تتجوزي واحد متجوز ؟

[human]

على فكرة احيانا الهروب من اماها الى ان تهدا دى بتزود عصبيتها مش بتهديها :))

شوفتوا
جبتش حاجه من عندى!!!!


تمشى من ادامها عشان تهديها - يبقى الرد انك تزود عصبيتها
تقف عشان تتكلم يبقى بتعصبها
تتخانق تبقى بتعصبها

فى العموم اى حاجه الواحد هيعملها هتزود فى عصبيتها

الواحد يعمل اللى يجى فى دماغة و ربنا يسترها

[waelfarid]

شايفين

[yousef1978]

هو انا حضرتك اللى قولت ولن تعدلوا
ده كلام ربنا برضه مش من عندى
واللى شايف فى نفسه القدرة على الانفاق والعدل يتجوز
وميهموش من الزوجة ما دام بيرضى ربنا
وزى ما بتستخدم حقك اللى ربنا اداهولك فى انك تتجوز
متمنعهاش تستخدم حقها فى الطلاق او الخلع

أختي الكريمة

أعتقد فهم حضرتك للآية غير صحيح

لما نزلت آية التعدد الأولى وجاء فيها تعحذير من الله سبحانه وتعالى لمن يريد التعدد أن يضمن العدل فقال سبحانه وتعالى: بسم الله الرحمن الرحيم "فَإِنْ خِفْتُمْ أَلاَّ تَعْدِلُواْ فَوَاحِدَةً" صدق الله العظيم

مجتمع الصحابة مجتمع حريص على رضا الله سبحانه وتعالى والصحابة رضوان الله عليهم هم أكثر المسلمين خوفا من الله فتجنبوا التعدد مخافة الوقوع في المحظور ظنا منهم أن العدل يجب أن يكون مطلقا أبدا

فنزلت الآيات الأخريات وفيها : بسم الله الرحمن الرحيم : "وَلَنْ تَسْتَطِيعُوا أَنْ تَعْدِلُوا بَيْنَ النِّسَاءِ وَلَوْ حَرَصْتُمْ " صدق الله العظيم

وهذا تعليم من الله لنا أن الإنسان لا يستطيع أن يعدل عدلا مطلقا في كل شئ وكل لحظه وأن المطلوب هو العدل المستطاع وليس العدل المطلق

لكن أكيد لو أن المطلوب هو العدل المطلق وأن فهم حضرتك للآية صحيح وهو أن الله يقر أن الإنسان لن يستطيع العدل المشروط عليه في التعدد
فلماذا أحل الله له التعدد طالما أنه سبحانه وتعالى يعلم أنه لن يستطيع أن ينفذ شروطه ؟؟!!




ثانيا : حضرتك بتتكلمي على حق المرأة في الطلاق وكأنه حق مطلق

الرجل تحمل أعباء الزواج ومن حقه الطلاق لو كره وهذا الحق مقيد بأمرين

أولهما أن يكون متضرر وغير متعسف في طلاقه ولو لم يكن في حاجة إلى الطلاق واستحالة من العشرة فإن الله سبحانه وتعالى سيحاسبه حسابا عسيرا على ذلك وقد حذرنا رسول الله صلى الله عليه وسلم من الرجال الذواقين الذين يتزوجون ويطلقون بغير حاجة ملحة

وثانيهما أن الرجل إذا أقدم على قرار الطلاق فعليه أن يتحمل الأعباء المادية سواء بخسارته ما قدمه قبل وأثناء الزواج أو ما يترتب على الطلاق من حقوق للمرأة

والحاجات المادية دي قد تكون بالنسبة لك أو لأي موسر أمور بسيطة وغير حاسمه لكن البعض تمثل له تحويشه العمر بل ويظل عليه حقوق يدان بها في المستقبل

أما من الإنسانية فالرجل الذي يرغب في التعدد قد لا يكون كارها لزوجته ولذلك فهو يريد أن تعيش معه ويحبها ويحتاج إليها ولكنه يحتاج إلى إمرأة أخرى وهذا ما قلنا إنه حقه

