مرور السعوديه منتهى قلة الأدب (موضوع فكاهي)

[yoko]

أول حاجة بس عشان محدش يقول إني بقارن أو بعمل أ حاجة أنا عايش في السعوديه من زمان لكن مبحبهاش ولو تم تخيري بين مصر والسعوديه هختار مصر
وعملتها قبل كده والناس لما بتعرف بتشتمني
ما علينا نيجي للقصة الي حصلتلي النهارده والي أول ما خلصت كنت هتجنن
رخصت السواقة خلاص هتخلص وكنت عاوز أجددها المهم جبت الدوسيه وعملت كشف بطنى ونظر وصورت الإقامة بتاعتي وبتاعت الوالد وصورة الرخصة ونزلت الطلب بتاع التجديد من على النت ومليته عشان مش ناقص شغل روتين ملوش أي تلاتين لازمة وصورت الرخصة القديمه صورة زياده عشان على ا استلم الرخصة الجديده وطلعت صورتين ليا عشان الورق أعتقد عداني العيب وازح
المهم سألت التجديد بكام فقالولي وقالولي تدفع في أي مكنة atm والموضوع ده من زمان أنا عارفة فدفعت روحت المرور النهارده
دخلت السلام عليكم مفيش حد المهم دخلت لقيت ظابط قلتله عاوز أجدد قالي إدخل الغرفة دي دخلت لقيت الدنيا زحمة موت كنا 4 في المرور كله أنا لقيت كده قولت هيتسلوا علينا وهيتلكعوا كعادتهم
جه دوري بقدم للظابط الملف والرخصة قالي جايب ملف ليه؟ طبعا أنا تنحت قلته عشان أجدد الرخصة قالي هات الرخصة القديمه إدتهاله قالي إرمي الملف ده مش عاوزة قمت حاطة ورا ضهري لقيت صورتي على الكمبيوتر عنده بس إسمي بالإنجليزي مش مكتوب قالي إكتبه كتبته قالي روح أقف هناك عند أخر المكنه دي وقفت أقل من دقيقه لقيت الرخصة الجديده طلعت من المكنه عليها صورتي وكل المعلومات وممغنطة قام قلي مع السلامة
جددت رخصه من ساعة ما سلمت الورق لحد ما إستلمت الرخصة في أقل من 5 دقائق

انا كتب الموضوع ده عشان حاجة واحده إني زي ما الناس حكت الوحش والي عملوه مع المعتمرين والي إتحكى عن الي حصل في الحرم المدني فهما برده ليهم حاجات كويسه محدش يقدر ينكرها وكل مكان فيه الحلو والوحش

ودي صورة الرخصة

[mr_vampire]

فعلا منتهي قلة الادب. ياريت عندنا يبقي قلة ادبهم توصل للسفاقة ده. بس ايه ( رخصة سياقة ده !!!!! ده علي كدة الكويت ارحم ( رخصة سوق ). مايكتبوها قيادة بدل وجع القلب ده.

[MohssenRashed]

مبروك الرخصه ياباش بس ايه الملل ده في 5 دقايق بس؟؟ دي فرحه الرخصه في البهدله بتاعتها هههههههههه


انا عايز اروح اطلع رخصه قياده دراجه ناريه و مش عايز اروح عشان عارف هيحصل ايه.

[megamoudy]

ماشاء الله عقبالنا في مصر لما يحصل عندنا كده يارب
يارب اصلح حالك يا مصر

[م.احمد زكريا]

يا خسارة الملف والتصوير


آآآآآآآآآآآآآآآآآآآآآآآآآآآآآآآآه يا بلدي ... مافيش فايدة فيكي

وبيقولوا عليهم متخلفين وبتوع الجمال والصحراء وإحنا ولاد الحضارة

انا خلاااااااااااااااااااااااااااااااااااااااااااااااا اص هاتجنن

[yoko]

فعلا منتهي قلة الادب. ياريت عندنا يبقي قلة ادبهم توصل للسفاقة ده. بس ايه ( رخصة سياقة ده !!!!! ده علي كدة الكويت ارحم ( رخصة سوق ). مايكتبوها قيادة بدل وجع القلب ده.

سياقة من سوق مش فارقة المهم إنها إتجددت

مبروك الرخصه ياباش بس ايه الملل ده في 5 دقايق بس؟؟ دي فرحه الرخصه في البهدله بتاعتها هههههههههه


انا عايز اروح اطلع رخصه قياده دراجه ناريه و مش عايز اروح عشان عارف هيحصل ايه.

تصدق واحشني البهدلة بتاعت مصر

من غير ضرب والنبي أنا بنزل يومين وببقى مش عاوز أنزل من البيت

ماشاء الله عقبالنا في مصر لما يحصل عندنا كده يارب
يارب اصلح حالك يا مصر

يا رب

يا خسارة الملف والتصوير


آآآآآآآآآآآآآآآآآآآآآآآآآآآآآآآآه يا بلدي ... مافيش فايدة فيكي

وبيقولوا عليهم متخلفين وبتوع الجمال والصحراء وإحنا ولاد الحضارة

انا خلاااااااااااااااااااااااااااااااااااااااااااااااا اص هاتجنن

هما فعلا معظمهم لسه كده بس الفرق إن السلطة هنا عاوز تعمل

[Dojuar]

الكروته وحشة

عشان كده اسم جد والدك ابراهيم ناقصة حرف الألف

ما شاء الله برضوا مع ان شكلك صغير بس عندك 602 سنة

"عارف ان التاريخ بالهجري"

:)

[tutankhamoun]

أحنا عندنا الموظفين لازم يتسلوا عليك و تطلع الذي منه علشان الدنيا تمشي .

