تتجوزي واحد متجوز ؟

[أبومعاذ]

هو انا حضرتك اللى قولت ولن تعدلوا
ده كلام ربنا برضه مش من عندى
واللى شايف فى نفسه القدرة على الانفاق والعدل يتجوز
وميهموش من الزوجة ما دام بيرضى ربنا
وزى ما بتستخدم حقك اللى ربنا اداهولك فى انك تتجوز
متمنعهاش تستخدم حقها فى الطلاق او الخلع

هو الخوف بس ان الواحدة تيجي قدام ربنا و يسألها هدمت بيت مسلم ليه
بس أنا مع الرأي اللي بيقول إن الواحد لو معاه انسانة صالحة و كويسة ميتجوزش تاني الا بعد ما يسترضيها إكراما لها

[waelfarid]

شديدة ياابو كمال انها تمنعه من الحور العين دي اهو دا اللي كان ناقص مهو الجنة غالية والاجواز بيدفعو تمنها من تحملهم لقرف الزواج
بس ممكن بعض ازواج يسيبو الجنة مخضرة للزوجات النكديات من شدة القرف

[human]

هو الخوف بس ان الواحدة تيجي قدام ربنا و يسألها هدمت بيت مسلم ليه
بس أنا مع الرأي اللي بيقول إن الواحد لو معاه انسانة صالحة و كويسة ميتجوزش تاني الا بعد ما يسترضيها إكراما لها

ليه
ممكن الطلاق يكون رحمه
مش كل واحده بتطلب الطلاق هى شيطان عايز يخرب البيت

[waelfarid]

حلوة دي بتقولي يامدام سما انها مش حتبصله في الجنة علي اساس انها طلعت عينه في الدنيا وحتاخد الجنة كمان هههههههههههههه

[Samah AbdAllah]

حلوة دي بتقولي يامدام سما انها مش حتبصله في الجنة علي اساس انها طلعت عينه في الدنيا وحتاخد الجنة كمان هههههههههههههه

بيقولك الجنة تحت اقدام الامهات
يبقا مين اللى داخل الجنة ؟؟؟ :-)))

[waelfarid]

افضل وسيلة للتفاهم مع المرأة هي الهروب من أمامها الي ان تهدأ

[أبومعاذ]

ليه
ممكن الطلاق يكون رحمه
مش كل واحده بتطلب الطلاق هى شيطان عايز يخرب البيت

مش مختلفين ....أنا قصدي على الحديث:
أيما امرأة سألت زوجها الطلاق من غير بأس فحرام عليها رائحة الجنة

[Samah AbdAllah]

افضل وسيلة للتفاهم مع المرأة هي الهروب من أمامها الي ان تهدأ

على فكرة احيانا الهروب من اماها الى ان تهدا دى بتزود عصبيتها مش بتهديها :))

[أبومعاذ]

بيقولك الجنة تحت اقدام الامهات
يبقا مين اللى داخل الجنة ؟؟؟ :-)))

الحديث دا بين الضعيف و الموضوع و المنكر :)
لكن في حديث تاني بمعنى قريب:
جاء رجل إلى النبي صلى الله عليه وسلم ، فقال : يا رسول الله, أردت أن أغزو ، وقد جئت أستشيرك ؟ فقال : هل لك من أم . قال : نعم ، قال : فالزمها فإن الجنة تحت رجليها

[Samah AbdAllah]

الحديث دا بين الضعيف و الموضوع و المنكر :)
لكن في حديث تاني بمعنى قريب:
جاء رجل إلى النبي صلى الله عليه وسلم ، فقال : يا رسول الله, أردت أن أغزو ، وقد جئت أستشيرك ؟ فقال : هل لك من أم . قال : نعم ، قال : فالزمها فإن الجنة تحت رجليها

امشى يا ضعيف امشى يا موضوع
خلينا فى اللى انت متاكد منه :)))
اهى الجنة تحت رجليها برضه

[shaddadfalcon1]

بيقولك الجنة تحت اقدام الامهات
يبقا مين اللى داخل الجنة ؟؟؟ :-)))

ماهو ممكن تكون لسه مخلفتش

[Samah AbdAllah]

ماهو ممكن تكون لسه مخلفتش

دى ربنا يتولاها بقا
احنا عدينا والحمدلله

[د/أحمد ابراهيم]