وبالنسبة للمرأة فالطلاق ليس أمرا هينا زي ما حضرتك بتقولي إنها تتطلق وتشوف طريقها مع حد تاني
لأن غالبا بيكون عندها أولاد وعلاقة الأم بأولادها زي علاقة القطة باولادها هي تعتبرهم قطعة منها ولا تسمح لأحد أن يقترب منهم ولو حتى ليقدم لهم مساعدة أو طعام
وأكييييييييد عمليا فرص المرأة التي لديها أولاد في الزواج قليلة
وفيه نقطة تانية حضرتك مش واخدة بالك منها وهي إن زوجها الحالي ممكن يكون مناسب جدا لها وممكن تكون بتحبه ومرتبطه بيه وهو كل شئ في حياتها وممكن ما ترتاحش مع حد تاني وده غالبا اللي بيحصل حتى لو اتجوزت واحد كويس ومواصفاته أعلى من زوجها السابق وده نادرا

أنا بأكلم بكل عقلانية وعلى أساس إن الرجل والمرأة كل واحد بيفكر في مصلحته

لأن حضرتك بتفترضي إن مجرد تفكير الرجل في الزواج على زوجته فده معناه إنه ما يهمهوش مصلحتها ومش هيبكي عليها
أنا أؤؤكد لحضرتك إن غاااااااااااااااااالبية الرجال يتمنون الزواج على زوجاتهم
وأن السبب الرئيسيييييييييي في منعهم هو خوفهم على مصير زوجاتهم وخصوصا لأن المرأة المصرية متشربة فكرة أن ( قبر يلمه ولا حرمة تضمه ، وجوازته ولا جنازته )

وأنا أتذكر إمرأة كانت باعته قصة للكاتب الراحل عبد الوهاب مطاوع رحمه الله - وهي تحكي له أنه قد حدثت بينها وبين زوجها مشادة بعد أن علمت برغبته في الزواج عليها وأخذت تدعو عليه بالموت وبعدها بوقت قليل توفاه الله في حادث
وأخذت تقول في قصتها كيف إنها تتمنى أن يعود لها زوجها وأن يتزوج عليها ما شاء


وعلشان كده اللي مش واخدين بالكم منه في موضوعي إني سألت أسئلة للنساء بخصوص هل لو كان موضوع التعدد في مصلحتهم سواء المرأة الغير متزوجة أو المرأة التي سيتزوج عليها زوجها
هل هيوافقوا ويعملوا العقل

ولا ضعف الشخصية هو اللي هيسيطر وخوف المرأة في مصر من أن يقال عليها خطافة رجالة أو أن يقال جوزها اتجوز عليها لييييييييه - ونلاقيها ترفض الزواج من شخص متزوج ولو في مصلحتها أو تطلب الطلاق من زوجها رغم إنها عايشه عيشه كريمة ما تحلمش بيها غيرها




موضوع إن الست بتساعد الراجل فانا سمعت من قول عن الإمام ابن حزم معناه أن الله قد أمر الرجل الموسر أن يوسع على زوجته وعياله فكان بالمثل على المرأة الموسرة أن توسع على زوجها

الحياة الأسرية مش حساب بالمسطرة وأنا صرفت على مراتي كام وهي جابت إيه

الموضوع إن كل واحد بيحاول يوفر حياة أفضل للآخر ولا يقول المعاملة بالمثل

يعني أنا زوجتي لو عاملتي كويس أو وحش هأصرف عليها وهأجيبلها كل ما أستطيع ولو فيه مشاكل وعايشه عند بيت أبوها

والراجل في رأيي لا يفرض على زوجته العمل ولكن لا تكلف المرأة الرجل ما لا يستطيع من مصروفات ولو هي مش مستحملة ظروفه إما تساعده بإنها تبحث عن وظيفة محترمة لا تخل بها ولا تخل بمسئولياتها ولا أنوثتها أو إنها تخلعه وتبحث عن حياة أفضل

وأقول هنا تخلعه مش تطلب منه الطلاق لأن الرجل لم يقصر ولم يأخذ منها حق ليس من حقه
فمش معقولة تاخد كل ما يملك وتقوله فكك مني وتدور على مصلحتها بفلوسه - مش كده ولا إيه


الشيخ القرضاوي ربنا يتقبل منه ويقبله كان بيقول ( جائتني إمرأة تسألني وتقول زوجي رجل شديد الحرارة وأنا إمرأة شديدة البرودة فماذا أفعل - فقلت لها زوجيه - ابحثي له عن زوجة بنفسك تكون مناسبه للحياة معك ولا تسئ إليكي - لماذا تدفعيه لكي يمشي في طريق خاطئ أو أن يعيش معكي تعيس )

