إعـــــــلان

Collapse

.

,
See more
See less

يا مقطوراتك يا مصر

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    يا مقطوراتك يا مصر

    امبارح بعد اجازة طويلة تخللها نزول يومين شغل والعودة للاسكندرية لاصطحاب اسرتي والنزول بهم خدنا طريق الرجوع للقاهرة
    ركبت الطريق الساعة 4 العصر تقريبا وفضلت ماشي 100 عشان الطريق ملغم رادار وعند واحة عمر تقريبا كان فيه تريلا دخلت اليوترن على الشمال واخر جزء فيها هو اللي علي الطريق
    انا مشيت بالراحة في طريق واول ما قربت منها وعديتها بنص عربيتي
    بوووووووووووووووووووووووووووووم
    وعفرة والعربية عامت وبقيت مش عارف ايه الي حصل والعيال صحيوا من النوم مسروعين وهات يا عياط
    لميت العربية بسرعة وجيت على اليمين ووقفت ونزلت اشوف ايه اللي حصل
    اتاري عجلة الدوبل الخلفي للتريلا انفجرت جنب عربيتي بحوالي متر ونص فقط مما انتج الموجة التضاغطية دي واثار كمية التراب والعفرة الرهيبة وعوم العربية دي
    قعدت اسكت العيال وحمدت ربنا وكملت طريقي وبعد ما وصلنا افوجيئ ان المحور واقف تماما والعربيت بتنزل بضهرها
    نزلت بضهري وقولت ادخل رماية هرم واطلع الدائري من المريوطية
    الرماية واقف بطريقة بشعة وما بيتحركش نهائي وكان معايا اخويا جاي ورايا بعربيتة ماخلتوش يطلع المحور هو كمان المهم لقيت كام سواق عربية بيتكلموا في الموبايل ويلفوا من الجزيرة ويطلعو هو لفيت زيهم وطلعت تاني على المحور وكان ماشي ببطء يجيب شلل بس ماشي
    واخويا اتزنق في الرماية اتاري كان في حادثة كبيرة اكتر من 8 عربيات راشقين في بعض
    خلصت المحور وطلعت الدائري وانا مش طايق نفسي بقاللي اكتر من 4 ساعات وشوية سايق الاقي سواق مقطورة مرسيدس فاضية مش محملة ماشي على الشمال على 130 وعامل رعب على الطريق
    جريت جنبة وجيت قدامة وفشيت غللي فيه ومشيتة على 70 او اقل وما سبتوش الا لما مشي في تالت حارة
    بعدها ب 6 كم لقيت مقطورة شايلة سيراميك وماشي على 40 وموقف الطريق كلة وراة على الشامال برضه عديتة ومشيتة شوية على 20 وقرفتة هووووب صاحبنا بتاع ال 130 حصلنا وعايز يعملني ساندوتش بينه وبين زميلي وبقي يقرب قوي من عربيتى طبعا سقطت وحرقت وطلعت واديتة تحية الطريق بحركة قليلة الادب زيه ودخلت على اول كمين حكيت للامين
    هووووووووب لقيت نقطة ايجابية في مصر والامين وقف الطريق فعلا وهاتك يا فحص رخص كل الترلات اللي جاية وفضلت واقف اكتر من نص ساعة مستنيهم بس للاسف شكلهم هربوا من منزل فرعي
    بس بجد تحية جامدة قوي للامين محمد في كمين السلام الامني اللي على الدائري وتحية جامدة لمصر اللي السفر من الاسكندرية للقاهرة بياخد 6 ساعات تقريبا
    عمار يا مصر
    محدش عندة سواق بسعر حنين

