لو حد فيكو مكاني هيعمل ايه

[mohamed_e36]

عايز رأيكم في الموضوع ده معلش هو طويل بس هحكيه من الاول
احنا ساكنين في الدور الاول فأي صوت زعيق او لعب بيبقا عندنا في الشقه والدي مبيطيقش الزعيق والاصوات دي فكل شويه يطلع يزعق عشان العيال ميلعبوش كوره في الشارع فكان بيزعق وجه الزعيق في ولاد واحد جارنا
مع العلم اخويا الصغير بيلعب مع العيال دي في الشارع(سنه حوالي11 سنه وعنده عجز في رجليه اليمين بسبب حادثه) المهم جارنا اللي ولاده ابويا زعقلهم راح جاي لابويا وقاله ابنك خرم لولادي فرده الكاوتش وشوفلك حل معاه........و اشتغل معانا شغل العيال الصغيره فأبويه كان بينفضله عشان مش عايزين مشاكل
وفضلنا في موال ابنك ضربني لحد اول اول امبارح حصلت مشكله بين ابن جارنا واخويا والواد كان بيضرب اخويا واخويا دافع عن نفسه وضربه وفجأه امي كانت قاعده في الشباك ولقت جارنا ده راح رايح ضارب اخويا قلمين على وشه وماسكه و ساحبه من التيشيرت امي شافت كده وبقت عماله تصوت الراجل عمال يجرجر اخويا وهو مش عارف يمشي بسبب العجز اللي في رجله ابويا كان نايم صحي من النوم على صويت امي والراجل ساحب اخويا
وطالع يخبط علينا ابويا فتح الباب وراح زاقق جارنا و اتخانقو مع بعض بس شغل زعيق وكلام (ابويا راحل كبير 60 سنه وبرضه نصيبه انو تحصلو حادثه ومسبباله عجز عند الركبه ) وبعد شويه الراجل نزل وقال عايز يعتذر لابويا ابويا قاله مش عايزين نعرفك تاني
كل الاحداث دي حصلت وانا مسافر ولسه راجع امبارح ورجعت لقيت الراجل جارنا ده خد بعضه ومشي
انا دلوقتي مستنيه يجي من السفر وهتلم عليه انا واصحابي و همسكه اديه القلمين التمام واخد حق اخويا حد ليه
اي رأي تاني
ووالله انا لا بتاع خناقات ولا عمري اتخانقت بس صعبان عليا اخويا جدا

[أحمد كمال]

انا لو مكانك هارزع اللي جابوه علقة اعلمه انه ما يمدش ايده على عيال غيره كده

[mohamed_e36]

متتصورش انا بغلي ازاي بس انا مش عايز غير حق اخويا

[MohammedTaha]

انا مش هفولك تعمل ايه لانى مليش دخل
الراجل غلط شوف انت عاوز تاخد حقك ازاى بس خلى بالك لانك مهما اللى هتعمله هيعمل عدوات جامدة وهيكون الجو مشحون طول الحياة مابينكم وممكن هو كمان يعمل نفس اللى هتعمله وساعتها لا قدر الله هيحصل كوارث

[M7amD_7amDy]

انا لو مكانك هارزع اللي جابوه علقة اعلمه انه ما يمدش ايده على عيال غيره كده

+111

أو حاجة تانية

تمسك أبنه تكدره وتخلى أخوك يضربه العلقة المتينة ويروح لأبوه مضروب وده اللى برجحه

[elmkaneeki]

مش عارف اقولك ايه بس اهدى وفكر الاول وبعدين قرر...

[grand hand]

فكر بعقل ومتخليش الشيطان اللعين يتملك فيك

[elmkaneeki]

فكر بعقل ومتخليش الشيطان اللعين يتملك فيك

right

[hazemhany]

انا رأي لازم تاخد حق اخوك وتضرب جارك ده العلقة التمام عشان ماتتولدش عقدة عند اخوك وتبقي عينه مكسورة بعد كده ادام العيال في الشارع ..