أنا بأقول الكلام ده للأخت الكريمة اللي بتقولي إن فطرة الله في الرجال طفاسة
يا أختي الكريمة طبيعة الرجل غير طبيعة المرأة
المرأة في علم الإجتماع يقال إنها لا تحب تقلب الوجوه - وهذا تعبير محترم ومعناه كبير
أما الرجل فتفكيره وميوله ورغباته ومشاعره مختلفه
المرأة تعتبر زوجها هو كل حياتها أما الرجل فيعتبر زوجته أهم قيمة في حياته لكن هناك امور أخرى كثيرة بجانبها
المرأة حاجاتها مختلفة عن الرجل
الرجل حوله في هذا الزمن إثارة لا تحتمل



ونرجع تاني وأقول لحضراتكم هل التعدد في مصلحة المرأة ولا لأ وده المهم هنا

غالبا الرجل ما يبحث عن إمرأة بكر لم يسبق لها الزواج
حتى الرجل الأرمل أو المطلق او المنحرف يحرصون غالبا على الزواج من بكر خوفا من فشل تجاربهم القادمة ولميل الرجل الجرب إلى هذا الأمر
والرجل البكر أكيد بيكون أشد حرصا على ذلك
طيب إذا لم يكن هناك تعدد يزيد من طلب عدد الرجال الراغبين في الزواج ويزيد من عدد الشرائح التي يطرقون بابها فالمرأة المطلقة والأرملة وذات الحاجة وكبيرة السن من ينظر إليها
هل نحكم عليهن بالعنوسة الأبدية

هل نحكم على المرأة المتزوجة من زوج فاسد ولا يحتمل أن تتحمله وتعيش في تعاسة وجحيم لأنها لو طلقت منه فلن تجد من ينظر إليها لأن المجتمع عندنا يرفض فكرة التعدد

كل إمرأة متزوجة حاليا غاااااااااااااالبا ما ستصبح في الغد إما أرملة أو مطلقة فهل سيكون رأيها في التعدد أنه جريمة لا تغتفر إذا وقفت نفس هذا الموقف في الغد أم أنها سترى أن التعدد هو رحمة للعالمين وستدافع بشدة عن زواج الرجل ولو بغير حاجة أو بغير تقصير من زوجته

أكيد التعدد هو في مصلحة الرجل إذا أحسن التجربة
وأكيد هو في مصلحة المجتمع
وأكيد في مصلحة الزوجة الثانية حتى وإن كانت المرأة في مصر تخشى من نظرة المجتمع

لكن هل هو في مصلحة الزوجة الثانية ؟؟ هذا ما نريد إجابة عليه من ضمن أسئلة ورقة الإمتحان



أما موضوع إن الرجالة ما عندهمش القدرة يفتحوا بيت لما يفتحوا اتنين
فانا أقول لحضراتكم اللي شايف نفسه مدهوك ومش قادر فأكيد مش هيقدم على كده

لكن فيه ملاييييييييين من المصريين عندهم القدرة المادية والرغبة في التعدد لكن خايفين من هدم المعبد رغم إنهم ممكن يطلعوا بره المعبد ويعيشوا حياتهم مع الزوجة التانية والأولى تخبط دماغها في الحيط زي الأخوات الكريمات ما قالوا هنا

وفيه ملايين من المصريين رجال اعمال متجوزين عرفي من السكرتيرات أو حتى عايشين حياتهم من غير ورقة العرفي الموقرة !!!!!!

غير إن فيه ستات في مصر محتاجين راجل فقط بدون أي ماديات أخرى ومستعدين يتجوزوه ولو زواج مسيار ويمكن كمان يساعدوه في حياته الأولى ماديا او تكون محتاجة زوج أمين يراعي مصالحها ويسأل عليها بدل ما هي عايشه وحيدة مقهورة






العالم كله يبحث عن حلول لمشاكله بما يتفق مع مبادئة

العالم الغربي يقول إن الإنحلال هو الحل
الحل الأمثل عندهم أن الرجل والمرأة يعيشون حياتهم بلا قيود ويتقابلون متى أرادوا ويغيرون العلاقات كلما أصابهم الملل ولا يرون في ذلك عيبا
بل فيه جمعيات هناك في الغرب لكي توفر لمن يفشل في الحصول على علاقة فيساعدونه في البحث عن الشريك الذي يناسب طموحاته ورغباته وقدراته المادية وفترات المقابله

هذا نوع من التقدم والعلمانية أحسدهم عليه
لا أحسدهم على أفعالهم لأني أرفضها والحمد لله ولكني أحسدهم على أنهم يبنون نظاما يتناسب مع مبادئهم الفاسدة !!!!!!!

