إعـــــــلان

Collapse

.

,
See more
See less

شاب و حيران و محتاج استشارة الناس فى موضوع الجواز

Collapse
X
 
  • Filter
  • الوقت
  • Show
Clear All
new posts

  • #31
    الواحد مش عارف يكشر مين و لا مين على مشاركته معايا و نصحيته لى
    شكرا لكل واحد دخل الموضوع و ساعدنى بس فيه نقطة عايز اوضحها
    الواحد لما يقول دكتورة مش بيشرطه كشرط لكن بيحطه فى سلة المميزات كميزة
    و يمكن انا معرفتش اعبر عن نفسى كويس
    يعنى لو لقيت اختين متطابقتين فى كل حاجه اكيد اللى اقرب الى فى المهنة حتبقى فاهمنى اكتر و فيه اجزاء مشتركة بينا اكتر و بالتالى حيبقى عندها ميزة نسبية عن الاخت الاخرى
    لكن انا مش بقول يا دكتورة يا بلاش يعنى :)
    لو جت دكتورة خير و بركة
    المهم اللى الجزء للى كان محيرنى فعلا
    ان البنت شكلها مقبول و لكنها ليست بجميلة جدا او اخذة الجمال يعنى neutral
    لا هى وحشة و لا هى جميلة لكنها مقبولة شكلا و اشعر بانجذاب ناحيتها لو بنكلم كشكل فقط مع اهمال باقى العوامل
    هل يا ترى فى المستقبل الواحد يقول يا رتنى دورت على واحدة جميلة او حيندم بسبب ان الشرط اللى اتنازل عنه كان الجمال ؟
    ده كان سؤالى و الاخوة المتزوجيين ردوا عليا و قالوا بعد الجواز مبتفرقش سينا من سونيا
    محتاجين كل خبرات اخوتنا الرجالة المتزوجين
    و اخواتنا اللى عندهم خبرة فى الحياة و يحبوا يساعدوا اخ صغير لهم فى اتخاذ قراره

    انا لسه مقعدتش معها
    لكن ان شاء الله مركز فى موضوع الطباع و عايز واحدة هادية و مش شعنونة لانى انا شعنون بطبعى و البيت لو فيه اتنين منى مش حيمشى
    بس يا ترى الواحد يعرف يكتشف الطباع ديه ازاى لو الناس اللى حواليها اخدوا بمبدأ خالى البنت تتجوز و متقعدش تعيب فيها قدام اللى متقدملها

    Comment


    • #32
      طالما منجذب ناحيتها يبقى حاتحبها وحاتنسى موضوع الجمال الفظيع ده
      [sor2]http://img266.imageshack.us/img266/2162/f04g.jpg[/sor2]

      Comment


      • #33
        لا جمال ولا مال بنت الاصول تكسب

        Comment


        • #34
          المشاركة الأصلية كتبت بواسطة hegazio مشاهدة المشاركة
          نصيحة من واحد مدوبهم اتنين !!!
          ( حـــــاضر ) .. ابحث عن هذه الكلمة .. و اعمل اختبارات عنها في فترة الخطوبة كما تشاء
          الطاعة تعطيك كل ما تبحث
          ابتسامة + حاضر من عينيا يا حبيبي ولا مارلين مونرو ضاربة بووووووووز
          حاضر في المشتروات و المصروفات أو حتي تساعد في شغلك = فلوس
          حاضر في العلاقات مع الأهل = مكسب علاقات اجتماعية
          حاضر حاعملك شعري زي ما بتحب او حاخس 10 كيلو زي مانت عاوز حالبس اللبس اللي بيعجبك = الجمال

          حـــــــــــــــــــــــــــــــــــــــاضر .. و كفي !!