اعوذ بالله ايه الي انت بتقوله دة ؟؟؟

ليه يعني ؟؟

انا شايف الموضوع سخن اوي والناس بتتخانق مع بعض
وبعدين هو لو لم تكت معي فانت ضدي

هتستفيد ايه حضرتك لما الناس تتجوز او تطلق ؟؟ او ما تتجوز خالص ؟؟؟

انت فتحت موضوع مغلق من زمان اوي عند الستات

كنت افتحه في الأربعينيات ولا الخمسينيات

لكن في 2011 الأراء كلها ضد التعدد

وبعدين انا بقول واقع
لو انت مش عايشه يبقي انت حاجة غريبة
لكن هاتلي النهاردة موظف حكومة وبيروح الشغل وبيزوغ الساعة 12 وقاعد في البيت من 12 الظهر لحد الساعة 7 الصبح لما ينزل تاني

اعتقد حضرتك لازم تحترم اراء الغير

الموضوع مفتوح للنقاش ومن الرجالة اكثر من الستات

انا مش بغير شرع ربنا ولا هحط شرع جديد

ولكن "أتؤمنون ببعض الكتاب وتكفرون ببعض" صدق الله العظيم

زي ربنا ما قال مثني وثلاث ورباع
قال فواحدة

وزي ما قال فأضربوهن
قال وعاملوهن بالمعروف

هات حضرتك تفسير الأيات واسباب النزول ولو في ايات ناسخة او واضعة وبعد كدة تتكلم مش بتعمل زي "ولا تقربوا الصلاة"

ربنا ماقالش الزواج فرض يبقي هيحكم علينا بالتعدد
طب انا مش عايز اساسا وحتي لو كانت بالتي هي مين ابقي كفرت بشرع ربنا

اتقي الله
وربنا يسامحك علي رأيك فيا

والله المستعان
،
،

هداك الله وغفر لك

بتستخدم الايات في غير محلها... وبتستخدم ايات خاصة بوصف حال اليهود في وصف اخيك المسلم

وبعد ده كله بقيت انا الجاني والمهاجم والذي ارفع شعار "لو لم تكت معي فانت ضدي"

ربنا ماقالش الزواج فرض يبقي هيحكم علينا بالتعدد
طب انا مش عايز اساسا وحتي لو كانت بالتي هي مين ابقي كفرت بشرع ربنا

جبت منين الكلام ده؟

حضرتيك قريت المشاركة بتاعتى اصلا... انا لم اتهمك بشيء بل كلامي كان واضح انك حر في نفسك
عايز تتجوز او لا الشرع بيسمحلك........ هو حضرتك بتبتكر كلام انا مقلتهوش وبعدين تهاجمني بيه؟!!!

وده نص المشاركة:

ممكن انت ظروفك ما تسمحش ......... الدين الاسلامي مبيفرضش عليك تتجوز اثنين او اكثر

لاكن غيرك ليهم الحق في التحرك زي ماهم عايزين طالما الشرع مديهم الحق ده

واضح انك عكست الادوار

كمان هل تعبت نفسك وقريت التفسير اللى كان محطوط في اللينك (في مشاركتي السابقة في نفس الموضوع)

التوفيق بين قوله تعالى: { فإن خفتم ألا تعدلوا } وقوله: { ولن تستطيعوا أن تعدلوا } - موقع مقالات إسلام ويب

وبعدين انا بقول واقع
لو انت مش عايشه يبقي انت حاجة غريبة
لكن هاتلي النهاردة موظف حكومة وبيروح الشغل وبيزوغ الساعة 12 وقاعد في البيت من 12 الظهر لحد الساعة 7 الصبح لما ينزل تاني

حضرتك عملت مسح احصائي لموظفي الحكومة في مصر ولا ده رأى اجتهادي منك؟

بالمناسبة شكرا على الوصف "يبقي انت حاجة غريبة" ممكن اكون كائن فضائى وانا مش واخد بالى؟!