في إيران والعراق يستحلون زواج المتعة ويقولون قاعدة فقهية غريبة ( كلما زاد تمتعك كلما زاد تقربك إلى الله ) هههههههه
ووصل الأمر بوزير الداخلية الإيراني أن يعتلي منبر خطبة الجمعة وينصح الشعب الإيراني بنشر فكر المتعة لأنه الحل الوحيد مشلكة تورط نسبة كبيرة من الشباب الإيراني في الفاحشة !!!!!!

زواج المتعة هو في رأيي مثل الدعارة القانونية لا أقل ولا أكثر

لكن الجيد أنهم يبحثون عن حلول تتناسب مع معتقدات شعوبهم ومبادئه


أما نحن في مجتمعاتنا النظيفة العفيفة التقية النقية فإننا نحرم ونضيق على أنفسنا الحلال
فالمرأة تقول لزوجها لو فكرت في الجواز علي تعمل حسابك إنك هتطلقني قبلها وتنسى إنك تشوف عيالك تاني

والقانون يطلب من الزوج ان يأتي بموافقة مكتوبة من زوجته بزواجه من إمرأة أخرى وإلا فإن المأذون سيخطرها على مسكنها ويحق لها طلب الطلاق وأخذ كل حقوقها بما فيهم أولاد المسكين


الإعلام كله يثير الغرائز ويحض على الرزيلة ويصور الشهوات بأنها متعة وليست حراما

وحتى لما المجلس الإسلامي العالمي أباح زواج المسيار والزواج بدون سكن زوجية قائم ( زواج الفرند ) فالمسلمين عندنا خربوا الدنيا وكأن المجلس الإسلامي أتى بهذا الكلام العجيب من دماغهم


تقبلوا تحياتي

[Donzi]

أنا كان نفسي أشوف واحدة تقول ما عنديش مانع أتجوز واحد متجوز طالما عجبني واتاحتله وطالما بيعامل مراته الأولى كويس وظروفه مرتاحة

أو واحدة تقول لو جوزي محتاج يتجوز علي فأنا مش هأمنعه ولا هأطلب منه الطلاق وكفاية إنه بيدور على الحلال مش بيمشي مع السكرتيرة ولا بيعمل جو بره زي ناس تانية وكفاية إنه مسخر حياته كلها علشان يسعدني انا والعيال ويوفرلنا حياة كريمة

أنا لي سؤال : ربنا سبحانه وتعالى يحذر الرجال من أن يضغطوا على زوجاتهم من أجل أن يحصلوا على حق ليس لهم ويقول ( ولا تعضلوهن لتذهبوا ببعض ما آتيتموهن ) صدق الله العظيم
طيب هل الست اللي لو جوزها اتجوز عليها في الحلال فطلبت منه الطلاق هل ده مش إضلاع للزوج

إذا كان أي واحد هيفكر يتجوز على مراته فمراته هتطلب الطلاق منه وبعد كده تطالبه بالنفقة وتحرمه من رؤية عياله
طب ده مش إلغاء لتشريع التعدد من أصله وكأننا بنقول للراجل العب بديلك من ورا مراتك لكن قدامها لا تقرب لا لحلال ولا لحرام


فيه نقطة مش عارف أوصلهالكم إزاي
فيه حاجة إسمها شرع وقانون
الواحد مننا لازم يحترم الشرع والقانون وياخده بصدر رحب ولو نوعيا
بيقولوا دايما الرضا بالمقسوم عبادة
فهل المرأة اللي تجزع أو تعيش تعيسه لمجرد إن زوجها إتجوز عليها هل دي عندها رضى بشرع الله ؟؟؟

يعني مثلا انا لما ألاقي الإشارة حمرا بأضطر أقف الدقايق وانا سعيد وآخد الموضوع ببساطة طالما ده قانون منتهي
مش أقعد أندب في حظي وأعيش الدقايق في ضيق وضجر

