كاميرا فيديو ولا دجيتال

[Bishoy.Girgis]

احبائي اعضاء منتدي نايل موتورز كنت عايز اخد رأيكم في حاجه بغض النظر عن السعر
اجيب كاميرا فيديو ولا كاميرا دجيتال
يعني ايه الافضل من حيث العملية ؟؟

[ma7moud879]

والله على حسب احتياجك يعنى لو انت عاوز تصوير فيديو هو الاساس هيبقى طبعا handy cam كاميرا فيديو يعنى انما لو عندك تصوير الصور هو الاساس يبقى طبعا compact cameraالى هى كاميرة ديجيتال احسن فى الحاله دى +الكاميرات semi professional ودى طبعا بتبقى احسن بكتيـــر فى تصوير الصور من حيث التحكم فى الصور وفى الزوووم
ولو انت تحب تشوف الكاميرات دى ممكن اساعدك فيها لآنى شغال فى المجال ده

[mr_kenawy]

ما هو الكاميرا الفيديو بقت ديجيتال برده , يعنى ماعادش فيه افلام و فيديو و كلام زى كدة , و بقى الاعتماد على كرت الميمورى ..... يعنى الاختيار دلوقتى بين الكاميرا العادية (الديجيتال) و الكاميرا الفيديو (الديجيتال برده) ...... و كلاهما بيصور صور ثابتة و فيديو ..... و لكن اذا كنت ترغب فى تصوير الصور الثابتة اكثر هات الكاميرا العادية , و اذا كنت ترغب فى تصوير الفيديو اكثر هات الفيديو الديجيتال ...... طبعا الفيديو اغلى من العادية ..... فى السونى الكاميرات العادية اسمها سايبر شوت , و الفيديو اسمها هاندى كام .... و كلاهما بيصور ثابت و فيديو.

[Bishoy.Girgis]

والله على حسب احتياجك يعنى لو انت عاوز تصوير فيديو هو الاساس هيبقى طبعا handy cam كاميرا فيديو يعنى انما لو عندك تصوير الصور هو الاساس يبقى طبعا compact cameraالى هى كاميرة ديجيتال احسن فى الحاله دى +الكاميرات semi professional ودى طبعا بتبقى احسن بكتيـــر فى تصوير الصور من حيث التحكم فى الصور وفى الزوووم
ولو انت تحب تشوف الكاميرات دى ممكن اساعدك فيها لآنى شغال فى المجال ده

اولا شكرا لأهتمام حضرتك
في كاميرا فيديو عجباني Sony HC52 هل لما اجي اصور لقطات هل هتبقي بنفس قوة الكاميرا الدجيتال العادية ؟ ولا اجيب Panasonic DMC-FX520
بصراحة محتار لأني عايز تصوير فيديو و دجيتال في نفس الوقت و تكون كاميرا عملية و متخنأش بيها في تحركاتي .

[ma7moud879]

اولا شكرا لأهتمام حضرتك
في كاميرا فيديو عجباني sony hc52 هل لما اجي اصور لقطات هل هتبقي بنفس قوة الكاميرا الدجيتال العادية ؟ ولا اجيب panasonic dmc-fx520
بصراحة محتار لأني عايز تصوير فيديو و دجيتال في نفس الوقت و تكون كاميرا عملية و متخنأش بيها في تحركاتي .

اولا لا شكر على واجب
ثانيا كاميرات الفيديو لما تيجى تسأل عنها هتلاقيها 1mp او2mp وهتلاقى ال x optical zoom بتاعها عالى جدا
ولما تيجى تسأل عن الديجيتال العاديه هتلاقى دلوقتى وصلنا ل 16mp وهتلاقى الx optical zoom بتعاها 3 او 4 او 5
وده ان دل فهيدل على ان كاميرات الفيديو اعتمادها الاكبر على الزووووم البصرى الى هو حوار كبير جدا مش عاوز ادخلك فيه علشان متدعيش عليا :))
وفى نفس الوقت الكاميرات الديجيتال اعتمادها بنسبه 80%على الميجا بيكسل بجانب طبعا الزووم البصرى
فأكيد كل من الهاندى كام(فيديو)متخصصه فى الفيديو بنسبه 95% وهتصورلك صور عاديه خالص اكنك معاك موبيل الكاميرا بتاعته 2 او 3 ميجا بيكسل
وطبعا الكاميرا الديجيتال متخصصه فى التصوير بنسبه 90% بجانب الفيديو وطبعا عرفنا ليه

[Bishoy.Girgis]

