كارثه حقيقيه فعلا فى البلد

[دموع الثلج]

لا حول ولا قوه الا بالله العلى العظيم

طيب حضرتك معرفتش تمسح فى اللى رد عليك الارض لما قالك انت بتهرج لتانى مره ليه

لا قدر الله وحصلت معايا اتوقع انى اروح مكان الراجل ده واخنقه عشان يتاكد انى مش بهرج


ولو عاوز اسعاف يجى بسرعه ويرد من اول اتصال يبقى اسعاف اى مستشفى حاصه

انسى الحكومه والحكومى واى حاجه تيجى من وشششششششششهم

[محمد المشد]

شفاة الله وعفاة 000 ولاحول ولاقوة الا بالله العلى العظيم 000 اللهم اصلح حالنا وحال المسئولين

[meza]

لازم تحطوا فى الإعتبار إن أرقام الإسعاف بتجيلهم معاكسات بالمئات إن مكنش بالألاف يومياً

جايز محسوش من كلامك الجدية ....... أنا بقول جايز

و ممكن فعلاً يكون إستهتار منهم ..... بس فى رأيى ده صعب قوى .... دول إسعاف برضه.

الله أعلم

[PRO-DRIVE]

مصطفي حصل دا امته و ازاي مكلمتنيش :@

[X_MM_X]

لازم تحطوا فى الإعتبار إن أرقام الإسعاف بتجيلهم معاكسات بالمئات إن مكنش بالألاف يومياً

جايز محسوش من كلامك الجدية ....... أنا بقول جايز

و ممكن فعلاً يكون إستهتار منهم ..... بس فى رأيى ده صعب قوى .... دول إسعاف برضه.

الله أعلم

أنا مش معاك في كده خالص !!!!

يعني لو واحد بيموت أثبتلهم كده ازاي في التليفون ده اقل ما يوصف استهتار وعدم مبالاه وناس ولاد ******

ربنا يشفي جدك يا باشا

[أبو عبدالله]

شافاه الله وعافاه آمين يا رب

[theking2690]

يا جماعه انا متشكر طبعا لشعوركو الجميل ده و احنا الحمد لله رحنا جبنا الاسعاف وودناه المستشفى و دخل العنايه المركزه

بالنسبه يا دموع بقى لنمر اسعاف المستشفيات الخاصه فالمشكله ان احنا مش عارفين النمر ديه وانا فعلا خلاص بعد كده مش هعتمد عليهم فى اى حاجه

ويا استاذ meza اه بتجيلهم معاكسات كل يوم انما لما اتصل يهم مرتين واقولهم انها حاله مستعجله يبقى الموضوع مفيهوش تهريج صح و لا انا غلطان

وشكرا ليكوا يا جماعه على شعوركوا الجميل ده وفعلا انا حاسس انى بين اخواتى

[lanos2]

جارى اللى فى الشقة اللى تحتى كان مسافر السعودية و رجع من السفر اكتشف ان مراته كانت بتخونه و صحيت الفجر على صوت خبط و رزع و صراخ فى شقتهم .
طلبت من الغفير بتاع العمارة يطلع يشوف اية الحكاية لقى الرجل جارى فتح له الباب و يديه غرقانة دم و مراته بتستنجد بالغفير يطلب النجدة و اخبرنى الغفير بذلك فقمت بالاتصال بالنجدة الساعة 6 صباحا و حكيت اللى بيحصل و انتظرت و كل ساعة يتصلوا بيا يقولولى انت متأكد ان فى خناقة جامدة عند جارك اعدت احلفلهم و اسمعهم صوت الست و هى بتصرخ يقولولى طيب احنا جايين فى السكة و لا ياتى احد .
فضلت على هذا الحال من الساعة 6 صباحا الى الساعة 11 كل شوية يتصلوا يتأكدوا لحد ما لقيت مافيش صراخ و الجو هدى قلت يمكن الامور هديت الحمد لله ان النجدة لم تأتى على الفاضى .
و على العصر لقيت اخوات الست بيصوتوا و وجدوها مدبوحة و فى هذه الحالة اتت النجدة فى عشر دقائق بالظبط .
يانهار ازرق يعنى كان لازم الست تتدبح علشان النجدة تيجى !!!!!!!
بصراحة مش عارف اقول اية الست تستاهل الدبح ام البلد فيها حالة لا مبالة بالناس ام ماذا لا ادرى و لكن الواضح للجميع ان كل شىء بينحدر للاسوأ و ربنا يسهل و اعرف اهاجر من هذه البلد و استريح من القرف و الفساد اللى موجود بها .