هل من المستحيل إن الست تفكر بعقلانية وتشوف مصلحته فين ؟؟؟؟

أنا عن نفسي شفت حالات كتير الراجل اتمسك بمراته الأولى تمسك رهييييييب وقدملها كل الإمتيازات وهي أصرت على الطلاق واتطلقت وفي النهاية بعد مرور سنة والتانية هي ندمت وهو كان هيأ ةنفسه إنه يعيش بدونها ولم تعد لها مكانا في قلبه
وتحاول تخلي حد يكلمه علشان يردها لكن هو مشاعره بتكون استنفزت في محاولات إرضاها على حساب كرامته وهي ترفض وتبهدله

يعني الموضوع مش موضع إن من مصلحتها الطلاق لكن الموضوع إن الزوجة المصرية ما عندهاش الشخصية القوية اللي تسمحلها إنها تدور على مصلحتها وراحتها وعلشان كده مش بتقدر تتحمل نظرات المجتمع لها وهي زوجة أولى وليست الثانية


انا آسف طولت عليكم

لكن هأرجع وأسأل نفس الأسئلة لكن بطريقة أخرى

1- لو زواجك من رجل متزوج في مصلحتك وإنقاذ لك هل تقدري تاخدي القرار وتوافقي عليه ولا لأ ؟؟

نعم

2- لو استمرارك مع زوجك حبيبك وأبو ولادك واللي ما قصرش معاكي في حاجة وعمره كله قبل الزواج وبعده قدمهولك بدون أي عناء منك
لو استمرارك معه -بعد أن تزوج عليكي - في مصلحتك ، هل هتستمري معاه وتحاولي تعيشي حياة سعيده لك وله
ولا هتهدي المعبد عليه وعليكي وعلى العيال وعلى مراكش ؟؟

هاحاول و اجاهد نفسي و استمر لو دا اللي فيه المصلحة العامة

3- هل الأفضل للمرأة تعيش حياة نكدية مع زوجها لوحده أم انه الأفضل إنه يتجوز عليها طالما هيعاملها أفضل معنويا وماديا

الافضل ان تستمر في الزواج طبعا

لو عدد الستات الراغبين والقادرين على الزواج أكبر من عدد الرجال
وكل واحد اتجوز واحدة فقط
هيكون عندنا حل من ثلاثة
- إما ننشر التعدد
- إما ننشر الرزيلة
- إما نفرض على الكثير من النساء إنهم يعيشوا لوحدهم حتى نهاية الحياة

أي الحلول أفضل

ولا فيه حد عنده حل رابع

[size="4"]بسم الله ما شاء الله مشاركتك كبيرة اوي و معرفتش ارد تحت كل نقطة منفصلة بس هاقولك رائي و قناعتي :

اولا انا بتجوز ليه ؟ لو علشان اتمتع في الدنيا و بس يبقى عمري ما هاتقبل اني اكون زوجة اولى و في بعدي تانية و لا هاتقبل اني اكون تانية بعد الاولى ، لو انا بتزوج عشان بزواجي دا ادخل الجنة و يكون زواجي سبب في رضا ربنا عني يبقى هاقبل كل ما احله الله حتى و ان كان صعب على نفسي هاجهد نفسي لارضي الله عز و جل

لو انا زوجة اولى و صارحني زوجي انه يرغب في الزواج من اخرى ( لأي سبب كان ) اكييييييييييد هازعل و هاتسال انا قصرت في ايه و ناقصه ايه و لكن في النهاية ما دام ما يطلبه زوجي حلاااااااااا ل يبقى هاجي على نفسي و احاول ارضي ربنا عشان هدفي في النهاية ارضاء الله

و لو في مصلحة اولادي اني استمر في الزواج و يبقى الزوج و الاب موجود في البيت و مع الاولاد و يربيهم يبقى هابدي مصلحة اولادي على مصلحتي الشخصية و هاستمر

و لو كان زوجي طفس و عينه زايغة و عاوز يتزوج لمجرد الزواج من اخرى فالافضل عندي انه يكون رجل مسلم صالح و يتزوج بشرع ربنا على انه يغلط او يتزوج في السر او يخدعني او ..... او ..... و برضو انا اللي هاكسب الاجر مادمت نيتي لله

ثانيا بقى لو انا اللي معروض عليا اكون زوجة ثانية و الراجل اللي عاوز يتزوجني دا فيه كل المواصفات اللي انا احبها في الرجل اللي هايكون شريك حياتي يعني بيتقي الله و ملا دماغي و قلبي و هايسعدني على الوصول لهدفي و ان انا ادخل الجنة بزواجي هاوافق بشرط رضا الزوجة الاولى و علمها و رضا اهلي و اهله ( احنا مابنعملش حاجة غلط و لا حرام )

