رايكم اية فى موضوع الجواز بعد زيادة الأسعار

[hamdy]

والله يا جماعة كلمكو المتفائل ده خلاني افكر اتجوز تاني .....:d:d:d
اوعو بس تكون ام العيال سمعاني ولا شيفاني
لحسن انا من خبتي التقيلة روحت جبت طقم سكاكين حامية قوي ...
ومراتي بقا كملت الطقم بالاكياس السودا عشان تكون سلاح ردع لاي محاولة مني للزواج مرة اخري :d:d:d

تم تصحيح لفظ الجلالة
الادارة 1

[mo7amed_omara]

واللهي يا جماعة كلمكو المتفائل ده خلاني افكر اتجوز تاني .....:d:d:d
اوعو بس تكون ام العيال سمعاني ولا شيفاني

:):):):)

[Karim_Monir]

يعني يا راجل يا مؤمن
انت بنفسك بتقول أيام سودة
و في نفس الوقت بتدور تاني !!!!:D

انت فاكر التانية هاتبقي فوشيا مثلا :D:D:D

اسود يا باشا
كله اسود
ادفع - هات - ودي - معلش - اصل - علشان - دي ماما برضه - استحمل بابا دا طيب و الله - يبقى انت مابتحبنيش - الله دي حلوة قوي (يعني هاتها)- شوفت فلانة عملولها ايه - كل يوم تأخير تأخير - هاتفضل كده على طول و للا هاتتنيل بعد الجواز ؟؟؟؟؟

اللذيذ بقى ........انك بتتنيل فعلا بعد الجواز :D:D:D:D:D

دور يا حبيبي دور

ابو الزمل
اهلا بيك
حاجزلك مكان على الدكة جنبي في الغواصة بتاعتنا
كل يوم من 7 الى 11 منورين القعدة
تعالي تعالي وما تشيلش هم حاجة
نييييهههههههههه
ممنوع اصطحاب الاطفال والزوجات
احنا هاربانين منهم
:p:p:p:p:p:p

[dr_3eshoo]

هتجوز هاتجوز هاتجوز هااتجوز و الرزق على الله يبعتلي رزقي و رزق عيلاالي

[E_Farid]

معلش يا جماعه اسمحولي أقول ان أغلب الردود هنا سلبية جدا وبجد انا مستغرب جدا من الكلام هنا،

الزواج مطلب فطري للإنسان ونعمة من نعم ربنا علينا،

دلوقتي أغلب المشاكل بقت مادية بحته،

طيب ليه منعملش رأي عام هنا ونبدأ نغير كتير من ثقافات الزواج اللي تكسر ظهر أجدعها شاب ؟

لو نزلتم الشارع أو عديتم من قدام الجامعه هتلاقي اغلب لسان حال البنات "عريس يا ولاد الحلال"

والشباب " جوزونا والا ..... "

يعني هيا شوية العادات والتقاليد المتخلفة هيا اللي مكتفه الدنيا ومعقده الشباب والفتيات !

طيب ما نكسرها ونغيرها، دي حتي كلها ضد السنة،

ولا يعني أهالينا أفضل من الرسول صلي الله عليه وسلم اللي زوج ابنته لسيدنا علي رغم شدة فقره.

يا جماعه انا بتكلم بجد،

كفايانا سلبية بقي،

يعني لما الحكومة ولعت فينا ولعبت بعقولنا زي الأطفال، قعدنا ساكتين وقلنا خايفين من الإعتقالات والذي منه،

خايفين بقي المرة دي من ايه ؟

لازمته ايه الذهب ده كله ؟ وليه مينفعش الواحد يتزوج الا والبيت كامل من الإبره للصاروخ،

واللي يغيظ أكتر وأكتر، تلاقيهم طلع عينهم علشان يجهزوا البيت ويروحوا يحجزوا فى قاعة يدفعوا فيها مبالغ كبيرة ،

وفي الآخر اختلاط ومعاصي ملهاش آخر،

مين عنده الشجاعه نبدأ نعمل ثورة علي عادات الزواج فى مصر ؟

..............................................

