عايز أجيب صرة فلوس

[رزق]

واللهِ مابهزر
عايز أجيب صرة من اللي كانوا بيشيلوا فيها الدراهم زمان
السبب
في اليوم بأبقى شايل ييجي 15 جنيه على نص على ربع .. إني أعرف أطَلع واحد فييهم...
وطبعا ماينفعش في المحفظة
حل مش عملي ولما تيجي تقعد حتتوجع وتطلعها وتنساها

حد عنده فكرة؟

[ahmad--ezzat]

فى محافظ بيبقى فيها جيب بسوسته
لكن موضوع صره دة مضحك وهيضحك الناس عليك هههههههه

[رزق]

فى محافظ بيبقى فيها جيب بسوسته
لكن موضوع صره دة مضحك وهيضحك الناس عليك هههههههه

هههههه ماشي يا سيدي اضحك براحتك
محفظتي فيها السوستة دي بس باشيل فيها يوروز معدن لزوم الزنقة

كمان 10 جنيه معدن ميدخلوش فيها

[ahmad--ezzat]

بصراحه انا مش بشيل اكتر من 4 او 5 جنيه معدن
انت اللى شكلك بتحتفظ بيهم بقى :)))))))))

[م.احمد زكريا]

لو مش مدخن حطهم في الطفاية

[رزق]

بصراحه انا مش بشيل اكتر من 4 او 5 جنيه معدن
انت اللى شكلك بتحتفظ بيهم بقى :)))))))))

والله مش حكاية بحتفظ بيهم
لكن الواحد بيجيب مية مثلا بيخد الباقي معدن و هكذا

لو مش مدخن حطهم في الطفاية

في العربية ليهم كذا مكان
المشكلة في اي حالة تانية

[Egyzizo]

فيه حاجة ظريفة شفت ناس شايلينها ، عبارة عن اسطوانة بلاستينك على مقاس الجنيه قطراً وتشيل حوالى 15 جنيه طولاً وفيها سوستة بحيث لما تشد منها جنيه التانى يخش مكانة ويبقى جاهز للخروج ، اسأل عليها فى المكتبات أو الناس اللى بيلفوا فى الأتوبيسات.

[مواطن مصرى]

الموضوع مش مضحك و لا حاجه يا جماعه عادى جدا ..

فيه كيس قطيفة بيتقفل بخيط ذهبى شيك جدا جدا شبه السره بيبقى عند بتوع الذهب مره اشتريت سلسله دهب لبنتى و حطلى علبه السلسله فى الكيس ده

ممكن عادى جدا تدخل اى محل دهب و تسأل عليه و تشوف ممكن تشتريه منهم عادى او تعرف بيتباعوا فين و تشتريه من هناك

[رزق]

فيه حاجة ظريفة شفت ناس شايلينها ، عبارة عن اسطوانة بلاستينك على مقاس الجنيه قطراً وتشيل حوالى 15 جنيه طولاً وفيها سوستة بحيث لما تشد منها جنيه التانى يخش مكانة ويبقى جاهز للخروج ، اسأل عليها فى المكتبات أو الناس اللى بيلفوا فى الأتوبيسات.

ممتاز الحل ده وتسوى تمنها
بس اسمها إيه عندك فكرة؟

الموضوع مش مضحك و لا حاجه يا جماعه عادى جدا ..

فيه كيس قطيفة بيتقفل بخيط ذهبى شيك جدا جدا شبه السره بيبقى عند بتوع الذهب مره اشتريت سلسله دهب لبنتى و حطلى علبه السلسله فى الكيس ده

ممكن عادى جدا تدخل اى محل دهب و تسأل عليه و تشوف ممكن تشتريه منهم عادى او تعرف بيتباعوا فين و تشتريه من هناك

تمام بتوع الدهب فعلا عندهم اكياس كده

[eng.octooo]

فيه حاجة ظريفة شفت ناس شايلينها ، عبارة عن اسطوانة بلاستينك على مقاس الجنيه قطراً وتشيل حوالى 15 جنيه طولاً وفيها سوستة بحيث لما تشد منها جنيه التانى يخش مكانة ويبقى جاهز للخروج ، اسأل عليها فى المكتبات أو الناس اللى بيلفوا فى الأتوبيسات.

اسمها كوين كونتينر coins container هتلاقيها فى محدلات 2 ونص والمكتبات الى بتبيع اللعب والحاجات دى منتشرة جدااا

[رزق]

اسمها كوين كونتينر coins container هتلاقيها فى محدلات 2 ونص والمكتبات الى بتبيع اللعب والحاجات دى منتشرة جدااا

نجم
ألف شكر

[azmeralda]

ايوه البتاعة دى فعلا تحفة فى منها بتبقى ميدالية كده هتحل المشكلة تماما وجايبة انا منها بقى واحدة كبيرة للعربية لأنى طبعا اقدر اشيل بوك : )

[nonetta]

هتدوح نفسك ليه
روح عند اي حد من بتوع العطور التركيب
هتلاقي عنده الكياس كدة شبه شفافة ملونة روز وليني وموف وعليها نجوم وقلوب
بيملوها عطر ويعلقوها سواقين الميكروباص في المراية
وليها رباط بيشدها يقفلها
او عند اي حد بيلف هدايا
دول طالعين بدل القطيفة اللي كانوا بيقولوا عليها الاخوة
الاقطيفة بطلت مش موجودة وكمان بتبقى صغيرة جدا

[رزق]

لقيت دي عند محل 2.5

يعني هي منظرها رديئ الصنع لكن أنا مش حاكل بيها
تقضي الغرض

[MOUSTAFA_SAAD]

انا بحطهم فى طفاية العربيه
ينفعوا لما تزود الكاوتش او لما تركن او تشترى اى حاجه خفيفه