مش عارف ابدا كورسات دلوقتى ولا بع الجيش

[midoabdeen]

ازيكم يا جماعة عاملية اية فى الجو الحر دا


انا بصراحة محتار جدا ومش عارف اعمل اية قولت اخد رائيكم فى الموضوع دا


انا السنة دى اخر سنة ليا فى الجامعة انشاء الله دا طبعا بعد ما النتيجة تطلع


وطبعا لو طالع من غير اى مواد هايكون جيشى فى شهر 10


انا مشكلتى انى كنت مطنش للجامعة على الاخر فطبعا تقديرات الثلاث سنين اللى فاتوا مقبول فطبعا التقدير العام مقبول ومش عارف الموضوع دا هايفرق معايا فى الشغل ولا اية


الجامعة عندنا منزلة كورسات فى بيرلتز المستوى ب 350 واللى اعرفى ان المستوى فى العادى بيعدى ال 1000 ج




اية رائيكوا اتوكل على الله ولا مالوش لازمة لانى داخل الجيش ياعنى مش هاعرف اكمل الكورس للاخر وكمان هانسى الكلام دا
وكمان الجامعة مشترطة ان اللى يستفيد من الموضوع دا يكون طالب او حديثى التخرج اللى هو ماعداش سنة على تارخ التخرج اللى هى من الاخر هانقضيها فى الجيش




انا بصراحة مش عارف اعمل اية وحتار جدا فى الموضوع دا
وانا اليومين دول بالذات فى قلق جامد اوى على موضوع الشغل والمستقبل وكدة


انا اسف جدا على الاطالة وارجو الافادة

[EslaM_NagY]

نفس مشكلتك

[beshomilan]

بص ياريس..
خد كورسات انجلش على قد ماتقدر وابتدى من دلوقتى واسمع نصيحتى..بالذات الانجليزى لحد ماتكون بروفشنال فيه مع الوقت
وحاول تاخد كورس icdl هيفرق معاك اوى وبس ووقف كورسات كمبيوتر الا بقى لو ناوى تكمل فى تخصصات ال IT وغيره..انما غير كده icdl فقط
ارجوك اهتم بالانجليزى اوى..عشان متندمش وتخيب نفس خيبتى
انا اترفضت فى وظايف كتير بسبب الانجلش ومفيش حد سئلنى معاك icdl ولا اى حاجة ومعشتش غير تجارب مريره فى انترفيوهات الانجلش وبس..
رغم انى معايا icdl من اليونسكو وسيسكو وادارة شبكات ودعم فنى وفوتوشوب وغيره بس كله زفت مبينفعش ببصلة غير فى مجال ال IT وحتى كده لازم تكون انجلش بروفشنال
وربنا يوفقك

[egyptiandiver]

Take any good courses you can if you want to make your English better you can work with English or American people if you can & this way your English will be very good - I think good courses are in the British Council in Agouza or Heliopolis - they have native speakers /teachers from England while the teachers of Berlitz are not certified instructors
there is also mahad el kowat el mosalaha lel loghat el agnabeya - I hear they have good teachers with a low cost
Do all what you can to make youself better & have better chances in life

Rabena yekremak

Ahmed Samy
=========

[midoabdeen]

بص ياريس..
خد كورسات انجلش على قد ماتقدر وابتدى من دلوقتى واسمع نصيحتى..بالذات الانجليزى لحد ماتكون بروفشنال فيه مع الوقت
وحاول تاخد كورس icdl هيفرق معاك اوى وبس ووقف كورسات كمبيوتر الا بقى لو ناوى تكمل فى تخصصات ال IT وغيره..انما غير كده icdl فقط
ارجوك اهتم بالانجليزى اوى..عشان متندمش وتخيب نفس خيبتى
انا اترفضت فى وظايف كتير بسبب الانجلش ومفيش حد سئلنى معاك icdl ولا اى حاجة ومعشتش غير تجارب مريره فى انترفيوهات الانجلش وبس..
رغم انى معايا icdl من اليونسكو وسيسكو وادارة شبكات ودعم فنى وفوتوشوب وغيره بس كله زفت مبينفعش ببصلة غير فى مجال ال IT وحتى كده لازم تكون انجلش بروفشنال
وربنا يوفقك

