>>> مستشارك القانوني المجاني <<< - لاعضاء منتدى نايل موتورز

[Hany Adel]

مرحبا بكم
في هذا القسم سنقدم باذن الله للزوار والاعضاء الكرام
المساعده فيما يتعلق بتأسيس الشركات التجاريه بكافة انواعها من
تضامن وتوصية بالاسهم او ذات مسئولية محدوده او مساهمه مفتوحة او مغلقة


وكذا اهم المشروعات التي اشترط لها القانون شروطا خاصة او منحها اعفاءات ومميزات
ومحفزات للمستثمرين

وبما ان العقارات من شقق واراضي وفيلات اصبحت من اهم العناصر
الجاذبة للاستثمار هذه الايام خاصة بمصر والدول العربية
ولارتباطها بالاقتصاد بشكل وثيق فقد آثرنا ان تصبح جزءا من
خدمتنا لكم .


ونرحب بالاسئلة والاستفسارات من الزوار والاعضاء والضيوف

سنقدم المعلومات تباعا باذن الله
وفي انتظار استفساراتكم

[A.Saad]

مرحباً بيك فى المنتدى
ونشكر ليك مبادرتك
لكن ارجو عدم الكتابة بالخط الاحمر لانه معروف فى نايل موتورز انها للادارة

[Hany Adel]

شكرا على المرور الكريم

والمعلومة الخاصة بالالوان

احترامي

[fepsceasar]

بس فكرة حلوة

[النوبي]

كان معمول موضوع زي ده من فتره وخدم ناس كتير بس مع الاسف صاحب الموضوع تقريبا مش بيدخل كتير علشان كده اهمله
ياريت لو يكون فيه نيه للاستمرار في متابعه الموضوع لان الاعضاء بجد بيحتاجوا الاستشارات دي
واولا واخيرا الف شكر علي اللفته الجميله دي من حضرتك

[solyahmed]

شكرااا جزيلا ... للمساهمة القيمة ليا سؤال هو حضرتك محامي حضرتك من سكان الاسكندريه لو من سكانها ممكن نتقابل افضل ..

سؤالين بقي ياريت خطوات تسجيل اسم تجاري يعني زي مترو كده او كارفور ..؟

تاسيس شركه من شخص واحد هل يدخل اي حد معاه والد والده علشان تنفع ولا ممكن تاسيس شركه من شخص واحد

واحد عايز يفتح محل بيع مواد عذائيه اكيد حيطلع بطاقه ضريبيه وسجل تجاري وعايز يقدر يستورد مواد غذائيه كمان حيعمل شركه يكون مقرها نفس عنوان محل المواد الغذائيه تمام كدة طيب هو مش حيقدر يطلع بطاقه ضريبيه وسجل باسمه علشان موظف وعضو نقابه ومتامن عليه طيب هو يعمل ايه ؟؟ يعمل شركه الاستيراد ومحل المواد الغذائيه باسم اي حد تاني مراته والده والبطاقه الضريبه والسجل باسمهم ويكون هو شريك موصي مثلا وياخد توكيل بالاداره ينفع ؟؟؟ طيب محل المواد الغذائيه ليه بطاقه لما يعمل شركه الاستيراد كمان يضم البطاقتين او اضافه نشاط علي البطاقه الاولي ولا يعمل ايه ؟

وشكرااا لك علي الموضوع ...

[Hany Adel]

كان معمول موضوع زي ده من فتره وخدم ناس كتير بس مع الاسف صاحب الموضوع تقريبا مش بيدخل كتير علشان كده اهمله
ياريت لو يكون فيه نيه للاستمرار في متابعه الموضوع لان الاعضاء بجد بيحتاجوا الاستشارات دي
واولا واخيرا الف شكر علي اللفته الجميله دي من حضرتك

ان شاء الله موجود معاكم
وسعيد بالتعاون معكم وبالمنتدى المتميز ده

وححاول مع استجابة الاعضاء نثبت الموضوع

او نعمل له قسم جوه المنتدى الاجتماعي

تحياتي

[Hany Adel]

شكرااا جزيلا ... للمساهمة القيمة ليا سؤال هو حضرتك محامي حضرتك من سكان الاسكندريه لو من سكانها ممكن نتقابل افضل ..

