استفسار عن حج بسعر معقول

[شريف]

السلام عليكم

لو حد يعرف برنامج حج في حدود العشرينات
و هو في فعلا في حدود الاسعار دي دلوقتي
و هو لسه في وقت اصلا ولا خلاص الفيز بتخلص

[abo_anas]

السلام عليكم
قصد حضرتك حج سياحى ولا زياره عمل ولا مش فارقه معاك المهم انك تحج؟؟؟

ياريت توضح علشان نعرف نفيدك ان شاء الله

[kamatchodj]

انا مش فارقه معى المهم احج ايه اللى ممكن حضرتك تنصحنا به

[abo_anas]

انا مش فارقه معى المهم احج ايه اللى ممكن حضرتك تنصحنا به

شوف حضرتك انا انعم الله على بالحج عام 2007 مع رجل من بلد اسمها جمجره بجوار بنها وكانت تاشيره زياره عمل وتذكره طيران وسكن . اتصلت عليه من اسبوعين وسالته على حج الزياره السنه دى قالى تاشيره وتذكره طيران بدون سكن تكلفه 12500 جنيه . المهم يكون جواز السفر صاحب عمل او شركه او حاصل على شهاده . ........ وفى مجموعه كانت عاوزه تطلع وقولتلهم وهما هيقرروا.
فشوف حضرتك ممكن افيدك ازاى وانا تحت امرك

[إبراهيم.صادق]

شوف حضرتك انا انعم الله على بالحج عام 2007 مع رجل من بلد اسمها جمجره بجوار بنها وكانت تاشيره زياره عمل وتذكره طيران وسكن . اتصلت عليه من اسبوعين وسالته على حج الزياره السنه دى قالى تاشيره وتذكره طيران بدون سكن تكلفه 12500 جنيه . المهم يكون جواز السفر صاحب عمل او شركه او حاصل على شهاده . ........ وفى مجموعه كانت عاوزه تطلع وقولتلهم وهما هيقرروا.
فشوف حضرتك ممكن افيدك ازاى وانا تحت امرك

بعد إذن حضرتك سؤالين:
التأشيرة دي مصرح لصاحبها بالحج والعمرة ولا إيه؟
السؤال التاني السكن بيتم التصرف فيه إزاي؟
وطبعا السؤال الأهم الشخص ده حضرتك عارفه كويس وواثق فيه؟


معلش سؤال كمان آخر موعد لحجز التأشيرة عن طريق هذا الشخص إمتى؟

[mohamed_selim]

لأ طبعا مش مصرح للتأشيره بحج او عمره ... لو هتاخد الطريق الطبيعى بين جده و مكه او المدينه و مكه مش هتعدى من نقط التفتيش .... بيروحو لناس فى السعوديه بيعدوهم مكه من مدقات فى الجبال ... و مش هتلاقى اى اقامه فى مكه ولا فى منى ... نصيحه خليك فى السليم ... طالما امكانياتك مش سامحه قدم على حج القرعه و ربنا هيأذن ان شاء الله

[ZALABANY]

متابع عشان عايز حج لوالدي

[shaddadfalcon1]

طيب هو ايه حكم الدين في الطرق الملتويه دي؟ خصوصا ان اعرف انه السنه اللي فاتت او اللي قبلها حرمو حج الناس اللي بتروح في رمضان وبتهرب هناك لحد الحج

[mohamed_selim]

الفتوى السعوديه بتحرمه طبعا ... بس أظن و الله اعلم ان فى كره طبعا للطرق اللى مش بتتبع تعليمات القائمين على تنظيم الحج خصوصا مع الاعداد المهوله ... بس اللى بيحج بيعمل فريضه و تسقط عنه طالما وقف عرفات ... اللى بعد كده بينه و بين ربنا .... بس طبعا ناخد بالأحوط و الله اعلم

[abo_anas]

[QUOTE=إبراهيم.صادق;3873725413]بعد إذن حضرتك سؤالين:
التأشيرة دي مصرح لصاحبها بالحج والعمرة ولا إيه؟
السؤال التاني السكن بيتم التصرف فيه إزاي؟
وطبعا السؤال الأهم الشخص ده حضرتك عارفه كويس وواثق فيه؟


معلش سؤال كمان آخر موعد لحجز التأشيرة عن طريق هذا الشخص إمتى؟[/
التاشيره مكتوب فيها غير مصرح له بالحج والعمره
بالنسبه للسكن لو فى اى صديق او قريب ممكن يستضيفك . او فى سكن بيكون بعيد عن الحرم واسعاره قليله الى حد ما , بالنسبه للمناسك فى منى ومزدلفه فدى قضيناها فى خيمه بتتباع فى مكه ( عند بن داوود) وكانت زى الفل وعموما الحج
بالنسبه لموضوع الثقه فى ى الراجل ( الشيخ طه) الراجل ده انا طلعت معاه سنه 2007 لما كانت وقفه عرفات يوم جمعه وكل شىء كان تمام
بصراحه انا مش عارف اخر موعد لتقديم الجواز امتى ولكن هحاول اتصل بيه واعرف
QUOTE]

[QUOTE=mohamed_selim;3873726065]لأ طبعا مش مصرح للتأشيره بحج او عمره ... لو هتاخد الطريق الطبيعى بين جده و مكه او المدينه و مكه مش هتعدى من نقط التفتيش .... بيروحو لناس فى السعوديه بيعدوهم مكه من مدقات فى الجبال ... و مش هتلاقى اى اقامه فى مكه ولا فى منى ... نصيحه خليك فى السليم ... طالما امكانياتك مش سامحه قدم على حج القرعه و ربنا هيأذن ان شاء الله[/

احنا كل المشقه اللى قابلتنا كانت من الرياض الى مكه اخدناها بالباص 1200 كم ودخلنا مكه من الطريق العادى والشرطه وقفتنا واحنا محرمين للعمره وقالوا علشان تعدوا لازم تلبسوا ملابس فوق الاحرام ولبسنا وعدينا وليها كفاره اطعام مساكين
وطبعا حج السياحه افضل بمراحل فى الراحه QUOTE]

متابع عشان عايز حج لوالدي

حضرتك الطريقه دى فيها مشقه على والدك احسن له واريح حضرتك تقدم له فى شركه سياحه بس مش عارف ممكن تلحق ولا خلاص التقديم

[إبراهيم.صادق]

شكرا للتوضيح، وربنا يقدم اللي فيه الخير

[شريف]

طب يا شباب محدش فادني عن شركه سياحه بسعر معقول

[شريف]

محدش رايح الحج السنادي من المنتدي تقريبا ولا ايه؟

[moudy88]

قريبتي طالعه حج بري ب25 الف جنيه

[magedtiti]

الحج السياحى بـ 25 الف للبرى بس دلوقتى حتلاقى كل الشركات خلصت الاماكن لآن كل شركه لها عدد محدد من وزارة السياحة ولو عايز طيران سعرة بيبتدى من 34الف.
والافضل انك تسافر بالطرق الشرعيه علشان متتعبش وتفضل تايه طول فترة الحج وحتحس ان الموضوع متعب جدا