سيبكوا من الأدوية خااااااااااالص و إدوها أعشاب

[OlaOsman]

لفت نظري جدا في الآونة الأخيرة كم الإعلانات التجارية عن أعشاب بتعالج كل حاجة في الدنيا.. يعني منتهى البساطة ممكن مريض السكر يرمي أدوية السكر بتاعته و يقول وداعا لحقن الأنسولين عشان يشتري علبة الله أعلم فيها ايه بس هو ده اللي هايعالجه من مرض السكر.. العلبة تمنها 150 جنيه + مصاريف الشحن

يعني كل الدكاترة و الأبحاث العلمية دي كلها ما عرفوش يوصلوا لعلاج مرض السكر و العلبة اللي شكلها مريب دي هي اللي هتعالج مرض السكر.. هو مرض السكر أصلا بيتعالج؟ ايه النصب المستفذ ده؟

طبعا ناهيك عن العلبة ام غطا أصفر و العلبة ام غطا أزرق لعلاج العقم عند الرجال و النساء.. يا سلااااااااااام.. ماكانش حد غلب.. بس برضه الناس المفروض يكون عندها وعي عن كده شوية.. و لا ايه؟

[دموع الثلج]

يا علا سيبك من شغل الدعايه ده الاعشششششششاب دى ممكن تستخدميها لمغض لصداع بسيط لكحه

الامراض الخفيفه يعنى وكمان تاثيرها كوقايه يشترط الاستمراريه على تناولها

اما الامراض اللى ذى العقم والامراض المستعصيه النتيجه فيها نسبتها ضئيله لاننا نفتقد الوعى فى استخدامها

وفيه اعشاب ذكرها الرسول عليه الصلاه والسلام فى احاديث كثيره واوصى باستخدامها وكلها موجوده فى الطب النبوى

لكن برضوه هلفت انتباهك لشى اننا معندناش اى ثقه لا فى اعشاب ولا ادويه لان الاخطاء البشريه وصلت لكل شى
ومش هقولك الاعشاب والمواد الكيماويه والمبيدات المسرطنه يعنى من الاخر الشافى هو الله وربنا يشفى كل مريض يارب ولا يحتاج للعلبه ام غطاء اصفر ولا فسدقى

[aliabutaleb]

كل الاعلانات الهابطة دي تلاقيها في قناة المحور
وكان الاول في قناة الناس
مش عارف لسة موجودة ولا لأ
قمة النصب والسرقة

[M_HaFeZ]

ربنا ينتقم منهم اللى بيعلموا الاعلانات دى ولا اللى بيسمح بيها
واللى كل الناس بتقوله ياعم دى اعشاب ومش هتضرك .. يعنى لو مش فائده مفيهاش ضرر

طيب ماهو البانجو اعشاب ومقولتش الخشخاش ولا المخدرات اللى لازم لها معالجه الاول
البانجو تزرعه واعشاب مخدره ضاره

غير كده كمان حاجه بسيطه اوى السنمكه المعروف فوائدها فى حالات الامساك
السنمكه نفسها اذا زادت الجرعه المستخدمه يصبح مفعولها سام

الناس بتتكلم وخلاص

[TaoTao]

المشكلة إن ساعات فيه ناس بـ "تتعلق بقشاية" ربنا يشفي الجميع ويزيح عنهم. بعد ماييئسوا من العلاج الكيميائي المعتمد يلجأوا لأي مصدر آخر قد يكون فيه أمل.
وفيه كمان بعد اقتصادي، لما واحد يلاقي علاج كيميائي معتمد من طبيب الفيزيتا بتاعته لوحدها 200 جنيه وسعر الدوا يتجاوز الألف، يلجأ لوهم الأعشاب مضطراً.

وده اللي مسبب رواج لهذه التجارة، رغم كل التقارير اللي بتقول إن الأعشاب المباعة تتكون بها فطريات سامة لسوء التخزين -غير إنها غالباً غير مناسبة صحياً-.