اولا لا شكر على واجب
ثانيا كاميرات الفيديو لما تيجى تسأل عنها هتلاقيها 1mp او2mp وهتلاقى ال x optical zoom بتاعها عالى جدا
ولما تيجى تسأل عن الديجيتال العاديه هتلاقى دلوقتى وصلنا ل 16mp وهتلاقى الx optical zoom بتعاها 3 او 4 او 5
وده ان دل فهيدل على ان كاميرات الفيديو اعتمادها الاكبر على الزووووم البصرى الى هو حوار كبير جدا مش عاوز ادخلك فيه علشان متدعيش عليا :))
وفى نفس الوقت الكاميرات الديجيتال اعتمادها بنسبه 80%على الميجا بيكسل بجانب طبعا الزووم البصرى
فأكيد كل من الهاندى كام(فيديو)متخصصه فى الفيديو بنسبه 95% وهتصورلك صور عاديه خالص اكنك معاك موبيل الكاميرا بتاعته 2 او 3 ميجا بيكسل
وطبعا الكاميرا الديجيتال متخصصه فى التصوير بنسبه 90% بجانب الفيديو وطبعا عرفنا ليه

يبقي اللي انا فهمته من رأي حضرتك اني العب و بنسبة كبيرة جدا في شراء كاميرا دجيتال افضل بالنسبة للصور و برده هتعطي لي دقة محترمة في تصوير الفيديو
طيب سؤال تاني معلش ::
ايه رأيك في ترتيب شرائي لو الامكانيات واحدة "سوني - باناسونيك - لوميكس - نيكون - فوجي"
ولا الترتيب مش هيفرق لو نفس الامكانيات ؟
و ياريت لو ترشح لي موديل حضرتك تكون واثق فيه في تصويره الليلي لأني مهتم بالتصوير الليلي اكثر

[ma7moud879]

تم الرد برساله خاصه

[shaddadfalcon1]

لو شغلك كله صور يبقي ديجتال وهتلاقيها بتصور فيديو معقول برده
لكن لو بتحب الفيديو اكتر هات الفيديو وهتلاقيها بتصور صور بس علي قدها قوي

عشان تجيب واحده فيها الأتنين هتبقي غاليه قوي

بس مفيش حد بيصور فيدو كتيير - الغالبيه تبقي صور وفيديو علي خفيف يعني انصحك بالديجتال

[rosebox]

ممكن حضرتك تقولنا عايز تصور ايه بالظبط (رياضه, مناسبات عائليه, طبيعه, ماكرو او كلوز اب)
انت توصل لتصوير محترف؟
ميزانيتك كام؟
عشان نقدر نساعدك

[eng.octooo]

ماليش فى الموضوع دة خالص لانى دايما باشوف ميزانيتى كام وانزل اشترى اعلى ارقام وخلاص :) بس داخل علشان اقفشك هنا واسلم عليك وقولك حبيببببببببببببببببببببببببببببببببببببببببببببببب ببى فينك مختفى والناس الى مش بتسأل ماشىى ماشى هههههههه ليك يوم , اخبارك اية ؟

[Bishoy.Girgis]

الف شكر لكل عضو محب ادلي بالاهتمام

ممكن حضرتك تقولنا عايز تصور ايه بالظبط (رياضه, مناسبات عائليه, طبيعه, ماكرو او كلوز اب)

انت توصل لتصوير محترف؟
ميزانيتك كام؟
عشان نقدر نساعدك

شكرا لرد حضرتك :
تصويري مش لدرجة الاحتراف
تصوير رحلات و مناسبات فقط
ميزانيتي لغاية 1000 جنيه

ماليش فى الموضوع دة خالص لانى دايما باشوف ميزانيتى كام وانزل اشترى اعلى ارقام وخلاص :) بس داخل علشان اقفشك هنا واسلم عليك وقولك حبيببببببببببببببببببببببببببببببببببببببببببببببب ببى فينك مختفى والناس الى مش بتسأل ماشىى ماشى هههههههه ليك يوم , اخبارك اية ؟

انت اللي واحشني جدا جدا يا محمد .. عامل ايه يا عم .. اتمني اشوفك قريب .. علي العموم انا هكلمك قريب و كل سنة و انت طيب

[ahmed2y]

بصرف النظر عن الى هتخارة ابعد عن الديجيتال السونى سيئة جدا عاوز اقول زى الزفت بس الفظ وحش وغير لايق فا مش هقول زى الزقت هكتفى اقولك وحشة وخلاص هههههههههه