هل من ذهب الي العباسية يوم الجمعة 22 بلطجية و مجرمون؟

[wael17]

بعد أحداث العباسية يوم 23 يوليو و حدوث اشتباكات بين أهالي العباسية و المتظاهرين و ظهور حركة 6 ابريل بصورة سيئة جدا لاصطدامها بالشعب الذي رفض من يطالبون باسقاط الجيش
و كان لابد من انقاذ ماء الوجه و محاولة تلميع الحركة مرة أخري و تحسين صورتها
في البداية تم ادعاء ان من اشتبك مع الحركة يوم 23 بلطجية و ليسوا أهالي العباسية و طبعا لم تصمد هذه الرواية كثيرا مع شهادات الاهالي علي كل وسائل الاعلام بحقيقة ما حدث و اي طفل صغير ممكن يركب تاكسي لحد العباسية و يعرف الحقيقة و المنتدي هنا يشهد بالجدل الي دار حول هذه النقطة (أهالي ولا بلطجية)
و بالتالي لم تصمد هذه القصة كثيرا

ثم ظهرت تلك النظرية التي تفصل تماما بين ما حدث يوم 22 و يوم 23
بمعني ان من ذهب الي العباسية يوم 22 مجهولين لا ندري من اين ظهروا و لا من أين جأوا و هم سبب تحفز الاهالي (بقوا اهالي دلوقتي مش بلطجية) ضد شباب 6 ابريل يوم 23. و هؤلاء المجهولين البلطجية الذين جاءوا من العدم و لم يتحركوا من ميدان التحرير و تم حشدهم بواسطة الشرطة و المجلس العسكري في اطار خطة محكمة لتأليب الاهالي ضد 6 ابريل

لو عايزين نرد و نفند النظرية دي بصورة منطقية بعيد عن الشهادات المتضاربة و الفيديوهات التي يتناقلها الجميع
دلوقتي لازم نفصل تماما بين من ذهبوا يوم 22 (بلطجية تبع المجلس) و بين من ذهبوا يوم 23 (6 ابريل)

بمراجعة مواقع الاخبار و الصحف و جميع الاخبار التي تم تناقلها حتي صباح 23 لا أجد ذكر لكلمة بلطجية و لكن تلك الكلمة ظهرت بعد الصدام مع مع الاهالي
و تعالو نراجع مع بعض الاخبار و مشاركات الاعضاء هنا حتي صباح 23 في موضوع الى سكان مدينة نصر ماذا يحدث الان ..
-هناك مظاهرة حاشدة متجة الى مدينة نصر الى مقر المجلس العسكرى ..نريد شهود عيان على ما يحدث و تحركات الجيش فى مواجهتها ..
أنباء عن إصدار المجلس العسكرى أوامر بغلق كل مداخل مدينه نصر وعمل كردون فى العباسيه والمسيره تصل قرابة الخمسة الأف

-الصدام ليس مع الجيش ..جنود الجيش المصرى الشرفاء مع الثورة

الصدام مع هذا المجلس العسكرى الذى يحمى مبارك و عصابتة ..
مطلوب مجلس عسكرى موالى للثورة و يحميها فعلا لا قولا
-للاسف الخبر صحيح والسيناريو ده متوقع لان المجلس العسكري شايف ان الشعب مش قد المقام وبيتحامي لمبارك