[ows212]

المشكلة إن ساعات فيه ناس بـ "تتعلق بقشاية" ربنا يشفي الجميع ويزيح عنهم. بعد ماييئسوا من العلاج الكيميائي المعتمد يلجأوا لأي مصدر آخر قد يكون فيه أمل.
وفيه كمان بعد اقتصادي، لما واحد يلاقي علاج كيميائي معتمد من طبيب الفيزيتا بتاعته لوحدها 200 جنيه وسعر الدوا يتجاوز الألف، يلجأ لوهم الأعشاب مضطراً.

وده اللي مسبب رواج لهذه التجارة، رغم كل التقارير اللي بتقول إن الأعشاب المباعة تتكون بها فطريات سامة لسوء التخزين -غير إنها غالباً غير مناسبة صحياً

كلامك مضبوط وخصوصا فى حالات العقم ... والأمراض الميئوس منها

[OlaOsman]

أهو انا بأه اللي بيستفذني فعلا هو لعب الناس دي على وتر الناس اللي عندها مشاكل في الإنجاب.. بجد باحس انهم مش بني آدمين

هو مافيش رقابة من أي نوع على الحاجات دي؟

[Casio2000]

أهو انا بأه اللي بيستفذني فعلا هو لعب الناس دي على وتر الناس اللي عندها مشاكل في الإنجاب.. بجد باحس انهم مش بني آدمين

هو مافيش رقابة من أي نوع على الحاجات دي؟

لا يا فندم مافيش رقابة اسفين والله - طب هوا حضرتك بتسألي ليه :) - طب تحبي تطلبي اي حاجة تانية ؟ - نظام مثلا؟ - ضمير يمكن؟ - دين او ذمة ؟

نتكلم جد

انابدأت الاحظ في بعض اعلانات الشامبو مثلا اللي غالبا بتبقى اجنبية ان اي تأثير مزعوم بيتقال على المنتج تلاقي تحت و بخط رفيع توضيح لشروط تحقيق التأثير دا

مثلا

شامبو كذا كذا يقلل من تساقط الشعر (تلاقي تحت مكتوب "الناتج عن التكسر و مع الاستعمال المتكرر")

القصد ان اكيد في اليات برة بتجبر المعلن على كدا

عقبالنا

[ahmedateya]

يا علا جيتي على الجرح
و للأسف بتاخد موافقة وزارة الصحة على انها مكملات غذائية
و طبعا الجهلة كثر و ربنا يشفي

[د.اشرف هنداوى]

الاعشاب اللي بيقولوا لعلاج السكر بيطحنوا فبها اقراص علاج السكر و بكده المرىض ما ياخدها نسبه السكر بتقل فعلا ---- منتهي النصب و طبعا باسم الدين و خاصة في قنوات (العسل و البطاطين) : الناس و الحكمه و الرحمه الخ
اللي عندهم الغايه تبرر الوسيله: بغرض اسنمرار القناه بيقبلوا اي اعلانات نصب في نصب - رنات اسلاميه !!!و غيره

و اعشاب علاج الكبد فيه ناس ماتت بسببها في مصر و السعوديه


د . اشرف هنداوي

[engamrnour80]

ياحماعا انا من الناس اللى مقاطعة الاعلانات دى من زمان
و كمان قنات الناس خلت الواحد يبطل يتفرج عليها لانها بقت قنات اعلانات مش دين
انا عاوز افهم ازاى اشترى اى منتج طبى او كهربائى او اى حاجة من غير ما اشوفه
ده الواحد يفضل عند التاجر يفحص فى الحاجة لجايت ما يزهئ
و على فكرة انا كنت قاريت مرة ان جهاز حماية المستهلك حذر من الشراء عن طريق التلفزيون

[Mido80]

علي فكرة يا جماعة انا قريت عن واحد مصري عايش هنا في قطر. الراجل دة طور علاج من نباتات معينة وفعلا ادت الي الشفاء التام من مرض السكر والجرايد هنا كتبت عنة .الراجل دة بيعالج الناس ببلاش بدون مقابل ربنا يجزية خيرا

[H.ibrahim]

السلام عليكم و رحمة الله وبركاته
بالنسبة لموضوع مفيش قانون خاص بتنظيم مثل هذه الامور ( شخصيا لا اعتقد انه يوجد هذا القانون و ان وجد فعليا لان يطبق !!!!!!!!!
و احب استعير كلمة من فيلم ايام السادات ساعة اما منى زكى شفت واحد بيطلاق مراته قالت للسادات و هو نازل يركب العربية النقل مع العمال هو مفيش قانون بيحمى الستات فى البلد دى يا انور قالها وهو بيضحك و لا الرجالة كمان !!!!!!:p:p:p