    جروب ورشة نايل موتورز علي الفيس بوك

    صفحة ورشة نايل موتورز على الفيس بوك

    الكلمات الدلالية (Tags): 20, 40, 50, a3, font, good, اسكندرية, الأولى, الاسكندرية, البنزين, السعودية, اللانسر, اللي, الي, بنزين, حادث, حادثة, حوادث, رادار, رينو, ريو, سرعة, سعر, سكندرية, سير, شيفرولية, طريقة, عايز, عربية, عن, غيار, في, قانون المرور, كاوتش, كل, مرسيدس, مركز, مصر, مع, مقطوراتك, من, موتور, مين, هي, يا
  • #2
    والله يا كريم موضوع التريلات دوت مبهدل الدنيا ، وبعدين تم تأجيل قانون المرور علشان مش عايزين يلغوا المقطورات لان احد اعضاء مجلس الشعب للاسف لدية اكثر من مائة مقطورة وهو عضو بالحزب الوطنى للاسف وبيهدد بأنة اذا تم الغاء المقطورات سوف يقدم استقالتة
    ومن هنا اقول لسعادته يا اخى اتقى الله فى الشعب المسكين وان شاء الله تنحرق المقطورات التى تتسبب فى وفاة العشرات يومياً
    وعلى فكرة هذا الحادث تم تصويرة فى القاهرة اليوم امس 000 شىء بشع وشىء مخيف ، هؤلاء السائقين المساطيل هداهم الله وبارك الله فى الامين المحترم الذى تحدثت عنه
    ومش عارف امتى هينعدل حال المرور لدينا 00 يا اخى انظر الى السعودية قوانين صارمة وايضا دبى ويتم تطبيقها على الجميع 00 اللهم ارحمنا والف سلامة لك ولاولادك
    رأى صواب يحتمل الخطأ ورأى غيرى خطأ يحتمل الصواب

    Comment

    • #3
      تحية للامين محمد


      بس انت يا كريم بتهرج

      معاك عيالك ومراتك وعمال تزنق علي النقل
      دا كلام افرض لا قدر الله طلع سواق النقل شارب حاجة وحطك في دماغه

      في مثل كان مكتوب علي عربية نقل بيقول

      (احترام الكبير واجب)
      إلي مالوش خير في (نور وكريمة) مالوش خير في حاتم

      Comment

      • #4
        بس يا كريم ابقى خد بالك من بتوع المقطورات دول لو انت حبيت تغلس عليهم هما كمان ممكن يغلسو و ممكن واحد يخبطلك العربية من ورا و هوة طبعا مش حتفرق معاة و لكن انت الى حتضرر و كمان لأن معاك المدام و الأولاد

        و لكن تحية للأمين محمد
        [CENTER]الحمد لله[/CENTER]
        [CENTER] [/CENTER]
        [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]

        Comment

        • #5
          و الله و أنا كمان أول امبارح كنت على الزراعى و لاقيت العربيات فجأة بتهدي و الطريق مليان رمل بشكل مفزع .

          ضربت بعيني قدام كده لاقيت تريللا بمقطورة و هاتك يا رمل على خلق الله لأنها مش متغطية و محملة هرم عالى كده

          عديت الناس و عديته و جيت قدامه و شغلت الفلاشر و بدأت اهدي بحذر لأنه كان بيجري
          قعد يديني في كلاكسات من المرعبة بتاعتهم دي بس فضلت اهدي بشويش لحد ما هو ادا اشارة يمين و ركن

          نزلتله (وكان ذوق جدا بصراحة) و قولتله حرام عليك الطريق متبهدل غطي الرمل ده
          و رد بأدب و قاللي معهلش يا باشا بس التباع نايم و هايصحى يركبه

          قولتله انا هاسبقك لكمين ميت غمر و هابلغ فا غطي نفسك قبل الكمين

          و سلام سلام
          و لا بلغت و لا حاجة
          بس حسيت اني ايجابي
          و ممكن تعمل حاجة كويسة في البلد دي برضه
          [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

          Comment

          • #6
            البلد فعلا ماشية من سيئ لاسواء
            حاتم وفهد انا بجي قدامهم واضرب انتظار واهدي ومهما يدين يفي كلاكسات ببقي عامل مسافة امان كافية وحارق غيار عشان لو قرص عليا اعرف اخلع بسهو ما فارق الوزن واحجم لصالحي طبعا وعمر ما عهعملها من غير موتور حنين
            بس بعد الساندوتش اللي كانو هايعملوة فيا مش هاعملها واسرتي معايا
            مراتي شافت وشوة وبتقولي مش طبيعي يا كريم دي بيبصل بصة جنونية وده اللي خلاني اسبقة على الكمين
            اهو انا نفسي اقدم استجواب لصاحب ال 100 مقطورة دوول واسالة لو ابنك اتصاب بس من مقطورة هاتعارض القانون برضه
            والله حوادث بشعة شايفها وانا رايح جاي ومعظمها مشترك في مقطورات
            خاصة شيفرولية سبارك سوداء واحنا رايحين ومقطورة باستها بس من ورا

