوز أثناء التغيير

[tamatemo]

حط برامج قفل الاعلانات علي المتصفح بتاعك