ممنوع الكتابة باللون الأحمر لإنه مخصص للإدارة فقط

الإدارة - 3

[dr_3eshoo]

يا عم انا معاك دوس و توكل على الله و انا وراك

[OlaOsman]

معلش يا جماعه اسمحولي أقول ان أغلب الردود هنا سلبية جدا وبجد انا مستغرب جدا من الكلام هنا،

الزواج مطلب فطري للإنسان ونعمة من نعم ربنا علينا،

دلوقتي أغلب المشاكل بقت مادية بحته،

طيب ليه منعملش رأي عام هنا ونبدأ نغير كتير من ثقافات الزواج اللي تكسر ظهر أجدعها شاب ؟

لو نزلتم الشارع أو عديتم من قدام الجامعه هتلاقي اغلب لسان حال البنات "عريس يا ولاد الحلال"

والشباب " جوزونا والا ..... "

يعني هيا شوية العادات والتقاليد المتخلفة هيا اللي مكتفه الدنيا ومعقده الشباب والفتيات !

طيب ما نكسرها ونغيرها، دي حتي كلها ضد السنة،

ولا يعني أهالينا أفضل من الرسول صلي الله عليه وسلم اللي زوج ابنته لسيدنا علي رغم شدة فقره.

يا جماعه انا بتكلم بجد،

كفايانا سلبية بقي،

يعني لما الحكومة ولعت فينا ولعبت بعقولنا زي الأطفال، قعدنا ساكتين وقلنا خايفين من الإعتقالات والذي منه،

خايفين بقي المرة دي من ايه ؟

لازمته ايه الذهب ده كله ؟ وليه مينفعش الواحد يتزوج الا والبيت كامل من الإبره للصاروخ،

واللي يغيظ أكتر وأكتر، تلاقيهم طلع عينهم علشان يجهزوا البيت ويروحوا يحجزوا فى قاعة يدفعوا فيها مبالغ كبيرة ،

وفي الآخر اختلاط ومعاصي ملهاش آخر،

مين عنده الشجاعه نبدأ نعمل ثورة علي عادات الزواج فى مصر ؟

لأ ده انا كمان سمعت انهم دلوقتي في الأرياف متطلباتهم للزواج زادت و لازم البيت يبقى جاهز من مجاميعه و اللي عنده بنت بيبيع عليها حتة أرض عشان يعرف يجهزها بما يليق. يعني انا مش عارفة فين العقل في ان أب يتداين او يبيع أرضه عشان يجيب غسالة فول أوتوماتيك و مكنسة و خلاط و تلاجة بالشئ الفلاني؟؟

طبعا الناس هاتقول و يعني بنت الريف تفرق ايه عن بنت البندر اللي بيجيلها شئ و شويات؟ يا جماعة لا ده صح و لا ده صح.. لازم نسهل الأمور عشان احنا بنبني حياة مش بيت متكلف شئ و شويات على أساس كلام الناس و خلاص.

[Powert]

انا اول واحد مستعد يجوز :D

بس اولاً تكون مش مصرية " مش ناقصة وجع تماغ":D:D

ثانياً " تتحملني وتتحمل القاعدة بتاعتي على نايل موتورز 18 ساعة في اليوم ":)

ثالثاً " تصرف عليا علشان مش ناوي اشتغل برضه مش ناقصة وجع تماغ":D:D

رابعاً " تجيب شقتين واحدة ليا وواحدة ليها وياريت كل واحدة في حي":D:D:D:D

والحمد لله على كده

( يفضل المرأة الفرنسية لشياكتها وجمالها وروفعها )"أصل انا رفيع" :D:D:D

[araberphilosoph]

انا بدات من زمان وقرفت من العادات الغريبه واخترت اجنبيه مسلمه

[Chicco]

كلام جميل و فيه خير و صلاح المجتمع ....لكن للاسف الشديد السلوكيات و طريقة التفكير العقيمة السائدة الآن من الصعب تغييرها

[E_Farid]

انا بدات من زمان وقرفت من العادات الغريبه واخترت اجنبيه مسلمه

ربنا يباركلك فى زواجك،

لكن ده مش حل عام للمشكلة،

وبعدين انته عملت كده لأنك رجل وانته اللي بتختار، لكن البنت المصرية بقي تعمل ايه ؟

