امريكا ولا ماليزيا ؟

[Evo]

من الاخر كده لو الواحد حابب يخلع من البلد دي نهائي ويعيش في مكان يحترم ادميته ويعيش فيه مبسوط وأمامه اختيارين

1- ماليزيا .

2 - امريكا .


يختار إيه . ؟

أنا متحفظ على أمريكا إن تكلفة المعيشة فيها أعلى من ماليزيا وخصوصا في السكن والضرائب والبنزين
تحفظي على ماليزيا إن اسعار العربيات فيها غالية قوي يعني تقريبا زي مصر
ومش عارف هل هاعرف استمر في مجتمع اسيوي ولا لأ ودي نقطة قلقاني وإن كنت بحب البلد جدا

أنا طلعت كندا من حساباتي نهائي لانها أولا برد يجيبلك كساح ثانيا غالية جدا لدرجة إن الكنديين نفسهم بيهاجروا أمريكا :)


أرجو المشوره
ولا خاب من استشار

[X_MM_X]

عليك وعلى موضوع ماليزيا بتاع الاخ ابو رقيه

[X_MM_X]

http://www.nilemotors.net/Nile/234718-a.html

[Evo]

شكرا ليك على مجهودك

[د/أحمد ابراهيم]

ماليزيا . طبعا

كفاية انك تعيش في بلد مسلم يحترمك ويديك كامل حقوقك

وتستطيع فيه الالتزام بدينك بعيدا عن الفتن والشهوات والشبهات

[Eslam.Elrefaey]

ماليزيا طبعا فى كل حاجة

[نور القمر]

شاب قريبي بيتعلم في ماليزيا بيشكر فيها جدا
وخلي بالك في امريكا هتتعامل بعنصرية

[Evo]

يا جماعة هي الفكرة مش مين أحلى من مين أنا عارف البلدين كويس وعارف إن ماليزيا بلد اسلامي و شعبها طيب وخلوق جدا وكمان عارف موضوع العنصرية في أمريكا وبالمناسبة هو في بعض المنطق بس مش كلها

لكن المستقبل من وجهة النظر يكون فين (لأسرة واولاد مثلا )

يعني أنا في ماليزيا هكون مجرد مقيم في أمريكا هابقى مواطن وطبعا اولادي هيبقوا معايا
في أمريكا التعليم أكيد هيكون أفضل وببلاش في ماليزيا هادفع اد كده في مدارس اجنبي

أنا ميال لماليزيا لكن مش حاسس إن على المدى الطويل هتكون مناسبة لمستقبل أسره بغض النظر عن إنها اسلامية ودي من أهم الميزات فيها طبعا
بالاضافة إن تكاليف المعيشة في ماليزيا أكيد ارخص بكتير من أمريكا دي تقريبا النص شهريا

علشان كده أنا سألت علشان أعرف وجهات النظر وياريت حد يقنعني بماليزيا ويكون فعلا عايش هناك مع أسرة مش
مجرد زيارة لاني زرتها كتير وبرده مقدرتش اكون فكرة مناسبة هل تصلح للحياة على طول واللا لأ

ولو حد مقيم دائم في أمريكا وعنده رأي يا ريت يشرفني بيه

[AkramArafa]

علي حسب في انهي ولايه في امريكا
و بالنسبه لماليزيا مش عارف عنها حاجه

[Evo]

علي حسب في انهي ولايه في امريكا
و بالنسبه لماليزيا مش عارف عنها حاجه

لو ليك خبرة كمقيم هناك أتمنى إنك ماتبخلش عليَّ بها
لأن أي زيارات حتى لو اتكررت مش هتدي تصور عام زي واحد عايش بقاله سنة أو أكتر واختلط بالجيران والناس والمؤسسات وتابع خَط الحياة اليومية اجتمعيا واخلاقيا وماديا

[AkramArafa]