          11111111111111111111111111111111111111111111111111 1111111111111111111111111111111111111

          الامضاء: واحد كان بيفكر زيك قبل الجواز
          [CENTER][aldl]http://img861.imageshack.us/img861/9730/hussein2.jpg[/aldl][/CENTER]

          Comment


          • #35
            انا واحد ابن صاحبة مامتى خطب واحدة كانت بتتصل تستاذن منه قبل ما تنزل الأمتحان تروح ولا لأ !!!!!!!!! وبعد الجواز الحمد لله مبتسمعش كلامه فى اى حاجة

            Comment


            • #36
              المشاركة الأصلية كتبت بواسطة azmeralda مشاهدة المشاركة
              انا واحد ابن صاحبة مامتى خطب واحدة كانت بتتصل تستاذن منه قبل ما تنزل الأمتحان تروح ولا لأ !!!!!!!!! وبعد الجواز الحمد لله مبتسمعش كلامه فى اى حاجة
              ههههههههههههههههههههههههههههههههههههههههههههه

              طيب قولى نتعامل معاكم ازاى!!!
              مصر هتفضل غالية عليا
              -------------------------------
              الديك الحلبي هايفضل يدن لغاية ما يتدبح

              Comment


              • #37
                لأ متقولش معاكو هههههه اوعى تجمع والله انا صادقة اخر حاجة يعنى هو مش كان لازم يشك انا لما سمعت الحكاية دى اصلا ايام الخطوبة قلت فى حاجة مش طبيعية بس اللى عايز يخدع نفسه نعمل له ايه : )
                وعشان كده بنقول العيلة الطيبة والأصل والتدين الحقيقى هو ده اللى هينفع فى الحياة بعد كده والبنت دى جميلة جدا على فكرة

                Comment


                • #38
                  مش انا قلت الطاعة شيئ ما يتعرفش في الخطوبة والراجل المفروض يظبط مراته من اول يوم ؟

                  يا جماعة الطاعة سلوك مكتسب مش عيب خلقي :-)

                  Comment


                  • #39
                    لو كانت فرجينيا جميلة الجميلات مع اول (قلبة بوووز) هتلاقيها ستوتة ، دة غير انك هتاخد على شكلها وهيبقى عادى جدا ،لانى كنت فاكر زيك كدة قبل الجواز ان الواحد ممكن يندم انة ماخدش واحدة جميلة علشان الواحد لما بيفكر يتجوز بيبقى عاوزها ideal standard مفهاش الهوا والجمال لازم يكون مثالى (هو فية حد لاقى جواز) خلاص بقى يبقى لازم انقى احسن اوبشن وخصوصا انى واد (بشمهندز) اد الدنيا وعندى شغلة كويسة وشقة كمان من الاخر عريس لقطة ... يااااة دانا المفروض اتجوز اربعة بسعر واحدة.

                    واقعد بقى اتنقل من بيت لبيت علشان هنا اشوف عروسة وعروسة هناك وممكن كمان اعلق تلاتة اربعة فى نفس الوقت واقعد افاضل بينهم واطلب زيارة تانية وتالتة والمسكينة هى واهلها عمالين يدعوا الموضوع يتم على خير

                    والوسطاء طبعا يقلوقوا ويسألوك اية الاخبار فيكون ردك والله اصلى صليت استخارة ومارتحتش وعلى الجانب الاخر لما حد يسأل اهل البنت بعد ما يوصل ردك طبعا يقولوا نفس الكلام (اصل البنت مارتحتش)
                    ومن بيت لبيت ومن عروسة للتانية خصوصا لما بتاخد الخطوة دى وتقول حد يشوف لى عروسة بتلاقى كل واحد بيرشحلك واحدة اى كان سنها او تعلمها او مستواها ويقولك انا بعمل الخير وربنا بيتمها من عندة

                    واخيرا تاخد بقى الواحدة اللى هى من وجه نظرك وتتجوز وتعشلك يومين وبعد كدة تركن جمبنا هنا تطلع همومك معانا بدل ماتنفجر..... ياعم على رأى صاحبنا جنط العربية ولف الدنيا على الاقل تديها بنزين تمشى تدوس فرامل بتقف ...
                    [CENTER][aldl]http://img861.imageshack.us/img861/9730/hussein2.jpg[/aldl][/CENTER]

