محتار جدا ياريت رأيكم فى شقه هجيبها

[ahmad--ezzat]

السلام عليكم ورحمه الله وبركاته
يا جماعه انا كنت عايز اشترى شقه والاسعار زى منتم عارفيين عاليه جدا حتى فى التجمع الخامس وفى المناطق البعيده...المهم الموضوع ان اختى كانت قعده فى شقه من سنه وبعد كده عزلت وراحت منطقه تانيه...عارضه الشقه للبيع...المهم انا بفكر جديا انى اخد الشقه دى خصوصا ان السعر هيكون مش عالى اوى ... بس مشكله الشقه ان المنطقه مش قد كده....مكانها بالظبط فى ميدان ابن الحكم فى الحلميه (ورا سينما بيت العز) اللى شدنى فيها انها قريبه ومش فى المدن الجديده اللى تمشيلها اميال...مش عارف المنطقه مش عاجبانى خالص وحاسس انها مش قد كده خصوصا ان بيتى حاليا فى مصر الجديده
ايه رايكم فى المنطقه دى؟
ياريت مستنى رأيكم ضرورى

[AmatoALLAH]

علي حسب

لو المنطقه انت شايفها مش كويسه و في نفس الوقت تقدر تاخد حاجه بالقسط في اي منطقة جديدة راقيه يكون افضل

اما لو مافيش مقدرة انك تاخد بالقسط يبقي شقة اختك مناسبه

و بعدين مناطق جديدة ايه اللي بعيدة , لو تسال اهلك زمان كانوا بيقولوا ايه علي مصر الجديدة و المهندسين هتعرف انك لازم ماتبوصش تحت رجليك

[Hany Adel]

الشقق اليومين دول عموما
استثمار مميز
كعقارات

ورغم ان فيه حالة ركود عام الا ان اذا كانت الشقة فرصة
فتوكل على الله ما تترددش

واللي بتشتريه النهاردة ب10 حتبيعه باذن الله بكره اكيد بأكتر
ما فيهاش خسارة

تحياتي

[ahmedaglan]

انا شايف انك تتوكل علي الله تعقد في شقة اختك مؤقتا وربنا يسويها بعد كدا
وبالتوفيق

[ahmad--ezzat]

علي حسب

لو المنطقه انت شايفها مش كويسه و في نفس الوقت تقدر تاخد حاجه بالقسط في اي منطقة جديدة راقيه يكون افضل

اما لو مافيش مقدرة انك تاخد بالقسط يبقي شقة اختك مناسبه

و بعدين مناطق جديدة ايه اللي بعيدة , لو تسال اهلك زمان كانوا بيقولوا ايه علي مصر الجديدة و المهندسين هتعرف انك لازم ماتبوصش تحت رجليك

شكرا لردك...بس بالنسبه لشقق 15 مايو والشيخ زايد واكتوبر...المناطق دى بعيده عليا وعلى شغلى وحالى...دى الفكره...اكيد بعد كده هيبقى الموضوع مختلف طبعا

الشقق اليومين دول عموما
استثمار مميز
كعقارات

ورغم ان فيه حالة ركود عام الا ان اذا كانت الشقة فرصة
فتوكل على الله ما تترددش

واللي بتشتريه النهاردة ب10 حتبيعه باذن الله بكره اكيد بأكتر
ما فيهاش خسارة

تحياتي

شكرا ليك الحقيقه دى هتبقى شقه جواز يعنى وانا بصراحه مليش فى البيع والشراء خصوصا فى العقارات

انا شايف انك تتوكل علي الله تعقد في شقة اختك مؤقتا وربنا يسويها بعد كدا
وبالتوفيق

ان شاء الله ربنا يسهل وشكرا لردك

[ahmed1981]

منطقة كويسة وبينها وبين مصر الجديدة محطة أوتوبيس
ومترو الأنفاق جنبك
والأسواق في شارع سليم
يمكن الشوارع ضيقة شوية

لكن كمنطقة فهي منطقة كويسة

-

[ahmad--ezzat]

منطقة كويسة وبينها وبين مصر الجديدة محطة أوتوبيس
ومترو الأنفاق جنبك
والأسواق في شارع سليم
يمكن الشوارع ضيقة شوية

لكن كمنطقة فهي منطقة كويسة

-

باين عليك دارس المنطقه ما شاء الله
فعلا هيا دى بالظبط قدام مدرسه امون
يعنى انت شايف ان المنطقه مش وحشه؟

[alaasaid]

السلام عليكم

المنطقة كويسة و قريبة من مصر الجديدة جدا و على فكرة لما تحب تبيعها تقدر بفلوسها تجيب شقة كويسة فى المدن الجديدة و يتبقى معاك مبلغ لان المدن الجديدة غالبا أرخص من القاهرة . و أهم حاجة الاستخارة و توكل على الله

[ahmed1981]

باين عليك دارس المنطقه ما شاء الله
فعلا هيا دى بالظبط قدام مدرسه امون
يعنى انت شايف ان المنطقه مش وحشه؟

من حوالي أربع سنين كنت بدور لصديق على شقة هناك
وكانت في حدود 70 ألف تقريباً ثلاث غرف

المنطقة أنا بعتبرها من أفضل المناطق في شرق القاهرة بعد مصر الجديدة وبعض الأجزاء من مدينة نصر وليس كل مدينة نصر

كله متوفر
مواصلات مرافق كاملة شوارع أسفلت بالكامل أسواق ..........
طبعاً يتبقى وضع الشقة في العمارة ومساحتها ونوعية الجيران ودي ظروف خاصة بالشقة والعمارة ولا علاقة لها بالمنطقة

-

[ahmad--ezzat]

70
ياخبر
دلوقتى فى عماره طالعه فى نفس الشارع سعر الشقه 500 اللف على كلام السمسار
الشقه 110 متر العماره فيها اسانسير وكله تمام ومتشطبه سوبر لوكس
بس انا اعتراضى على المنطقه
شكرا بجد لردك وربنا يوفق