سؤالين بقي ياريت خطوات تسجيل اسم تجاري يعني زي مترو كده او كارفور ..؟

تاسيس شركه من شخص واحد هل يدخل اي حد معاه والد والده علشان تنفع ولا ممكن تاسيس شركه من شخص واحد

واحد عايز يفتح محل بيع مواد عذائيه اكيد حيطلع بطاقه ضريبيه وسجل تجاري وعايز يقدر يستورد مواد غذائيه كمان حيعمل شركه يكون مقرها نفس عنوان محل المواد الغذائيه تمام كدة طيب هو مش حيقدر يطلع بطاقه ضريبيه وسجل باسمه علشان موظف وعضو نقابه ومتامن عليه طيب هو يعمل ايه ؟؟ يعمل شركه الاستيراد ومحل المواد الغذائيه باسم اي حد تاني مراته والده والبطاقه الضريبه والسجل باسمهم ويكون هو شريك موصي مثلا وياخد توكيل بالاداره ينفع ؟؟؟ طيب محل المواد الغذائيه ليه بطاقه لما يعمل شركه الاستيراد كمان يضم البطاقتين او اضافه نشاط علي البطاقه الاولي ولا يعمل ايه ؟

وشكرااا لك علي الموضوع ...

انا من اسكندريه
وباتواجد في القاهرة بردوا


بالنسبة للشركة من فرد واحد دي اسمها منشأة فرديه
ومن الافضل تجاريا ومن خلال تعاملنا مع رجال اعمال وشركات
ان تكون الشركه اموال
وليست اشخاص
لييييييييييه ؟

للتوسعات المستقبلية


وبالنسبة للمحل
عادة مش بيسمحوا في السجل التجاري يكون نشاط بقالة ومواد غذائية
مع شركة


يعني العين ما يكونش عليها 2 سجل تجاري
ومن الافضل اي شقة ليها عقد ايجار معمول له اثبات تاريخ في الشهر العقاري


@@ بالنسبة لان الشخص نقابي
ممكن يدخل شريك .. ولا يكتسب الصفة التجارية سواء موصى
او بشكل اخر يمكن ضبطه
حد يبقى في الواجهة يعني


@@@ البطاقة الضريبية واحده للشخص مهما تعددت انشطته ..
ولكن في حالة شركات الاموال هناك امور خاصة ..
لاننا نتحدث عن شركات مميزه الى حد ما ..


@@بالنسبة لتسجيل علامة تجارية ما فهاش اي مشكله
وده طبقا للقانون متاح للاشخاص الطبيعين
او الشركات .. وليها اجراءات ... للحفاظ على حقوق الملكية
الفكرية لهذه العلامه التجارية


تحياتي وبالتوفيق

[devilishtigers]

شكرا لحضرتك على اللفتة الجميلة
وربنا يجازيك خير

[BRAZILI]

شكرا على هذا الموضوع المفيد و المهم لكثير من الاعضاء

سؤالى بقى ........

فى محل عايز اشتريه .... كان ليه سجل تجارى و بطاقة ضريبية
و هو مقفول من فترة طويلة
صاحبه قفل البطاقة الضريبية و ادانى ورقة بكده
وانا لسه ح اسأل فى الضرايب عنها

بس سؤالى هو

ازاى اتاكد ان المحل ده مفيش عليه اى حاجة تانية
يعنى بعد ما اشتريه هل ممكن يكون عليه حاجات تضرنى
وانا مش واخد بالى منها غير حكاية البطاقة الضريبية

و شكرا مقدما

[Hany Adel]

شكرا على هذا الموضوع المفيد و المهم لكثير من الاعضاء

سؤالى بقى ........

