حدث في الموسكي

[A7MED_PHARMA]

السلام عليكم


.
كنت في الموسكي الساعة 7 صباحا أجيب شوية حاجات للمحل والصيدلية
ركنت في شارع رئيسي ..الدنيا لسه هادية ومفيش حد راكن كتير
خلصت مشترياتي على الساعة 9 .. ورايح أركب العربية وأمشي
ألاقي قرد ناططلي ..عيل بتاع 12 سنة لازق وعاوز مبلغ وقدره (عشة) جنيه
علشان أنا راكن في جراش..أقوله ياحبيبي مفيش جراشات هنا .. ده شااااااااااااااااااااااارع
ينده للقرد الكبير(راجل في حدود ال50 سنة) وشه لوحده المفروض ياخد عليه مخالفات فنية في المرور
مقتطفات من الحوار
الراجل: هو الشارع ده بتاع (أبوك)سايبهولك تركن فيه
أنا: يعني بتاع أبوك إنت
الراجل:أيوه بتاع أبويا .. ومنتش ماشي غير لما تدفع العشة جنيه
أنا:ياعمنا أنا جيت مالقتش حد .. وركنت في شارع ..أدفع بقا بتاع إيه
الراجل: صوت أنفي وقح ثم يقول..وأنا مال أمي

مع العلم إني كنت مطبق..وجاي من الزقازيق مشوار في الحر وراجع في الحر

أنا : إلي عندك إعمله .. مش دافع
الراجل مسك فيا وعاوز يتخانق..الراجل أصغر مني حجما .. وأكبر سنا
بس أنا مش بتاع خناقات إلا للضرورة
أنا :ياعم صلي ع النبي..أنا راكن في شارع .. ده مش جراش..ولو جراش..إديني تذكرة وأنا أدفعلك إلي أنت عاوزه
الراجل: أديك نذكرة تحطها في ............. عينك
وكان ماكان
لزقت الراجل في القايم بتاع العربية ..ويدبوك شلوتين مني
لقيت سبارسجية الموقف إتلموا عليا
وللأمانة المطلقة
إتروقت يومها ... في حضور سيارتين أمن مركزي في الجهة المقابلة في الشارع
أنا إتكلمت بقلب جامد علشان شايف ظباط الناحية التانية
وللأسف
للأسف ده إلي حصل

[أبومعاذ]

اللي زي ده يا د أحمد مينفعش معاه العنف دا تقوله من عنيا و تركب عربيتك أكنك هتديله و انت ماشي و تحط في ايده 2 جنيه هياخدهم و يبرطم و يسكت

[رزق]

لأ اله إلا الله
إنت مش متصور أنا بكره الناس دي اد إيه

[EslaM_NagY]

احلى حاجة عربية الامن المركزى دورها كان فعال جدا

:s:s:s:s:s:s:s:s:s:s:s:s:s:s:s:s:s:s

[mahmoud_afifi]

لو كان معاك الكتريك بقى يا معلم كان نفع في الحاله دي

[A7MED_PHARMA]

اللي زي ده يا د أحمد مينفعش معاه العنف دا تقوله من عنيا و تركب عربيتك أكنك هتديله و انت ماشي و تحط في ايده 2 جنيه هياخدهم و يبرطم و يسكت

كان مصمم ع العشة جنيه جداااااا

لأ اله إلا الله
إنت مش متصور أنا بكره الناس دي اد إيه

بلطجة صرفة ..

احلى حاجة عربية الامن المركزى دورها كان فعال جدا

:s:s:s:s:s:s:s:s:s:s:s:s:s:s:s:s:s:s

شكر خاص لجهاز الشرطة المصرية على تقعيل الأمن وحماية المواطنين
تدخلوا تشوفوا صفحة وزارة الداخلية..يحسسوك إن الحياة زبادي في الخلاط..والأمن مستتب

لو كان معاك الكتريك بقى يا معلم كان نفع في الحاله دي

كانوا كتير ياحودة

[mahmoud_afifi]

كانوا كتير ياحودة

ماهو انت لما تصعق واحد الباقي هيخااااف
معلش قدر الله وما شاء فعل
تعيش وتاخد غيرها يا جميل :))

[osama.m]

مش عارف بصراحة في موقف زي دا اقولك اي بس فعلا بتوع الامن يشكروا على الواجب اللي عملوة معاك
كان المفروض تعدي عليهم و تقلولهم تشكروا يا رجالة !!
الحمد لله انك بخير

[megamoudy]

المهم انت سليم ولا ايه يا احمد

[samcar]

البلطجيه اجبن خلق الله - للعلم ما بيتشطروش الا لما يلاقوا نفسهم عدد او يكونوا مبرشمين- الحل هو السرعه والمباغته- يعنى كان ممكن تركب وتقول له وسع لى السكه واعمل انك حتدى له حاجه وبعدين دوسه بنزين وسرينه وارمى له نص جنبه على الارض

او لو كانت عربيتك فيها حكه قديمه ولا حاجه ارمى بلاك عليه وقول له انت خبطت العربيه وكمان عايز فلوس وعلى حسك - ممكن تلاقى تضامن من كتير ماشيين

المهم تنفذ فكره خدوهم بالصوت- ما طولش فى الكلام لانه بيجرا التانى عليك - اهبش فيه - هو فى الاخر خايف يحصل حاجه تضيع منه المنطقه بتاعته ومهما كان مجنون الخوف بيلجم الجن

[magyver]

ياعم الحاج تلاشي النااس دة وانت مش في بلدك ولوحدك
يالا حصل خييير
المهم انت عامل اية وااحشني والله بقاالي كتير مش بشووفك
ابقي عدي علشان اوريك الحتة البي ام 2.5 الجديدة

[mr_vampire]

-طيب وثبت علي موقفك يافارما ومدفعتش العشة جنيه ولا اخدت شوية ترويق بعشين.

-طب مقولتش جزززززززززززززززر ليه وكنت هتلاقيني جنبك بنظم المرور وادخلهملك واحد واحد ( تفعيلا لمبدء اضرب صاحبك لو هما كتير ).

[E30power]

كنت هتدايق لو كنت قريت فى اخر الموضوع انك ادينة العشة جنية :]:]:]

[aymansaad]

انا لما بروح الموكى او الحسين بركن عند جامع الجعفرى امام موقف الدراسة ولو معايا الاولاد بركب المينى باص من موقف الدراسة حتى الموسكى او العتبة وهو بيروح لغاية رمسيس

[Medo007]

الحمدلله جت سليمة وابقى خد حذرك من الناس دي
دول جعانين ومش بيهمهم حد ربنا يستر علينا

والناس اللى زي دي تاخدهم على قد عقلهم
انا مره كنت بركن في الحسين لقيت الراجل بيقولى 20 جنيه الركون اصل رمضان بقى ومش عارف ايه

قلت له هما 5 جنيه كويس وكان مش موافق كمان بس خدته على قد عقله وهما ال5 اللى اخدهم وخلاص