أسعار أجهزة التكييف حاليا

[boty50]

أعزائي

بأذن الله ناوي اركب أجهزة تكييف في بيتي بالأسكندرية
ممكن اعرف الأسعار اية دلوقت؟

اللي بافكر فية هو عدد 3 تكييف حجم من 24000 بي تي يو
سبليت طبعا بارد فقط ، وياريت الماركات الكويسة اللي جربتوها

انا جربت من حوالي 5 سنين تكييف كاريير ومازال جيد جدا

طبعا انا بسأل علشان انا مش متواجد في مصر حاليا وملاحق
الأعلانات لاتصل بالجرائد هنا بالكويت

وشكرا

[ابو سيف]

عليك و على الشارب
قد يكون اغلى حاجة بسيطه اوي و لكن فرق جدااااااا
في التبريد
في الصيانه
في الصوت
في الشكل
في التيكنولوجي

و الاهم اني سمعت من اكتر من مصدر انه اقل استهلاك للكهربا

[boty50]

شكرا أخ يوسف

ولكني اردت أيضا معلوماات عن الأحجام والأسعار اذا امكن
وسأضع الشارب في العتبار بأذن الله
علي فكرة مين بيصنعة أو وكيلة في مصر؟

[أبو عبدالله]

بص هما المقدمة شارب وكرافت
وانا معجب جدا بالشارب ولكن شكروا جامد في الكرافت لو عدد احصنه اعلى
بيبقى تبريد اعلى والتدفئة اعلى برضه

عالعموم هما الاتنين كويسين جدا

لو مساحة صغيرة يبقى شارب علشان التنقية بتاعت الهواء كمان البلازما كلاستر جميله

لو مساحه كبيرة يبقى كرافت

[محمد المصرى]

الكرافت رائع بس يعيبه الوكيل وهو شركة اوليمبك

ضمان 7 سنوات على الكومبروسور وسنة واحدة على اللوحة الداخلية ( هتبوظ بعد سنة )

الشارب احسن واروع من الكرافت

ضمان 5 سنوات على الجهاز بالكامل وطبعا الوكيل شركة توشيبا خدمة رائعة

[ابو سيف]

بص هما المقدمة شارب وكرافت
وانا معجب جدا بالشارب ولكن شكروا جامد في الكرافت لو عدد احصنه اعلى
بيبقى تبريد اعلى والتدفئة اعلى برضه

عالعموم هما الاتنين كويسين جدا

لو مساحة صغيرة يبقى شارب علشان التنقية بتاعت الهواء كمان البلازما كلاستر جميله

لو مساحه كبيرة يبقى كرافت

انا فعلا عندي الاتنين و الاتنين احسن من بعض
و لكن يعيب الكرافت استهلاك العالي في الكهربا
و انا نصحته بالشارب لأنه طلب الاسبليت و دة اللى انا جربته لكني جربت الكرافت في الشباك و هو اكثر من رائع سواء في التبريد او الصوووووووووت الهاديء جدااااااااااا عن الكاريير و هو بالمناسبه امريكي تقفيل سعودي مش عارف ان كان بيتقفل هنا دلوقتي و لا لأ

[أبو عبدالله]

الكرافت رائع بس يعيبه الوكيل وهو شركة اوليمبك

ضمان 7 سنوات على الكومبروسور وسنة واحدة على اللوحة الداخلية ( هتبوظ بعد سنة )

الشارب احسن واروع من الكرافت

ضمان 5 سنوات على الجهاز بالكامل وطبعا الوكيل شركة توشيبا خدمة رائعة

ليه هتبوظ بعد سنه ممكن اعرف


بس كرافت لسه سعودي برضه

بس موضوع الكهرباء ده مش صحيح كليا
لأني كنت فاكر كده
ولما قريت الوات بتاع كل واحد
لقيت ان الكرافت اقل في الكهرباء ولكن في التدفئة اعلى بفارق 400 ك وات تقريبا

اما الباقي كان اقل
وخد بالك انه لما يبقى تبريده اعلى هيفصل اكتر وبالتالي هيقل استهلالكه

[NaderNabil]

طب ايه الأسعار دلوقتي بالنسبة لل 1.5 حصان و ال 2.25 حصان
سبليت و شباك

[محمد المصرى]

ليه هتبوظ بعد سنه ممكن اعرف

لان الجهاز ده عندى واللوحة الداخلية باظت بعد سنة بالظبط

وجيبت واحد معرفة يصلحه

وهذا الشخص ثقة

قالى بالحرف الواحد انه اول مرة يفتح التكيف الكرافت
وانه التكيف الكرافت رائع وتبريده هايل

بس البوردة الداخلية صينى

[ابو سيف]

لان الجهاز ده عندى واللوحة الداخلية باظت بعد سنة بالظبط

وجيبت واحد معرفة يصلحه

وهذا الشخص ثقة

قالى بالحرف الواحد انه اول مرة يفتح التكيف الكرافت
وانه التكيف الكرافت رائع وتبريده هايل