نشوف بقي الشعب ولا المجلس العسكري
-متظاهرو التحرير يتوجهون للمجلس العسكرى اعتراضاً على أحداث السويس
-خرجت مسيرة حاشدة من آلاف المتظاهرين مساء اليوم متجهة إلى مقر المجلس العسكرى للتنديد بأحداث العنف والاعتقالات التى شهدتها مدينة السويس أمام مديرية الأمن.
-يا جماعة في وقفة احتجاجية دلوقتي في العباسية
افتحوا قناة الجزيرة مباشر مصر
-الدنيا مقلوبة فى العباسية دلوقتى و قفلو المداخل و شارع جسر السويس زحمة موت تقريبا قفلو الاتجاة الى ناحية العباسية
-المسيرة تحركت من التحرير الى غمرة وصولا للعباسية و الجيش نزل مدرعات و قفل الكوبرى الى ينزل الى شارع صلاح سالم
-قامت قوات الجيش والشرطة العسكرية بالتصدى للمسيرة المتجهة إلى المجلس العسكرى، وذلك من خلال منعهم من المرور من أمام مسجد النور بالعباسية، وقامت قوات الجيش بإطلاق الأعيرة النارية فى الهواء لتفرقة المتظاهرين.
-متظاهرو التحرير يعلنون مجلساً رئاسياً مدنياً للإشراف على الحكومة
الجمعة، 22 يوليو 2011 - 22:46
-دعا متظاهرو التحرير عقب تجمهر أعداد كبيرة منهم أمام مسجد النور بالعباسية، إلى الرجوع مرة أخرى إلى ميدان التحرير وعدم الاحتكاك مع الجيش والشرطة العسكرية أو أهالى العباسية، يأتى ذلك بعد خروج مسيرة من التحرير للمجلس العسكرى للتنديد باعتقال المعتصمين بالسويس من قبل الشرطة العسكرية.

ومن جانب آخر، حدثت احتكاكات ومشادات كلامية بين المتظاهرين وأهالى العباسية بسب مسيرتهم للمجلس العسكرى.

و دي مشاركة لي يوم 22 تنبأت فيها بما سيحدث

معظم الشعب صبره نفذ و مستني اللحظة اللي الجيش يوري العين الحمرا لمن ينشرون الفتنة و الفوضي في البلاد

ده ممكن مع بدأ الاشتباك مع الجيش يلاقوا الناس نازلة من البيوت تقف في صف الجيش

بمراجعة كل المشاركات ستجد ان الجميع يعلم ان المسيرة تحركت من التحرير في اتجاه وزارة الدفاع بالتزامن مع اعلان مجلس رئاسي مدني في ميدان التحرير و مع حدوث اشتباكات مع الشرطة العسكرية في السويس و اسكندرية و ليست مسيرة مجهولة لا ندري من اين جاءت
و اذا كانت مسيرة من بلطجية لا ندري من اين جاءوا لماذا لم ينفي معتصمو التحرير علمهم بتلك المسيرة و يقولوا كلنا في التحرير و ما نعرفش من الناس اللي رايحة وزارة الدفاع

هناك نقطة اخري مسيرة يوم 22 لم تشتبك مع الاهالي بصورة كبيرة و لكن مجرد مشاحنات و ليس بالصورة التي حدثت فيما بعد و لكن حدثت اشتباكات مع الشرطة العسكرية و اطلاق رصاص في الهواء (هل سيشتبك الجيش مع البلطجية التابعين له ام سيتم توجيهم للاشتباك مع الاهالي و احداث اكبر قدر من الارهاب للاهالي بحسب الخطة المزعومة)

في حاجة مهمة بخصوص 6 ابريل قالها احد اعضائها للدفاع عن الحركة ( احنا اعضائنا مالهمش علامة مميزة او بيلبسوا لون معين ازاي الجيش عرف اننا اللي كنا في المظاهرة) و من هذا المنطلق لا يمكن اثبات او نفي مشاركة 6 ابريل في اي شيء اذا لم تعلن هي بنفسها عن ذلك علي اساس دي ناس بتعمل مظاهرة و احنا ما نعرفهمش...لكن ما يمكن اثباته ان مسيرة " البلطجية" تحركت من ميدان التحرير الي العباسية يوم 22....هل يوجد الاف البلطجية متواجدين بالتحرير بجوار 6 ابريل؟ و لماذا لم تحذر منهم 6 ابريل عندما شاهدتهم يتوجهون للعباسية يوم 22؟

و ده فيديو لاحداث 22....
[youtube]http://www.youtube.com/watch?v=j8WcXZ9y1lg[/youtube]