            جروب ورشة نايل موتورز علي الفيس بوك

            صفحة ورشة نايل موتورز على الفيس بوك

            Comment

            • #7
              المشاركة الأصلية كتبت بواسطة karim_monir مشاهدة المشاركة
              بعدها ب 6 كم لقيت مقطورة شايلة سيراميك وماشي على 40 وموقف الطريق كلة وراة على الشامال برضه عديتة ومشيتة شوية على 20 وقرفتة هووووب صاحبنا بتاع ال 130 حصلنا وعايز يعملني ساندوتش بينه وبين زميلي وبقي يقرب قوي من عربيتى طبعا سقطت وحرقت وطلعت واديتة تحية الطريق بحركة قليلة الادب زيه ودخلت على اول كمين حكيت للامين
              not a good idea at all... wouldn't do that unless i have a shotgun or so

              MMamdouh
              [CENTER]What is the difference between ignorance and apathy?...I don't know & I don't care[/CENTER]

              [CENTER][SIGPIC][/SIGPIC][/CENTER]


              [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

              [marq="Error"]what goes around... comes around[/marq]


              [CENTER][URL="http://www.cardomain.com/ride/567267"]MMamdouh's Lanos on CarDomain
              [/URL][/CENTER]

              [URL="http://www.nilemotors.net/Nile/showthread.php?t=85421"]
              [/URL]

              Comment

              • #8
                ربنا يسلم طريقك يا كريم

                انا بواجه الموقف ده اسبوعيا في طريقي من و الي الشغل
                التريلات من الحاجات الجميله جدا في مصر و علي الطريق

                المشكله ان الصيف داخل و اه و اه من الصحراوي في الصيف
                احلي توقيت في السفر انك تضبط نفسك تصلي المغرب علي البوابه

                ربنا يسلم طريقك يا ابن امي
                [SIGPIC][/SIGPIC]

                Comment

                • #9
                  أنا برده كنت راجع من اسكندرية يوم الأحد وكانت الساعة واحدة وكان الطريق فاضى وانا على الدائرى كان فى مقطورة ماشية على الشمال وانا جاى من بعيد ولقيتها ابتدت تاخد يمين ، وانا أخدت الشمال علشان أعدى منها وبعد ما عديت من المقطورة وقبل ما أوصل لكابينة السواق لقيته راح حادف عليا شمال تانى وحسيت انى هانزل تحت العجل بتاع المقطورة ، لولا انى لزقت فى السور اللى بين الطريقين وفرملت كان زمانى اتفرمت ، بس الحمد لله ربنا بيسترها.
                  من قرر التنازل عن حريته من أجل الأمن لا يستحقهما معا ولن يحصل على أي منهما

                  Comment

                  • #10
                    المشاركة الأصلية كتبت بواسطة karim_monir مشاهدة المشاركة
                    بس بعد الساندوتش اللي كانو هايعملوة فيا مش هاعملها واسرتي معايا
                    ولا وهما معاك ولا وإنت لوحدك لأنهم محتاجينك وربنا يخليك ليهم ويخليهم ليك
                    أبويا بيقول أبو العيال ميعملش كده
                    مين اللى يستحمل كل ده
                    [URL="http://www.0zz0.com"][/URL]

                    Comment

                    • #11
                      حمد الله على سلامتكم جميعا و ربنا يستر على الجميع من سائقي الرعب دول ....حسبي الله و نعم الوكيل
                      [CENTER] [/CENTER]

                      Comment

                      • #12
                        انا في المواقف دي يوميا لأن جامعتي و شغلي في 6 اكتوبر .. و مستحيل اركب المحور باخد الدائري لأخره ثم طريق الفيوم و اخش اكتوبر من ورة ..