                    Comment


                    • #40
                      انا واحد ابن صاحبة مامتى خطب واحدة كانت بتتصل تستاذن منه قبل ما تنزل الأمتحان تروح ولا لأ !!!!!!!!! وبعد الجواز الحمد لله مبتسمعش كلامه فى اى حاجة
                      ده حصل لسببين
                      اولا عشان كانت مش عاوزاه يطير منها فاستعملت سلاح الانثى اللى هو الرقه والطاعه
                      ثانيا لا مؤاخذه عشان لقيته بعد الجواز مش الشخصية اللى كانت فى خيالها قبل الجواز يعنى من الاخر لا بيهش ولا بينش ومابيقدرش يعمل حاجه لو وقفت فى وشه
                      انا واحد من الناس بصراحه بحدد معاملتى على اساس اللى قدامى يعنى مثلا
                      فى واحده بتحس ودى نادره ومعاملتها صعبة لان الواحد لو مش بيحس يبقى ها يظلمها يعنى مثلا لا تقول عاوزه ده ولا اشتريلى دى وعندى واحد صاحبى ربنا يديم عليه نعمته مراته لما تعوز حاجه ونفسها تبقى فيها تبصلها اوى لكن ما تتكلمش ولا تجيب سيرتها حتى ولا تلمح وهو بسم الله ما شاء الله يبقى عارف مراته نفسها فى ايه ويجيبهولها عشان كده ربنا كارمه
                      وفى نوع تانى ما جيجش الا بالبصه القاتله وده اخرها فتتعدل
                      ونوع جليد لا يحس ولا يفهم البصه فالكلام بيبقى الحل وده نوع غبى
                      ونوع لا بيحس ولا بييجى بالبصه ولا بالكلام وده النوع اللى ما تتكيفش ولا تتظبط الا لما تتصبح بعلقة وتتمسى بعلقه وتمامها تتجوز جزار ولا تاجر خضار
                      وفى نوع ما بتجيش بكل ده وحلها ان انت اللى تيجى (طبعا مفهومه ) انك تبقى منظر يعنى والنوع ده اغلبيته مابيظهرش الا بعد الجواز ومابتتشجعش انها تظهر الا لما تلاقى شخصية جوزها ميييييييح
                      ده موجز لخبرتى مع صنف الحريم فيما يخص شخصياتهن
                      وشكرا
                      طبعا احب أأكد على حاجتين من كلام اخوانى اللى فات
                      اهم حاجه الطاعه لانها تنم عن تربيه وتحكم فى الاساس
                      تانى حاجه ان مفيش مقياس تقدر تمشى بيه عشان تختار الزوجه ولو كان فى ماكانش حد غلب لكن الرسول صلى الله عليه وسلم حط خطوط عريضه دور عليها والباقى هايبقى مقدور عليه ان شاء الله
                      ودور وانت بتدور هاتلاقى نصيبك وقع قدامك وماتقلقش هايقع هايقع لانك بتسعى لرزق (خير متاع الدنيا الزوجه الصالحه) واللى يسعى لرزق ربنا بيكافئه على حسب تعبه ونيته
                      كمان عاوز اقوللك حاجه مهمه قوى انك اول ما هاتختار وتنوى هاتلاقى ابواب رزق اتفتحتلك من حيث لا تحتسب ياما ناس نوت تتجوز وماكانش معاه مليم فى جيبه وفى خلال سنه ولا اتنين لقى نفسه فى شقته وجاهزه ةفيها عفش واجهزه وباب مقفول عليه
                      منين ؟
                      ماتسالش بس انت انوى وبكره تشوف
                      [CENTER]وبحبك وانتى بتنقى .. أغانى قلبى يسمعها
                      وأحبك لما بتعاندى .. فى حاجات الدنيا تمنعها
                      :wink05:[/CENTER]

                      Comment


                      • #41
                        لو كانت فرجينيا جميلة الجميلات مع اول (قلبة بوووز) هتلاقيها ستوتة ، دة غير انك هتاخد على شكلها وهيبقى عادى جدا ،لانى كنت فاكر زيك كدة قبل الجواز ان الواحد ممكن يندم انة ماخدش واحدة جميلة علشان الواحد لما بيفكر يتجوز بيبقى عاوزها ideal standard مفهاش الهوا والجمال لازم يكون مثالى (هو فية حد لاقى جواز) خلاص بقى يبقى لازم انقى احسن اوبشن وخصوصا انى واد (بشمهندز) اد الدنيا وعندى شغلة كويسة وشقة كمان من الاخر عريس لقطة ... يااااة دانا المفروض اتجوز اربعة بسعر واحدة.

