من حق سواقين الاجرة والميكروباص رفع سعر التعريفة ولا مش من حقهم ....

[sokasoon]

سؤال بسيط يشغل عقول الناس يا ترى الميكروباص اللى كنت بركبو بـ 1ج

هركبو بكره بكام بعد الزيادة ومن حقهم يزودو ولا لا

انا شايف انهم من حقهم يزودو طبعا لان سواق الميكروباص او التاكسى

مالوش ذنب الحكومة اللى رفعت الاسعار مش همـــــــا

بالتالى لما تيجي تركب ميكروباص او تاكسى ماتتشطرش على الغلبان ده

اتشطر يا اخى على الحكومة شوية ولا احنا مابنطلعش غلنا غير فى الناس ديه

انا مش بوجه كلامى ده لشخص بعينة ولاكن لكل الناس اللى بتركب ميكروباصات

او تاكسى يوميا

[vet mitcho]

بص هما من حقهم يزودا لكن حسب الغالو مش اكتر من 20-25%
يعني لو الاجرة جنيه تبقى 125 قرش مش اكتر
زيادة عن كده يبقى افترا وهيفرحو ان الجاز غلى
اللي ربنا يستر علينا منهم سواقين التاكسي خصوصا اللي بيستعملو بنزين 90 او 92 دول بقى انا لو منهم ازود 50% وشششششش

[dr_3eshoo]

طبعا من حقهم

[mahamedaraby]

من حقهم طبعا انهم يزودوا الاجره لكن بالمعقول بمقدار الزياده

لكن بتوع التاكسى دول تيجى تدفعله يقولك البنزين غلى يا بيه وهو يا ما يحط بنزين 80 لا الا هو غاز يعنى مش متاثر بحاجه بس تبع الهوجه

[mohamed_rhem]

اولا احب اقولك حاجه
سواقين التاكسي مفيش مشكله بالنسبه ليهم لانهم مش شغالين بتعريفه
يعني بمزاجهم وبالمشوار
المشكله في سواقين الميكروباص لانها لها تعريفه
فالمحافظه هي اللي تقرر
ولحين ما تقرر السواقين ميشتغلوش
علشان الازمه تتفاخم
مش يزودوا بمزاجهم

[M_HaFeZ]

موضوع التاكسى ده مالوش حل خالص
تاكسيات شغاله ببنزين 90 .. قليل جدا اللى 91
وفى ناس شغاله ب 80 ده لو بيلاقوه اساسا
وكتير اوى اوى شغالين بالغاز وتكلفه ال 3مختلفه اوى عن بعض
فمانتش عارف تتفق ازاى مع سواق تاكسى
يعنى انا باركب مشوار ب 10 - 11 جنيه
ساعات التاكسى ياخد ال 10 ويبقى امور وسااعات احس انها 11
واوقات يحلفلى ان المشوار انه ب 15 جنيه رغم انى انا اللى واصف له السكه وكان اول مره يروحها (بجد والله الموضوع ده حصل معايا)

[M_HaFeZ]

المشكله في سواقين الميكروباص لانها لها تعريفه
فالمحافظه هي اللي تقرر
ولحين ما تقرر السواقين ميشتغلوش
علشان الازمه تتفاخم
مش يزودوا بمزاجهم

الموضوع ده حصل امبارح على خط المقطم كل العربيات ركنت ومحدش اشتغل علشان المحافظه منزلتش التعريفه الجديده

[kh_talaat]

والله المفروض إن الحكومة هي إللي تنظم الأمور دي ، يعني لما تغلي السولار والبنزين تزود الأجرة وتحددها حسب الزيادة طبعا ، مش تغلي البنزين والسولار و تسيب الناس يضربوا في بعضهم وإلا يبقى لزمتها إية الحكومة

وبعدين أنا نفسي أفهم إمتى هيفكروا ينظموا أجرة التاكسي ويشغلوا العداد وأزاي سايبين الناس تاكل في بعض كدة .... حرام والله حرام