هنا في مصر بيخترعوا طرق لتطويل و مط الأجراءات علشان وقتك يضيع و علشان يعملوا سبوبة بتوع مكن التصوير (شغل ضار بالبيئة - ورق مصنوع من الشجر بيتم التخلص منه بمجرد ما حضرتك تمشي )

أحنا للآسف عايشين في بلد متخلفة و الأصل هي الناس و تصرفاتها
يا راجل
رحلات العمرة و الحج دي مسخرة خصوصا اللي طالع بالرخيص

تلاقي الطيارة قلبت ميكروباظ أو توك توك و الناس بتشتم بعض و اللي شايل بؤجة فيها ييجي 50 ك جرام هلاهيل علشان يتاجر فيها أو اللي واخد أكله معاه و اللب اللي بيتأزأز و يترمي على أرضية الطيارة

أمبارح معدي على طريق الواحات بالعربية و ألاقي واحدة (مرتدية اللبس التقليدي لفلاحين مصر ) واقفة على عربية نص نقل من بتوع السوق و بتفرغ على قارعةالطريق زبالة بحجم نصف صندوق السيارة النصف نقل و عادي جدا و الزبالة عمالة تطير على الطريق (الخفيف منها ) و التقيل بيتكوم على الطريق علشان يعمل منظر حضاري (هرم ) علشان السياح تيجي تتفرج عليه و تصوره .

ناس تجيب الضغط

[gebreel]

انا عاوز اتعامل بقلة ادب من دي =))

[enayat]

بس ده كده الرخصة ميبقاش ليها طعم ده
انا مجدده قبل العيد بيومين بعد 3 مشاوير للمرور بسبب ان الكمبيوتر عطلان وبعتوهم مصر يتصلحوا
ويكأننا مفيش حد بيعرف يصلحهم في المنصورة
انا كنت فرحانه بيها اكتر من فرحتي بالعيد

[yoko]

الكروته وحشة

عشان كده اسم جد والدك ابراهيم ناقصة حرف الألف

ما شاء الله برضوا مع ان شكلك صغير بس عندك 602 سنة

"عارف ان التاريخ بالهجري"

:)

هههههههههههههه تصدق مخدتش بالي
والتاريخ بالميلادي غلط أنا 10-4-1989

أحنا عندنا الموظفين لازم يتسلوا عليك و تطلع الذي منه علشان الدنيا تمشي .

هنا في مصر بيخترعوا طرق لتطويل و مط الأجراءات علشان وقتك يضيع و علشان يعملوا سبوبة بتوع مكن التصوير (شغل ضار بالبيئة - ورق مصنوع من الشجر بيتم التخلص منه بمجرد ما حضرتك تمشي )

أحنا للآسف عايشين في بلد متخلفة و الأصل هي الناس و تصرفاتها
يا راجل
رحلات العمرة و الحج دي مسخرة خصوصا اللي طالع بالرخيص

تلاقي الطيارة قلبت ميكروباظ أو توك توك و الناس بتشتم بعض و اللي شايل بؤجة فيها ييجي 50 ك جرام هلاهيل علشان يتاجر فيها أو اللي واخد أكله معاه و اللب اللي بيتأزأز و يترمي على أرضية الطيارة

أمبارح معدي على طريق الواحات بالعربية و ألاقي واحدة (مرتدية اللبس التقليدي لفلاحين مصر ) واقفة على عربية نص نقل من بتوع السوق و بتفرغ على قارعةالطريق زبالة بحجم نصف صندوق السيارة النصف نقل و عادي جدا و الزبالة عمالة تطير على الطريق (الخفيف منها ) و التقيل بيتكوم على الطريق علشان يعمل منظر حضاري (هرم ) علشان السياح تيجي تتفرج عليه و تصوره .

ناس تجيب الضغط

للأسف والله ما عارف أرض

بس ده كده الرخصة ميبقاش ليها طعم ده
انا مجدده قبل العيد بيومين بعد 3 مشاوير للمرور بسبب ان الكمبيوتر عطلان وبعتوهم مصر يتصلحوا
ويكأننا مفيش حد بيعرف يصلحهم في المنصورة
انا كنت فرحانه بيها اكتر من فرحتي بالعيد:b4_048:

فعلا الواحد لما يطلع عينه في الحاجة بيبقى مبسوط بيها

[MohaMed_Refaat]

طيب وديت الدوسية فين انت عايزة فى حاجة يا احمد اصلى قربت اجدد رخصتى :))))
فعلا الناس ماشية للامام واحنا ......................... اقول اية كفاية اللى حصل امبارح فى التراس الاهلى

[fepsceasar]

احنا رايحين فى اتجاه الصومال ودول واخدين سكة السويد .. ربنا يستر
مافيش تجيب ملف وشوف العسكرى والشاى بتاع الست اللى ع الشباك
ده مرة واحد صاحبي بيقولى جابوهالوا على بلاطة
قالولوا عايز الرخصة ثورة ولا مستعجل

[fepsceasar]

ان شاء الله الدنيا تتحسن ومن غير الثورة كان زمنا واخدين الطريق السريع بتاع الفساد دلوقتى يا دوب بنفرمل علشان نعدل نفسنا .. ومهما حصل تحيا الثورة

[SHNORY]

وازاي توصل بيهم الصفاقه وقله الادب انه يقولك روح اقف عند الماكينه الي هناك دي ؟؟؟
هو مش المفروض الماكينه يطلع منها دراعين واحد يطبطب عليك والتاني يسلمك الرخصه
وهي اللي تيجي لحد عندك ؟؟