                        واقعد بقى اتنقل من بيت لبيت علشان هنا اشوف عروسة وعروسة هناك وممكن كمان اعلق تلاتة اربعة فى نفس الوقت واقعد افاضل بينهم واطلب زيارة تانية وتالتة والمسكينة هى واهلها عمالين يدعوا الموضوع يتم على خير

                        والوسطاء طبعا يقلوقوا ويسألوك اية الاخبار فيكون ردك والله اصلى صليت استخارة ومارتحتش وعلى الجانب الاخر لما حد يسأل اهل البنت بعد ما يوصل ردك طبعا يقولوا نفس الكلام (اصل البنت مارتحتش)
                        ومن بيت لبيت ومن عروسة للتانية خصوصا لما بتاخد الخطوة دى وتقول حد يشوف لى عروسة بتلاقى كل واحد بيرشحلك واحدة اى كان سنها او تعلمها او مستواها ويقولك انا بعمل الخير وربنا بيتمها من عندة

                        واخيرا تاخد بقى الواحدة اللى هى من وجه نظرك وتتجوز وتعشلك يومين وبعد كدة تركن جمبنا هنا تطلع همومك معانا بدل ماتنفجر..... ياعم على رأى صاحبنا جنط العربية ولف الدنيا على الاقل تديها بنزين تمشى تدوس فرامل بتقف ...
                        قولنا الكلام ده طلعتونا من البلد
                        بس بالنسبه للبق الاخرانى ده لو راكب عربية حالتها مش ولابد هاتقول ياريتنى اتجوزت واتكلفت اكل وشرب واهو كله ليا احسن ما أأكل الميكانيكيه والكهربائية والعفشجيه وولا حاجه من دى فى الاخر راجعه ليا وحتت الحديد مسيرها هاتبقى مصديه واما تخلص فلوسى تتركن زى ما هى
                        وعجمى :)
                        [CENTER]وبحبك وانتى بتنقى .. أغانى قلبى يسمعها
                        وأحبك لما بتعاندى .. فى حاجات الدنيا تمنعها
                        :wink05:[/CENTER]

                        Comment


                        • #42
                          بس انا مش معاك فى حكاية الطاعة سلوك مكتسب الا فى حالة واحدة انها تكتسبه من تعلمها لدينها اللى هيغير فى سلوكها وشخصيتها غير كده لأ

                          Comment


                          • #43
                            اعلق 3 4 فى نفس الوقت دى مش حلوة ولا انت شايف ايه ما تشوف واحدة وتقرر ولو معجبتكش خلاص انما بتقارن بينهم وتحير نفسك ليه ودى اهانة ليها تقبل على نفسك كده؟ لو حصلت بالصدفة حاجة واما تبقى متعمد ده شىء فظيع