و الامر في الاول و في الاخر قدرات تختلف من شخص لاخر سواء قدرة المراءة على تقبل الامر او قدرة الرجل على العدل بين الزوجات

و في امثلة كتيرة فيها الزواج التاني كان سبب لاستقرار الحياة و استمرارها في الزواج الاول و من الدراما و التلفزيون اللي مش عاجبكم كمان زي الفيلم بتاع احمد و منى ( شادية و صلاح ذو الفقار ) و فيلم عن العشق و الهوى مثلا و دور منة شلبي و ازاي كانت بتساعد زوجها على اسعاد زوجته الاولى و ماطلبتش منه يطلقها بل الاولى هي اللي طلبت الطلاق بعد ما عرفت ان اسعد سنتين في حياتها كانو بسبب ان زوجها متزوج عليها

و طبعا في امثلة من الحياة الواقعية كتير لزواج ثاني بيعمل توازن في حياة الرجل و بيخليه قادر يعيش و يتعايش مع الاتنين بدل ما كان يخرب بيته الاول خالص

ارجو ان تتقبلوا رائيي الخاااااااااااااااااص بصدر رحب

ملحوظة : انا لا انا زوجة ثانية و لا حاطة عيني على راجل متجوز /size]

[Hany A Fattah]

[size="4"]

اولا انا بتجوز ليه ؟ لو علشان اتمتع في الدنيا و بس يبقى عمري ما هاتقبل اني اكون زوجة اولى و في بعدي تانية و لا هاتقبل اني اكون تانية بعد الاولى ، لو انا بتزوج عشان بزواجي دا ادخل الجنة و يكون زواجي سبب في رضا ربنا عني يبقى هاقبل كل ما احله الله حتى و ان كان صعب على نفسي هاجهد نفسي لارضي الله عز و جل

لو انا زوجة اولى و صارحني زوجي انه يرغب في الزواج من اخرى ( لأي سبب كان ) اكييييييييييد هازعل و هاتسال انا قصرت في ايه و ناقصه ايه و لكن في النهاية ما دام ما يطلبه زوجي حلاااااااااا ل يبقى هاجي على نفسي و احاول ارضي ربنا عشان هدفي في النهاية ارضاء الله


ملحوظة : انا لا انا زوجة ثانية و لا حاطة عيني على راجل متجوز /size]

+1
ده كلام الزوجه العاقله اللى عايزه ترضى ربنا ثم زوجها
وممكن كمان هيا اللى تدورله على الزوجه التانيه

[Donzi]

+1
ده كلام الزوجه العاقله اللى عايزه ترضى ربنا ثم زوجها
وممكن كمان هيا اللى تدورله على الزوجه التانيه

مش اوي كدا الرحمة حلوة برضو و ان كان حبيبك عسل ..................

[human]

[size="4"]بسم الله ما شاء الله مشاركتك كبيرة اوي و معرفتش ارد تحت كل نقطة منفصلة بس هاقولك رائي و قناعتي :

اولا انا بتجوز ليه ؟ لو علشان اتمتع في الدنيا و بس يبقى عمري ما هاتقبل اني اكون زوجة اولى و في بعدي تانية و لا هاتقبل اني اكون تانية بعد الاولى ، لو انا بتزوج عشان بزواجي دا ادخل الجنة و يكون زواجي سبب في رضا ربنا عني يبقى هاقبل كل ما احله الله حتى و ان كان صعب على نفسي هاجهد نفسي لارضي الله عز و جل

لو انا زوجة اولى و صارحني زوجي انه يرغب في الزواج من اخرى ( لأي سبب كان ) اكييييييييييد هازعل و هاتسال انا قصرت في ايه و ناقصه ايه و لكن في النهاية ما دام ما يطلبه زوجي حلاااااااااا ل يبقى هاجي على نفسي و احاول ارضي ربنا عشان هدفي في النهاية ارضاء الله

و لو في مصلحة اولادي اني استمر في الزواج و يبقى الزوج و الاب موجود في البيت و مع الاولاد و يربيهم يبقى هابدي مصلحة اولادي على مصلحتي الشخصية و هاستمر

و لو كان زوجي طفس و عينه زايغة و عاوز يتزوج لمجرد الزواج من اخرى فالافضل عندي انه يكون رجل مسلم صالح و يتزوج بشرع ربنا على انه يغلط او يتزوج في السر او يخدعني او ..... او ..... و برضو انا اللي هاكسب الاجر مادمت نيتي لله