[Haytham4ever]

بما اني صيدلي لازم ارد

اولا: الاعشاب مش مفيده 100% بالدرجة اللي الناس متصورها ... في اعشاب بتموت ... كل انواع المخدات تقريبا اعشاب في الاصل
ثانيا: الاعشاب مواد كيميائية برضة زيها زي اي دوا بيتباع في الصيدلية ... و عموما مفيش حاجة ملموسة في الدنيا كلها مفيهاش كيماء ... الكيمياء هي ذرات مرتبطه ببعض و تفاعلاتها مع بعضها ... فاي مادة في الدنيا هي مادية كيميائية
ثالثا: كثير من الادوية المباعة بالصيدليات هي استخلاص لمواد طبيعية موجوده في النباتات غالبا أو من مصادر حيوانية او من التربة لكن بنسبة قليلاً جداً مقارنة بالنباتات
رابعاً: لفظ عشب يقال عن النبات ككل و ليس على جزء منه كالاوراق , الزهور , الثمار , الساق , الجذر و غيره
فالدواء العشبي عبارة عن مسحوق للبنات كله بساقه و اوراقه و جذره ... فاطلاق لفظ اعشان على اي دواء طبيعي لفظ غير دقيق
و في العموم فان اي دواء له مصدر في الطبيعة فهو "عقار" اما ان كان مخلق كيمائيا في المعمل بمعنى انه ليس له نظير في الطبيعة فهو "دواء"
خامساً: لكل عقار اسم عائلة و اسم فصيلة فقد يشترك عقارين في نفس العائلة و قد يشتركا في الشكل الخارجي مع اختلاف كبير في المادة الفعالة ... لذلك لا يجب التعرف على اي عقار بالشكل فقط بل يكون التعرف من خلال عينة تحت الميكروسكوب و اختبارات كيمائية
سادساً: اي عقار يجب ان يجفف و يخزن بطريقة معينة و اي خلل في هذا يوثر على فعاليته

بخصوص الدراسة العلمية للعقاقير ... كلية الصيدلة بها قسم خاص يسمى قسم العقاقير و النباتات الطبية يدرس فيه الطلبة اي مادة لها تاثير علاجي و موجوده في الطبيعة ... و مدة الدراسة 4 سنوات اي طيلة فترة الدراسة بالكلية
و علم العقاقير علم واسع جدا و ليه اصول و فروع كثيرة
فعلى سبيل المثال لا الحصر ... يجب جمع زهر البابونج او الكاموميل قبل شروق الشمس بوقت قليل حتى لا يفقد جزء كبير من المادة الفعالة
و كذلك زهر القرنفل يجمع قبل التفتح حتى لا يفقد فعاليته
كما يدرس القسم جزء خاص بالغش التجاري في العقاقير و طرق كشفه ... فعلى سبيل المثال ... العصفر يغش بفرك عجينة من الدقيق و الماء حتى تصبح شكل العصفر يضاف عليها اللون الاحمر و الاصفر فتشبه العصفر تماما ... و لكشف هذا تختبر وجود النشا (العجينة)في العينة ... فان وجدت فهذا دليل على الغش
و كل هذا لا يعلمه الا المتخصص اما ما يسمى بخبير الاعشاب او العطار فهذا يجهل الكثير ان لم يكن يجهل كل شيء

نيجي بقه لموضوع الشركات الوهمية اللي بيتبيع الاعشاب دي
اولا اي دواء يباع في مصر لازم ياخد تصريح من وزارة الصحة ... تقدم عينه من الدوا و معاه بحث مفصل و يهما يعملوا عليه اختبارات و اما يوفقوا او لأ
و الدوا ده بيتصنع في مصنع عنده رخصه تصنيع و طبع ادي ليها اشتراطات صعبة جدا

العلب اللي حتى شكلها ميقولش انها دوا اللي بيعلنوا عنها دي مجرد نصب
و تلاحظوا ان دايما مفيش مقر او عنوان للشركة ... او حتى موزع رسمي
هو رقم تليفون و الدوا يوصلك لحد البيت !!!

