هل إحنا فعلا بنتطرد من البلد ؟!

[MoToRiZeR]

جملة كتبها الأستاذ MohabSaeed في أحد موضوعات المنتدي فعلا أثارت تفكيري ..

"الحكومة بتطردنا من البلد .. احنا فعلا بنتطرد"

فعلا مفيش حد اعرفه من الشباب او ممن في منتصف العمر او حتي من اللي تخطوا الستين الا و بيفكر في الهجرة (بما فيهم انا)

يعني انهاردة و احنا قاعدين بنتفرج علي جلسة مجلس الشعب بتاعة البنزين والدي بيقولي احنا شكلها لازم نهاجر من البلد دي
و ابتدا يناقشني في ايه بلد كويسة ممكن نروحها و الاوضاع و الفيزا و بيتكلم جد !

و المشكلة ان والدي من أخر الناس اللي ممكن اتخيلها بتقول كدة لأنه من جيل أكتوبر و الأغاني الوطنية و هنبني و هنعمل و هنحارب! يعني مرتبط بالبلد جدا ! انه يوصل بيه الحال انه يقول مفيش فايدة انا سايبها و ماشي .. ده معناه كارثة

ده معناه ان الأجيال الجديدة اللي هي احنا اللي اتولدت في القرف ده مش هيكون عنددها اقل تفكير في انها تكون باقية عالبلد لأنها مش شايفة حاجة حلوة ..

هل فعلا مصر هتدخل في عصر الهجرة و الناس هتسيب البلد و تمشي ؟ و هل ده الحل الوحيد ؟ هل احنا بنتطرد فعلا !؟
هل هنقدر نتعامل مع الاوضاع الجديدة و الانتقال من سئ لأسوأ ولا فعلا نسيب البلد و نمشي لأننا بنتطرد ؟!

[araberphilosoph]

هتمشي تروح فين؟؟ انت بره برده هتتهان

[Chicco]

هتمشي تروح فين؟؟ انت بره برده هتتهان

اختلف معاك تماما يا سيدي الفاضل
ليست دعوة للهجرة و لا تجميل ليها ....الهجرة و الغربة و السفر ليهم عيوب كتير لكن حكاية متهان ديه مش حقيقية....على الأقل مش في كل حتة

[ZAMORA]

معاك حق
الانتماء وصل بالناس لاقل مستوى لان مفيش حد شايف اي بارقة امل
الحال من سيء لأسوأ

[SEATLOVER]

للاسف....
احنا رضينا بالهم و الهم مارضيش بينا

[sokasoon]

احنا بنتطرد بالفعل

ولامؤاخذة بنضرب على قفانا كمان

[Ahmed Samy]

انتماء ؟؟؟؟؟
أنا عارف اني هاتهاجم
و لكني سأكون صريح
لقد فقدت معنى الانتماء لهذى البلد
فقد اصابته ضربة بعد ضربة
ضربات اطاحت بكرامتى و سعادتى راحة نومي و أخيرا معيشتي
فأي وطن هذا ؟؟؟
وطن بلا كرامة
بلا سعادة
بلا راحة بال
وتهدد معيشتى و قدرتي مع صبح كل يوم

انني بالفعل ابحث عن وطن
و سأترك هذه البلد (ان شاء الله)
لأي مكان
فلا عدت أرى مكانا أظلم لي من مصر
ايا كانت مصر , ان كانت الأرض او الناس او الحكومة
فثلاثتهم لم يعطنى احساس المواطنة ولم يغمرني بشعور الوطن

[X_MM_X]

وكان في موضوع بيتهاجم فيه اللي عايز يهاجر !!!!!! عجبي

[ASD peugeot]

يا رب استرها الحمد لله احنا احسن من غرنا و فيه غرنا احسن مننا

[MoToRiZeR]

انتماء ؟؟؟؟؟
أنا عارف اني هاتهاجم
و لكني سأكون صريح
لقد فقدت معنى الانتماء لهذى البلد
فقد اصابته ضربة بعد ضربة
ضربات اطاحت بكرامتى و سعادتى راحة نومي و أخيرا معيشتي
فأي وطن هذا ؟؟؟
وطن بلا كرامة
بلا سعادة
بلا راحة بال
وتهدد معيشتى و قدرتي مع صبح كل يوم

