تتجوزي واحد متجوز ؟

[r0xer]

على المتضرر اللجوء للقضاء المصري

وهوبا هنلاقي ايوة القانون بيديها الحق انها تطلق...وهو قانون وضعي وفيه العبر كلها ولكنه قانون بلدك..لو مش عاجبك روح افغانستان او السعودية هناك من حقك تتجوز ومش من حقها تطلب الطلاق.

بس كدا خلاص..الموضوع سهل عالاخر!

بصراحة الجوازة التانية ليها مفعول السحر احيانا، قريب لي متزوج 2 و جوازته الأولى انصلح حالها بعد جوازته من التانية! والله حصل...بقت خناقاته مع مراته الاولى قليلة و كذلك معاملته لأولاده احسن لانهم بقو يوحشوه والعكس. حاجات كتيرة اتغيرت ولكن للأحسن...

الموضوع معقد و طويل و انا عمري ما هفكر اتجوز واحدة بدون موافقة مراتي الأولانية...احتراماً للعشرة اللي بينا.

برضو صحيح، من حق كل ست انها تكتب في عقد جوازها اللي نفسها فيه، زي ان مثلا جوزها من حقه يتجوز واحدة تانية ولكن يدفعلها مبلغ وقدره 5 مليون جنيه :d و بالتالي عمر الامور جوزها ما هيتجوز غيرها...الدين بيدي الست الحق في حاجات كتيرة جدا و لكن الرجالة مبتحبش تعرفكم كل حاجة عشان متاخدوش حقكم اللي انتوا اصلا واخدينه بزيادة بسبب قوانين ماما سوزان :d

[shaddadfalcon1]

من الأخر الزواج الثاني حلال وشرطه هو العدل بغض النظر عجب الزوجه ولا لآ

انا عن الوضع الحالي اللي احنا عايشين فانتو متوقعين ايه من الستات؟ هو احنا اصلا بنطبق شرع ربنا في الحاجات السهله لما هنطبقها في الصعبه؟
هو احنا بنطبق شرع ربنا في النهي عن المنكر عشان نطبقه في الزواج التاني

بعدنا عن شرع ربنا خلي الناس تاخد اهواءها كمصدر للتشريع

[nonetta]

فيها ايه مش عندي واللي محتاجه عندها انا اديهوله

المشكلة إن الستات عندنا مش قادرين يفهموا إن طبيعة الرجل أنه لا يستكفي بإمرأة واحدة

دي لا مؤاخذة بصراحة طفاسة
يعني الموضوع مش إن التانية فيها إيه مش عند الأولى الموضوع إن دي طبيعة الراجل ببساطة شديدة
مستحيييييييييييييييييل تلاقي واحد ما نفسوش يتجوز على مراته إلا لو كان نفسه اتسدت من صنف الستات كله وجاله يأس منهم



الست ممكن تعمل اي حاجة بس محدش يسرق سنين عمرها ولا تعبها ولا شقاها
أي سنين عمر وأي سرقة
ما فيش حد بيعاني في موضوع الجواز غير الزوج اللي بيعيشله عشرة خمستاشر سنة يشتغل ويتبهدل ويتغرب علشان يقدر يجيب دهب للمحروسة ويعلقلها الستاير
وبعد الجواز بتشيله هم ما يتلم
بعدين زي ما الأولى اتجوزته ووفرلها حياة كريمة
فمن حق التانية إنها توافق على زواجه منه طالما في مصلحتها
هي مش بتسرقه ولا بتخطفه هي عاوزه تعيش حياة كريمة أحلهالها ربنا زي ما الأولى ربنا أحللها وأكرمها بالزواج منه

طيب لو بادئين حياتهم من الصفر ومعدمين وهيا بتشتغل معه وحارمة نفسها في حين ان في ستات تانية مش بتقبل تتنازل عن ربع حق من حقوقها والحياة الكريمة دي ممكن تكون بسبب تدبيرها وتوفيرها وحكمتها وتوفيق ربنا قبل كل حاجة وتيجي التانية تاخده مرتاح من غير تعب وتتمتع في الخير اللي كانت الاولانية السبب فيه