متشكر جدا لرد حضرتك
بس ليا سؤال كدة
هو ال icdl مش هو اساسيات التعامل مع الكمبيوتر ولا اية بالظبط
متهيئلى مافيش حد دلوقتى مابيعرفش يتعامل مع الكمبيوتر
وكمان بالنسبة للغة لو الواحد درس محاسبة انجليزى مش دا احسن

[matrix_it]

انا شايف انك تاخد الكورس و مش لازم تكمل للأخر و تاخد الشهادة بس مهم انك تكون استفدت و تعرف تطبق اللى استفدته

[midoabdeen]

بجد والله يا جماعة انا متشكر جدا على المعلومات القيمة دى بس باردوا انا المشكلة معايا دلوقتى فى الفلوس
وهو دا اللى خلانى افكر فى الحوار اللى نازل فى الجامعة دا

[matrix_it]

انت خريج تجارة عربى ولا انجليزى ؟؟؟؟؟

[midoabdeen]

انت خريج تجارة عربى ولا انجليزى ؟؟؟؟؟

عربى

[beshomilan]

هو ال icdl مش هو اساسيات التعامل مع الكمبيوتر ولا اية بالظبط
متهيئلى مافيش حد دلوقتى مابيعرفش يتعامل مع الكمبيوتر
وكمان بالنسبة للغة لو الواحد درس محاسبة انجليزى مش دا احسن

لما بيكون معاك شهاده icdl معتمده من الخارج بتدعم موقفك جدا فى اى شغل وده عن تجارب غير لما تقول انا بعرف كده ده غير انها بتعرفك خبايا كتير جدا فى كل حاجة انت مش عارفها..وانا كنت فاكر نفسى استاذ وانا مهندس it اصلا بس لما دخلت طلعت بطيخة ده غير انها تحتوى على برنامج الاكسيل طبعا وبعد ماتخلصه ممكن تاخد اكسيل متقدم وبعد كده تاخد اكسيل احترافى وتبقى استاذ ومع الانجلش هتلاقى الشركات بتبوس ايدك عشان تشتغل وتلاقى فجاه بيتقالك
انت هتبتدى معانا ب 2500 وبعد 6 شهور هتبقى 3000 ومبالغ تانية كتير لا داعى لذكرها وكل ده عن شهاده ناس فى نفس مجالك
والانجلش هيساعدك تدخل شركة كبيرة لانك اهم حاجة تعدى انترفيوهات القبول المبدئية وحتى لو انت ضعيف هيدربوك ومنها تاخد شهادات زى cma على حسابهم وده موجود فى شركات كتيرة وده موجود فى شركتى الحالية بس اهم حاجة الانترفيوهات الانجلش اللى فى بداية دخولك الشركة حتى على سبيل التدريب

وكمان بالنسبة للغة لو الواحد درس محاسبة انجليزى مش دا احسن

انا قلتلك رايي وهتعرف قيمة كلامى ده جدا لما تيجى تدخل انترفيوهات
ابتدى بالانجلش وكمل بالتوازى معاه كورسات محاسبة انجلش او شهاده cma بس الانجلش الاولوية

[matrix_it]

لا كدة يبقى لازم تهتم بالانجليزى اوى حتى لو هتسافر امريكا عشان تتكلم و تسمع 5 دقايق انجليزى!!!!!!!!
ابتدى من دلوقتى لو الكاشات معاك و فاضى يبقى فرصة ولو ضيعتها تبقى انت الخسران

[midoabdeen]

لا كدة يبقى لازم تهتم بالانجليزى اوى حتى لو هتسافر امريكا عشان تتكلم و تسمع 5 دقايق انجليزى!!!!!!!!
ابتدى من دلوقتى لو الكاشات معاك و فاضى يبقى فرصة ولو ضيعتها تبقى انت الخسران

طيب انا فعلا الكاشات مش متوفرة معايا دلوقتى بالشكل الكافى للاماكن الجامدة
وكمان انا سمعت كتير اوى عن بيرلتز بالذات هنا فى المنتدى ناس كتير بتقول جامد جدا

[matrix_it]

لو طالما انت كدة كدة مش هتاخد منهم شهادة يبقى خليك فى حاجة رخيصة و جرب الموضوع و لما تخلص جيش ابقى ادخل بكل تقلك و حماسك و هتلاقى الموضوع ماشى ان شاء الله

[maka]

اكسب وقت و ابداء من دلوقتى

[midoabdeen]

والله يا جماعة انا مش عارف اشكركم ازاى على الاهتمام الجامد دا