كلام جميل و فيه خير و صلاح المجتمع ....لكن للاسف الشديد السلوكيات و طريقة التفكير العقيمة السائدة الآن من الصعب تغييرها

جزاكم الله خيرا يا أخ شيكو، وفعلا مش من السهل تغيير العادات والسلوكيات ، لكن برضه مش مستحيل،

وبعدين لو فقدنا الأمل علشان الموضوع صعب، عمرنا ما هنتغير ابدا وهننزل للأسوأ،

والله يا جماعه احنا نقدر نغير كل حاجه،

انتوا ناسيين اننا الطرفين ؟

يعني لو فعلا فيه شاب اتقدم لفتاة وظروفه بسيطة وامكانياته متواضعه وهيا كمان عندها نفس الفهم ، يبقي مين يقدر يقف قدامهم ؟

الأهل؟

ممكن لكن ساعتها الوضع هيختلف تماما،

عايزين الأول نشوف أسباب المشكلة قبل ما ندور علي حلول علشان نعرف نطبق الحلول اللي هنحطها.

[amr mokhtar]

انا رأى ان المشاكل بتنقسم لجزئين
الجزء الأول: الفلوس و اسعار الشقق اللى اصبحت غريبة و توصل الواحد لليأس
ده غير ان احيانآ بيفضل الواحد معتمد على أهله حتى بعد الزواج بسبب ان المرتب مش مكفى و الغريب انك تلاقى الناس رايحين يحجزوا فى قاعة افراح ب17 الف جنيه!!!! و الله انا ممكن افركش جوازة بالكامل بس مش هدفع المبلغ ده لشوية عواطلية

الجزء التانى: و بصراحة هو ده أكتر جزء مستفز الا و هو الشبكة اللى فى بعض الأحيان بتبقى مبالغ فيها و طبعآ بطبيعة العائلات المصرية عندها قدرة غير عادية على توليد المشاكل و الخلافات من أصغر حاجة و بالتالى بتلاقى الوضع بعد شوية بقى جو عكننة و قرف
و بصراحة انا عن نفسى مش هستحمل ألاقى الجو ده و أكيد هخلع فى اول فرصة حتى لو كانت دى البنت اللى بتمناها

انا لسه بدرى على الحاجات دى بس برضه انا مش صغير و فاهم ان الموضوع مش سهل و من خلال اللى بشوفه من خطوبة و جواز لناس قريبنا عرفت ان الموضوع بيحتاج وقت و تأنى لإن الناس النهاردة بقى ليها ألوان كتير فى الأول بيبقى كل الناس حلوة و بيضاء ذى الفل و بعد كده لما الموضوع بيدخل فى الجد و الفلوس تلاقى الوش التانى طلع و قلة الأصل و العكننة (إلا من رحم ربى)

الحمد لله ادينى بتفرج من بعيد و بتعلم عشان لو ربنا اراد لى جواز ابقى فاهم اللعبة ماشية إزاى

[جندى مجند]

عايزين الأول نشوف أسباب المشكلة قبل ما ندور علي حلول علشان نعرف نطبق الحلول اللي هنحطها.

أعتقد من وجهة نظر أهل البنت بتكون المشكلة انهم بيقيموا مدى حرص العريس على بنتهم و أد ايه هو شاريها بيقيموا دة بمقدار ما يمكن أن يدفعه العريس من أموال، و كمان بيقيموا مدى امكانية نجاح و استمرار الزواج بامكانيات و دخل العريس ... يعنى من الآخر المشكلة هى المعادلة الخاطئة اللى بتكون فى ذهن أهل البنت "استقرار الجواز يتناسب طردياً مع امكانات العريس المادية" ... و كرد فعل جمعى لأى عريس و أهله بيعتبروا انه فى مقابل كم المبالغ اللى بتتصرف فى الزواج فمن المنتظر من أهل العروسة الانفاق بسخاء على جهاز بنتهم ... و بتكون المحصلة فى النهاية ان مشروع الزواج عبارة عن مجزرة مادية للطرفين و غالباً ما تترك الكثير من الحزازات النفسية لدى الطرفين التى قد تلقى بظلالها على مستقبل الأسرة الجديدة.

