انت فين من الحب؟

[ams]

هو لازم الحب يكون حب إمراءه او بنت يعنى ؟

انا مع M_HaFeZ
طبعا الحب مش بس حب المرأه فى كمان حب الله و رسوله و حب والديك و اطفالك و اقربائك و حب اصحابك و حب حاجياتك وحب نفسك وحب الحياة وحب حاجه بتحبها وخلاص( مش عارف تفسير الحب ده ايه؟ ) و حب الشهوات -و انما سمى القلب من التقلب
بس ببساطه من غير حب تبقى الحياة ملهاش لازمه و مش عاوزها

[د-احمد عبد اللطيف]

هوا فى نقطه مهمه غير موجوده في الاستطلاع

وهى
حبيت اللى اتجوزتها
اعتقد دى تمثل الغالبيه العظمى من الناس

[ZAMORA]

على العموم اذا حبيتها متتجوزهاش
و اذا اجوزتها متحبش عليها تاني ( لو لسة فيك نفس )

[حماده عزو]

أنا الحمد لله أتجوزت بعقلى مش بمشاعرى
والحمد لله أحسنت الأختيار
لكن حبيت مراتى أمتى أو حسيت بحبى ليها أمتى
أكيد بعد ما ربنا رزقنى ببنتى هاجر

[Nile_Storm]

حبيت بس لسه الخطوبه اما اخلص باذن الله

[MoToRiZeR]

ليا تجارب فاشلة و حاليا نفسي الاقي الحب الحقيقي

بس هي الظاهرة المسيطرة و اللي مضايقاني (في العالم كله مش في مصر) ان العالم بقي ما يسمي ب "العالم المادي" ... بمعني .. مصالحي و فلوسي يخلوني مبسوط و الحب ييجي بعد كدة

و دي نظرية انا مش مقتنع بيها..

[knightmido]

الحمد لله اتجوزت اللى بحبها ... اقولكو السر

من يتقى الله يجعل له مخرجا ويرزقه من حيث لا يحتسب

[ASD peugeot]

شكرا لكل اللي شارك في الموضوع

[احمد عبدالله]

أنا عمري في حياتي ما كلمت أي حاجة مؤنثة غير أختي و الست الوالدة معرفش أنا معقد ولا إيه و بالرغم من إن أنا في كلية عملية و ممكن الواحد يتلكك بش أنا خايف واحدة تقفلني فإكتفيت بحب العربيات

[OlaOsman]

أنا عمري في حياتي ما كلمت أي حاجة مؤنثة غير أختي و الست الوالدة معرفش أنا معقد ولا إيه و بالرغم من إن أنا في كلية عملية و ممكن الواحد يتلكك بش أنا خايف واحدة تقفلني فإكتفيت بحب العربيات

طيب انت مضايق نفسك ليه؟ انت كده صح، حاول ما تتقربش من حد إلا لو كان عندك الرغبة الحقيقية في الارتباط بيها و الاستعداد المادي للارتباط الشرعي، بكده هاتوفر على نفسك و عليها وجع قلب مالوش داعي.

[mars3v]

طيب انت مضايق نفسك ليه؟ انت كده صح، حاول ما تتقربش من حد إلا لو كان عندك الرغبة الحقيقية في الارتباط بيها و الاستعداد المادي للارتباط الشرعي، بكده هاتوفر على نفسك و عليها وجع قلب مالوش داعي.

صح ازاى!!! إذا هو ماتعاملش مع حد قبل كده، هيعرف يختار ازاى، ازاى هيعرف الشخصيه اللى بتعجبه و اللى بيكرهها ...زى اللى عايش فى الغابه و عمره ماشاف عربيات قبل كده، اول عربيه هايشوفها هايموت عليها و يشتريها، و بعدين ممكن يندم لما يشوف باقى العربيات...و ده ممكن يحصل بعد الجواز و يندم طول عمره...هى ايه المشكله لو اتكلم مع اى بنت زى ما بيكلم اخته، و ايه المشكله لو البنات تبطل الاوهام اللى فى دماغها و فاكره ان اى واحد جاى يكلمها يبقى بيموت فيها و توصل انها تشتم اى حد فى الشارع بيحاول ينبهها ان الكاوتش نايم...ليه منبقاش مجتمع سوى!

