اختلف مع الجميع فى موضوع البنزين

[solycar]

بعد الموضوع دة هيحصل حاجة من الاثنين
1- حذف العضوية
2- حذف الموضوع
و ممكن الاثنين
مبدايان كدة الريس قال ان الدولة هتوفر العلاوة من موارد اخرى
منين منين منين منين منين..............................

بس لازم بردة الزيادة دى نكون من المستهلك اللى هو الشعب
طب مين مين مين من الشعب
بدون اى حسابات
العربيات الكبيرة (السعة اللترية)تستهلك اكتر من العربيات الصغيرة
طب لو اخدنا فلوسزيادة على البنزين
اعتقد دة حل كويس فى البداية
ملحوظه هامه جدا جداجدا:البنزين دة مدعم زى العيش بالضبط)يعنى هو يساوى اكتر من كدة و اسالوا مهندسى البترول
طب ازاى واحد زى سعاتك يستفيد من الدعم دة و واحد مش لاقى ياكل و معندوش عجلة حتى لا يستفيد(دة كدة فى ظلم جامد للناس المطحونين بس من غير متحسوا)

نرجع تانى للبنزين

بما انك راجل عندك عربية و استهلاكك ليها اكتر من واحد تانى
بناءا عليه انت اكثر رفاهية و بالتالى عليك الدفع اكثر منه
طب ياعم انا كدة الزيادة اللى اخذتها طارت و كمان زودت عليها
عندك حق انت اتظلمت فى دى
يمكن الموضوع اتعمل بدون دراسة متانية
بس والله البنزين هوافضل شىء لقياس مدى حاجة الناس
ياريت محدش يدعى عليا
وبصوا شويا على كم الغلابة اللى فعلا محتاجين هيستفيدوا ازاى
اكيد هتزيد الاسعار و هيحصل استغلال
بس هنا لازم يبان دور الحكومة فى المراقبة
وربنا يسترها علينا

[m7md_hany2]

أنا مش عارف أقولك ايه الصراحة .... مفيييييش حد مستفيد من الموضوع غير الكباااار بتوع البلد بس .... غير كدة باقي فئات الشعب زادت بلاويهم .. الفير و المتوسط واللي مش لاقي ياكل حتي .... ولا حد ليه رأي تاني ؟؟؟

[PRO-DRIVE]

طيب المطحونين حيستغفيدوا ايه لما اسعار كل الحجات اللي حتتنقل بالعربيات
تغلي !!!

[solycar]

طيب المطحونين حيستغفيدوا ايه لما اسعار كل الحجات اللي حتتنقل بالعربيات
تغلي !!!

زيادة المرتبات

انتا متعرفش تا 20 ج بتعمل اية معا الناس الغلابة دى

[furp]

طيب ياباشا

مهي الناس الغلابه الي زادت عليها اسعار المواصلات كلها

يبقي مين استفاد

اصحاب البواخر مش هتفرق معاهم ولا الناس اصحاب المصانع لانه كلها هينعكس علي سعر المنتج

وبرضك الناس الغلابه الي هتتحمل الفرق

فبصراحه مش عارف

[PRO-DRIVE]

زيادة المرتبات

انتا متعرفش تا 20 ج بتعمل اية معا الناس الغلابة دى

طيب ما انت اديتهم ال20 جنيه و غليت الحجات !!!!

عملنا ايه بقي ؟؟


غير كد كل العمال و الميكانيكيه و الناس اللي مش لاقيه شغل اصلا ووووووو فين الزيادات الي وصلتلهم ؟؟
و دول اكبر من فئه الموظفين

[Noha.M]

يا باشااا ما هو هيركب المواصلاات و سواق الميكرباص دة هيغلى الاجرة !!!

ما انت اللى ادتهولو باليمين اخدت اضعافه بالشمال !!

XXXXXXXX

تم الحذف لمخالفة قواعد المنتدى

الإدارة - 3

[Ahmed Selim]

بمناسبة زيادة أسعار السلع كرد فعل لزيادة أسعار البنزين

حد عنده علم سعر طن الحديد وصل كام ؟

7250 جم للطن و أحنا لسة فى أول يوم

أظن كده اللى كان بيحاول يدور علي شقة ينسى ( اقصد من الطبقة المطحونة جداً لأن دلوقتى فى 3 طبقات 1- المطحونين جداً 2- المطحونين 3- الباشاوات )

[solycar]

يا جماعة انا مقلتش ان مفيش غلاء
بس الموضوع وتدرش كويس
لكن لو كان اتدرس هيكون احسن حل لرفع المرتبات

[solycar]

يا باشااا ما هو هيركب المواصلاات و سواق الميكرباص دة هيغلى الاجرة !!!

ما انت اللى ادتهولو باليمين اخدت اضعافه بالشمال !!