الناس الي بتتكلم للكاميرا شكلهم مش بلطجية او مسجلين جايباهم الشرطة او الجيش...شباب متعلم لابس نضارات..راجل عنده ستين سنة ..بنت بتغني يا بلادي يا بلادي...اعلام و يفط تنادي باسقاط المشير ...بصراحة لو دول بلطجية تبع المجلس يبقي دول أنضف بلطجية و مجرمين شفتهم في حياتي!
و لاحظ في نهاية الفيديو بعد قرار العودة للميدان الشباب بيهتف...جايين بكرة ...جايين بكرة

اخر سؤال اذا كان من ذهبوا يوم 22 بلطجية و مجهولين لاستفزار الاهالي و 6 ابريل لا تعلم عنهم شيئا و لا تعرف من اين جاءوا و من ارسلهم...اذن لماذا خرجت الحركة يوم 23 و الجميع (حتي اللي قاعد في بيته) كان عارف ان الاهالي هايشتبكوا معهم؟

أرجو ان أكون قد رديت الرد الوافي علي السؤال الذي يتكرر كثيرا

من أرسل البلطجية و المجرمين للاحتكاك بالاهالي يوم الجمعة؟
الاجابة: ليسوا بلطجية و مجرمين هم متظاهرين من التحرير و لا اعلم هل يحملون كارنيهات 6 ابريل في جيوبهم أم لا

[hobiko]

@wael17

الرد المختصر على حضرتك ...... حاجتين

1) حضرتك بتستشهد فى كلامك بالأعلام المصرى ...... المحايد النزيه الجميل اللطيف

لا يختلف القاصى و الدانى على مدى انحطاط و سفالة هذا الأعلام الممول و الموجه من أتباع الثورة المضادة

و على كل لون .... شوية سلفيين شويه اخوان شويه 6 ابريل شوية شباب الثورة

ماسكينا كلنا واحد ورا التانى

2) بناءا على النقطة الأولى ....... أنا بقى مش حستشهد لا بأعلام ولا أى حاجة

ولا حستشهد بكلام شهود أثق فيهم و هم زملاء لنا فى المنتدى ..... عشان هما ضد المجلس العسكرى

أنا حستشهد بكلام زميل فاضل لينا فى المنتدى ...... ظابط جيش مهندس

http://www.nilemotors.net/Nile/234751-a.html

أقسم بالله العظيم ده اللى شوفته واللى سمعته

أولا اللى سمعته
يوم الجمعه بالليل لما عرفت الاحداث ( من موضوع على المنتدى ) كتبت رائى وبعد كده كلمت واحد صاحبى ساكن فى العباسيه ( فى الشارع اللى على ناصيته محطة البنزين ) وسألته على الموضوع قالى بالضبط :
فيه حوالى الفين واحد جايين بيهتفوا علشان يشيلوا المجلس وأهالى العباسيه ( الشوارع اللى قدام معهد القلب ومسجد النور ) طلعوا على الصوت ولقوا مناظر غريبه على وصف صاحبى بلطجيه لأنهم كانوا مبرشمين ( خلوا بالكم من وصفهم لأن يوم السبت وضع تانى ) وكان معاهم بنات شكلهم مش محترمين والخناقه بدأت لما أهالى الشوارع دى مسكوا بنات وولاد منهم داخلين العمارات عندهم ( مقالش كانوا ريحين يعملوا حاجه لأنهم طردوهم أول ما دخلوا ) وقالى دول مش بتوع التحرير لأن فيه بنات لبسها غريب وواخدين بشله فى وشهم وقالى أن أهالى الشوارع دى خرجوا يمنعوهم من أنهم يروحوا المجلس أو يدخلوا شوارعهم ولما بدأوا يضربوهم الاهالى ضربوهم علقة موت على حد تعبير صاحبى

أنا شايف بعد مشاهدة كل الفيديوهات و سماع كل الشهادات التى يؤكد بعضها بعضا بالتواتر ...... أن هذ أدق وصف للى حصل