اعتقد حضرتك لازم تحترم اراء الغير

ياريت حضرتك تجرب لمدة 3 دقائق انك تبدل الادوار معايا وتخيل اني انا اللى كتبت المشاركة الطويلة دي وبوصفك فيها..... لو صدقت مع نفسك هتعرف كويس مين بيحترم الاخرين

انت فتحت موضوع مغلق من زمان اوي عند الستات

الظاهر حضرتك ماقراتش اول بوست .......... مش انا اللى فتحت الموضوع وان كنت وبوضوح أؤيد التعدد... وشكرا لصاحب الموضوع على اعطائى الفرصة لذكر رأيى

ايا يكن انا معنديش وقت اكتر (عذرا) عشان ااستفيض اكتر

وياريت اخي الفاضل انك تعتبر كلامي مجرد نصح من اخ لك ... لك ان تقبله ولك ان ترفضه

هدانا الله واياكم الى مايحب ويرضى

[إبراهيم المصرى]

يا جماعه عايزين نبقى واقعيين الموضوع فى أوله بيسأل توافقى جوزك يجوز عليكى إحنا متوقعين تكون إيه الاجابه تقولك موافقه بكل بساطه ويمكن كمان تزغرط ولا هو موضع التعدد واجب شراعا وفرض زى الصلاه
الموضوع ميجيش كده لابد من الحكمه اللى قال عنها المولى عز وجل ما معناه من يؤتى الحكمه فقد أوتى خيراً كثيراً ، اللهم أتنا الحكمة
الموضوع عامل زى القتال فاذا كان قدرا ومكتوب اذا لا مفر لكن ان لم يكن له داعى فلا داعى لان الزواج للمره التانيه مش رحله الى حديقة الحيوان
على حد علمى الزواج زى ما سبق وقلت فى مشاركه سابقه فى نفس الموضوع له حكمه الشرعى اول او تانى او تالت مره ممكن يكون واجب وممكن يكون حرام وما بينهما من احكام حسب مقدرة كل واحد من الصحة والمال والقدره على العدل ويجب عدم الاسراف لان فيما معناه ان الله لا يحب المسرفين ( وكلوا واشربوا ولا تسرفوا )
والله الموفق

[nonetta]

انا شايف ان معظم الردود النسائيه بتتبلور حولين الشغل وان المراه بتقف جنبه والكلام ده

ردي هو انك مش المفروض تشتغلي ولا تساعديه ولو هو مش قادر يفتح بيت يبقي مكنش ليه جواز اصلا من الأول لان الأستطاعه الماديه والجسديه شرط من شروط الجواز

فمعني انك تسيبي بيتك وتنزلي تشتغلي عشان البيه مش قادر يصرف عليكي وعلي عيالك يبقي دي مشكلتك من الاول انك وافقتي ومينفعش تيجي بعد كده تمني عليه

مين قال اني باشتغل عشان هوا مش قادر يصرف عليا
هوا واخدني باشتغل
ولو فرض اني باشتغل مش عشان اساعده عشان نعيش عيشة افضل مش عشان هوا اللي يعيش عيشة افضل
ولو مش قادر يصرف عليا يبقى مش ذنبه ماهو انا ممكن اخده غني ومعاه فلوس و يتعسر يبقى اطلق منه عشان مش قادر يصرف عليا؟؟؟

و انا مش بامن عليه ولا حاجة زي ما سيادتك بتقول .. المفروض اني شريكة في كل حاجة
ينفع انت تبني بيت طوبة طوبة وتتعب فيه وتعرق و اول ما تخلصه وتيجي ترتاح تلاقي اللي جايلك عالجاهز يشاركك فيه ويقول لك زيي زيك ؟؟

هوا لما الواحدة تتمسك باستقرارها تبقى اجرمت


وزي ماقال احد الأخوه قبل كده ان الستات تخلو عن الفطره اللي فطر الناس عليها وسابو بيوتهم اللي ربنا امرهم يقرو فيها ونزلو الشغل وزاحمو الرجال وبالتالي بقو شايفين انهم لايقلو عن الرجال وانهم مينفعش ازواجهم يتجوزو عليهم عشان كده

مين قال كدة
انا واحدة من الناس متضايقة من شغلي بس اتعودت على الدخل اللي بيوفر لنا حياة افضل مش معنى كدة انه مش قادر يصرف عليا .. وهوا مش غاصبني على الشغل وكذا مرة طلب اني اقعد .. هوا حد يكره الراحة ..

للاسف الشديد احنا بناخد من الشرع الحقوق وبنهتم اوي اننا نستفيد منها كاملة
وبننسى اغلب الواجبات

انا خايف كمان شويه الاقي ستات تطلع تقول احنا مش اقل منهم ولازم احنا كمان يبقي لينا جوز تاني وتالت ورابع