[waelfarid]

اتكلم معاه وفهمه ان الجار للجار والنبي وصي علي سابع جار واطلب منه يطيب خاطر اخوك ويعتذر له لو رفض يبقي هو اللي مش باقي عالجيرة ولو انت معملتلوش حاجة ربنا سوف يريك اياته فيه لو فضل عالحال المفتري ده

[greenday]

بص يا باشا الحوارات اللى زى دى بتبدا صغيرة بس ممكن تكبر وتنتهى بمصيبة يعنى انت لو عملت اللى فى دماغك وضربت الراجل مع صحابك مش ممكن يبقى معاه سلاح ولا حاجة يضرب حد منكم بيه ولو حتى ضربتوه مش ممكن ينتقم من اخوك او ولدك وانت مسافر وتيجى انت تنتقم منه والموضوع يكبر اكتر انا من رأى انك تجيب واحد كبير كده وشيخ من منطقتكم وتحكيله الحكاية وتخليه يخلى الراجل ده يعتزر لولدك ولو مرديش اعمله محضر تعدى على اخوك ووالدك هيجرى يبوس ايديكم عشان تتنازلوا عن المحضر بالذات لو مكانش بتاع مشاكل

[mohamedbook]

انا لو مكانك هارزع اللي جابوه علقة اعلمه انه ما يمدش ايده على عيال غيره كده

ياستاذ احمد المشكلة مش انة يرزعة قلمين زي الي اداهم لاخوة
المشكلة ان الموضيع بتتطور وتقلب لمشاكل اكبر قد يكون فيها قتل لا قدر الله

[mohamedbook]

انا معاك بس المشكلة حصلت وخلصت وقدر الله ان انت مكنتش في البيت وكمان الرجل مشي من الشقة وكمان نزل عشان يعتزر فيارت تفوت الموضوع المرة دي وتحزرة فقط واحنا دخلين علي رمضان
عشان الموضيع دي ممكن تبتدي بعيال وتنتهي بموت لا قدر الله والله هو الي بيحصل كدة
ونت حزرة ولو كررها كل الحق هيكون معاك وتعمل الي انت عايزة علي الاقل مش بعد ما خلص الموضوع تفتحة تاني وانت كدة الي بتقول شكل للبيع

[yascro]

والكاظمين الغيظ والعافين عن الناس

بص انا لو مكانك هعمل مشكله كبيره وممكن اعلق الراجل ده على باب العماره من رجل واحده بس من الواضح ان الراجل خايف جدا
عشان كده ساب الشقه ومشى
انت تجيب اخوك الصغير و تفهمه انك مش ممكن تسيب حقه
وتجيب نمره الرجل ده وهما كلمتين مفيش غيرهم ف الموبايل
تقوله
(انت راجل كبير وانا والدى مربينى لا امد ايدى على الاكبر منى ولا على عيال الناس بس لو فكرت مره تبص لحد من اهلى بصه وحشه انا هخليك عبره للشارع كله ) و تكون المكالمه ادام اخوك الصغير
و لو المكالمه مشت ف طريق الخير خلاص
بس لو لقيت الراجل ده بيتملعن
مش خساره بقى ف طيبه قلبه اللى هيحصله

[akramlail]

انا رايى تروح تفقعة محضر انت ووالدك دة اساسى لانة حقك ودة مفهوش اى بلطجة او تعدى منك انت بتاخد حقك بكل احترام
تانى حاجة لو انت مصمم تاخد حقك بايدك يبقى منك لابنة يعنى اخوك يلعب عادى معاة ويفقعة علقة ولو ابوة ادخل يبقى انت موجود
ودة اللى حصل اصلا وسبب المشكلة ان ابوة ادخل فى الاول
انما مترحش منك لنفسك كدة تروح تضربة لان الناس هتغلطك وهتبقى معتدى علية خليها عيال فعيال