طب الأول قبل ما نتكلم في الآراء ما نتكلم في الشهادات , و نخلي الآراء بعدها ؟
واحدة واحدة ,
- فيه شهادات كتير بتقول ان اللي كان بيضرب كان اهالي مش بلطجية
- فيه شهادات كتير برده بتقول ان فيه في وسط الاهالي كان فيه بلطجية
- فيه شهادات كتير برده بتقول ان فيه في وسط الثوار كان فيه بلطجية
- فيه شهادات كتير عن مسيرة اليوم اللي قبله اللي ماحدش يعرف هما مين و كان سلوكهم سيء جدا عكس مسيرة السبت
- فيه شهادات بتقول ان فيه افراد امن لفوا في المنطقة يحذروا الاهالي من عودة مظاهرة اليوم اللي قبله اللي بهدلت حيهم
- عندنا شهادة هنا بتقول ان كان فيه ناس بتحدف من فوق المستشفى
- فيه واحد شهد على نفسه (اللي خطف عمرو غربية) على التليفون مع يسري فودة انه من عين شمس و كان عامل (لجنة شعبية) في غمرة
- شهادات بتقول ان المسيرة و هما رايحين كان فيه ناس بتحدف لهم زجاجات مياه و ماحدش هاجمهم لحد ما وقفوا قدام حاجز الشرطة العسكرية
- فيه شهادات كتير بتقول ان المتظاهرين لما قرروا يرجعوا التحرير لقوا كردون امن مركزي وراهم و وراه مدنيين بيقذفوهم بالحجارة, و بعد شوية قذف المتظاهرين بقنابل الغاز و تجاهل تماما المدنيين اللي وراه

نضرب كل الشهادات دي في الخلاط عشان نطلع بالصورة النهائية
فخ محكم طالع من عقل شيطاني خدع الكل , ثوار و شعب

تمام كده ولا ايه ؟

[wael17]

@wael17

الرد المختصر على حضرتك ...... حاجتين

1) حضرتك بتستشهد فى كلامك بالأعلام المصرى ...... المحايد النزيه الجميل اللطيف

لا يختلف القاصى و الدانى على مدى انحطاط و سفالة هذا الأعلام الممول و الموجه من أتباع الثورة المضادة

و على كل لون .... شوية سلفيين شويه اخوان شويه 6 ابريل شوية شباب الثورة

ماسكينا كلنا واحد ورا التانى

2) بناءا على النقطة الأولى ....... أنا بقى مش حستشهد لا بأعلام ولا أى حاجة

ولا حستشهد بكلام شهود أثق فيهم و هم زملاء لنا فى المنتدى ..... عشان هما ضد المجلس العسكرى

أنا حستشهد بكلام زميل فاضل لينا فى المنتدى ...... ظابط جيش مهندس

http://www.nilemotors.net/nile/234751-a.html

لم استشهد بالاعلام المصري....مسيرة يوم 22 تم رصد تحركها من التحرير بواسطة وسائل اعلام كثيرة منها الجزيرة و انا كتبت ما قاله الاعضاء في المنتدي يوم 22 و حتي صباح 23 و لم نكن نتحدث عن مسيرة مجهولة لا نعلم اين تجمعت و من يوجهها...و أول من كان سيكذب انها مسيرة من التحرير هم معتصمي التحرير عندما يشاهدون علي الفضائيات ادعاء ان مسيرة تتحرك من التحرير لوزارة الدفاع و هم لا يعرفوا عنها شيء و كان سيتم تكذيب الخبر فورا...و لكن كلنا كنا نتكلم هنا في المنتدي عن المسيرة و نتجادل بشأنها و عارفين انها مسيرة متظاهرين و لم يبدأ الحديث عن انها مجهولة لا نعلم عنها شيء الا بعد يوم 23 و انسحاب المتظاهرين للميدان مرة اخري
الفيديو الذي يصور المسيرة لا يظهر انهم بلطجية و مجرمين علي الاطلاق...نفس الشباب و نفس اللافتات..طريقة كلام استحالة يتكلم بها بلطجي او مجرم...مظاهرة من ثوار التحرير زي الي بنشوفها كل يوم...فجأة بقوا مجهولين و ما نعرفش من اين اتوا؟

