مع تصريحات اللواء توفيق عكاشة ...... اللواء الرويني سابقاً

[dr.amr]

لما عمرو مصطفى و توفيق عكاشة , و الرويني يقولوا نفس الكلام و كلهم ما عندهمش دليل يبقى لازم تدور على الرابط اللي ما بينهم , و اللي يكلف نفسه و يشغلها شوية بس يكون عمل لها ظبط زوايا الاول , هايكتشف الرابط بسهولة

جامد اخر 100000000000000000000000 حاجه

اللي مش شايف الحقيقه يسمحلي يقعد في بيته وميفتحش بقي

المجلس العسكري علي اخر الزمن بيتفق مع عمرو مصطفي السيس وسبايدر ههههههههههه

مجلش مش علي قدر المسئوليه

[dr.amr]

بصراحة بصراحة

انا من بداية الثورة مش عارف الجيش في صف مين

و بصراحة اكثر

الجيش نفسه مش عارف هو في صف مين
هو مش عاجبه مبارك - لكن لازم يأمنه و يجنبه المحاكمة لان مبارك برضه من المؤسسه العسكرية و رمز فيها و اهانته اهانه ليهم

هو عايز رئيس مدني لمصر و في نفس الوقت خايف من رئيس مدني لانه لن يقبل ان شخص مدني يكون ليه سلطات على المؤسسة العسكرية

عايز استقلال القضاء لكن خايف لحسن استقلال القضاء يكشف المستخبي

عايز ملاحقة الفاسدين و في نفس الوقت قيادات الجيش خايفة من ملاحقتها لانها كانت شريك في الفساد و النهب


علشان كده الشيخ صفوت حجازي رمالهم الجزرة و قالهم الشعب مستعد للتعهد بعدم ملاحقتكم او كشف قضايا فسادكم لكن خلونا نستمتع بالحرية ولا تسلبوها مننا

مصر كفاية عليها كده جهل و تخلف و رجعية و فساد و فشل

عايزين نتقدم

الف مرحب بيك في صف الحق

اخيرا فهمت وشوفت الحقيقه

تحياتي ليك

[misoalex]

الروينى على دريم لما كنت أحب أهدأ الميدان كنا ننشر أشاعة عن القبض على عز مثلا فيهدا الميدان

ده اعتراف واضح وصريح منه على فكره

الحمد لله كل يوم بيتكشفو عن اللى قبليه انهم كانو وحتى الان فى صف مبارك واعوانه وانهم انضمو للثوره منظر عشان يحكمو البلد ويعملو اللى هما عاوزينه

واللى مش مصدق يراجع المواضيع اللى قبل سقوط امن الدوله بيوم ويشوف فيها شهاده الناس عن ان الجيش كان بيحرص امن الدوله وهما بيتخلصو من الادله وبيحرقو كل حاجه ودى كانت بدايه الشك فى امر الجيش هل هو مع المظلوم (الشعب )ام مع الظالم

[Osama_I]

بصراحة بصراحة

انا من بداية الثورة مش عارف الجيش في صف مين

و بصراحة اكثر

الجيش نفسه مش عارف هو في صف مين
هو مش عاجبه مبارك - لكن لازم يأمنه و يجنبه المحاكمة لان مبارك برضه من المؤسسه العسكرية و رمز فيها و اهانته اهانه ليهم

هو عايز رئيس مدني لمصر و في نفس الوقت خايف من رئيس مدني لانه لن يقبل ان شخص مدني يكون ليه سلطات على المؤسسة العسكرية

عايز استقلال القضاء لكن خايف لحسن استقلال القضاء يكشف المستخبي

عايز ملاحقة الفاسدين و في نفس الوقت قيادات الجيش خايفة من ملاحقتها لانها كانت شريك في الفساد و النهب


علشان كده الشيخ صفوت حجازي رمالهم الجزرة و قالهم الشعب مستعد للتعهد بعدم ملاحقتكم او كشف قضايا فسادكم لكن خلونا نستمتع بالحرية ولا تسلبوها مننا

مصر كفاية عليها كده جهل و تخلف و رجعية و فساد و فشل

عايزين نتقدم

+11111111111

[Abo_Lina]

لماذا لا يسلك الطرق القانونية هذا اللواء و يدعه من التشهير بمنظمة أو حركة شبابية ?
هل قيمة الجيش إنه يطلع القادة بتوعه يشتموا في حركة و الحركة ترد و يبقى فيه تلاسن ? عندك أدلة قدمها لكن تطلع في التلفزيون تقولنا دول خونة و دول عملا ،، أومال أنت دورك إيه ?
أسلوب غير جيد و طريقة لا تتلائم مع قيادة للبلد مفروض تطبق القانون مش تخون الناس لما تتزنق ..