بص يا معلم
نيو يورك الحياه غاليه جدا جدا في مقابل و جود فرص العمل
لكن فيه ولايات تانيه مفيش فرص عمل كتيره مقابل ان الحياه هناك رخيصه جدا جدا
مثال: انا هنا في نيو يورك ثمن ايجار الشقه اللي قاعد فيها حوالي 1150$ شهريا غير الخدمات زي الانتر نت و الكهرباء و الغاز و كل الحاجات ديه و تامين العربيه اقل حاجه ممكن تدفعها هي 450$ شهريا
ده مثال للحياه في نيو يورك
لكن في ولايه تانيه مثلا زي منيسوتا ممكن تاجر فاميلي هاوس كامل بحدود 600$ و لو عاوز دور بس من الفاميلي هاوس حيكون في حدود 300 او 400$ و تامين العربيه حيعمل حوالي 50$ في الشهر مقابل ان فرص العمل تكاد تكون منعدمه
و كمان في امريكا عموما شبه مستحيل انك تشتغل في مجالك اللي انتا دارسه او شغال فيه في مصر عشان نسبة البطاله مرتفعه و كمان الشهاده بتعتك لو من مصر حتكون اصعب و اصعب
الخلاصه: لو جيت مش حتشتغل بشهادتك فحتشتغل يا اما سواق تاكسي يا اما في محل فلازم تيجي علي نيوورك عشان فرص العمل
و لانك حتيجي باسرتك فمرتبك حيقضيى عيشتك بالمللي
في مقابل نك حتعيش في مكان نضيف و حواليك ناس محترمه و عربيات نضيفه و رخيصه جدا (بغض النظر عن سعر التامين)
و لو عند حضرتك اي استفسار انا تحت امرك
نصيحه: لو عندك اولاد صغيرين متوديهمش مدرسه بابلك و ديهم مدرسه اسلامي او او كاثوليك

[Evo]

بص يا معلم
نيو يورك الحياه غاليه جدا جدا في مقابل و جود فرص العمل
لكن فيه ولايات تانيه مفيش فرص عمل كتيره مقابل ان الحياه هناك رخيصه جدا جدا
مثال: انا هنا في نيو يورك ثمن ايجار الشقه اللي قاعد فيها حوالي 1150$ شهريا غير الخدمات زي الانتر نت و الكهرباء و الغاز و كل الحاجات ديه و تامين العربيه اقل حاجه ممكن تدفعها هي 450$ شهريا
ده مثال للحياه في نيو يورك
لكن في ولايه تانيه مثلا زي منيسوتا ممكن تاجر فاميلي هاوس كامل بحدود 600$ و لو عاوز دور بس من الفاميلي هاوس حيكون في حدود 300 او 400$ و تامين العربيه حيعمل حوالي 50$ في الشهر مقابل ان فرص العمل تكاد تكون منعدمه
و كمان في امريكا عموما شبه مستحيل انك تشتغل في مجالك اللي انتا دارسه او شغال فيه في مصر عشان نسبة البطاله مرتفعه و كمان الشهاده بتعتك لو من مصر حتكون اصعب و اصعب
الخلاصه: لو جيت مش حتشتغل بشهادتك فحتشتغل يا اما سواق تاكسي يا اما في محل فلازم تيجي علي نيوورك عشان فرص العمل
و لانك حتيجي باسرتك فمرتبك حيقضيى عيشتك بالمللي
في مقابل نك حتعيش في مكان نضيف و حواليك ناس محترمه و عربيات نضيفه و رخيصه جدا (بغض النظر عن سعر التامين)
و لو عند حضرتك اي استفسار انا تحت امرك
نصيحه: لو عندك اولاد صغيرين متوديهمش مدرسه بابلك و ديهم مدرسه اسلامي او او كاثوليك

أنا مش رايح ادور على عمل أهم حاجة عندي استقرار أولا ومكان امن ونضيف تحترم في ادمية البني آدم وتكون تكلف المعيشة الراقيه مش مبالغ فيها قوي زي نيويورك ونيويورك وواشنطن فعلا برة الحسابات كمان لقله الامان فيهم لان سفري كتير .

في رأيك إيه أفضل مكان يكون آمن وفيه مواصفات نيويورك وفي نفس الوقت تكون تكلفه المعيشة مش على اساس ابتزازي تجاري فاهمني أكيد ويكون خَط الحياة اليومي عائلي مش Workshop City

لو أنت رحت مينسوتا إيه رأيك و إيه رأيك في كاليفورنيا أنا بفكر في كاليفورنيا جديا ؟

بالنسبة للمدارس الإسلامية عندك خلفية عن انظمتها و مصارفها كام ؟

وشاكر ليك جدا .

[AkramArafa]

يبقي كالفورنيا او بوستون
و بالنسبه ل منيسوتا انا مرحتهاش لكن اعرف واحد هناك و نظام الحياه انها كلها فاميلي هاوسس و كل حاجه بتتجاب من داون تاون
و كمان هناك الحياه رخيصه بغباء
بالنسبه للمدارس الاسلامي اسعارها حوالين 4 او 6 الاف في السنه

[love7amada]

انا كمان نفسي اخلع بس مش عارف اخلع ع طول زيك كده و لا اسافر اشتغل بره بس

[love7amada]

و لا استمر هنا و ربنا يلطف بينا بقي