طبعا قانونا مجرد الاعلان عن اي منتج علاجي لازم تصريح من وزارة التموين ... كده كده مش فارقه هي بايظة بايظة

و دايما الاعلانات دي بتكون عن امراض مستعصية ... لان الشريحة اللي بستهدفهوها ناس تعبت من كتر اللف و العلاج من مرض مستعصي و عايزه تجرب اي حاجة ... زي ما قلتوا بتتعلق في قشاية

يعني موضوع علاج العقم و العلبة الزرقا للرجاله بتزود كمية الحيوانات المنوية
و الصفرا للستات بتزود نسبة التبويض
طبعا ده كلام ناس عمرهم ما فتحوا كتاب في الطب
لان الهرمون المسؤول عن النقطتين واحد سواء في الراجل او الست
و الدوا اللي بيحفز الهرمون ده برضه واحد في الراجل او الست
فده يعني جهل مركب
عشان كده ممكن واحده تيجي تصرف دوا لجوزها بعد ما تشوفه تقولي دانا باخده عشان التبويض ... اقولها هو برضه للرجاله عشان يزود الحيوانات ... طبعا بتبقى مش مقتنعة

بخصوص الرقابة على الكلام ده انا راسلت نقابة الصيادلة و ردوا عليا انهم بيخططوا للقضاء على هذه الظاهره و الخطة قيد التنفيذ
و الله المستعان

نصيحة : لازم اي عقار تستخدمه يكون معروف المصدر
شركة ايزيس و سيكم مخلوش اي مرض او عرض ممكن يتعالج بالعقاقير الا و علموا علاج ليه جاهز
باكتات بفتله زي الشاي لعلاج المغص و الكحة و تنشيط الكبد و حصوات الكلى و غيره كتير
بلاش موضوع العطار او الادوية المجهولة دي الله يكرمكوا

و السلام عليكم

[OlaOsman]

بما اني صيدلي لازم ارد

اولا: الاعشاب مش مفيده 100% بالدرجة اللي الناس متصورها ... في اعشاب بتموت ... كل انواع المخدات تقريبا اعشاب في الاصل
ثانيا: الاعشاب مواد كيميائية برضة زيها زي اي دوا بيتباع في الصيدلية ... و عموما مفيش حاجة ملموسة في الدنيا كلها مفيهاش كيماء ... الكيمياء هي ذرات مرتبطه ببعض و تفاعلاتها مع بعضها ... فاي مادة في الدنيا هي مادية كيميائية
ثالثا: كثير من الادوية المباعة بالصيدليات هي استخلاص لمواد طبيعية موجوده في النباتات غالبا أو من مصادر حيوانية او من التربة لكن بنسبة قليلاً جداً مقارنة بالنباتات
رابعاً: لفظ عشب يقال عن النبات ككل و ليس على جزء منه كالاوراق , الزهور , الثمار , الساق , الجذر و غيره
فالدواء العشبي عبارة عن مسحوق للبنات كله بساقه و اوراقه و جذره ... فاطلاق لفظ اعشان على اي دواء طبيعي لفظ غير دقيق
و في العموم فان اي دواء له مصدر في الطبيعة فهو "عقار" اما ان كان مخلق كيمائيا في المعمل بمعنى انه ليس له نظير في الطبيعة فهو "دواء"
خامساً: لكل عقار اسم عائلة و اسم فصيلة فقد يشترك عقارين في نفس العائلة و قد يشتركا في الشكل الخارجي مع اختلاف كبير في المادة الفعالة ... لذلك لا يجب التعرف على اي عقار بالشكل فقط بل يكون التعرف من خلال عينة تحت الميكروسكوب و اختبارات كيمائية
سادساً: اي عقار يجب ان يجفف و يخزن بطريقة معينة و اي خلل في هذا يوثر على فعاليته