ثانيا بقى لو انا اللي معروض عليا اكون زوجة ثانية و الراجل اللي عاوز يتزوجني دا فيه كل المواصفات اللي انا احبها في الرجل اللي هايكون شريك حياتي يعني بيتقي الله و ملا دماغي و قلبي و هايسعدني على الوصول لهدفي و ان انا ادخل الجنة بزواجي هاوافق بشرط رضا الزوجة الاولى و علمها و رضا اهلي و اهله ( احنا مابنعملش حاجة غلط و لا حرام )

و الامر في الاول و في الاخر قدرات تختلف من شخص لاخر سواء قدرة المراءة على تقبل الامر او قدرة الرجل على العدل بين الزوجات

و في امثلة كتيرة فيها الزواج التاني كان سبب لاستقرار الحياة و استمرارها في الزواج الاول و من الدراما و التلفزيون اللي مش عاجبكم كمان زي الفيلم بتاع احمد و منى ( شادية و صلاح ذو الفقار ) و فيلم عن العشق و الهوى مثلا و دور منة شلبي و ازاي كانت بتساعد زوجها على اسعاد زوجته الاولى و ماطلبتش منه يطلقها بل الاولى هي اللي طلبت الطلاق بعد ما عرفت ان اسعد سنتين في حياتها كانو بسبب ان زوجها متزوج عليها

و طبعا في امثلة من الحياة الواقعية كتير لزواج ثاني بيعمل توازن في حياة الرجل و بيخليه قادر يعيش و يتعايش مع الاتنين بدل ما كان يخرب بيته الاول خالص

ارجو ان تتقبلوا رائيي الخاااااااااااااااااص بصدر رحب

ملحوظة : انا لا انا زوجة ثانية و لا حاطة عيني على راجل متجوز /size]

طيب
الكلام ده بالظبط سمعته من ناس كتير على مر حياتى
ووقت الجد الكلام ده مش بيبقى حقيقى

على الورق و فى الخيال كل واحد بيقدر يبقى احسن حاجه يقدر عليها - فى المواقف الفعليه الناس بتتغير و بتدور على اللى شايفاه صح ساعتها

على العموم ربنا يكرمنا و يكرمك - كلام جميل كلام معقول ماقدرش اقول حاجه عنه

[Hany A Fattah]

مش اوي كدا الرحمة حلوة برضو و ان كان حبيبك عسل ..................

احسبيها كده هاتلاقى ده الافضل انها هيا اللى تختار على الاقل تختار واحده تتوافق معاها

[waelfarid]

اللي حضر العفريت يصرفه

[Donzi]

طيب
الكلام ده بالظبط سمعته من ناس كتير على مر حياتى
ووقت الجد الكلام ده مش بيبقى حقيقى

على الورق و فى الخيال كل واحد بيقدر يبقى احسن حاجه يقدر عليها - فى المواقف الفعليه الناس بتتغير و بتدور على اللى شايفاه صح ساعتها

على العموم ربنا يكرمنا و يكرمك - كلام جميل كلام معقول ماقدرش اقول حاجه عنه

[mklb2]ربنا وحده الاعلم بما في القلوب و الواحد بيحاول يجاهد نفسه و ممكن ينجح و ممكن يفشل و ربنا يعيننا [/mklb2]

[Samah AbdAllah]

طيب
الكلام ده بالظبط سمعته من ناس كتير على مر حياتى
ووقت الجد الكلام ده مش بيبقى حقيقى

على الورق و فى الخيال كل واحد بيقدر يبقى احسن حاجه يقدر عليها - فى المواقف الفعليه الناس بتتغير و بتدور على اللى شايفاه صح ساعتها