ربنا ما يحكم على اي واحد حرقة القلب لما بتبني حياتها من القاع وتشيله وتستحمله وتربط الحزام عشان توفر له وتيجي واحد عالجاهز لا تعبت ولا شالت الهم ولا وقفت جنبه تاخد الشيلة كلها وتتعامل نفس معاملتي انا
الستات في مصر زماااااااان كانت الواحدة تغسل الهدوم في التشط ولا مؤاخذة وتغسل للأولاد الصغيرين الكوافيل وتمسح وتصحى الصبح تعمل فطار لجوزها وللعيال وتفك فرش البيت كله يوميا وتنفضه وتعمل الأكل وتربي العيال وتدرسلهم وتفضل اسبوع تنسج بلوفر للولد الصغير علشان تحميه من البرد وتطلع تفسحهم عند أمها وتعلمهم الأداب العامة والذوق والإحترام طبعا غبر إهتمامها الشديد بأنوثتها وحياتها الخاصة
وتبقى مخلفة عشر عيال وشايله همهم

دلوقتي الست عندها كل حاجة اتوماتيك وتلاقيها تصحى الظهر والراجل يفطر في الشارع على عربية فول ويرجع هلكان من الشغل والبهدلة يلاقيها يدوبك بتخلص المسلسل التركي وسايبه الدنيا زريبة والعيال لا بتسقيهم خبراتها ولا بتعلمهم حاجة في دنيتها ولو خلفتلها عيل ولا اتنين تلاقيها اتفشكلت وملامحها راحت وتقولك مش كفاية إني خلفت وبأرضع وألبس وأعمل غدا وزفت وعاملاله زي الشغالة في البيت - هو عايز إيه تاني مني !!!!!!!!!!!!!

الست زمان غالبا ما كانتش بتبقى متعلمة وماوراهاش حاجة غير كدة وكمان كانت بقوم من الفجر تعجن وتخبز
دلوقتي الست بتشتغل وطالع عينها في الشغل وترجع تعمل كل اللي انت بتقول عليه دة مستكتر عليها شوية حاجات تتعمل عشان تريحها وبعدين انا في بداية حياتي الزوجية كانت في حاجات كتير مش عندي ولا عندي غسالة اتوماتيك و لا عربية وساكنة في دور عالي وباطلع انا حامل وشارية حاجات تقيلة وراجعة متمرمطة في المواصلات ومتبهدلة في الميكروباصات يعني شقيت وتعبت لحد ما ارتحت شوية
في ستات كتير ما تقبلش تستحمل اللي انا استحملته
وكمان البيت تمام وزي الفل وعمري ما باشتري اكل جاهز عشان اريح نفسي
وبانظف البيت بنفسي مش باجيب حد رغم ان اصحابي اللي مش بيشتغلوا بيجيبوا ناس ينظفولهم

المرأة في أوروبا والدول المتقدمه تلاقيها بتشتغل وتعمل كل حاجة ورغم كده على الستين من عمرها مهتمة برشاقتها وبعد ده كله تلاقي الزوج بيخونها والعياذ بالله مع طوب الأرض
أي والله ورجالة أجانب يحكولنا ويفتخروا بكده

دول ثقافتهم ودينهم غيرنا ما يصحش نقارن نفسنا بيهم وبعدين الست الاوروبية عندها حاجات كتير ناقصة بتسيب ولادها مع بيبي سيتر وتخرج مش بتتعب في شغل البيت زي عندنا والراجل بيخدم نفسه مش بتريحه وتعمل له كل حاجة وهوا اللي بيغسل لنفسه هدومه وبتعمل فاست فود يعني الموضوع مختلف بكل المقاييس

[shaddadfalcon1]

انا شايف ان معظم الردود النسائيه بتتبلور حولين الشغل وان المراه بتقف جنبه والكلام ده

ردي هو انك مش المفروض تشتغلي ولا تساعديه ولو هو مش قادر يفتح بيت يبقي مكنش ليه جواز اصلا من الأول لان الأستطاعه الماديه والجسديه شرط من شروط الجواز
فمعني انك تسيبي بيتك وتنزلي تشتغلي عشان البيه مش قادر يصرف عليكي وعلي عيالك يبقي دي مشكلتك من الاول انك وافقتي ومينفعش تيجي بعد كده تمني عليه