طب الأول قبل ما نتكلم في الآراء ما نتكلم في الشهادات , و نخلي الآراء بعدها ؟
واحدة واحدة ,
- فيه شهادات كتير بتقول ان اللي كان بيضرب كان اهالي مش بلطجية
- فيه شهادات كتير برده بتقول ان فيه في وسط الاهالي كان فيه بلطجية
- فيه شهادات كتير برده بتقول ان فيه في وسط الثوار كان فيه بلطجية
- فيه شهادات كتير عن مسيرة اليوم اللي قبله اللي ماحدش يعرف هما مين و كان سلوكهم سيء جدا عكس مسيرة السبت
- فيه شهادات بتقول ان فيه افراد امن لفوا في المنطقة يحذروا الاهالي من عودة مظاهرة اليوم اللي قبله اللي بهدلت حيهم
- عندنا شهادة هنا بتقول ان كان فيه ناس بتحدف من فوق المستشفى
- فيه واحد شهد على نفسه (اللي خطف عمرو غربية) على التليفون مع يسري فودة انه من عين شمس و كان عامل (لجنة شعبية) في غمرة
- شهادات بتقول ان المسيرة و هما رايحين كان فيه ناس بتحدف لهم زجاجات مياه و ماحدش هاجمهم لحد ما وقفوا قدام حاجز الشرطة العسكرية
- فيه شهادات كتير بتقول ان المتظاهرين لما قرروا يرجعوا التحرير لقوا كردون امن مركزي وراهم و وراه مدنيين بيقذفوهم بالحجارة, و بعد شوية قذف المتظاهرين بقنابل الغاز و تجاهل تماما المدنيين اللي وراه

نضرب كل الشهادات دي في الخلاط عشان نطلع بالصورة النهائية

قبل ما نضرب الكلام في الخلاط لتبرئة 6 ابريل نراجعه بحيادية و ياريت عدم التحيز ل 6 ابريل لانها لا تمثل الثورة هي مجرد فصيل و جزأ من الثورة...انا شايف انه بدأ صح ثم ضل الطريق

- فيه شهادات كتير بتقول ان اللي كان بيضرب كان اهالي مش بلطجية
- فيه شهادات كتير برده بتقول ان فيه في وسط الاهالي كان فيه بلطجية
- فيه شهادات كتير برده بتقول ان فيه في وسط الثوار كان فيه بلطجية

تضارب الشهادات أمر طبيعي جدا
لو انا واقف وسط المظاهرة و شفت في الناحية الاخري شوية شباب شكلهم اجرامي هاقول دول بلطجية
و لو الاهالي شافوا وسط المتظاهرين شباب شكلهم اجرامي هايقولوا دول بلطجية
و لا تنسي ان الحكم بالشكل و المظهر الخارجي علي الجانبين...يعني لم يتم القبض علي احد من المتظاهرين او الاهالي و تم الكشف علي صحيفة سوابقه و طلع مجرم...كلنا بنحكم بالشكل..لو واحد سحب سكينة من المحل اللي واقف فيه و نزل وسط الاهالي هايتقال بلطجي...لو شاب من المتظاهرين شكله مش متعلم و لابس شبشب و قالع هدومه هايتقال بلطجي...كلنا نحكم من خلال صور و فيديوهات في غياب دولة القانون و هذا يفسر تضارب الشهادات


- فيه شهادات كتير عن مسيرة اليوم اللي قبله اللي ماحدش يعرف هما مين و كان سلوكهم سيء جدا عكس مسيرة السبت

الفيديو اللي انا رفعته موضح انها مظاهرة تقليدية و نفس اشكال الشباب...متعلمين بنضارات...رجال كبيرة في السن...فتيات...حديثهم للكاميرا لا يوحي انهم بلطجية و مجرمون علي الاطلاق...نفس الهتافات و اليفط...و لا أدري ما هو السلوك السيء...الا اذا كنت تعتبر تحديف الطوب سلوك سيئ و هو من اساسيات التظاهر في مصر و لولا تحديف الطوب لخسر الثوار معركة الجمل...يبقي ايه السلوك السيء الي بيثبت انهم مش متظاهرين؟

