استفسار عن usb مودم

[evram]

يا جماعة انا دلوقتي جبت لاب توب و محتاج اجيب usb مودم عشان النت ايه افضل الشركات عشان اجيب منه و ايه الاسعار كان في عرض في اتصالات ب 159 جنيه و يو اس بي و خط 512 باين ولا ايه المهم انا مش فاهم العرض محتاج حد يفهمهوني و يقولي ايه احسن شركة و ايه نظام الاسعار و بالنسبة ل الاستخدام يعني هيكون متوسط يعين شم هعمل داونلود ل العاب مسلا يعني يوتيوب تصفح ممكن انزل فيديو مساحته صغيرة فيلم مساحتة صغيرة كدة يعني

[evram]

ايه يا جماعه انتو فين

[MOUSTAFA_SAAD]

انا هنا اهو بس مش عارف

انا قولت اسلم عليك بس

عموما انا معايا بتاع فودافون اللى بيتشحن بكرت مدفوع مقدما وواحد تانى فودافون برده بالباقه ب25 جنيه شهريا بتاخد بيهم 150 ميجا وبعد كده السرعه تنزل لغاية اخر الشهر لما ترجع تشحن تانى

[mramzy]

شوف اقوى شبكه فى المكان اللى بستخدم فيه الموبيل ايه وبعدين نشوف ايه العروض المتاحه اهم حاجه تكون شبكه 3g عموما اختار عرض الكارت فى اى شركه لان فى الفاتوره بتتحمل 15 % ضريبه مبيعات بدون داعى
بس عن تجربه اسرع شبكه بعد لف ودوران موبينيل متوسط سرعه الدون لود 650 - 800 ك ب ( ما شاء الله )اعلى رقم شفتخ فى فودافون 320 ك ب اتصالات اخرها 120 كب
انا موبينيل بدفع 150 جنيه وباخد 7 جيجا فى الشهر ولما بيخلصوا السرعه تقل

[ahmed_h_g]

أنا أشتريت usb أتصالات كان عليه عرض ب50 جنيه + 30 رساله + 50 ميجا لمدة 3 شهور من فتره كبيره
لقيت العروض تمام بس الشبكه مش تمام
فكيت شفرة المودم وشغلت فيه خط فودافون
دلوقتى الشبكه تمام والسرعه وصلت معايا ل3 ميجا و240 كيلو
والفيلم بينزل فى أقل من ربعايه
بس خدمة فودافون أبتدت تخرف

[د.محمود صلاح]

بالنسبة لي عندي 2 مودم

فوادفون واتصالات

اتصالات في المنيا سرع وافضل من فودافون

والإتنين بيقطعوا اتصال نت فجاه على فترات بدون سبب واضح

[evram]

طيب معلش سوال هو الباقة الي هي مسلا 25 دي بعد م يخلص ال ميجا الي محدد ليا بتقطع الخدمة ولا السرعه بتقل بس و هل ممكن استخدمة و السرعه قليله ولا ايه

[MOUSTAFA_SAAD]

طيب معلش سوال هو الباقة الي هي مسلا 25 دي بعد م يخلص ال ميجا الي محدد ليا بتقطع الخدمة ولا السرعه بتقل بس و هل ممكن استخدمة و السرعه قليله ولا ايه

السرعه بتقل فقط
بس بتخنق من بطئها