بس البوردة الداخلية صينى

انا عندي تكيفيين كرافت و الاتنين شغالين كويس من سنتين تقريبا و لله الحمد مفيش فيهم اي مشكله
دة حتى المفروض المهندس هيجي انهاردة يعمل الصيانه :d:d

[eng_mkhalaf]

بصم يا جماعة خلينا فى الصناعة الوطنية الشائعو يعنى كارير ويونيون أير
صيانتهم سهلة ومتجربين كتير وسعرهم كويس بس فى حاجة
لو حتجيب سبيلت يبقى كارير بلاش يونيون
لو هتجيب شباك يبقى يونيون بلاش كارير
وأبعد عن 1.25 حصان دة - ملوشى لازمة

[Sherif Khalifa]

بصم يا جماعة خلينا فى الصناعة الوطنية الشائعو يعنى كارير ويونيون أير
صيانتهم سهلة ومتجربين كتير وسعرهم كويس بس فى حاجة
لو حتجيب سبيلت يبقى كارير بلاش يونيون
لو هتجيب شباك يبقى يونيون بلاش كارير
وأبعد عن 1.25 حصان دة - ملوشى لازمة

انا عندى يونيون اير شباك 2.5 حصان و مش عجبنى اوى
التبريد مش زى الكارير

[eng_mkhalaf]

طبعا تبريد الشباك مش زى الأسبيلت -
أنا عايزك تقارن شباك كارير بواحد يونيون وكذلك للأسبيلت هتحس بفرق محترم

[aif]

مع اني من اشد المعجبين والمشجعين لمنتجات العربي عموما
الا اني لازم انصحكم بنصيحة بأمانة
الشارب السبليت جهاز رائع بكل معني الكلمة وضمان العربي ضمان بجد ...
لكن .....
لو ح تركب الجهاز في غرفة نوم ..... يبقي بلاش شارب ...
لأن فيه ملحوظة وحيدة لكنها مؤثرة
الوحدة الداخلية من البلاستك طبعا زي باقي المكيفات ... لكن بتعمل صوت طقطقة نتيجة لإختلاف درجات الحرارة وخصوصا اول ما الكومبريسور يشتغل او يفصل ...
الموضوع دة مش ملاحظ اذا كان الجهاز في ريسبشن ... لكن اثناء النوم بيبقي مزعج ....وده الطبيعي بتاعه ومكتوب الملاحظة دي في الكاتالوج
ممكن يكون ده نتيجة ان خامات البلاستك من نوع منخفظ الجودة
النصيحة انك تركب شارب بدون تردد في الريسبشن
اما غرف النوم ركب كارير n2 صوته يكاد يكون معدوم ... ونفس الكفاءة بتاعت شارب ... لكن ضمانة اعتقد سنة واحدة

[أبو عبدالله]

لان الجهاز ده عندى واللوحة الداخلية باظت بعد سنة بالظبط

وجيبت واحد معرفة يصلحه

وهذا الشخص ثقة

قالى بالحرف الواحد انه اول مرة يفتح التكيف الكرافت
وانه التكيف الكرافت رائع وتبريده هايل

بس البوردة الداخلية صينى

البورده صيني ده مش مشكله لأن اكيد صيني نظيف لأنها المفروض تشتغل في الخليج وما ادراك حرارة الخليج

يعني معلومه ان كل الألكترونيات لكل الشركات العالمية دلوقتي بتصدر من الصين
يعني الموضوع مش جديد

مع اني من اشد المعجبين والمشجعين لمنتجات العربي عموما
الا اني لازم انصحكم بنصيحة بأمانة
الشارب السبليت جهاز رائع بكل معني الكلمة وضمان العربي ضمان بجد ...
لكن .....
لو ح تركب الجهاز في غرفة نوم ..... يبقي بلاش شارب ...
لأن فيه ملحوظة وحيدة لكنها مؤثرة
الوحدة الداخلية من البلاستك طبعا زي باقي المكيفات ... لكن بتعمل صوت طقطقة نتيجة لإختلاف درجات الحرارة وخصوصا اول ما الكومبريسور يشتغل او يفصل ...
الموضوع دة مش ملاحظ اذا كان الجهاز في ريسبشن ... لكن اثناء النوم بيبقي مزعج ....وده الطبيعي بتاعه ومكتوب الملاحظة دي في الكاتالوج
ممكن يكون ده نتيجة ان خامات البلاستك من نوع منخفظ الجودة
النصيحة انك تركب شارب بدون تردد في الريسبشن
اما غرف النوم ركب كارير n2 صوته يكاد يكون معدوم ... ونفس الكفاءة بتاعت شارب ... لكن ضمانة اعتقد سنة واحدة

اما موضوع البلاستيك ده
فده شئ طبيعي في اي حاجه فيها تبريد عالي

يعن انا عندي ديب فريزر امريكي بيعمل كده لما يفصل او تفتحت الباب بتاعه
يعني الموضوع مش مختص بشارب لوحده او نوعية البلاستيك