[تامر.محمد]

الرويني: خرجت مسيرة الأمس من التحرير و لم تعطي اخطار مسبق لمن يدير البلاد و لا للداخلية

صباح منطق داخلية مبارك

[تامر.محمد]

الرويني : ستة ابريل عندهم فيلا فاخرة في وسط البلد مش عارف جابوها منين
المذيع : مسجلة بإسم مين يا سيادة اللوا ؟
الرويني : وات ايفر بقى

الرويني يستمر في تشويه الثورة (منذ البداية) بطريقة طلعت زكريا و توفيق عكاشة

تشويه 6 أبريل البداية لفصل الكتل الثورية عن الشارع، والمرحلة لن تستثني أحدا وستطال الإخوان لكن ليس الآن

[yahyanaabil]

انا مش عارف المجلس العسكرى ده كان فين لما مصر قاعده 30 سنه بتتنهب
حركه 6 ابريل يعنى هيه اللى باعت الغاز لاسرائيل و هيه اللى باعت ثروات البلد لشويه حراميه بدل ما يتشطر على 6 ابريل يعمل حاجه مفيده ويروح يقطع الغاز بتاعنا عن اسرائيل لو هوه فعلا همه البلد كان فين المجلس العسكرى
المجلس العسكرى كان شغال سرقه مع صاحبهولما لاقى صاحبه بيتضرب قام باعه
الغريب انه نجح انه يكره الناس فى حركه 6 ابريل و للأسف احنا شعب سهل جدا انك تقوده وده معروف من زمان
المجلس ومبارك ايد واحده

[زينة الله]

الرويني عضو المجلس العسكري للجزيرة مباشر مصر|| حركة كفاية ليست مصرية ورمز قضبة اليد لـ6أبريل علامة صربية

[تامر.محمد]

الروينى على الجزيرة : المجلس لم يأخذ شرعيتة من الثورة او التحرير بل من الأعلان الدستورى

[م. حاتم السباعي]

شكراً عشان حضرتك شيفني من الشرفاء إلي خايفين على البلد
بس سؤالين ....... حضرتك شايف إن كل خطوات المجلس العسكري صحيحة و بريئة و في صالح الثورة تماماً ؟؟؟؟
التاني طب الصح بجد نعمل إيه دلوقتي ؟؟؟؟؟

لا ابدا لا شكر علي واجب
و احتمال انك اجدر مني كمان خوفا علي البلد
موضوع الاجابة علي الاسئلة سهل جدا بالنسبة للسؤال الاول اما الثاني فصعب جدا
س. كل خطوات المجلس العسكري صحيحة و بريئة و في صالح الثورة تماماً ؟؟؟
طبعا لا اري ان كل خطواته صحيحة
و لكني اراها معظمها برئ
و في صالح الشعب تماما
ولكن اراها عجوزة شوية
يعني بالله عليك تفكيري و تفكيرك زي تفكير ابوينا زي تفكير جدودنا في سرعة رد الفعل و هكذا فلو شلنا انا و انت سوء الظن فيهم سنراهم بشكل مختلف و ده مجرد اختلاف وجهات نظر
الثاني بقي ( طب الصح بجد نعمل إيه دلوقتي ؟؟؟؟؟ )
لن استطيع الاجابة عنه بشكله المطلق
فأنا لي وجهة نظر و من كثرة كتابتها حاسس اني اثقلت عليكم
و لكني سأختصرها تاني يا ريت محدش يزهق مني
انا اري ان العيب فينا اولا و ليس في من يحكمنا
فنحن كمجتمع قد ابتعدنا عن الله و عن خوفنا منه
فوهنا لدي اغلب الحكام و اصبحنا مثل العبيد لا كرامة لنا
الفقر ليس عيبا و ليس مقياسا لرضي الله و غضبه
فيمكن ان نكون من احسن الناس طاعة لله و نبتلي بالفقر في الارزاق كدولة و الا يبقي ربنا كان غضبان علي السعودية طول الزمن الماضي قبل اكتشاف البترول
و نعيش اقل من غيرنا غير منعمين و لكننا راضين و مبارك لنا في القليل لاننا لا ننظر للكثير الذي يملكه غيرنا
و لكن هذا الفقر في الارزاق لا يقابله عدم اخلاص في العمل
و لا يقابله تحليل الرشوة و لا يقابله تحليل الربا و هكذا
و سأضرب لك مثل بسيط
يحاول احد الناس كبار السن الطلوع للحج كل عام بالقرعة فلا يملك غيرها هو وزوجته و يسعي لذلك من الحفاظ علي الميعاد فيكون اول المتقدمين و يتمم كل شئ من اوراق الي جوازات الي نقود و يقيم الليل باكيا لله ان يحج قبل ان يموت هو وزوجته و يخلصون في الدعاء لله فتأتي القرعة فلا ينجح كل عام فلا ينجح كل عام فلا ينجح
فيأتي ابن الحرام و يقول له هات خمس بواكي وانا اطلعك فيعطيه فينجح و يطلع و يحج و لا تعلم ( هل قبلت ام لا )
مع ان و الله و الله و الله قد قبلت منه في المرات السابقة التي لم يذهب فيها لو انه كانت نيته خالصة لله
هكذا اخي الكريم هي دنيتي التي ابحر فيها و معنا الكثير و الكثير افضل مني طبعا في هذا المنتدي ممن بيناكفو فيك و ممن لا يتداخلون معنا في هذه المناقشات و لو تكلمو لاسكتونا جميعا و لو عاوز تتكلم و تستفيد ادخل للشيخ خالد علي الخاص كده او الحج احمد و اسئلهم عن ارائهم و رؤيتهم للموقف عموما
و يذاكر الشاب و يطفح الدم و يدخل هندسة مثلا و يجتهد و يتخرج بأمتياز و يعمل في الكلية و يأخذ ما يكفيه يا دوب علي المحك
و زميلة الاقل منه علما بدون طفح دم و بدون اي معاناه يتخرج و يعمل عند ابوه نائب مدير او عند عمه او عند خاله او يفتح له المشروع من بابه هذه هي الحياة حتي لو ساد العدل هناك نواقص و هناك مشقة و هناك كفاح و ستجد النصابين و المرتشين و الفاشلين بس بدرجات فكيف تسير في هذه الحياة السابقة او القادمة بدون ان تنزلق و بدون ان تخاف احد غير الله مهما قست عليك الحياة بحكامها الموضوع كله يتلخص في لماذا خلقنا
فلو قال احد لعبادة الله فقط --- كما قال الله لنا و ما خلقت الجن و الانس الا ليعبدون
و لم يذكر ان الله امرنا بأعمار الارض اكيد سنفشل و نضل و نتواكل
و لو قال احد لاعمار الارض فقط ---- لان الله غني عن عبادتنا يبقي يروح يصحح عقيدته
الموضوع يا استاذ hobiko كبير اوي و له ابعاد ثقافية و توجهات فكرية و اصول و مرجعيات تحتاج للبحث و المعرفة و كلنا مازلنا تلاميذ حرية فيجوز اكون انا علي غلط و انت علي صواب
بس اوعي بعد كل اللي انا كتبته ده تقولي ايه دخل ده في اللي انا بسأل عنه هنا فقط اقول لك اكيد فيه حاجة غلط

