إزاي أروح البرنس...

[ahmedfd]

معلش سؤال خارج الن للناس الأكيلة...
البرنس اللي في إمبابة بيروحولوا منين؟... على فرض إني جاي من مدينة نصر أو مصر الجديدة ... صلاح سالم يعني..
و يا ترى هو نفس نظام فرحات و بلبع و الناس الكبارة دول؟

[ahmed_gamal]

انا لسه واكل فيه امبارح للامانه مانصحكش خالص

[ahmed_gamal]

معلش نسيت اقول اني معرفش بصراحة ترحله ازاي

[TaoTao]

انا قريب من امبابة بس ماجربتش البرنس
خد صلاح سالم اطلع اكتوبر، خش على الوصلة اللي رايحة كوبري 15 مايو، انزل نزلة الكيتكات (بعد ماتعدي الزمالك على طول أول فتحة) كدة هاتكون على الكورنيش في الكيتكات
تدخل من اول اشارة شمال على شارع السودان وتمشي فيه حوالي كيلو، هاتلاقي شارع على يمينك (ترعة السواحل) على ناصيته محكمة إمبابة واضحة، وهناك تسأل الف مين يدلك، بس استحمل زحمة وقرف الشارع ده وخللي بالك من التكاتك (جمع توكتوك)
وبالهنا والشفا (ماقدرش افيدك عن مستوى الخدمة والاكل ماجربتوش إطلاقا)

[MoToRiZeR]

بص دي وصفة مباشرة ..

انت هتركب كوبري اكتوبر و تنزل نزلة الكيت كات .. تفضل ماشي علي طول لا هتخش شمال ولا يمين ..

هيقابلك شمال مدخل احمد عرابي .. متدخلوش تفضل علي طول

تعدي عالكيت كات فيه صينية .. متلفش فيها تفضل ماشي علي طول .. اقصي شارع يمين يعني .. زي ما انت من غير ما تلف في الصينية

تفضل ماشي علي طوووول برده هتلاقي قسم امبابة علي شمالك .. زي ما انت علي طول .. فيه عند قسم امبابة هتنزل من تحت حاجة زي منزل كدة مش عارف بيسموها ايه .. اللي هي بتقيس ارتفاع العربيات و بيبقي مكتوب عليها اقصي ارتفاع كذا .. دي هتبقي في طريقك عادي و انت ماشي علي طول و قسم امبابة علي شمالك .. اول ما تعدي من تحتيها .. ابتدي بص علي شمالك .. هتلاقي البرنس حاطط بانر كبير مكتوب عليه كبدة البرنس و عليه صورة صاحب المحل و لابس بدلة

هتفضل ماشي علي طول لحد ما تلاقي كوبري الساحل ..متطلعوش .. ادخل من يمينه و لف من تحتيه و لف خش يمين في الشارع اللي علي ناصيته الاعلان

تمشي علي طوول .. هتلاقي صينية .. لف معاها شمال و اركن لأن هتلاقي المحل في وشك و جنبه مباشرة البان المالكي

[MoToRiZeR]

الشارع اللي فيه المحل اسمه شارع طلعت حرب

[TaoTao]

بص دي وصفة مباشرة ..

انت هتركب كوبري اكتوبر و تنزل نزلة الكيت كات .. تفضل ماشي علي طول لا هتخش شمال ولا يمين ..

هيقابلك شمال مدخل احمد عرابي .. متدخلوش تفضل علي طول

تعدي عالكيت كات فيه صينية .. متلفش فيها تفضل ماشي علي طول .. اقصي شارع يمين يعني .. زي ما انت من غير ما تلف في الصينية

تفضل ماشي علي طوووول برده هتلاقي قسم امبابة علي شمالك .. زي ما انت علي طول .. فيه عند قسم امبابة هتنزل من تحت حاجة زي منزل كدة مش عارف بيسموها ايه .. اللي هي بتقيس ارتفاع العربيات و بيبقي مكتوب عليها اقصي ارتفاع كذا .. دي هتبقي في طريقك عادي و انت ماشي علي طول و قسم امبابة علي شمالك .. اول ما تعدي من تحتيها .. ابتدي بص علي شمالك .. هتلاقي البرنس حاطط بانر كبير مكتوب عليه كبدة البرنس و عليه صورة صاحب المحل و لابس بدلة

هتفضل ماشي علي طول لحد ما تلاقي كوبري الساحل ..متطلعوش .. ادخل من يمينه و لف من تحتيه و لف خش يمين في الشارع اللي علي ناصيته الاعلان

تمشي علي طوول .. هتلاقي صينية .. لف معاها شمال و اركن لأن هتلاقي المحل في وشك و جنبه مباشرة البان المالكي

كنت هاقولها :)
هو بعد نزلة الكيتكات امشي على طول وبلاش تدخل شمال -تفاديا لقرف شارع ترعة السواحل والسودان- النيل هايكون على يمينك وهاتمر زي مازميلنا قال على قسم إمبابة وهايقابلك نفق صغير تحت كوبري إمبابة -البديع- تعديه هاتلاقي على شمالك المطابع الأميرية الشارع اللي بعدها هاتلاقي الإعلان الكبير والبرنس شخصياً واقف بيشاورلك إن المحل من هنا :)
عشان تدخل الشارع ده -شارع طلعت حرب- هاتكمل طريقك وانت واخد يمين (عشان ماتطلعش كوبري الساحل) هاتلاقي يوتيرن تحت الكوبري على شمالك لف معاه وكمل على طول فوت شارع وادخل الشارع اللي بعده اللي هو طلعت حرب

وحمد الله ع السلامة :)

[Akram]

انا أكلت عند البرنس من فترة قريبة و هي نفس الوصفة اللى وصفها dehumanizer بالضبط ,
و بالنسبة لمستوى الاكل ,
جامد
جداً
جداً
جداً
جداً
جداً

انا رحت انا و 8 أصحابى و زملائي في العمل و كلهم أكيلة و كلهم اتبسطوا أوي.

[ahmedfd]

ألف شكر يا رجالة...

[Abo Shahd]

بصراحه الاكل بتاعه جامد ويستاهل تروحله

[knightmido]

فى الحقيقة انا مستغرب من الاعلان اللى حاطى بيقول سنين من الخبرة وهو ماسك علبة مش عارف صفيح ولا ايه ... هو بيعمل معلبات اصل الكبدة سبب شهرته الوحيدة اللى مش معلبة

[MoToRiZeR]

لا هو قديم فعلا .. سنين من الخبرة دي صح :)

اسمع ان بدايته كانت بعربية كبدة بعد كدة ربنا فتح عليه
انا مرة رحت اكل عنده من سنتين كانت الساعة حوالي 2 و نص بالليل .. لقيت محمد حماقي و خالد الغندور قاعدين بياكلوا

هو اكله تحفة .. و العلبة اللي ماسكها في ايده دي حاجة اسمها "الرشة" هو مخترعها كدة
خلطة بهارات بييجي يحطهالك علي اي حاجة بتخلي طعمها خرافي !