                            Comment


                            • #44
                              المشاركة الأصلية كتبت بواسطة m000dy مشاهدة المشاركة
                              ده حصل لسببين
                              اولا عشان كانت مش عاوزاه يطير منها فاستعملت سلاح الانثى اللى هو الرقه والطاعه
                              ثانيا لا مؤاخذه عشان لقيته بعد الجواز مش الشخصية اللى كانت فى خيالها قبل الجواز يعنى من الاخر لا بيهش ولا بينش ومابيقدرش يعمل حاجه لو وقفت فى وشه
                              انا واحد من الناس بصراحه بحدد معاملتى على اساس اللى قدامى يعنى مثلا
                              فى واحده بتحس ودى نادره ومعاملتها صعبة لان الواحد لو مش بيحس يبقى ها يظلمها يعنى مثلا لا تقول عاوزه ده ولا اشتريلى دى هى لما تقول اشترى لى دى تبقى مبتحسش ده تفكير غريب !وعندى واحد صاحبى ربنا يديم عليه نعمته مراته لما تعوز حاجه ونفسها تبقى فيها تبصلها اوى لكن ما تتكلمش ولا تجيب سيرتها حتى ولا تلمح وهو بسم الله ما شاء الله يبقى عارف مراته نفسها فى ايه ويجيبهولها عشان كده ربنا كارمه
                              وفى نوع تانى ما جيجش الا بالبصه القاتله وده اخرها فتتعدل
                              ونوع جليد لا يحس ولا يفهم البصه فالكلام بيبقى الحل وده نوع غبى
                              ونوع لا بيحس ولا بييجى بالبصه ولا بالكلام وده النوع اللى ما تتكيفش ولا تتظبط الا لما تتصبح بعلقة وتتمسى بعلقه وتمامها تتجوز جزار ولا تاجر خضار
                              وفى نوع ما بتجيش بكل ده وحلها ان انت اللى تيجى (طبعا مفهومه ) انك تبقى منظر يعنى والنوع ده اغلبيته مابيظهرش الا بعد الجواز ومابتتشجعش انها تظهر الا لما تلاقى شخصية جوزها ميييييييح
                              ده موجز لخبرتى مع صنف الحريم فيما يخص شخصياتهن
                              وشكرااالتقسيمة كلها على بعضها الحمد لله انك بتقول خبرتك الشخصية
                              طبعا احب أأكد على حاجتين من كلام اخوانى اللى فات
                              اهم حاجه الطاعه لانها تنم عن تربيه وتحكم فى الاساس المشكلة ان فى حاجة اسمها التفاهم واللى فى ناس مش قادرة تفصل بين طاعة المرأة لزوجها ومشورته ليها واخذه برأيها وبتعتبره كده خنوع مع ان الرسول عليه الصلاة والسلام اخذ برأى زوجته فى صلح الحديبية ومتكسفش من ده لأنها عندها رأى حكيم ففى توازن فى الموضوع
                              تانى حاجه ان مفيش مقياس تقدر تمشى بيه عشان تختار الزوجه ولو كان فى ماكانش حد غلب لكن الرسول صلى الله عليه وسلم حط خطوط عريضه دور عليها والباقى هايبقى مقدور عليه ان شاء الله لو كل طرف عرف حقوقه وواجباته كويس وحاول يدى كل واجباته ومياخدش كل حقوقه هتبقى السعادة المطلقة
                              ودور وانت بتدور هاتلاقى نصيبك وقع قدامك وماتقلقش هايقع هايقع لانك بتسعى لرزق (خير متاع الدنيا الزوجه الصالحه) واللى يسعى لرزق ربنا بيكافئه على حسب تعبه ونيته
                              كمان عاوز اقوللك حاجه مهمه قوى انك اول ما هاتختار وتنوى هاتلاقى ابواب رزق اتفتحتلك من حيث لا تحتسب ياما ناس نوت تتجوز وماكانش معاه مليم فى جيبه وفى خلال سنه ولا اتنين لقى نفسه فى شقته وجاهزه ةفيها عفش واجهزه وباب مقفول عليه
                              منين ؟
                              ماتسالش بس انت انوى وبكره تشوف

                              Comment


                              • #45
                                المشاركة الأصلية كتبت بواسطة azmeralda مشاهدة المشاركة
                                اعلق 3 4 فى نفس الوقت دى مش حلوة ولا انت شايف ايه ما تشوف واحدة وتقرر ولو معجبتكش خلاص انما بتقارن بينهم وتحير نفسك ليه ودى اهانة ليها تقبل على نفسك كده؟ لو حصلت بالصدفة حاجة واما تبقى متعمد ده شىء فظيع
                                والله دى حصلت مع واحد صاحبى وكان اخر واحد اتجوز فينا انما العبد لله كنت بحسن النية فى اى زيارة لاى واحدة ومابقفش كتير امام الجمال والمثالية لكن نقول اية بقى فى تفكير اهل البنت اللى فى الاول بيقولوا احنا بنشترى راجل ولما بندخل فى الجد بيبيعوا 100 راجل
                                [CENTER][aldl]http://img861.imageshack.us/img861/9730/hussein2.jpg[/aldl][/CENTER]

                                Comment

                                Working...
                                X