عايز اشتري أجهزة كهربائية كتيرة - حد ممكن يساعدني؟

[Khalid Shalabi]

السلام عليكم جميعا

اخويا و ناس اصحابه عايزين يشتروا اجهزة كهربائية كتيرة متنوعة ففكرنا اننا لو جمعنا الاوردر كله مرة واحدة و اتعاملنا مع حد اسعاره حلوة ممكن يظبطنا في السعر او حتي يعملنا خصم معقول

فلوا حد من أعضاء المنتدى الكرام عنده معرض أدوات كهربائية و ممكن يدينا اسعار حلوة يبقى فيري نايس و الكل مستفيد...... أو
لو حد هنا عارف معرض كويس فيه كل حاجة في القاهرة أو الاسكندرية أو في اي مكان يقولي عليه و له جزيل الشكر

و شكرا للجميع :)

[Khalid Shalabi]

???any news

[Khalid Shalabi]

جاتلي الرسالة دي على الخاص من الأخ الكريم TaoTao وقلت اجيبها هنا لتعم الفائدة و شكرا لمستر TaoTao :)
==============================
**************************
===============================
لو سهل تروح عبد العزيز اسأل هناك وعدي على B.Tech وشوف فرق الأسعار في الاجهزة وربنا يباركلكم ان شاء الله
-------------------
قواعد المنتدى تقضى بعدم نشر أى رسالة خاصة على العام إحتراما لخصوصية الراسل والمرسل إليه ، يمكن أن تطلب من المرسل الإذن قبل عرض رسالته أو يعرضها هو بنفسه.
الإدارة4

[aliabutaleb]

اظن هايبر وان برضة وكارفور أسعاره كويسة مقارنة بخارجهم
انا لسة شاري غسالة من هايبر وان وفوجئت بصراحة اني ممكن اسيب لهم العنوان ويوصلوا لحد البيت مجاناً بس مش عارف ده عشان انا ساكن في اكتوبر يعني قريب من الهايبر ولا داخل القاهرة الكبرى كلها التوصيل مجانا

[TaoTao]

جاتلي الرسالة دي على الخاص من الأخ الكريم TaoTao وقلت اجيبها هنا لتعم الفائدة و شكرا لمستر TaoTao :)
==============================
**************************
===============================
لو سهل تروح عبد العزيز اسأل هناك وعدي على B.Tech وشوف فرق الأسعار في الاجهزة وربنا يباركلكم ان شاء الله
-------------------
قواعد المنتدى تقضى بعدم نشر أى رسالة خاصة على العام إحتراما لخصوصية الراسل والمرسل إليه ، يمكن أن تطلب من المرسل الإذن قبل عرض رسالته أو يعرضها هو بنفسه.
الإدارة4

أشكر الإدارة لحرصها على خصوصية الأعضاء، وأشكر زميلنا loodabds لأنه رأى في رسالتي إليه إفادة عامة ونشرها لعموم الفائدة ..
الرسالة كان نصها:
الشرا ده لغرض شخصي ام تجاري؟ لو لغرض شخصي ممكن احكيلك عن تجربتي وانا باجهز من سنتين، نزلت شارع عبد العزيز المكان زحمة والتجار وشهم يعكنن مافيش حد تسأله ولا حد تعرف تاخد منه عقاد نافع. جمعت اسعار كام حاجة وتاني يوم قبل ماروح عبد العزيز عديت على معرض B.Tech في شارع فؤاد سألتهم عن الأسعار، أكتر من ساعتين واقف مع مندوب يقولي مميزات كل جهاز ويشرحلي ويرشحلي كمان الأنسب حسب الظروف والمقاسات عندي، حاجة آخر احترام وتخللي الواحد يشتري منهم ولو أغلى ألف جنيه ، والأسعار لاقيتها أغلى بس في حدود 25 جنيه مثلا في الجهاز عن عبد العزيز.
رحت احاسب واسال عن الاستلام لقيت مفاجأة كويسة إنه التوصيل عليهم، بياخدوا العنوان والتوصيل لغاية باب البيت. يعني لو فيه فرق سعر بسيط انا اخدت قدامه خدمة كويسة وتوصيل لباب البيت
أنا بصراحة مابقيتش اتعامل غير معاهم، الواحد بيطلع عين المندوب وفي الآخر بياخد أنسب حاجة وفاتورة تضمن حقك وشهادة ضمان مختومة.

لو سهل تروح عبد العزيز اسأل هناك وعدي على B.Tech وشوف فرق الأسعار في الاجهزة وربنا يباركلكم ان شاء الله
================================================== ==========
وأود أن أعتذر لزميلنا loodabds عن التأخر في الرد لأنني لم أشاهد رد الإدارة إلا الآن .. وأكرر شكري لاهتمامه برسالتي ونشرها بالنتدى
وفي النهاية الكلام كان تجرية شخصية وممكن لو أي حد له إضافات أة خبرات أكتر يفيدنا في الموضوع.