هااااااااااااام جدااااااااااااااااا ارجوا الافادة

[MohaMed_Refaat]

دلوقتى اخويا متقدم لواحدة بنت ناس جدا ومعجب بيها جداااااا وهى تساهل كل خير والله ربنا يكرمهم يا رب

بس المشكلة العويصة ان لما اتقدمنا وروحنا وحصل قبول الناس من كتر ادبهم الجم صارحونا ان البنت عندها السكر يا رب اشفيها


السؤال
هل السكر عادى وفى الحمل والخلفة ولا دة حياثر على حاجة ارجوكم اللى يعرف حاجة يقولها لانى محتار فى الحكاية دى جداااااااا مش عارف اقول اية وانا الاخ الكبير

[Khaled Online]

السلام عليكم ورحمة الله
أعتقد فرصة الرد على السؤال هتكون أكبر إذا اتسأل في (عيادة نايل موتورز):
عيــادة نايـل مـوتـورز - :: نــايــل مــوتــورز:: - :: NileMotors.net ::

[essamenen]

لا حياء فى العلم
السكر يؤثر على الرغبه والقدره الجنسيه للرجل والمرءه
مش عارف هل هو وراثى ولا لا ممكن تتاكد من الموضوع ده
وربنا يوفقك لما فيه الصالح والخير

[maka]

اسال دكتور بس عموما نص مصر عياشة بيه

انا اعرف واحد عنده السكر من و هو عيل و ابوه و امه مجلهمش لحد دلوقتى , و هو دلوقتى متجوز و مخلف كمان

[maka]

و ابقى خلي اخوك يصلى استخارة

[l0new0lf]

السكر نوعين
النوع 1 و ده الناس بتتولد عندها سكر
النوع2 و ده السكر الى بيجى للناس الى اتولدت طبيعى و مكانش عندها سكر و جالهم سكر لسبب او لاخر
و طبعا حسب نوع السكر و سببه بيختلف طرق العلاج
السكر لو مش مضبوط بياثر على كل وظائف الجسم مش بس القدره الجنسيه
يعنى اهم حاجه فى مريض السكر انه يضبط السكر فى الدم ميسمحلهوش انه يعلى عن المعدل الطبيعى
و خلى اخوك يعرف عندها انهى نوع و يستشير دكتور
السؤال الاهم
لو اخوك كان اتجوز البنت دى و بعد سنه ولا2 جالها سكر كان هيسيبها و لا هيعمل ايه؟

[raouf]

خليه يتوكل على الله
السكر مرض العصر وومكن ييجى فى اى وقت ولاى فرد
السكر مرض خامل لا ينشط ولا تحس باثره الا اذا اهملت العلاج اما ا>ا مواظب على الدواء وهو عادة ابرة او اتنين يوميا ان شاء الله مش هايبقى فيه مشكلة
الحاجة الاهم ان ربنا بيبقى قطع الجزء ده فى البنت واداها مميزات كثييييييييير جدا امامه يعنى تلاقيه جميلة وهادئة ومؤدبة وغيرها مما عوضها به الله عن مرضها

رايى لو اخوك مقتنع بها وواثق فى اختياره يصلى استخارة ويتوكل على الله

[شريف]

ناس محترمين جدا انهم صارحوكم من الاول هو بيبقي فيه صعوبه في استمرار الحمل بس طبيب ممكن يفيد اكتر
استخر ربنا

[MohaMed_Refaat]

الحاجة الاهم ان ربنا بيبقى قطع الجزء ده فى البنت واداها مميزات كثييييييييير جدا امامه يعنى تلاقيه جميلة وهادئة ومؤدبة وغيرها مما عوضها به الله عن مرضها

رايى لو اخوك مقتنع بها وواثق فى اختياره يصلى استخارة ويتوكل على الله

فعلا فيها مميزات كتير جداااااااااااااااااااااااااااااااااا

ناس محترمين جدا انهم صارحوكم من الاول هو بيبقي فيه صعوبه في استمرار الحمل بس طبيب ممكن يفيد اكتر
استخر ربنا

فعلا ناس قمة فى الاحترام ودة اللى مخلينى محتار لان انا اللى حرد عليهم بعد موافقة اخويا طبعا ونحدد ميعاد نتفق فية على كل التفاصيل بس خير ان شاء الله

[hugan]

فعلا هما ناس في قمه الاحترام لمصارحتهم لكم بحقيقه مرضهاالكن السؤال التاني المفروض ان تبحث فيه
هل من الممكن ان يكون وراثي وينتقل للاولاد
علشان تقدر تحكم علي الموضوع من كل الزوايا

[khaled_sabry]

انا زوج خالتى (الله يرحمه ) كان عنده سكر وراثى وهو دكتور اشعه
وهو قالى لو ان الاب هو اللى عنده سكر فاحتمال كبير يتنقل للاولاد
لكن لو الام هى اللى عندها سكر فصعب يتنقل للاولاد
و ده حقيقى لأن جدتى الله يرحمها كان عندها سكر لكن جدى لا .... و مااتنقلشى لاى حد من اولادهم
و نفس الكلام حماتى عندها سكر لكن حماى لا ... و السكر ما اتنقلشى لمراتى و لا اى حد من اخواتها
لكن كل النماذج اللى اعرفها عندهم سكر وراثى بيبقى من ناحية الاب

اما تأثير السكر على الناحيه الجنسيه فاول مره اسمع عنه و يتهيألى انه تأثير ضعيف لأن كل اللى اعرفهم و عندهم سكر مخلفين عادى

رأى خليه يتوكل على الله

[yaserbasha2000]

السؤال الاهم
لو اخوك كان اتجوز البنت دى و بعد سنه ولا2 جالها سكر كان هيسيبها و لا هيعمل ايه؟

فعلا ده كلام مظبوط و سؤال في محله

اهم حاجه في السكر انه يكون متنظم و متسيطر عليه ده بيقي من كتير من مضاعفاته

[MohaMed_Refaat]

الحمد الله الموضوع تم شكرا لكل من شارك

[elrasy]

هل بتاخد انسولين ولا لآ؟؟

لو بتاخد الموضوع هيكون صعب شوية
اخوك لو بيحبها بجد يتكل على الله لو زواج تقليدى بلاش احسن

[mahmoudysf]

ربنا يتمم بخير ويبارك ليه ويباركله فيها