هو كل واحد بيعدي من حته هيعمل فيها مطب

[shaddadfalcon1]

الزراعي طول عمره طوالي ومفيش مطبات علي الأقل في الجزء اللي ناحية الأسكندريه
ومن اسبوع الثوره بقي في مطبين عند كوبري ابيس في كلا الاتجاهين وهو مطبات صغيره بس بتوقفك غصب عنك وطبعا من اول الساعه 9 بتبقي موقفه الطريق جدا ومعرفش حتي الأن مين اللي عمل المطبات دي

من اسبوعين وانا رايح جاي من علي الزراعي الصبح بدري ومكنش فيه مشكله في المطبات دي خالص لحد النهارده الطريق واقف جدا من عند كوبري ابيس لحد مدرسة House Of English قلت خير
لما وصلت لقيت البشوات سدين نص الطريق وبانيين المطب باسمنت ومعليينه ومعرضينه يعني صباح التخلف
ماهو التاني كان بيوقف العربيات برده وحطين طول وكوتش عربيات قال يعني لحد ماينشف مش فاهم الناس دي بتفكر ازاي وواضح طبعا ان مش المورو اللي حطه وحاجه في قمة الغباء والتخلف

وحسب الله ونعم الوكيل وكل يوم من سيء لاسواء

[Donzi]

موضوع المطبات دا كرهنا في ركوب العربيات اصلا من اللي بيحصل فيها من كتر المطبات و اللي معمولة بمنتهى الغباء كمان

[MohssenRashed]

المطبين دول اول ما اتعملوا لبستهم بس الحمد لله بس بوظ عربيات كتير و خصوصا ياليل مش باينين غير اللي حافظ الطريق.

انا لسل مشوفتش الجداد دول مع ان ده طريقي كل يوم عشان بجيب المدام بس هي اجازه دلوقتي.

شكرا ياباشا على المعلومه المهمه دي عشان هبدأ امشي عليه تاني يوميا من يوم الاحد اللي جاي

[shaddadfalcon1]

مطب في مكان مفيهوش حركة سير كتيير ماشي لكن علي الزارعي وفي اصلا مطب ويسد الطريق عشان يكبر المطب ويعليه ويعرضه

ده المطب بقي حامل

[shaddadfalcon1]

المطبين دول اول ما اتعملوا لبستهم بس الحمد لله بس بوظ عربيات كتير و خصوصا ياليل مش باينين غير اللي حافظ الطريق.

انا لسل مشوفتش الجداد دول مع ان ده طريقي كل يوم عشان بجيب المدام بس هي اجازه دلوقتي.

شكرا ياباشا على المعلومه المهمه دي عشان هبدأ امشي عليه تاني يوميا من يوم الاحد اللي جاي

القدام كانو واطين وممكن تاخدهم بسرعتك عادي لكن الجديد ده عالي ولو خدته بسرعه ياما يقلب العربيه يايبهدلها من تحت
قمة التخلف

هو دلوقتي نصه بس اللي معمول اللي هو اول واحد من بعد كوبري ابيس وانت داخل علي الأسكندريه

غالبا بكره هيكملو النص التاني بقي ويفضلو كل يوم معطلين الدنيا عشان يكملو السد العالي اللي بيعملوه ده

[elmkaneeki]

حاجة تقرف بجد..المطبات فى كل حتة بطريقة قذرة فعلا
مش عارف الواحد يقول اية فى الناس
انا عشان اروح من المعادى لحلوان بعدى على اكتر من 10 مطبات بالميت

[تامر.محمد]

مشكلتنا الأزلية , حكومتنا مش بتحس بينا و احنا مش بنحس ببعضنا
احنا فالحين حاليا نحس بحكومتنا بس

[bakkoor]

المطبات بقت عامله زى صتاديق الزباله ممكن اى حد يح مطب تحت بيته