على العموم ربنا يكرمنا و يكرمك - كلام جميل كلام معقول ماقدرش اقول حاجه عنه

عاجبنى فيك واقعيتك وتقديرك مشاعر المرأة يا طارق
الموضوع ده صعب على اى نفس بشرية
ده انت لو خاطب بس وخطيبتك قالتلك سورى مش قادرة اكمل عشان جالى عريس افضل منك او ارتاحتله اكتر او او او
شوف احساسك هيكون ايه
يقوم الراجل عاوز الزوجة بعد سنين عشرة تتقبل عادى جدا ان الساعتين اللى بيقضيهم معاها كل يوم يادوب وهو بياكل او وهو داخل ينام تيجى واحدة كمان تشاركها فيهم
ضيف على كده لو كانت بتحبه بقا يبقا الموضوع اصعب بمراحل
ده انا شوفت ناس كتير هنا بتقولك عربيتى محدش يركبها غيرى ولا يسوقها غيرى
حتة حديدة ميسمحش لحد يقربلها
عاوزين بمنتهى البساطة الزوجة تتقبل عادى كده امراة تانية تشاركها فى زوجها
ممكن تسمح بده ويبقا عادى جدا فى حالة واحدة بعيدا عن امور الدين بقا والشرع والرضا بما احل الله
انها تكون مش طايقاه وعاوزة تخلص من وجوده فى البيت :)
لكن قبولها لده فى اى حالة اخرى هيكون رغما عنها ومؤذى جدا لمشاعرها ربما بعد فترة تعتاد الوضع
لكن هيفضل له اثر سئ فى نفسها

[shaddadfalcon1]

مدام nonetta
حضرتك مش عارف ليه اخدتي الكلام علي نفسك ليه انا بتكلم عامة

ظروف عمل المراه طبعا احيانا بتبقي لازم زي فعلا لو الوضع اختلف بعد الجواز من حدوث اي مشاكل للزوج ماديه او جسديه منعته انه يبقي قادر علي الأنفاق

لكن اللي ببتقي بتشتغل واتعودت علي الدخل الذياده زي ماحضرتك بتقولي والموضوع كله بالنسبه لها فلوس هي دي بقي المشكله
لانك من الأول مش المفروض اصلا تشتغلي طالما مش محتاجه الشغل ده او ضروره زي المدرسات مثلا والدكاترة الستات

يعني برده من الأول المراه هي اللي تخلت عن فطرتها ونزلت تشتغل من نفسها وهي مش محتاجه واتجوزت علي كده وجوزها موافق مع ان ده بياثر عليها وعلي واجباتها في بيتها وبالتالي ميتفعش تيجي بعد كده تقول مينفعش اسيب الشغل عشان اتعودت علي الدخل الذياده
مينفعش نقول مش هسيب حاجه غلط عشان حلوه واتعودت عليها

كل فرد لازم يقوم بالحاجات المخصصه ليه عشان الدنيا تبقي طبيعه وميحصلش خلل

[devilishtigers]

والله انا شايف ان مهما الواحد قال وحاول يقنع الزوجة مش هتوافق وبصراحة عندها حق
علشان لو الوضع اتغير عمري ما هسمح بكدا هحاول اغير من نفسي علشانه انما انه يتجوز ابداااااااااااااااااااااااا
واكيد برضوا احنا مش ملايكة
بس بردوا الحقيقة تقال ان المرأة يصعب فهمها ولذلك فانه مستحيل توقع افعالها وكيفية إرضاءها
المعادلة صعبة وملهاش حل

[SYD]

أخي الكريم...

بعيدا عن الإنفعالات...

رجاء مراجعة الأيات قبل إدراجها بالمشاركة لأن كلام الله لا يؤخذ بالمعنى أو بالشبه.







وجزاكم الله خيرا...

جزاكم الله خيرا علي التصحيح
بس انا بجد كنت منفعل بشكل غير عادي ودة يمكن خلاني اغلط واكتب ايات بدون التأكد من صحتها

استغفر الله العظيم

وشكرا للتنبيه

والله المستعان
،
،

[mrwho1982]

السلام عليكم الاول


انا شايف ان الموضوع سخن اويييييييي وفي مشاركات لازم تتاخد في برواز وتتحط عالحيطة وتتعلم في المدارس كمان

المهم .....هندي مثال بسيط

انا راجل متجوز مراتي تاعباني وقارفاني وفي عكنةة وكذا مرة الفت نظرها لموضوع محدد مثل العكننة والنرفزة والحاجات الخايبة اللي بيعملوها لما يتعصبو

ولازم تلفت نظرها للحاجات اللي بضايقك هي مش هتفهم لوحدها كطريقة الكلام او اسلوب كلام مش بيعجبك ولازم تبقي هادي وبارد

هتاخد مهلة اسبوع لتهدئة الامور متعدلتش اديها شهر

متعدلتش هسيب لها البيت واروح اتجوز تاني

وابقي خاللي العكننة تنفعها