- شهادات بتقول ان المسيرة و هما رايحين كان فيه ناس بتحدف لهم زجاجات مياه و ماحدش هاجمهم لحد ما وقفوا قدام حاجز الشرطة العسكرية

المسيرة مشيت من ميدان التحرير لحد العباسية في عز الحر...لو متظاهرين طلبوا من ناس ميه أكيد في ناس هاترميلهم ميه...هما مش كفار يعني...هل يتم استخدام هذه الحقيقة للايحاء ان الشعب مع المظاهرة في اسقاط المشير و لا ندري من هذا الشعب الاخر اللي وجدناه في العباسية؟ الشعب ضد من ينادي باسقاط المجلس العسكري الان لانه سنتهي مع أول انتخابات بعد عدة أشهر...موقف الشعب لا يحتاج اثبات و لا أدري ما كل هذا الجدال الذي اراه علي الانترنت و الفضائيات و لا أجد له أثرا في الشارع...انزل الشارع هتلاقي الكل بيرفض الاصطدام بالمجلس العسكري الا اذا تراجع و الغي الانتخابات مثلا

- فيه شهادات بتقول ان فيه افراد امن لفوا في المنطقة يحذروا الاهالي من عودة مظاهرة اليوم اللي قبله اللي بهدلت حيهم
الفيديو بتاع مسيرة 22 كان واضح فيه الاف الشباب بيقولوا جايين بكره...الاهالي ماكانوش محتاجين حد يحذرهم...و كمان في كم مليون شخص ساكن بين التحرير و العباسية شاف المظاهرة و عارف هي رايحة فين..أكيد هايتصل يحذر اي حد يعرفه هناك و كمان ده اجراء روتيني القسم بيقوم بيه اذا كان فيه مظاهرات في دايرته عشان الناس تقفل محلاتها و تقل الخسائر...و ماتنساش ان كابوس الانفلات الأمني و السلب و النهب يوم 28 و 29 يناير مازال ماثلا في عقول غالبية الشعب

[ahmedjumpo]

تصحيح لحضرتك يا استاذ وائل بالنسبة ليوم 22 يوليو نفت 6 ابريل فى نفس اليوم مشاركتها فى المسيرة المزعومة و انها لا علاقة لها بها و اليك رابط من جريدة حكومية و هى الاهرام
http://gate.ahram.org.eg/News/97306.aspx
تعقيب : بما ان حضرتك مازالت مصر على ان 6 ابريل هى اللى كانت مسلحة و مبيتة النية على بث الفوضى فكنت عايز اعرف هيكون ايه رأى حضرتك لما يخرج تحقيق من لجنة مستقلة تابعة للمجلس القومى لحقوق الانسان يثبت ان المسيرة كانت سلمية و تم التربص بها فى العباسية و اليك الخبر
http://www.shorouknews.com/.......Data.aspx?id=512854
ايه رأى حضرتك و لا نكذب دول كمان و طبعا نصدق مجلسنا العسكرى قلبا و قالبا اللى اعترف انه مروج اشاعات

[A.Saad]

الدافع
ايه الدافع ورا الذهاب

تانى حاجة
فيه خبر نشر ان المتظاهرين فى التحرير بعد المعركة وعودتهم للميدان اقروا ان اقتراح الذهاب للمجلس كان خاطيء
يعنى اعترفوا بخطئهم

[nevozaky]

الدافع
ايه الدافع ورا الذهاب

تانى حاجة
فيه خبر نشر ان المتظاهرين فى التحرير بعد المعركة وعودتهم للميدان اقروا ان اقتراح الذهاب للمجلس كان خاطيء
يعنى اعترفوا بخطئهم

كانوا جايبين عمرو غربية الشاب اللى قالوا انه اتخطف .المذيعة لما ساْلته ا انتم اصلا اتحركتوا ليه من ميدان التحرير وايه الغرض .قال لها للتصعيد للامور كلها .
هما شايفين ان مفيش جديد بيحصل وعايزين يضغطوا بتصعيد الاْمور والاحداث

