هل تقدر تبقي ايجابي وتقاطع البنزين بعد الاسعار الجديده ؟؟ اضرااااب يعني ؟؟

[Moh.Abdelbaset]

احنا خلاص قررنا كاسرة هنركن العربية وما نستخدمهاش الا فى الضروروة والمشاوير الهامة
المشكلة بقى ان كمان اسعار المواصلات هتغلى فالى وفرته فى العربية من بنزين هدفعه فى المواصلات وعليه كمان حرقة دم وقرف والدنيا حر اساسا مش ناقصة وجع دماغ
وننتظر ما ستسفر عنه الايام القادمة

[Dr Ahmed]

عرفت النهارد إن مرتبى الحكومى هيزيد 60 جنيه بالتمام والكمال
وحسبت فرق البنزين الشهرى لقيته أكتر من خمسين جنيه

يعنى العلاوة صفصفت على أقل من 10 جنيه بعد حساب فرق البنزين بس!!
وأقعد أحوش الباقى علشان أبقى أدفعه فى تجديد الترخيص !!!

اللى يجنن إن يقوللك إن الزيادة دى علشان تغطى العلاوة !!! دى مش غطت وبس دى غطت وفاضت وطرطشت ومش عارفين نلمها !!!

[kimo-nubira]

عرفت النهارد إن مرتبى الحكومى هيزيد 60 جنيه بالتمام والكمال
وحسبت فرق البنزين الشهرى لقيته أكتر من خمسين جنيه

يعنى العلاوة صفصفت على أقل من 10 جنيه بعد حساب فرق البنزين بس!!
وأقعد أحوش الباقى علشان أبقى أدفعه فى تجديد الترخيص !!!

اللى يجنن إن يقوللك إن الزيادة دى علشان تغطى العلاوة !!! دى مش غطت وبس دى غطت وفاضت وطرطشت ومش عارفين نلمها !!!

يا دكتور احمد حضرتك لو حسبتها صح هتلاقي نفسك دافع من جيبك فوق العلاوه مرتنين تلاته كمان لان اسعار السلع الغذائيه واي من المنقولات

اللي بتتنقل بالبر او بعمني اصح من خلال العربيات كلها بتزيد ...... انا مش عارف الجيل اللي جاي من الشباب هايعمل ايه احــــــــنا علي الاقل

عايشين بالعافيه هما بقي هايعملوووو ايه وهايعيشو ازاي والحال زي ما احنا شايفين من الاسوء الي الاسوء .................................!

[osamaesm]

يعني الناس الي خدت علاوه راحت منها في البنزين ماشي
طب اللي مخدش علاوه ويدفع زياده عن مكان بيدفع يعمل ايه يعني هياخدومن الناس الي في القطاع الخاص الي اصلا مزدوش عشان يدو للحكومه عشان تصرف العلاوه يعني من دقنه وافتلاو زي مابيقولو
غير اصلا الي بيخدوه مننا ضرائب كسب العمل اصلا يعني انا بيتخصم مني كل شهر 432.87 جنيه ضرائب كسب عمل + 92 جنيه تامينات اجتماعيه اجمالي الخصومات 611 جنيه شهريا
وحسب الله ونع الوكيل

[جمال]

وسمعت ان قانون المرور بيقول ان ماينفعش حمارين يسوقو عربيه كارو واحده لازم واحد بس اللي يسوق

ولا حتى يكون نائب له ؟

[knightmido]

مع كل احترامى للسادة اعضاء المنتدى ... اللى فعلا بعتبرهم مقربين جدا من نفسى :
- انا قريت الردود وبشاركم فى الالم من ارتفاع سعر البنزين بس حسيت وعفوا متزعلوش فيع انانية شوية ... صبركم كلنا اما راكبين لانوس او نوبيرا يعنى عربيات سعرها معدى على الاقل 45 ..... ليه مبتبوسوش على الاقل الناس الابسط تعمل ايه ... اللى متبهدلين فى المواصلات .. لو ده فعلا السبيل لتوفير العلاوة
- ليه منرشدش استعمال العربيات .. يعنى ممكن نركب معانا زمايلنا اللى قريببيى او فى طريقنا .. ويكون الموضوع ده بالتناوب ... ونقتصر استعمال العربيات على العائلة فقط .. وما شابه .... عفوا للاطالة بس فعلا انا حاسس ان المجتمع محتاج مشاركة فعالة اكتر من كده

[magedomran]

حسبى الله ونعم الوكيل
ان الله لا يغير ما بقوم حتى يغيروا ما بأنفسهم

[kimo-nubira]

