ما هو الحل

[م.احمد زكريا]

كله بيتكلم

سواء المع أو ضد

كله بيدور مين غلطان

المجلس العسكري

ولا الشرطة ولا اهل العباسية

ولا البلطجية

ولا انهم خرجوا من التحرير اساسا

جميل إيه الحل وإيه المطلوب

مافيش حد بيقول غيه المطلوب وإيه الحل

للأسف مصر من سيئ إلى أسوأ

نفسي أسمع حلول منطقية ممكن تتنفذ ...... مش مجرد تحليلات واتهامات متبادلة

[AmAhmed]

الحل ان المجلس العسكري ينفذ جميع المطالب .. عدا المجلس الرئاسي و الدستور اولا و المبادئ الفوق دستورية و القواعد الحاكمة لاختيار اعضاء لجنة البرلمان

اللي حيسأل لماذا في بنود تم استثنائها .. لان الاغلبية قالت رأيها فيها و رفضتها و اللي مش عاجبه مفيش حاجة نقدمها له .. اما باقي المطالب فلا اعتقد ان في حد مختلف عليها

و بكده ما نسمعش حد تاني بيتكلم في حق الشهداء - الاجور - النائب العام - جودت الملط - الاعلام - المحافظين - الداخلية - البلطجية و الانفلات الامني - استقلال القضاء - المحاكمات العسكرية للمدنيين

مما لا شك فيه ان ساعتها 99.9% من شعب مصر حيكون راضي و سعيد .. انما المشكلة ان كل فاسد بيهدد انه مش حيكون كبش فداء و ان عليه و علي اعداءه و علي اصدقائه كمان .. و علشان كده محدش عايز يلعب في عش الدبابير .. و الدبابير عمالة تزن علشان مصلحتها و طز في الشعب .. و كل ما تزن الشعب يتنرفز .. تقوم خفافيش الظلام تحاول اشغال الشعب بقضايا فرعية و نخش في دوامة لا تنتهي .. زي الحاوي لما يقولك بص علي ايدي و يلفت انتباهك و ايده التانية بتعمل الشغل كله

[زينة الله]

أنا هقول لحضرتك على حل واحد بس لو اتنفذ أأكد لسيادتك إن كل مشاكلنا هتتحل تباعا :)

نحدد مدة زمنية للعفو عن كل من يرد ما أخذه من أرض الدولة من مئات وآلاف الافدنة والمساحات الشاسعة فى المدن الجديدة وغيرها ومصانع ومقدرات الدولة بغير وجه حق بما فى ذلك كل القيادات ( دون استثناء ) وكل المستثمرين

صدقنى لو اتطهروا من الحرام سيسود العدل لأن ماحدش هيكسر عين حد :)

ولأن ممكن ناس تقول إن المصريين نصفهم أصبح حرامية ولو كدا عايزين ندخل البلد كلها السجن :> هنقول اللى أخد مقدرات أكثر من ألف مواطن فقط يتحاسب والباقى هنسامحهم :) وكمان اللى فى ايده سلطة أهم من اللى مش فى ايده حاجة لأنه مطلوب منه تنفيذ العدل :) وفاقد الشئ لا يعطيه مش كدا والا ايه

يا ترى الحل دا ممكن ومنطقى والا فظيع ومستحيل :)

__________________________________________________ ________________

ويا ترى اللى بيساموا وبيتساهوا ويعرضوا التفريط فى حقوق واموال المواطنين مقابل مصلحة هيقابلوا ربنا بأى وش

لو مش قادرين نرجع الحق على الأقل نفوض الأمر لله فى المغتصبين :) لكن لا نساوم عليه