المشكلة ان فعلاً أكتر من 75% مما ينفق لاتمام الزواج هو مصاريف لهدف المنظرة من فرح و شبكة ثقيلة و عفش فاخر و ديكورات مبالغ فيها جداً ... كلها مصاريف يمكن الاستغناء عنها ببساطة لو تجاهلنا نظرة العائلة و فلانة جالها ايه و فلان عروسته عملت ايه ... كلنا بنتناسى قول الله تعالى فى محكم التنزيل "إن يكونوا فقراء يغنهم الله من فضله" ... فهل يمكن الغاء هذه الأفكار و تغييرها لدى مجتمع يقاوم التغيير بضراوة و يتخذ من عبارة "ليس فى المكان أبدع مما كان" شعاراً؟؟؟

[دموع الثلج]

بكل بساطه اسباب المشكله هى الماده

مفيش فلوس لانه مفيش شغل يبقى هيفتح بيت منين ويصرف على البيت وعلى نفسه وعلى مراته منين مش معقوله هيخلى اهله يساعدوه فى الجواز وبعد الجواز يصرفوا على بيته

من ناحيه ثانيه لو بصينا لاوضاع البلد الاقتصاديه والسياسيه اللى بنمر بيها الان

الشباب هيجيبوا شقق منين وهيقدروا يفرشوها برضوه منين الاسعار فى كل شى ولعت وكلنا عايشين وشايفين كده

ومن ناحيه اسواء الانحدار الاخلاقى اللى انتشر بين الشباب والجواز العرفى والفيديو كليبات وفيديوهات الموبيل
اللى مش هيقدر يتحمل مصاريف الجواز اهوه بيستخبى تحت حجه انه مش عاوز يتجوز او ملقاش البنت المناسبه وطبعا ده نتيجته علاقات غلط وانحراف اخلاقى وسلوكيات خاطئه جديده على مجتمعنا بدات تنتشر الان


بصراحه الله يكون فى عون كل شاب بيفكر يتجوز فى الايام والظروف دى ربنا يقويه

[noble911]

و لسوف تتحطم الحملة علي صخور الواقع المرير

الموضوع اكبر مما تتخيل و بيدخل فيه فروق فردية من حالة لحالة
لكن لو اتكلمنا بشكل عام و علي السواد الاعظم من الشباب
يبقي في اكتر من مشكلة في كل خطوة من خطوات الجواز
بيتحولوا في النهاية لحائط صد كبير يقسم ظهر اي فكرة جواز

فين البنت الكويسة و الولد الكويس اصبحوا قلة و فئة نادرة
و هنا لا اتحدث عن الاستقامة الاخلاقية او العلاقات العاطفية السابقة و غيره
انا اتحدث عن بنات و اولاد مثقفين في الدين و الدنيا علشان حيعملوا اسره حقيقية مش خدعة نسجها عائلتين حتدمر عند اول خناقة علي موضوع مادي تافه

لقيت شريك حياة محترم ( و ده دبوس في كومة قش ) بلا نبدأ مراسم الجواز المقدسة
شقة
جهاز
فرح
مؤخر و مقدم و شبكة و اللذي منه

طبعا و نبصم بالعشرة ان مفيش شاب قادر علي تحقيق ده باي مستوي و باي شكل
اذن هو محتاج مساعده
و ده بيخلق مشكلات تانية
ايوة المساعدة دي بتعمل مشاكل بالخصوص لو كانت قوية لان عندك شقة في مكان محترم محتاجة مصاريف شهرية و سنوية لها
حيجيبوا عربية مش معقول حتاخد منهم حق البنزين و الصيانة كمان
الشاب لوحده مش حيقدر علي الوضع ده حتسبب في مشاكل اسرية و خناقات و حوارات او انك تسافر بره الخليج مثلا و هنا مشاكل اكتر في الاسرة و التربية للاولاد

الخلاصة الجواز دلوقتي مشكلة كبيرة مالهاش لازمة كانك بتنتحر
و مجنون فقط او شخص محاط بالمساعدات الخارجية او شخص مستهتر ناوي يدمر حياة ولاد الناس هو من يقبل علي مثل الحركة

انا معقد احتمال بس المشكلة ان الدكتور قالي انت مالكش حل يا ابني P:
تحيا العزوبية