وزي ماقال احد الأخوه قبل كده ان الستات تخلو عن الفطره اللي فطر الناس عليها وسابو بيوتهم اللي ربنا امرهم يقرو فيها ونزلو الشغل وزاحمو الرجال وبالتالي بقو شايفين انهم لايقلو عن الرجال وانهم مينفعش ازواجهم يتجوزو عليهم عشان كده

انا خايف كمان شويه الاقي ستات تطلع تقول احنا مش اقل منهم ولازم احنا كمان يبقي لينا جوز تاني وتالت ورابع

[أبومعاذ]

الردود متوقعة لأن نساءنا الإعلام كون جزء كبير من تفكيرهم و الإعلام دا بيحاول من سنين طويلة يبعدنا عن ديننا و يغربنا بأي شكل
الأخت تبقى صوامة قوامة طالبة علم ومعلمة و عند النقطة دي تلاقي واحدة تانية تماماً

[أبومعاذ]

[youtube]http://www.youtube.com/watch?v=L7P5SSG-4Ko[/youtube]

[Samah AbdAllah]

وهى فى ست اتكلمت على كونه حلال او حرام
ايه دخل الاعلام والشرع والكلام ده
الست بتقول مش هقدر كل انسان وله طاقة
وده بيبفرق من ست للتانية

[أبومعاذ]

وهى فى ست اتكلمت على كونه حلال او حرام
ايه دخل الاعلام والشرع والكلام ده
الست بتقول مش هقدر كل انسان وله طاقة
وده بيبفرق من ست للتانية

لأن الإعلام هو اللي كون عند الست القناعة بإن لما جوزها يتجوز عليها دي إهانة و كدا يبقى عينه فارغة وطفاسة و بالتالي اتكونت عند كل الستات نغمة هي مين دي اللي تقدر و تطيق تكون زوجة تانية او ان زوجها يتجوز عليها

[aminibrahim]

كل الستات ها تقول لأ

لكن كل البنات مش فارقه معهم بالعكس المجوز اسهل ليهم ومعاه فلوس وفاهم الحياه

لكن كلهم بيقولوا ظاهرا لأ

[shaddadfalcon1]

وهى فى ست اتكلمت على كونه حلال او حرام
ايه دخل الاعلام والشرع والكلام ده
الست بتقول مش هقدر كل انسان وله طاقة
وده بيبفرق من ست للتانية

ماهو ده سببه ايه؟

[أحمد كمال]

ماهو ده سببه ايه؟

يعني الست تحرم الراجل من حقه الشرعي عشان "مش قادرة"


بس لو الراجل "مش قادر" يخرج مراته في الويك اند (و ده مش واجب شرعي اساسا بس ما علينا) عشان بيلف الطاحونة زي التور طول الاسبوع و تعبان و عايز يرتاح ...... تقوم الدنيا و ما تقعدش

قس على ذلك لو عايزاه يشتري حاجة و "مش قادر" ماديا ...... الخ الخ الخ

حلو أوي عذر "مش قادرة" ده ...... بس المشكلة انه سلاح ذو حدين !

[human]

يعني الست تحرم الراجل من حقه الشرعي عشان "مش قادرة"


بس لو الراجل "مش قادر" يخرج مراته في الويك اند (و ده مش واجب شرعي اساسا بس ما علينا) عشان بيلف الطاحونة زي التور طول الاسبوع و تعبان و عايز يرتاح ...... تقوم الدنيا و ما تقعدش

قس على ذلك لو عايزاه يشتري حاجة و "مش قادر" ماديا ...... الخ الخ الخ

حلو أوي عذر "مش قادرة" ده ...... بس المشكلة انه سلاح ذو حدين !

اللى بتتكلم عليه يا صاحبى هى خلافات يوميه
عاديه تنشب بين الرجل و زوجته
هيه برضه عندها عذرها قاعده طول اليوم مش بتعمل حاجه ولا شايفه اللى متجوزاه و يجى ينام فى الطابونه

كل واحد بيشوف من وجهه نظره

مش قادره اللى انت بتتريق عليها ديه نفسيا و معنويا ده مش مصروف بيت ولا خروجه ولا اى خلاف يومى ديه نفسية اللى متجوزها اللى ماتقدرش تقول المفروض و مش المفروض

الست لما اتجوزت الراجل عارفه انه ليها لوحدها تقطعه تكويه تغسله هو يبهدلها تظل مشاكل بينهم ممكن تستحيل العيشه معاها و ممكن يوصلوا لصيغة
بس الراجل يتجوز واحده تانيه ده تغيير فى اساس العلاقة
الا لو متفقين عند الجواز انك تتجوز عليها من الاول