بخصوص الدراسة العلمية للعقاقير ... كلية الصيدلة بها قسم خاص يسمى قسم العقاقير و النباتات الطبية يدرس فيه الطلبة اي مادة لها تاثير علاجي و موجوده في الطبيعة ... و مدة الدراسة 4 سنوات اي طيلة فترة الدراسة بالكلية
و علم العقاقير علم واسع جدا و ليه اصول و فروع كثيرة
فعلى سبيل المثال لا الحصر ... يجب جمع زهر البابونج او الكاموميل قبل شروق الشمس بوقت قليل حتى لا يفقد جزء كبير من المادة الفعالة
و كذلك زهر القرنفل يجمع قبل التفتح حتى لا يفقد فعاليته
كما يدرس القسم جزء خاص بالغش التجاري في العقاقير و طرق كشفه ... فعلى سبيل المثال ... العصفر يغش بفرك عجينة من الدقيق و الماء حتى تصبح شكل العصفر يضاف عليها اللون الاحمر و الاصفر فتشبه العصفر تماما ... و لكشف هذا تختبر وجود النشا (العجينة)في العينة ... فان وجدت فهذا دليل على الغش
و كل هذا لا يعلمه الا المتخصص اما ما يسمى بخبير الاعشاب او العطار فهذا يجهل الكثير ان لم يكن يجهل كل شيء

نيجي بقه لموضوع الشركات الوهمية اللي بيتبيع الاعشاب دي
اولا اي دواء يباع في مصر لازم ياخد تصريح من وزارة الصحة ... تقدم عينه من الدوا و معاه بحث مفصل و يهما يعملوا عليه اختبارات و اما يوفقوا او لأ
و الدوا ده بيتصنع في مصنع عنده رخصه تصنيع و طبع ادي ليها اشتراطات صعبة جدا

العلب اللي حتى شكلها ميقولش انها دوا اللي بيعلنوا عنها دي مجرد نصب
و تلاحظوا ان دايما مفيش مقر او عنوان للشركة ... او حتى موزع رسمي
هو رقم تليفون و الدوا يوصلك لحد البيت !!!

طبعا قانونا مجرد الاعلان عن اي منتج علاجي لازم تصريح من وزارة التموين ... كده كده مش فارقه هي بايظة بايظة

و دايما الاعلانات دي بتكون عن امراض مستعصية ... لان الشريحة اللي بستهدفهوها ناس تعبت من كتر اللف و العلاج من مرض مستعصي و عايزه تجرب اي حاجة ... زي ما قلتوا بتتعلق في قشاية

يعني موضوع علاج العقم و العلبة الزرقا للرجاله بتزود كمية الحيوانات المنوية
و الصفرا للستات بتزود نسبة التبويض
طبعا ده كلام ناس عمرهم ما فتحوا كتاب في الطب
لان الهرمون المسؤول عن النقطتين واحد سواء في الراجل او الست
و الدوا اللي بيحفز الهرمون ده برضه واحد في الراجل او الست
فده يعني جهل مركب
عشان كده ممكن واحده تيجي تصرف دوا لجوزها بعد ما تشوفه تقولي دانا باخده عشان التبويض ... اقولها هو برضه للرجاله عشان يزود الحيوانات ... طبعا بتبقى مش مقتنعة

بخصوص الرقابة على الكلام ده انا راسلت نقابة الصيادلة و ردوا عليا انهم بيخططوا للقضاء على هذه الظاهره و الخطة قيد التنفيذ
و الله المستعان

نصيحة : لازم اي عقار تستخدمه يكون معروف المصدر
شركة ايزيس و سيكم مخلوش اي مرض او عرض ممكن يتعالج بالعقاقير الا و علموا علاج ليه جاهز
باكتات بفتله زي الشاي لعلاج المغص و الكحة و تنشيط الكبد و حصوات الكلى و غيره كتير
بلاش موضوع العطار او الادوية المجهولة دي الله يكرمكوا

و السلام عليكم

الله ينور عليك يا دكتور :)

اللي غايظني كمان في إعلان العلبة الزرقا و العلبة الصفرا ان الدكتور آل يعني بيقول له العلبة الزرقا للرجال يقوم التاني بكل براءه يسأله طيب و العلبة الصفرا؟؟ انا لو قاعدة قصادة و بيسألني سؤال زي ده كنت هاقوله دي بأه يا بابا للنونو لما ييجي ان شاء الله يبقى يلعب بيها