عايز اجيب نظارة شمس

[tarek_2005]

انا عندي حساسية من الضوء (( ضوء النهار )) لو نزلت من غير نظارة الشمس ولو لمدة ربع ساعة معرفش اشوف بليل وعيني تفضل تدمع طول الليل وطبعاً ببقي ماريف جداً
الملاحظ اني بجيب نظارات شمس كتير اوي بس كلها مش ماركات وبالتالي مش بتستمر معايا اكثر من شهر اخر واحدة جبت شنبر اي كلام وعملت عليه عدسات شمس ماركت استينج قعدت معايا حوالي 6 شهور وتلف الشنبر
عايز اجيب نظارة محترمة وماركة وياليت لا تتعدي 400 جم تنصحوني بايه ومنين
هعايز الاقتراحات والماركات واماكن الشراء

[MOUSTAFA_SAAD]

افضل محل تجيب منه وعرفته من هنا فى المنتدى وندمت ندم السنين انى ماتعملتش معاه من 16 سنه اول لما لبست نضارات هو c&co وده ليه 38 فرع فى انهاء الجمهوريه واسعاره تحفه
انا شاري منه نضاره ماركة salvatore ب 300 جنيه وكان معمول عليها عرض لو اشتريت واحده كمان يبقى الاتنين ب 400 جنيه حتى لو من نوع تانى مشابه لنفس العر
وفعلا جبت واحده ليا ولاختى ودفعنا 400 جنيه يعنى الواحده ب200 فقط

وعنده موديلات واسعار اعلى طبعا زى مانت عاوز
بس فعلا اللى ب 300 جنيه دية كانت اشيك نضاره نفعت على وشى لانه كبير شويه ومدور والنضارات السوده كانت بايخه ومش حلوه عليا ومخليانى شكلى غريب كده

ودى صورتها



النضارات المضروبه عندى فى دمنهور بتتباع ب450 جنيه
شوف السرقه العلنى والواحد كان بيتخم ازاى

[Akram]

إزيك يا طارق باشا,
موجود فرع للمحل ده c&co في كارفور

[tarek_2005]

انا كتير نصحوني بالمحل ده c&co بس عايز اعرف الفرع بتاع كرفور كارفور المعادي ولا طريق مصر اسكندرية

وشاكر للردود والاقتراحات وهل من مزيد

[Frozen_Pain]

بص على اللينك ده

Oakley Sport Sunglasses For Men | Oakley Official Store

توكيل النظارات دى عند المغربى او محلات فى كارفور او سيتى ستارز

[omaroof]

البولس بصراحه ممتازه وبتعيش لغاية ماتذهق منها
والربان طبعا حلوه ونازل منها اشكال جديده وحلوه جدا
بس الاسعار معرفهاش

[mr_kenawy]

تحذير من النظارات الهاى كوبى التى لا يمكن التمييز بينها و بين الاوريجينال على الاطلاق ...... و الحل هو الشراء من محل له اسمه و سمعته التجارية ..... و انصح بعدم الخروج عن:-
1- مغربى.
2- بركة.
3- منير نصيف.
لان باقى الاسماء - و بعضها اسماء شهيرة - سمعت انها تتعامل فى الهاى كوبى.

[MOUSTAFA_SAAD]

على فكره مغربى فيه شكاوى منه كتيره انه بداء يتعامل فى المضروب ومنهم ناس فى المنتدى

وبركه هى فعلا c&co

[mohamedbook]

على فكره مغربى فيه شكاوى منه كتيره انه بداء يتعامل فى المضروب ومنهم ناس فى المنتدى

وبركه هى فعلا c&co

يعني المحل ده مش مضروب
وهل فية نظارة شمس اصلية تمنها 300ج
انا شريها من مغربي في حدود 1000 ج ومش اد كدة كمان يعني كانت احسن الحشين

[MOUSTAFA_SAAD]

يعني المحل ده مش مضروب
وهل فية نظارة شمس اصلية تمنها 300ج
انا شريها من مغربي في حدود 1000 ج ومش اد كدة كمان يعني كانت احسن الحشين

هو انت لازم تشترى بولس وخلافه
انا شارى ماركه اسماها salvatore وهى دى اللى عجبتنى ساعتها ممكن يكون موديل قدم علشان كده عملوا عليها تخفيض وعلى فكره مكتوب عليها صنع الصين بس ده مش شرط اهم حاجه يبقى عليها طبقة الحمايه والمحل سمعته كويسه
عموما انت حر اشترى من المكان اللى يعجبك ومش شرط ان الحاجه تبقى غاليه علشان تبقى مضمونه

[mido_soliman]

علي فكرة حجات c&co معظمها سكة والموديلات مش حلوة اساسا
نصيحة نضارة شمس يعني بولس او ريبان بالعربي ماركة متخصصة ومعروفة من زمان

[M.Elwan]

علي فكرة حجات c&co معظمها سكة والموديلات مش حلوة اساسا
نصيحة نضارة شمس يعني بولس او ريبان بالعربي ماركة متخصصة ومعروفة من زمان

على فكرة انا جايب نظارة شمس police من c& co جاى معاها كارت ضمان انها اصلية عليه السيريال بتاعها مختوم من الوكيل baraka

[tarek_2005]

شاكر لكل الردود واعتقد ان الجميع اجمع علي c&co او بركة
ان شاء الله هروحلهم وابقي اوريكم اخترت ايه

[mido_soliman]

على فكرة انا جايب نظارة شمس police من c& co جاى معاها كارت ضمان انها اصلية عليه السيريال بتاعها مختوم من الوكيل baraka

وانت زعلت اوى كدة لية ؟؟
على فكرة انا قايل معظمها وبيتهيالى انا قايل ريبان وبولس مضمونين يبقى انا بتكلم على الانواع المجهولة اللى عندهم ان دى سكة دة غير ان العروض دايما بتبقى على موديلات تقرف اساسا مش عارفين يبيعوها

[mr_kenawy]

مين اللى بيشكك فى مغربى ...... بيتهيقلى مغربى فوق مستوى الشبهات .... الرجاء من صاحب المعلومة الكاملة الدقيقة التكرم بالافادة.