عشان كده انت بتقيس على اللى يريحك من غير ما تقيس على اللى يريحها


على العموم الجواز قرف

[Samah AbdAllah]

لأن الإعلام هو اللي كون عند الست القناعة بإن لما جوزها يتجوز عليها دي إهانة و كدا يبقى عينه فارغة وطفاسة و بالتالي اتكونت عند كل الستات نغمة هي مين دي اللي تقدر و تطيق تكون زوجة تانية او ان زوجها يتجوز عليها

لا كتير يقبلوا يكونوا زوجة تانية المهم ميجيبلهاش تالتة وتبقا هى فى موقف الاولى
وبعدين لو الراجل يقدر يعدل فعلا مش هيبقا فى مشكلة
لكن مين يقدر يعدل ده احنا بشر وربنا قال ولن تعدلوا
وبعدين محدش حرم شرع ربنا بس زى ما ربنا حلل التعدد
حلل للزوجة الطلاق فى حالة استحالة العشرة والكراهية
ضيف بقا لانها اساسا ثقافة شعب الى جانب الظروف المادية الصعبة
فى الخليج التعدد شئ عادى جدا ومفيهوش مشاكل ولا صدمة ولا طلاق ولاحاجة
هم ده العادى عندهم فاتربوا على انه مش شمكلة ولا عيب وكمان ماديا معندهومش مشاكل والراجل يقدر يصرف على بيت واتني وثلاثة
لكن لو زى ما كمال بيقول بيلف فى الطاحونة ومش قادرة يخرجها ولا يشتريلها اللى عاوزاه
هيقدر يتجوز ويفتح بيت تانى منين
مادام مش قادر يبقا يوفر اللى هيصرفه عالبيت التانى ويصرف عالاولانى كويس
ده مش شرعا لانه غير ملزم يخرجها ويجيبلها والكلام ده
لكن منطقيا هيعدل ازاى اذا كان بيلف فى طاحونة العمل طول اليوم
وعلى فكرة اللى عاوز يتجوز تانى بيتجوز مش بيهمه الزوجة هتطلب الطلاق ولا

[Samah AbdAllah]

اللى بتتكلم عليه يا صاحبى هى خلافات يوميه
عاديه تنشب بين الرجل و زوجته
هيه برضه عندها عذرها قاعده طول اليوم مش بتعمل حاجه ولا شايفه اللى متجوزاه و يجى ينام فى الطابونه

كل واحد بيشوف من وجهه نظره

مش قادره اللى انت بتتريق عليها ديه نفسيا و معنويا ده مش مصروف بيت ولا خروجه ولا اى خلاف يومى ديه نفسية اللى متجوزها اللى ماتقدرش تقول المفروض و مش المفروض

الست لما اتجوزت الراجل عارفه انه ليها لوحدها تقطعه تكويه تغسله هو يبهدلها تظل مشاكل بينهم ممكن تستحيل العيشه معاها و ممكن يوصلوا لصيغة
بس الراجل يتجوز واحده تانيه ده تغيير فى اساس العلاقة
الا لو متفقين عند الجواز انك تتجوز عليها من الاول

عشان كده انت بتقيس على اللى يريحك من غير ما تقيس على اللى يريحها


على العموم الجواز قرف

ايه الكلام الجامد ده
ربنا يكرمك يارب يا طارق بيك
قوله اصل كمال بعد ما قولنا خلاص الحمدلله اتصالح مع المرأة وهيتوقف عن الهجوم
طلع بيخدعنا وازداد عداوة :)))
هى المدام قاعدة جنبك ولا ايه :)))

[human]

ايه الكلام الجامد ده
ربنا يكرمك يارب يا طارق بيك
قوله اصل كمال بعد ما قولنا خلاص الحمدلله اتصالح مع المرأة وهيتوقف عن الهجوم
طلع بيخدعنا وازداد عداوة :)))
هى المدام قاعدة جنبك ولا ايه :)))

بخاف تدخل تشوف انا بكتب ايه :)

و انتى عارفه الجبن سيد الاخلاق :)

و من لم يمت بالسيف هيموت متقطع فى اكياس