Tweet
عندنا جيران مش عارف اقول عليهم ايه واحنا صايمين
حسبي الله ونعم الوكيل
هما ساكنين في الدور الاخير وعلاقتنا بيهم كويسة جداً وطول عمرها قايمة على الاحترام
كان عندهم كلاب كبيرة جيرمن كانت بتفضل على السطح ومفيش اي مشاكل غير الصوت وكنا بنتعايش معاهم
وبعدين جابو قطط شيرازي طبعاً في الشقة وبابهم مفتوح على طول وعاملين باب حديد فكانت بتنزل عندنا وقلنا مش مشكلة دي قطط لطيفة ومبتضرش
لحد ما جه الكائن المستفز المسمى بكوكي حول حياتنا لجحيم
كوكي دا عبارة عن كلب زينة حجمه متوسط ولونه ابيض معرفش نوعه
المهم ده مبيحلالوش الحمام غير قدام شقتنا او باب الاسانسير وطبعاً دي حاجة لا تطاق وممكن تقولهم ويركنوك يومين عما ينضفوها وبتبقى قرفان من نفسك ومن جزمك ولون الرخام بقى اصفر من الحمض
انا قلت اصبر عليهم مش هيسيبوه ينزل وكرر الموضوع ده حوالي 7 مررات وكل مررة اشتكي ويقولو معلش احنا آسفين هنبعت الشغالة تنضف ومش هنخليه ينزل تاني
رحت النهاردة مزعق من غير ما اقل أدبي وقلتلهم مينفعش النجاسة دي تترمي قدام الشقة كل يوم حرام كدة تأذو جيرانكم ،فسمعت رد فقعني بصراحة وهو انت بتعلي صوتك ليه يعني كان دخل عملها في الشقة!!
طبعاً كدة خلاص جبت آخري من الناس دي وانا عارف ان ده حيوان ملهوش ذنب خالص علشان كدة مرضتش اضره من الاول بس واضح كدة ان مفيش فايدة ولازم اسممه
ومش هعمل محاضر لانهم ناس فاضيين وغاويين اذية وتخصص خناقات ومحاضر كيدية وكان ليهم وقائع سابقة في العمارة
يا ريت اسم السم واجيبه منين واحطه ازاي واخليه ياكل منه ازاي؟
او لو حد يعرف طريقة اصطاده بيها واحطه في شوال وارميه في اكتوبر ولا على الدائري بس من غير ما المسه لاني بقرف منه جداً وكمان هو سريع اوي
وحسبي الله ونعم الوكيل
Comment