انني بالفعل ابحث عن وطن
و سأترك هذه البلد (ان شاء الله)
لأي مكان
فلا عدت أرى مكانا أظلم لي من مصر
ايا كانت مصر , ان كانت الأرض او الناس او الحكومة
فثلاثتهم لم يعطنى احساس المواطنة ولم يغمرني بشعور الوطن

بالعكس انا لا اهاجمك اطلاقاَ انا بأيدك لأني حاسس بنفس شعورك

[Dr Ahmed]

فأي وطن هذا ؟؟؟
وطن بلا كرامة
بلا سعادة
بلا راحة بال
وتهدد معيشتى و قدرتي مع صبح كل يوم

ايا كانت مصر , ان كانت الأرض او الناس او الحكومة
فثلاثتهم لم يعطنى احساس المواطنة ولم يغمرني بشعور الوطن

كلامك زادنى همّا أخى الحبيب وأنا أراك تعانى نفس معاناتى ، فى نفس الوقت الذى نتمنى فيه الرفعة والعزة للوطن والمواطن نصطدم بالدونية والذلة ، ولا يبدو للأمل بريق حتى الآن..

الصبر، و فى إنتظار شروق الشمس

[أبو عبدالله]

انتماء ايه يا جماعه اللي انتم بتتكلموا عليه

لما تلاقي السفير الكندي بكل جرأة بيقول
ان موضوع مصنع السماد بتاع دمياط مصروف عليه 250 مليون دولار رشاوي لموظفين كبار في الحكومة

لما تلاقي ابن بلد الذي يدعي ذلك وماسك منصب كبير بيبيعك ويبيع بلد كامله وشعب علشان يموتوا بالتلوث او يصابو بعاات وتشوهات في خلفتهم كلها علشان شوية فلوس هو مش هيعرف يصرفها طول ما هو عايش من كترها

حسبي الله ونعم الوكيل

والله بجد الواحد مهموم من الموضوع ده بالذات
لأنها قذارة ومفيش كبير يقول هاتولي الناس دي لما احاسبهم
لأنهم كلهم في نفس المشكلة وهيا حب الدنيا وكراهية الموت

ولا حول ولا قوة الا بالله

اللهم ما ارحمنا وادخلنا فسيح جناتك

[محمد ابراهيم 1]

قال تعالى
بسم الله الرحمن الرحيم
(قالوا فيمَ كنتم قالوا كنا مستضعفين في[FONT=/'Tahoma/'][/FONT]الأرض قالوا ألم تكن أرض الله واسعة فتهاجروا فيها )
صدق الله العظيم

[hamedo0]

يا جماعه هو فعلا" اي مكان تاني هيبقي احسن من هنا وربنا يرحمنا جميعا"

[أبو عبدالله]

انتماء ايه يا جماعه اللي انتم بتتكلموا عليه

لما تلاقي سفير كندا بيقول بكل جرأة ان مشروع مصنع الأسمدة بتاع دمياط مصروف عليه 250 مليون دولار رشاوي لبعض مسؤولي الدولة

لما تلاقي ابن بلدك الذي يدعي ذلك ويدعي الوطنيه والمهلبية بيبيع اهل بلده وشعبه وبلد كامله وشعب كامل علشان شوية فلوس هو ليس في حاجه لها ولو قعد يصؤف فيها طول عمره هو مش هيخلصها

تبقى تقولي انتماء

لما اطفال هتتأثر بالتلوث ده واطفال لسه لم تولد تطلع مشوهه علشان تلوث اقل من كده بكتير
يبقى المصنع هيعمل ايه في الناس
لما يدولهم كميه مياه اد كده
وياتي الموظف المحترم يعمل لواحد صاحب محل غلبان محضر علشان بيرش ميه امام المحل بتاعه

دي بلد بنت تيتتتتتتتتتتتتتتتتتتتتتتتتتتتتتتتتتتتتتتتتتتتتتتتت تتت

وناس ولاد تيتتتتتتتتتتتتتتتتتتتتتتتتتتتتتتتتتتتتتتتتتتتتتتتت ت


يا اخواني نحن على مشارف انهيار وانفجار مع الانهيار
وناس دي شكلها مش متخيله الوضع لأنهم مالهومشي فيها اصلا

وانتظروا الانفجار قريب