[A.Saad]

صحيح
الاخوة اللى بيقولوا ان اللى ضرب مش متظاهرين وكانوا بلطجية

هو ناس ماشية بتاع 6 كيلو والمفروض قاعدين معتصمين فى الميدان بقاله 3 اسابيع قبل كدة
يعنى تقريبا عرفوا اوجه بعضهم البعض
مش هيعرفوا البلطجية ويقدروا يبعدوهم عن المسيرة

[A.Saad]

‫ط§طظ…ط¯ طµظ„ط§ط ط§ظ„ظ‚ظٹط§ط¯ظ‰ ط¨6 ط§ط¨ط±ظٹظ„ ظˆظ…ط®ط·ط· ط§ظ„طھظ…ظˆظٹظ„ ط¨ط§ظ„ظ…ط³طھظ†ط¯ط§طھ‬‎ - YouTube

[heshamzaky]

حسن الغندور الذى قام بالقبض على عمرو غريبة و تسليمة للشرطة العسكرية
[youtube]http://www.youtube.com/watch?v=RIXMx0i-Sbs[/youtube]

[heshamzaky]

الفيديو دة فية كلام غريب و فى نفس الوقت عمرو غريبة كان مع ريم ماجد و بيحكى قصة مختلفة تماما .

[تامر.محمد]

حسن الغندور , من سكان عين شمس و راح يعمل لجنة شعبية في غمرة خطف فيها واحد تحت تهديد السلاح
شوفوا البساطة ؟ :)))
كان فرد حرس جمهوري و من ابناء مبارك المخلصين , و صفحة اسف يا ريس قالوا ان هما اللي مسكوا غربية ده

مساء الفل

[heshamzaky]

الحلقة كاملة
[youtube]http://www.youtube.com/watch?v=-fbNWRHnYNU&feature=relmfu[/youtube]

[heshamzaky]

حسن الغندور , من سكان عين شمس و راح يعمل لجنة شعبية في غمرة خطف فيها واحد تحت تهديد السلاح
شوفوا البساطة ؟ :)))
كان فرد حرس جمهوري و من ابناء مبارك المخلصين , و صفحة اسف يا ريس قالوا ان هما اللي مسكوا غربية ده

مساء الفل

لازم تتفرج على الحلقة كاملة و أحكم بعد كدة بس أتفرج على الحلقة كاملة .
الدكتور زنق يسرى فودة أكثر من مرة و لما يسرى فودة كان بتزنق كان بيبان علية الضيق

[تامر.محمد]

لازم تتفرج على الحلقة كاملة و أحكم بعد كدة بس أتفرج على الحلقة كاملة .
الدكتور زنق يسرى فودة أكثر من مرة و لما يسرى فودة كان بتزنق كان بيبان علية الضيق

انا ما شفتش دي لسه , انا باتكلم على اللي الغندور ده نفسه قاله في الحلقة اللي قبلها اللي كان فيه الراجل الازهري

[nevozaky]

حسن الغندور , من سكان عين شمس و راح يعمل لجنة شعبية في غمرة خطف فيها واحد تحت تهديد السلاح
شوفوا البساطة ؟ :)))
كان فرد حرس جمهوري و من ابناء مبارك المخلصين , و صفحة اسف يا ريس قالوا ان هما اللي مسكوا غربية ده

مساء الفل

بص كلامك صح .وحسن الغندور ده والله يموت من الضحك لما تسمع عن حبه لحسنى مبارك .مش مختلفين فى ده .
بس ايه اللى يخلى عمرو عريبة ومعاه اتنين كمان ينطوا من فوق السور وهوه شايف ان فى ناس واقفة فى لجنة شعبية .وليه اصلا ينط من فوق السور .
مش غريبة دى شوية .
طيب لما ينط من فوق السور تلقائى الناس اللى فى لجان شعبية هيقولوا عليه اما حرامى او بلطجى وبالتالى اكيد هيضربوه او هيسلموه زى ما حسن الغندور ده عمل .