و استأذنك ان انقل مشاركتي الاولي معك و افرد لها موضوع لخطورة الموقف الان
تقبل تحياتي

م.حاتم السباعي

[زينة الله]

الروينى على الجزيرة : المجلس لم يأخذ شرعيتة من الثورة او التحرير بل من الأعلان الدستورى

والاعلان الدستورى دا مش نتيجة اسقاط الثورة للدستور والنظام السابق !!!!!!!!!!!!!!!!!!!!!

هو كدا بيتبرأ من الثورة والا إيه ؟؟؟؟

طيب هو دوره ايه بالظبط دلوقت ومين بيعمل ايه ؟؟؟ ايه اللخبطة دى ؟؟؟؟

[زينة الله]

دلوقت فيه مسيرة للمجلس العسكرى ووقفة عند وزارة الدفاع من اهالى ضباط 8 ابريل

سؤال :: مين ضباط 8 أبريل ؟؟

مش دول اللى المجلس قال عليهم قبل كدا ضباط مفصولين ومغرضين وعايشين فى الخارج ومتزوجين من اجنبيات !!!

لما عملت بحث لقيت معلومات تانية خالص عنهم :) منهم ناس من الصاعقة ومن الاسلحة المختلفة وفى الخدمة مش مفصولين !!!!

يا ترى الحقيقة فين ؟؟؟؟

[تامر.محمد]

والاعلان الدستورى دا مش نتيجة اسقاط الثورة للدستور والنظام السابق !!!!!!!!!!!!!!!!!!!!!

هو كدا بيتبرأ من الثورة والا إيه ؟؟؟؟

طيب هو دوره ايه بالظبط دلوقت ومين بيعمل ايه ؟؟؟ ايه اللخبطة دى ؟؟؟؟

بيقول احنا ما حصلناش على شرعيتنا من التحرير , احنا حصلنا عليها باعلان دستوري و استفتاء شعبي ايد فيه 77% من الشعب اجرائات و تواجد المجلس العسكري

حد فيكم يا حضرات لما كتب نعم كتب نعم للمجلس العسكري ؟؟؟؟؟؟؟؟؟؟؟؟؟؟؟؟
انا عن نفسي قلت نعم عشان يغوروا على طول ........

حسيتم بالانقلاب ولا لسه ؟
[youtube]http://www.youtube.com/watch?v=WdyhvYxGRFw[/youtube]

[aly_hosny]

طب يعني انا عندي سؤال بريء
اشمعنا صربيا ؟؟؟
هي ناوية تحتل مصر ؟