ولا حتى يكون نائب له ؟

يا هيما يا فاهمني ;) مهو غلبا هايغير النائب علشان الناس تهدي شويه ..... تغيــــــــر الحميـــــر اللي تحتيه يعني فهمت ;) زي مابيحصل كل مره

[kimo-nubira]

احنا خلاص قررنا كاسرة هنركن العربية وما نستخدمهاش الا فى الضروروة والمشاوير الهامة
المشكلة بقى ان كمان اسعار المواصلات هتغلى فالى وفرته فى العربية من بنزين هدفعه فى المواصلات وعليه كمان حرقة دم وقرف والدنيا حر اساسا مش ناقصة وجع دماغ
وننتظر ما ستسفر عنه الايام القادمة

يا عتراوي انا خايف منركبش عربيتنا خالص بعد كده النهارده هانقسم المشاوير مع الناس وديه صعبه اوووووى بكره مش هانركب عربيتنا اصلا

[خالد]

حسبنا الله ونعم الوكيل

[kimo-nubira]

مع كل احترامى للسادة اعضاء المنتدى ... اللى فعلا بعتبرهم مقربين جدا من نفسى :
- انا قريت الردود وبشاركم فى الالم من ارتفاع سعر البنزين بس حسيت وعفوا متزعلوش فيع انانية شوية ... صبركم كلنا اما راكبين لانوس او نوبيرا يعنى عربيات سعرها معدى على الاقل 45 ..... ليه مبتبوسوش على الاقل الناس الابسط تعمل ايه ... اللى متبهدلين فى المواصلات .. لو ده فعلا السبيل لتوفير العلاوة
- ليه منرشدش استعمال العربيات .. يعنى ممكن نركب معانا زمايلنا اللى قريببيى او فى طريقنا .. ويكون الموضوع ده بالتناوب ... ونقتصر استعمال العربيات على العائلة فقط .. وما شابه .... عفوا للاطالة بس فعلا انا حاسس ان المجتمع محتاج مشاركة فعالة اكتر من كده

يا باشا احنا شعب اقرع ونزهى :D :D بمعني ان الناس هاتتكسف تعمل كده وهايقولو ( يبقي معايا عربيه واروح اركب عربيه حد ما اعرفوش )

ده الكلام اللي هيتقال احنا بندور علي الانزحه ب ايدينا بعدين احنا عادتنا وتقاليدنا مش زي المجتمع الغربي اللي بيعمل كل الكلام اللي بتقوله

وبيرشدو الاستهلاك بكل الطرق بمعني مثلا : ان مافيش واحده بنت ممكن تركب مع حد قريب منها وتروح وتيجي معاه من الشغل من غير

مايكون في اي ارتبطات رسمي بينهم ف الامر هايكون فيه صعوبه شويه مش سهله زي ما انت متخيل ............................... !!

[elham]

مش ضرورى منعرفوش ممكن يكون زميل او جار وانا فى الكليه واحده زميلتى من دفعه تانيه قالتلى انا ساكنه فى مصر الجديده لوتحبى نرووح مع بعض لو مواعيدنا واحده شكرتها جدا لانى كنت لسسه بتعلم السواقه وبقى كل واحدفينا بيجى شهر بعربيته وعلى فكره لم نكن اصدقاء بس زملاء

[knightmido]

كويس احنا كدا قربنا المسالة يعنى ممكن الرجالة تاخد زمايلهم والسيدات والانسات يساعدو بعض
وممكن نبدأ مع الاصدقاء وزملاء العمل الواحد

[Ghamrawy]

يا هيما يا فاهمني ;) مهو غلبا هايغير النائب علشان الناس تهدي شويه ..... تغيــــــــر الحميـــــر اللي تحتيه يعني فهمت ;) زي مابيحصل كل مره

لا و انت الصادق دا لازم الزريبة كلها تتغير

[Powert]

احنا لو قطعنا البنزبن مش هنخسر الحكومة بل على العكس هيعجب الحكومة
لان مقاطعة البنزين هيقلل من المصاريف اللي هتدفعها الحكومة في الدعم

الحل هو مش مقاطعة البنزين بل العكس مقاطعة السيارات وعدم شراء السيارات جديدة
" لانها بدخل عمله صعبة وبيدفع عليها رسوم تسجيل وتراخيص و جمارك" ......
كل دي موارد لدولة هتخسرها في مقاطعة شراء السيارات الجديدة

غير ذلك ان تجار السيارات وتوكيلات لهم صوت واضح وقوى على الحكومة