[Dr Ahmed]

مش أنا دكتور أهه؟ شفت الأمرين مع الإسعاف الزفت

والدى -الله يرحمه- جتله مرة سكتة قلبية أثناء الغسيل الكلوى فى المستشفى العام ولزم نقله فورا للعناية المركزة بمستشفى الجامعة التى تبعد 1000 متر ومركز الإسعاف المركزى العالمى أمامى بخطوات..

خطوات وإجراءات رتيبة وطويلة ومملة لا تناسب أبدا حرج الموقف ، وبعدما أنهيتها وبحثت على السائق المبجل وأخبرته أن ينتظرنى أمام باب المستشفى حتى أحضر والدى ، تركته وأحضرت والدى بأسرع مايمكننى ولم أجد الإسعاف على الباب ، ذهبت للمركز بتاعهم قالول لى إنه خد عيان تانى ومشى !! ههههههههه مش عارف ساعتها عيطت وللا ضحكت ، المهم خدت من عندهم عربية تانية وعدت على خير علشان ساعة الأجل كانت لسه محانتش..

هنا القاهرة- بنها - أسوان: كله زى بعضه-----> بطيخ

[lanos2]

[Karim_Monir]

لا حول ولا قوة الا بالله
اف سلامة على جدك يا مصطفى شفاه الله وعفاه من كل مكروة

احب بس اوضح اللي بيحص في الاسعاف وده شوفتة بعيني وانا مش بديلهم اي عذر بس ببين واقع البلد
واقف في شارع عبد العزيز بتاع الموبايلات بشتري موبيال ولازم بجربة هناك خاصة ارسال واستقبال
المهم الولد طلع الشريحة وحطهالي في الموبيال وشغل الاسبيكر وكلم مين تفتكرو
الاسعــــــــــــــــــــاف
ايوووووووووون
قالة مساء الخير الراجل رد مساء النور والود بشاورلي ان الطرف التاني سامعة وبيرد قالوة عندنا حالة وعايزين عربية الراجل قالة فين
الولد قفل السكة
قولتلة انت بتكلم مين قاللي الاسعاف اهو الموبيال شغال يا عم وفل
طبعا انا مسحت بكرامتة الارض وقولتلة هايجي اليوم اللي تحتاجهم وربنا هايردهولك وكما تدين تدان
ومرة كانو جايبين رئيس مرفق الاسعاف بيقول انهم بيستقبلو يوميا ما لا يقل عن 10 الالالالالالالالاف بلاغ كاذب واستظراف من بتوع الموبايلات لدرجة انهم فكرو يخلو الخدمة بفلوس واللي محتاج الاسعاف مش هايهمة نص جنية ولا جنية
حال الناس بقي صعب وعندها لا مبالاة فعلا

[ows212]

ربنا يشفيه اميين

[ahm177]

الحل الوحيد نهجر البلد

ونسيبها فضية

انا حسيبها ومش راجع تانى

[turboman]

اسال على فاكس مكتب الوزير و هو هينفخهم صدقني...........ربنا معاك

[wawoo]

]قالولنا انتوا بتهرجوا و قفلوا السكه ن

معلش هو حضرتك ساكن فين و قولتلهم اية بالضبط , انت متاكد انك اتصلت بالاسعاف , لان انا عن تجربة الاسعاف بيجى فى نص ساعة بالضبط بس تتصل برقم الاسعاف المباشر مش النجدة , لازم حضرتك تتصل من خط ارضى مش موبيل دة افضل عشان المكلامة تكون اصلية ,
انا مستغرب فعلا من الرد دة , لان الاسعاف بيوصل بسرعة حسب ظروف المنطقة و العربية المتاحة فى هذا الوقت , انما يقولك انتو بتهرجو لية , دى غريبة .