المشاركة الأصلية كتبت بواسطة gazzar91
مشاهدة المشاركة
هتدفع فلوس واول ما تدفع تبدا فى دوامة استردادهم زى قصة ال 99 بتاعت زميلنا اللى فى موضوع كلمات وقصص لها معانى
ما انت قاعد كافى خيرك شرك وبتدور على حالك دلوقتى هتسيب حالك وتبدا تفكر ازاى تسترد 4600 جنيه، شوفت انك حتى لو فاتح بيت منها والشركة دى فليت يبقى انت مندوب كيو نت على المعاش
فى ناس بتكسب ودل اللى دخلوا فى الاول وفى ناس حيرانين ودول اللى فى النص اللى جاب اربعة ولسة فضلوا اتنين ولا حاجة اما اللى جم فى الاخر فدول اللى لايصين لان بالمنطق بتاعهم السلسلة مش هتخلص حتى لو بقى عدد العملا أكبر من سكان الكرة الأرضية
فبعد شوية الشركة تقفل ويمكن ييجي نفس اصحابها ويبداول من جديد بشركة جديدة ويقولك اللى فى الاول دول كانوا نصابين واحنا اللى مالناش زى وييجي بعد عشر سنسن حد يعمل موضوع بيسال فيه عن شركة التنين المتوحش للتسويق الشبكي
في نقطة مهمة، كلامي لا يعيب فى الاخوة المتخصصين فى المبيعات بس اللى بيبع منتجات بجد وبيوضح للعميل كل حاجة عن المنتج بدون تدليس وهؤولاء لهم كل التقدير ايا كان منتجهم المهم مايكونش فيه استغلال شهوة حب المال والطمع عند الاخرين لمحاولة توريطهم


Comment