[Hossam_Hassan]

المشكلة ان السواق مش هيزود بنفس نسبة زيادة البنزين، لأنه هيقول ان كل حاجة هتغلى نتيجة زيادة أسعار البنزين، يبقى انا كمان محتاج دخل اضافى

[MMamdouh]

المشكلة ان السواق مش هيزود بنفس نسبة زيادة البنزين، لأنه هيقول ان كل حاجة هتغلى نتيجة زيادة أسعار البنزين، يبقى انا كمان محتاج دخل اضافى

متنساش ان السجاير زاد سعرها كمان... يعنى بتاع المكروباز زاد عليه السولار و الدخان

MMamdouh

[sokasoon]

طيب انا هقولكو حاجة

انا كنت بركب ميكروباص من زهراء مدينة نصر للتجمع الاول بــ 50 قرش

بعدين زاد بقا بـ 75 قرش وبعدين زاد تانى بقا بــ 1ج

وبعدين هيزيد اكيد بعد الزيادة الاخيرة

وكل الزيادات ديه فى اقل من سنتين

طيب بلاش الميكروباصات دلوقتى تاكسى العاصمة مش هيزود

طيب بلاش ده التاكسى العادى بقا فى منو كتير دلوقتى فيرنا ولانوس

دول هيشتغلو ببنزين 80 باردوووووووو

مش كل التاكسيات قديمة والتاكسيات القديمة ديه مش هتكون موجودة قريب

لعدم ترخيصها يعنى اقل مشوار صغير مش هيقل عن 10ج

[Ghamrawy]

يعنى احنا زى ما احنا لا و فلوسنا بتقل كمان و تبص تلاقى كل حاجة عمالة تغلى و فى الاخر احنا اللى بنكع دم قلوبنا يبقى انا ليه ادعم سواق التاكسى و لا الميكروباص و اديلوا الفرق من جيبى ؟؟؟ !!! ما يروح يمسك فى الحكومة و انا مالى اديلوا ليه من جيبى ما يولع و لا جبن و ذل مع الحكومة و افترا على الناس الغلابة!!!

[re3ooo]

مشهنروح بعيد عربيات حلون كانت بجنية ونصف امبارح خلوها 175 قلنا ماشي النهاردة ب2جنية ومسكين ورقة بيقولو فيها المحافظ هوة المسعر الاجرة كدة ومختومة بختم النسر

[محمد ابراهيم 1]

مش من حق السواقين يزودوا بنفس نسبه زياده الوقود وده لأن الوقود ليس هو مصروف التشغيل الوحيد
بمعنى إن التاكسى اللى إنت بتركبه مسافه 10 كم مثلا بياخد منك حوالى 10 جنيه مثلا
التاكسى ده بيستهلك فى المسافه دى حوالى لتر يبقى زياده التكلفه عليه حوالى 45 قرش فى المشوار كله
فلو زادت التعريفه لتصبح 10,5 يبقى تمام لكن ميزودش ويخليك تدفع 12 ولا 13
وزى ما إنتوا عارفين نتيجه إن مفيش قواعد محاسبه فتلاقى السواقين بيعملوا اللى هما عايزينه
نفسى عداد التاكسى يرجع يشتغل بتعريفه عادله للراكب والسائق لأن اللى بيحصل ده مش موجود فى أى حته غير فى هذا البلد المسكين
ربنا يهدى الجميع

[محمد ابراهيم 1]

برضه نفس الكلام بالنسبه للميكروباص
المشوار اللى كان الميكروباص كان بيقطعه ب 3 لتر والأجره جنيه على فرض إن المشوار متوسطه 25 كم
التكلفه زاده من 225 قرش الى 315 قرش بمقدار 90 قرش
على 14 راكب بمعدل 6,5 قرش لكل راكب
يبقى من حقهم زياده الأجره بمقدار 10 قروش
وتزيد بزياده المشوار والمسافه