[OlaOsman]

صح ازاى!!! إذا هو ماتعاملش مع حد قبل كده، هيعرف يختار ازاى، ازاى هيعرف الشخصيه اللى بتعجبه و اللى بيكرهها ...زى اللى عايش فى الغابه و عمره ماشاف عربيات قبل كده، اول عربيه هايشوفها هايموت عليها و يشتريها، و بعدين ممكن يندم لما يشوف باقى العربيات...و ده ممكن يحصل بعد الجواز و يندم طول عمره...هى ايه المشكله لو اتكلم مع اى بنت زى ما بيكلم اخته، و ايه المشكله لو البنات تبطل الاوهام اللى فى دماغها و فاكره ان اى واحد جاى يكلمها يبقى بيموت فيها و توصل انها تشتم اى حد فى الشارع بيحاول ينبهها ان الكاوتش نايم...ليه منبقاش مجتمع سوى!

بالراحة بس شوية.. هو فيه ايه؟؟ :o

لو قريت كلامي كويس هتلاقيني باقول له حاول ما تتقربش من حد إلا لو كان عندك الرغبة الحقيقية في الارتباط بيها و الاستعداد المادي للارتباط الشرعي.. باقول له ما "تتقربش" من حد مش ما "تقربش من حد".. فيه فرق واضح بين الاتنين.. غير منطقي يعني انه أقول له ما تكلمش بنات خالص إلا اللي ناوي تتجوزها.

يا رب يكون كلامي وضح.. و مالوش داعي خالص الهجوم على كل البنات بسبب فهم خاطئ.

صباح الفل :)

[mars3v]

بالراحة بس شوية.. هو فيه ايه؟؟ :o

لو قريت كلامي كويس هتلاقيني باقول له حاول ما تتقربش من حد إلا لو كان عندك الرغبة الحقيقية في الارتباط بيها و الاستعداد المادي للارتباط الشرعي.. باقول له ما "تتقربش" من حد مش ما "تقربش من حد".. فيه فرق واضح بين الاتنين.. غير منطقي يعني انه أقول له ما تكلمش بنات خالص إلا اللي ناوي تتجوزها.

يا رب يكون كلامي وضح.. و مالوش داعي خالص الهجوم على كل البنات بسبب فهم خاطئ.

صباح الفل :)

معلش انا كنت بتكلم براحه بس بإندهاش :D

انا اللى فهمته انو بيقول انه مبيكلمش بنات خالص، رحتى انتى قلتيلو انت زعلان ليه، انت كده صح، فكان لازم الهجوم عليكى :)

معلش انا مبخدش بالى من متقربش و متتقربش و الحجات ديه علشان العربى بتاعى ابتدى يبوظ.

و كمان انا هاجمت الولاد برضو لما قلت انهم لازم يكلمو البنات زى مابيكلمو اخواتهم، انا ماهجمتش البنات بس، انا مسبتش حد :)...لاكن كرهك لمجتمع الرجال خلاكى تشوفى الهجوم على البنات بس و تفتكرى انى عنصرى، و انا لست بكذلك :)

[Noha.M]

انا الحمد لله اتخطبت و الحمد لله ربنا كرمني بانسان اقل ما يقال عنه انه راجل بمعنى

الكلمة و الحمد لله انه وفقنى و كرمني بواحد بيخاف ربنا و بيتقيه و بيحاول يسعدنى

على قد ما يقدر و الحمد لله أقل حاجة منه بتخليني طايرة من الفرحة لانه على الاقل

افتكرنى ..

بس بجد يا جماعة " من يتقي الله يجعل له مخرجا " ..

[OlaOsman]

معلش انا كنت بتكلم براحه بس بإندهاش :D

انا اللى فهمته انو بيقول انه مبيكلمش بنات خالص، رحتى انتى قلتيلو انت زعلان ليه، انت كده صح، فكان لازم الهجوم عليكى :)

معلش انا مبخدش بالى من متقربش و متتقربش و الحجات ديه علشان العربى بتاعى ابتدى يبوظ.

و كمان انا هاجمت الولاد برضو لما قلت انهم لازم يكلمو البنات زى مابيكلمو اخواتهم، انا ماهجمتش البنات بس، انا مسبتش حد :)...لاكن كرهك لمجتمع الرجال خلاكى تشوفى الهجوم على البنات بس و تفتكرى انى عنصرى، و انا لست بكذلك :)

كرهي لمجتمع الرجال؟ على أي أساس حضرتك حكمت علية بإني باكره مجتمع الرجال؟