                        بجد اعصابي باظت .. ساعات ببقي نازل و انا لسة صاحي مش مركز كويس و الطريق بيبقي محتاج تركيز عالي جدا من الناس اللي جايا يمين و شمال مقطورات علي نقل علي ميكروباصات علي ملاكي

                        و الله في مرة حصلي موقف .. مش عارف اوصفه اذا كان مضحك ولا ايه بس ساعة حدوثه بالنسبة لي كان مرعب !

                        علي طريق الفيوم عند قرية النسايم قبل دخلة اكتوبر .. ماشي ورا عربية نقل من الكبار ماشية عالشمال و عايز اطلع منها .. و انا بقرب منها .. لقيت حاجات مرعبة بتقع من العربية !!! يا تري ايه !!!!!؟؟

                        بطيخ !!!!

                        واحد محمل بطيخ و مش رابطه فا وقع من الحمولة و هو ماشي ..
                        ده اما بيبقوا محملين زلط و زلطة تطير عالعربية بتبهدلها .. امال لو كان نزلي عالكبوت بطيختين تلاتة!
                        و زمايلي في الكلية جايين يقولولي اسكت .. ده و احنا جايين لقينا بطيخ عالطريق .. قلتلهم عاااارف عاارف ..

                        و لسة و انا جاي انهاردة و الله عربية نص نقل خابطة في نقل كبيرة و مقلوبين في الاتجاه المؤدي للهرم عالدائري .. حصلت الساعة 1 و عشرة الظهر تقريبا .. حرام و الله
                        [COLOR="gray"]
                        [CENTER]Leadership is based on inspiration, not domination[/CENTER][/COLOR]

                        Comment

                        • #13
                          احلى سلام على طول الطريق لكريم باشا منير اللى هيأدبلنا سواقين التريللات بإذن الله


                          اولا حمد الله على سلامتك طبعا يا كريم انت و اسرتك
                          ثانيا يا ريت بقى لو تسبك من التريلات و تقلب على الاتوبيسات لأن من فتره اتوبيس فى النزله بتاعت الكوبرى بياخد غرزه من الميكروباص اللى وقف قدامه و كان هيرمينى انا و العربيه من فوق الكوبرى لولا انى لحقت كبست بنزين على الاخر خالص كان زمانى بقيت فى خبر كان ده انا من كتر دوستى على البنزين ساعتها الار بى ام وصل 6 و الصراحه انا كنت عاوز اعمل زيك كده و اجى قدامه و ارخم عليه بس انا اعصابى كانت فى الارض
                          [CENTER][CENTER][img2]http://cdn-img1.imagechef.com/w/110921/sampe24f53992f6e9e21.jpg[/img2] [/CENTER]
                          [/CENTER]

                          Comment

                          • #14
                            يا راجل ده كلام برضوا !! معاك اسرتك و تعمل كده ؟ دول عينة من البشر (اذا صح و صفهم بالبشر ) كل اللى يهمهم فلوس النقلة و الدنيا تولع من بعد كده يا ريت تخلى بالك و ربنا يسترها معاك و معانا
                            فاكرين فيلم فاست اند فيوريس ؟؟؟ فاكرين العربيات الهوندا سيفيك السودا و لا اللانسر مش فاكر اللى كانت بتطلع و تظبط بتوع النقل احنا عاوزين نعمل كده مع سواقين النقل
                            اما عن موضوع الراجل بتاع الحزب الوطنى فأقل ما يقال عن الموضوع ده هو :فساااااااااااااااااااااد
                            وعمار يا مهلبية فى جمهورية مصر البهية
                            [CENTER][SIZE=6][COLOR=darkslateblue] [/COLOR][/SIZE][/CENTER]

                            Comment

                            • #15
                              حمد الله على سلامتك ياكريم
                              وبصراحة لحد امتى هايفضل الفوضى بتاعت سواقيين المقطورات مابين واحد ماسك شمال الطريق وماشى على 40 ومابين واحد ماشى على 120 ومابين واحد يبقى غلطان ويتسبب فى حادثة ويجرى
                              لازم يبقى فى واقفة من قبل المرور ..دة الدائرى بقى حاجة بشعة
                              ربنا يسترها معانا ويكفينا شر الطريق

                              Comment

                              السابق 1 2 3 template التالي
                              Working...
                              X