فى محل عايز اشتريه .... كان ليه سجل تجارى و بطاقة ضريبية
و هو مقفول من فترة طويلة
صاحبه قفل البطاقة الضريبية و ادانى ورقة بكده
وانا لسه ح اسأل فى الضرايب عنها

بس سؤالى هو

ازاى اتاكد ان المحل ده مفيش عليه اى حاجة تانية
يعنى بعد ما اشتريه هل ممكن يكون عليه حاجات تضرنى
وانا مش واخد بالى منها غير حكاية البطاقة الضريبية

و شكرا مقدما

اهلا بيك
شوف يا غالي
اي شئ يتعلق بالعقارات بقه شئ متعب
وبصراحة من كم المشاكل في المكتب المتعلقة بهذه المسألة
انا نفسي بقيت قلقان اني اشتري حتى حاجة لنفسي ..


قلة ضمير .. او عدم شفافية قانونية .. ما تعرفش المهم ..

1- عندك الضرائب .
2-الكهرباء والماء .
3-اشغال الطريق لو فيه قضايا يصفيها. عشان رخمه .
4-ان اصلا يكون هو اللي ليه الحق في البيع .
يعني الملكية جات له منين ؟؟؟؟؟؟
لان الزبون بيبيع الجثه بترابها ..

@@@ اسف على الالفاظ .. بس ده حاجة بيننا كمحامين ..
ييجي يبيع وتشتري وفجأة تلاقي واحد طالع دي بتاعتي ..
او انه مجرد وريث ..
او انه معاه توكيل مضروب
او انه معاه توكيل اداره مش تصرف

ليلة طويله ومزعجة ... وكتير من العملاء عندنا استهونوا بيها ......

عشان كده لازم تحاول يكون معاك محامي تثق فيه .. صاحبك .. صديقك
من العيله ايا كان ..

المهم انه بيفهم في المجال واشتغل فيه وف قضاياه ..

@@كتير من العملاء بيفتكروا اننا بنكبر المسألة .. لما بنقول الكلام ده
لكن الحقيقة ان عشان تحافظ على حقوقك لازم تبقى متشدد جدا
اخسر وقت في التحري .. واخسر العقار نفسه ..
احسن ما اخسر فلوسي واتحسر عليها


وما تضايقش من كلامي يمكن كتره المشاكل اللي بتعدي علينا
بتخلينا شكاااااااكين جدا .. وبطريقة متوحشة احيانا ..


بالتوفيق ان شاء الله
ومحل سعيد

[blazer]

السلام عليكم
انا واتنين اصحابى عاوزين نفتح حاجه زى اتيليه
نعمل حاجت فنيه ونبيعها وممكن نعمل حاجات بكميات كبيره
فده عشان يترخص نعمل ايه او ايه الخطوات ؟

[BRAZILI]

شكرا استاذ هانى على الاهتمام و الرد
بارك الله فيك

[Hany Adel]

السلام عليكم
انا واتنين اصحابى عاوزين نفتح حاجه زى اتيليه
نعمل حاجت فنيه ونبيعها وممكن نعمل حاجات بكميات كبيره
فده عشان يترخص نعمل ايه او ايه الخطوات ؟

[overline]اهلا بحضرتك

الاجراءات بسيطة جدا .. حتعمل عقد بينك وبين اصحابك
يتم تحديد فيه نصيب كل واحد
ومن له حق الادارة ..
وعدد من الشروط الاخرى .. الخاصة بتوزيع الارباح وحالة الخسارة لا قدر الله ..

والبقية اجراءات .. مثل الحصول طبعا على المقر ..
وتوثيق عقد الايجار .. او التمليك ..
وبعدها استخرج البطاقة الضريبية .. والسجل التجاري .. وتسجيل العقد الخاص بالشركة في الشهر العقاري ..

واهم ما في الموضوع العقد الخاص بالشركة
لان النفوس تتغيرررررر
والورق ثابت
لذا يجب الاتفاق على كل شئ وتحرير العقد بمعرفة محام تثق فيه ..
لتكون الامور سليمة قانونا وواضحة للجميع ..

بالتوفيق باذن الله
احترامي
[/overline]

[Hany Adel]

شكرا استاذ هانى على الاهتمام و الرد
بارك الله فيك

الشكر لله يا فندم

اهلا بيك