خلى بالك
انا قلت ان هيحصل جشع و استغلال
و لازم يبقى فى دور رقابى من الحكومة
و مننا كمان
يعنى منبقاش سلبييين
مسلان الجرة الميكروباص 1ج
لما يطلب 1.5 ج نرفض و نتمسك بحقنا

و على فكرة هو عندة حاجة كدة اسمها سرفيس لتحديد الاجرة على اسس كدة مش وقتة اقولها بس بيحسبولوا مكسب =دخل لية

[solycar]

بمناسبة زيادة أسعار السلع كرد فعل لزيادة أسعار البنزين

حد عنده علم سعر طن الحديد وصل كام ؟

7250 جم للطن و أحنا لسة فى أول يوم

أظن كده اللى كان بيحاول يدور علي شقة ينسى ( اقصد من الطبقة المطحونة جداً لأن دلوقتى فى 3 طبقات 1- المطحونين جداً 2- المطحونين 3- الباشاوات )

كل دة ملوش علاقة بالبنزين
لو تلاحظ ارتفاع الاسعار موجود من البداية
لكن دلوقتى هيكون عندنا سبب(بس بردو الغلاء كان موجود من الاول)

[Chicco]

solycar باشا ....المشكلة ببساطة إن ما دام البنزين غلي كل حاجة حتغلى.... أضعاف مضاعفة ....و على الكل
يعني مش بس على اللي راكبين عربيات ....كل الناس
و أكبر فئة حتعاني هي الفئة المطحونة اللي مش حتقدر تلاحق على زيادات الأسعار المتوقعة في الغذاء و المواصلات و أساسيات الحياه

انا قلت ان هيحصل جشع و استغلال
و لازم يبقى فى دور رقابى من الحكومة

رقابة حكومة إيه يا باشا ....هي الحكومة فاضية للناس اللي بتركب الميكروباصات و مش لاقيين ياكلوا ...قلبك أبيض
و لما أنا أو سعادتك نرفض ندفع و السواق يرمينا بره العربية حنعمل إيه أوعي تقولي تشتكي في القسم

[solycar]

الفكرة يا جماعة هى فى السيطرة على الغلاء النلتج عن الاستغلال من كبار التجار و رجال الاعمال و المحتكرين

و متنسوش ان العلاوة دى اصلا نزلت للمساعدة على مواجهة الغلاء الذى حدث سابقا
مش عشان تساعد فى الغلاء اللى هيحصل

[abdelaziz-waleed]

يا استاذي البنزين بيستفاد منه الغني والفقير
يعني دلوقتي هو برده الغني بيستفاد بالدعم بتاع البنزين والفقير قل عليه الدعم اللي بياخده يعني ما عملوش حاجة
طب ماشي يا سيدي هنفترض ان مش مشكلة البنزين يزيد اهو برده هاتكون عارف انت هاتدفع قد ايه زيادة وخلاص مش مشكلة العملية محسوبة

نيجي بقى للمصيبة الكبيرررررررررررررة اوووووووووووووي
الفقير اللي ما معهوش عربية يغلو عليه السولار ليه
اولا هايتعرض لجشع سواقين الميكروباصات اللي هايغلو الاجرة اكثر بكتيييير من فرق سعر لتر السولار يعني لو هو في ال 20 لتر هايدفع 8 جنيه زيادة. هاياخدهم من الركاب 20 جنيه يعني الفقير اتحمل اكتر من اللي هايتحمله مالك السيارة
ثانيا كل اسعار اي حاجة في البلد هاتزيد بسبب النقل يعني برده هاتيجي على دماغ الفقير لأن القادر مش هاتفرق معاه
وحاجات كتيييييييييييييييير
يبقى مين اللي دفع العلاوة للتاني الحكومة ولا الناس وفي الاخر يقولك لا مسامس لا مساس بمعدومي الدخل زي ما يكونوا جربانين خايفين يمسوهم لا يتعدو لأ مسوهم وصلحولهم حياتهم حرام عليكوااااااااااااااااااااااا
بصراحة اللي عملته الحكومة متوقع وده معناه ان الحكومة لا يهمها الشعب ولا رد فعل الشعب
هو احنا لسة شوفنا حاجة. طول ما احنا سلبيين كدة لسة هاناخد على دماغنا كمان وكمان

[solycar]

solycar باشا ....المشكلة ببساطة إن ما دام البنزين غلي كل حاجة حتغلى.... أضعاف مضاعفة ....و على الكل
يعني مش بس على اللي راكبين عربيات ....كل الناس
و أكبر فئة حتعاني هي الفئة المطحونة اللي مش حتقدر تلاحق على زيادات الأسعار المتوقعة في الغذاء و المواصلات و أساسيات الحياه



رقابة حكومة إيه يا باشا ....هي الحكومة فاضية للناس اللي بتركب الميكروباصات و مش لاقيين ياكلوا ...قلبك أبيض
و لما أنا أو سعادتك نرفض ندفع و السواق يرمينا بره العربية حنعمل إيه أوعي تقولي تشتكي في القسم

مين قال ان الاسعار لازم تزيد ,,,,,,,,,,,,,, يعنى هتزيد بسبب ايه ؟؟؟؟؟؟؟؟؟؟؟؟؟؟؟؟

و لو الحكومة مش فاضية ل كدة هتفضى ل اية